တစ်ခါတုန်းက တနင်္ဂနွေရက် တစ်ရက်တွင်ကျနော်က အားလပ်နေတယ်။
ဘာလုပ်ရမလဲဟု တွေးနေစဉ်
မိတ်ဆွေတစ်ဦးက ဟောပြောပွဲတစ်ခု သွားနားထောင်ဖို့အဖေါ်ညှိပါတယ်။
အပြောင်းအလဲသဘောနဲ့လိုက်သွားဖြစ်ပါတယ်။
ဟောပြောသူအများထဲက တစ်ဦးကိုတော့ မှတ်မှတ်ရရ ဖြစ်နေပါတယ်။
နားထောင်နေသော ပရိသတ်ကတော်တော် များပါတယ်။
ပရိသတ်အရေအတွက် အတိအကျတော့ မသိပါဘူး။
ပရိသတ်အများအပြားရှေ့တွင် ဟောပြောသူ ဦးတင်မောင်အေး က
စိတ်အားထက်သန်စွာ ပြောနေပါတယ်။
သူ့ရဲ့ထူးခြားချက်ကတော့ ရိုးသားခြင်း ဟုထင်မိပါတယ်။
ဟောပြောနေရင်း သူ့ရဲ့လက်က ငွေ တစ်ထောင်ကျပ်တန်ကိုထုတ်ပြီး ကိုင်ထားပါတယ်။
ထိုငွေစက္ကူကို ကိုင်မြှောက်ပြပြီး…
“ ဒီငွေ တစ်ထောင်ကျပ်ကို ဘယ်သူလိုချင်သလဲ?
လိုချင်တဲ့သူ လက်မြှောက်ပြပါ ”လို့ပြောလိုက်ပါတယ်။
ပရိသတ်ထဲက နေရာတိုင်းမှာလက်တွေမြှောက်လာတာတွေ့ရပါတယ်။
“ကျနော် ဒီငွေကို တစ်ယောက်ယောက်ကိုပေးပါ့မယ်။
ဒါပေမယ့် ကျနော်ကို ပထမ ဒါတော့လုပ်ခွင့်ပေးပါ။”
လို့ပြောရင်း ငွေစက္ကူကို လက်နဲ့ခြေမွပစ်လိုက်ပါတယ်။ ပြီးတော့
“ကဲ…..အခုဆိုရင်ရော…ဘယ်သူလိုချင်ကြသေးလဲ?”လို့ထပ်မေးပါတယ်။
မကြာခင်မှာပင် ထောင်ခဲ့တဲ့ လက်တွေလေထဲပြန်ထောင်လာပါတယ်။
“ကောင်းပြီ၊ ကျနော် ဒီလိုလုပ်ရင်ကော! လို့ပြောပြောဆိုဆို
ငွေစက္ကူကို မြေကြီးပေါ်ချပြီးဖိနပ်နဲ့နင်းခြေပါတယ်။
ပြီးတော့ ကောက်ယူလိုက်ပါတယ်။
အားလုံးညစ်ပတ်စုတ်ကြေသွားပါတယ်။
အဲဒီနောက် “ကဲ……အခုရော…ဘယ်သူလိုချင်သေးလဲ?လို့ ထပ်မေးပြန်ပါတယ်။
ထောင်ခဲ့တဲ့လက်တွေ လေထဲမြှောက်လာပြန်ပါတယ်။
“ကျနော် ဘာဘဲလုပ်လုပ် ခင်ဗျားတို့ကလိုချင်နေတာပဲ။
ဘာကြောင့်ဆိုတော့ဒီငွေ တစ်ထောင်ကျပ်ရဲ့ တန်ဖိုးကလျော့မသွားလို့ပေါ့။
ညစ်ပတ်စုတ်ကြေသွားလည်းပဲ ငွေတစ်ထောင်ဟာ တစ်ထောင်တန်ဖိုး ရှိနေဆဲပဲမဟုတ်လား?
ကဲ.....ကျနော်တို့ရဲ့ဘဝမှာလည်း ဒီလိုပါပဲ။
တန်ဖိုး အလျှော့ချခံရတာတို့၊
တွန့်ကြေဒဏ်ခံရတာတို့၊
မြေမှာလူးပြီးညစ်ပတ်တဲ့အဖြစ်နဲ့ကြုံရတာတို့၊
ပြီးတော့…………………………………ခံရတာတို့၊
ပြီးတော့…………………………………ခံရတာတို့၊
ပြီးတော့…………………………………ခံရတာတို့၊
ရှိခဲ့ပါတယ်။
လုပ်ခဲ့တဲ့ဆုံးဖြတ်ချက်တွေ၊
တွေ့ကြုံရတဲ့အခြေအနေတွေကြောင့်
ဒုက္ခအမျိုးမျိုးကြုံရတတ်ပါတယ်။
အဲဒီအခါမျိုးမှာ ကိုယ့်ကိုယ်ကို တန်ဖိုးမရှိတော့ဘူးလို့ မိမိဘာသာမြင်လာတတ်ပါတယ်။
အခြားလူတွေရဲ့အမြင်မှာလည်း အလားတူအမြင်မျိုး ဖြစ်လာတတ်ပါတယ်။
ဘယ်လိုပဲဖြစ်ခဲ့ဖြစ်ခဲ့၊
ဘာတွေပဲဖြစ်ခဲ့ဖြစ်ခဲ့၊
လူသားဆိုတဲ့တန်ဖိုးကတော့ ဆုံးရှုံးသွားမှာမဟုတ်သလို
အဲဒီတန်ဖိုးကို ဘယ်သူကမှ လျော့ချလို့မရပါဘူး။
“ကိုယ့်ရဲ့တန်ဖိုးအစစ်အမှန်ကို ဘယ်တော့မှ မမေ့ဖို့ သတိပေးလိုက်ချင်ပါရဲ့”..............။
