ရောမခေါင်းဆောင်တစ်ဦး ဆာတိုးရီးယပ်စ်
(Sertorius )ပြောခဲ့တဲ့စကားကတော့…
“ ကိုယ်ကျင့်တရားကို လေးစားတဲ့ပုဂ္ဂိုလ်ဆိုတာ
အောင်ပွဲကိုလည်း သိက္ခာရှိတဲ့နည်းနဲ့သာ
ရယူပါတယ်။
သိမ်ဖျင်းယုတ်ညံ့တဲ့ နည်းလမ်းမျိုးကိုကား..
မိမိအသက်ကို ကယ်ဆယ်ဖို့အတွက်တောင်
အသုံးမပြုသင့် ”
**************************************************
ရောမခေါင်းဆောင်တစ်ဦးဖြစ်သူ
ရက်ဂျူးလပ်စ် ( Marcus Regulus )
တစ်ခါတုန်းက ရောမနဲ့ကာသေ့ခ်ျတို့အကြား စစ်ဖြစ်ပွားတယ်။
ပထမဗျူးနစ်စစ်ပွဲအတွင်း ရောမခေါင်းဆောင် ရက်ဂျူးလပ်စ်ဟာ
စစ်မြေပြင်မှာ ရန်သူကာသေ့ခ်ျတို့ရဲ့ဖမ်းဆီးခြင်းကို ခံရပါတယ်။
ကာသေ့ခ်ျတို့က ရောမခေါင်းဆောင်ဖြစ်သူ ရက်ဂျူးလပ်စ် ( Marcus Regulus )
အား စစ်ရပ်စဲရေးနဲ့ စစ်သုံးပန်းဖလှယ်ရေးကိစ္စများအတွက်
သွားရောက်ဆွေးနွေးမယ့် ကာသေ့ခ်ျကိုယ်စလှယ်အဖွဲ့နဲ့အတူ
ရောမမြို့သို့စေလွှတ်ခဲ့တယ်။
ငြိမ်းချမ်းရေးစကားဆိုရာမှာ အဆင်ပြေချောမွေ့အောင်
ဆောင်ရွက်ပေးဖို့ ရက်ဂျူးလပ်စ် ( Marcus Regulus )
ကိုထည့်လိုက်ခြင်းဖြစ်တယ်။
တကယ်လို့ စေ့စပ်ဆွေးနွေးပွဲ မအောင်မြင်ခဲ့ရင်
ကာသေ့ခ်ျကိုယ်စလှယ်အဖွဲ့နဲ့အတူ ပြန်လည်
လိုက်ပါလာပြီး မူလ အပြစ်ဒဏ်ကိုဆက်လက်ကျခံပါမယ်လို့
ကျမ်းသစ္စာကျိန်ဆိုပြီးကတိပြုခဲ့ရတယ်။
ရောမရောက်တဲ့အခါ ရောမခေါင်းဆောင်များအား
စစ်ရပ်စဲရေးစကားကို သူ(ရက်ဂျူးလပ်စ် ( Marcus Regulus )
မပြောပါ။ လောလောဆယ် အနေအထားအရ
စစ်ကိုဆက်တိုက်ရင် မိမိတို့ဘက်က အနိုင်ရနိုင်ကြောင်းသာ
တိုက်တွန်းပြောဆိုတယ်။
ဒါကြောင့် ဆွေးနွေးပွဲ ပျက်သွားခဲ့တယ်။
သုံးပန်းဖလှယ်ရေးကိစ္စလည်း ပျက်သွားတယ်။
သူ(ရက်ဂျူးလပ်စ် ( Marcus Regulus )
လည်း ကာသေ့ခ်ျကိုယ်စလှယ်များနဲ့ပြန်လိုက်ဖို့ပြင်ရတယ်။
အဲဒီအခါ ရောမခေါင်းဆောင်များနဲ့ ဘာသာရေးအကြီးအကဲများ
အားလုံးက ပြန်မလိုက်ဖို့ ဝိုင်းပြီးတားဆီးကြတယ်။
“ ပြန်မလိုက်နဲ့၊
လိုက်သွားရင် ကာသေ့ခ်ျတွေက သတ်လိမ့်မယ်။
သူတို့ကို ပေးခဲ့တဲ့ကတိစကားဟာ
အကျဉ်းခံဘဝမှာပေးရတဲ့ကတိဖြစ်လို့တည်းစရာမလိုဘူး ”
လို့ဝိုင်းပြောကြတယ်။
( လူကြီးမင်းသာဆိုရင် ဘယ်လိုဆုံးဖြတ်မလဲ…)
ရက်ဂျူးလပ်စ် ( Marcus Regulus )က လက်မခံပါ။
“ ကျနော်ကိုကတိဖျက်တဲ့လူတစ်ယောက်အဖြစ်
အရှက်ရအောင်မလုပ်ကြပါနဲ့။
ဟိုရောက်ရင် ဒီလူတွေ ကျနော်ကို နှိပ်စက်ညှဉ်းဆဲမယ်၊
သေဒဏ်စီရင်ကြမယ်ဆိုတာ ကျနော်သိပါတယ်။
ဒါပေမယ့် သစ္စာဖောက်ဖျက်ခဲ့တဲ့အမှုအတွက်
တစ်သက်လုံးကိုယ့်လိပ်ပြာ ကိုယ်လန့်နေရမှာနဲ့စာရင်
လိပ်ပြာလုံလုံနဲ့ သေရတာက မြတ်ပါသေးတယ်။
လောလောဆယ် ကာသေ့ခ်ျရဲ့ကျွန်ဖြစ်နေပေမယ့်
ကျနော်မှာ ရောမသား စိတ်ဓာတ်အပြည့်အဝရှိနေဆဲပါ။
ကျနော်ပြန်လာပါ့မယ်လို့ သူတို့ကို ကတိပေးခဲ့တယ်။
အဲဒီတော့ ပြန်သွားဖို့ဟာ ကျနော်ရဲ့တာဝန်ပဲ ”
လို့ပြန်ပြောခဲ့ပါတယ်။
အဲဒီကတိစကားအတိုင်း
ရောမခေါင်းဆောင်ဖြစ်တဲ့ ရက်ဂျူးလပ်စ် ( Marcus Regulus )
ဟာ ကာသေ့ခ်ျကိုပြန်လည်လိုက်သွားခဲ့ပါတယ်။
ကာသေ့ခ်ျတို့ရဲ့လက်မှာနှိပ်စက်ညှဉ်းဆဲခံရပြီး
အသက်ဆုံးရှုံးခဲ့တယ်လို့ဆိုပါတယ်။
ရက်ဂျူးလပ်စ် ( Marcus Regulus )ဟာ
ရောမအကျိုးအတွက်လည်း ဆောင်ရွက်ခဲ့တယ်။
ကတိသစ္စာလည်း မပျက်ခဲ့။
ဒီနှစ်ရပ်စလုံး ကျေပွန်ဖို့အတွက်
သူ့အသက်ကို ပေးခဲ့တယ်။
လေးစားဖွယ်ကောင်းတဲ့ လုပ်ဆောင်ချက်ဖြစ်ပါတယ်။
No comments:
Post a Comment