"အမေ့ထံသို့ ပေးစာများ-၇၄..."

သို့

ချစ်တဲ့အမေ

သားသတိတရ စာရေးလိုက်ပါတယ်။

အမေ နေကောင်းလား။

မြောက်ပိုင်းကာရိုးလိုင်းနားကတော့ ရာသီဥတုကောင်းတယ်လို့ပြောရမယ်။

မစ်ချီဂန်လောက် မဆိုးဘူးလို့ပြောရင် ပိုမှန်မယ်။

ကျနော်တို့နေတဲ့ကာလမှာ တစ်ရက်ပဲ နှင်းကျတယ်။

နောက်တစ်နေ့ နေရောင်ခြည်လာတော့ နှင်းတွေအားလုံးပျောက်ကုန်တယ်။

မစ်ချီဂန်မှာဆိုရင် ဘယ်ရမလဲ။ နှင်းကျပြီးဆိုရင် ရက်ပေါင်းများစွာ နှင်းလွင်ပြင်ဖြစ်နေတယ်။

တမြို့လုံးကို ထုံးသုတ်ထားသလိုကို ဖြစ်နေတယ်။

အလွန်အေးတဲ့နေရာကနေ အအေးသက်သာတဲ့နေရာကို ပြောင်းလာရတော့

နေလို့ထိုင်လို့ကောင်းနေတယ်။

တစ်နေ့မှာတော့ မဖြစ်မနေ အပြင်ထွက်ဖို့ဖြစ်လာတယ်။

ရာသီဥတုကိုလည်း မကြည့်ဖြစ်လိုက်ဘူး။

ကားတွေကလည်း ရှင်ပြုသလို ဖြေးဖြေးလေးသွားနေကြတယ်။

ဘာဖြစ်လို့ပါလိမ့်။

သိပ်မကြာလိုက်ပါဘူး။

သိလိုက်ရတယ်။

မိုးတွေရွာတယ်။ မိုးတွေက မြေပြင်ပေါ်လည်းရောက်ရော ရေခဲတွေဖြစ်သွားတယ်။

မိုးသီးကိုတော့ မြန်မာပြည်မှာ မကြာခဏတွေ့ခဲ့ဖူးပါတယ်။

မိုးသီးတွေလည်း မဟုတ်ဘူး။

ရွာချလိုက်တာကတော့ မိုးရေတွေပဲ။

ကားမှန်ပေါ်ရောက်တော့ ရေခဲဖြစ်သွားတာရော။

ဝိုက်ပါဆိုတဲ့မှန်မှာ တပ်ဆင်ထားတဲ့မိုးရေသုတ်တဲ့ကိရိယာလည်း မလှုပ်နိုင်အောင်

ရေခဲတွေက မြင်ကွင်းကို ပိတ်လိုက်တယ်။

ကားကရှေ့ကို ဘာမှမမြင်ရတော့ဘူး။

လမ်းဘေးက မျဉ်းဝါကိုကြည့်ပြီးမောင်းနေရတယ်။

ဖြေးဖြေးလေးပဲမောင်းရတယ်။လမ်းတွေလည်းရေခဲပြင်ဖြစ်သွားတော့

အရမ်းကို ချော်နေတယ်။ ကားလေးတွေဆိုရင် စလစ်ဖြစ်ပြီး လမ်းလယ်ခေါင်မှာ ချာလပတ်လည်နေတယ်။

တစ်ခါမှ မကြုံဖူးတော့ ထူးဆန်းနေတယ်။

လန့်လည်းလန့်တာပေါ့။

ဒီဒေသကလူတွေအဖို့တော့ ဖြစ်နေကျထင်ပါတယ်။

ဖြေးဖြေးမောင်းနေတယ်။

တစ်ကားနဲ့တစ်ကားလည်း နားလည်မှုတွေနဲ့ဖြေးဖြေးမောင်းဖို့အချက်ပြကြတယ်။

နောက်မှာလည်း ကားတန်းက အရှည်ကြီးမို့ အန္တရာယ်ကိုကြောက်ပြီး ရပ်နေလို့လည်း မရဘူး။

ရှေ့တိုးမရ၊နောက်ဆုတ်လို့မရနဲ့မို့

တကယ့်ကို ကျဉ်းထဲကြပ်ထဲကို ရောက်နေသလို ခံစားရတယ်။

ဒီအချိန်ကျမှ အပြင်ထွက်လာတာကိုလည်း နောင်တရမိပါရဲ့။

ဘာဘဲဖြစ်ဖြစ် နောက်ဆုံးတော့လည်း သွားချင်တဲ့နေရာကိုရောက်သွားတာပါပဲ။

အတွေ့အကြုံသစ်တစ်ခုတိုးလာတယ်လို့ မှတ်ယူလိုက်တော့ အမြတ်ထွက်ပါတယ်။

+++++++++++++++

ကျနော်တို့ရောက်ရောက်ချင်းနေ့မှာပဲ သွားကြည့်ဖြစ်တဲ့ ဝါရှင်တန်ဒီစီက အလုပ်ကို

သူငယ်ချင်းရဲ့အမျိုးသမီးသူငယ်ချင်း(Girl-friend)ကလက်ခံလိုက်တယ်။

ဒီတော့ မြောက်ပိုင်းကာရိုးလိုင်းနားက သူ့ရဲ့ဆူရှီးအလုပ်က လစ်လပ်သွားတယ်။

ပိုင်ရှင်ကလည်း လူလိုနေတာနဲ့ ယုံယုံက ဆူရှီးအလုပ်ကို လုပ်ခဲ့ဖူးတာမို့ လက်ခံလိုက်တယ်။

ပိုင်ရှင်ဖြစ်သူဟာ ဟောင်ကောင်က ပြောင်းရွေ့လာတဲ့ တရုပ်အမျိုးသမီးတစ်ယောက်ပါ။

လာတုန်းက အင်္ဂလိပ်စာနဲ့စကားကို လုံးဝမတတ်ဘူးလို့ သူမကပြောပြဖူးတယ်။

သဘောထားက ကောင်းတယ်။

သူမမှာ ဆူရှီးဆိုင် နှစ်ဆိုင်ရှိတယ်။

တစ်ဆိုင်ကိုတော့ သူမ ကိုယ်တိုင်လုပ်တယ်။

နောက်တစ်ဆိုင်ကိုတော့ လူငှားထားတယ်။

ဟိုတုန်းကတော့ သူငယ်ချင်းနဲ့ပတ်သက်နေတဲ့အမျိုးသမီးက လုပ်တယ်။

သူမက ဝါရှင်တန်ကိုပြောင်းသွားတော့ လူလိုလာတာနဲ့ ယုံယုံက ယာယီဝင်လုပ်တယ်။

ကျနော်ကတော့ ကားမောင်းပြီး ကြိုပို့လုပ်ပေးတယ်။

အားတဲ့အချိန်မှာ ယုံယုံကို ဝင်ကူညီပေးတယ်။ဒါကလည်း ပိုင်ရှင်အမျိုးသမီးက ခွင့်ပြုလို့ပါ။

အဲဒီပိုင်ရှင်ကပြောတယ်။ “ဝင်ကူညီရင်းနဲ့ တတ်အောင် သင်ပေါ့။

တတ်မြောက်လာတဲ့အခါ အလုပ်ရှာပေးမယ်” လို့ပြောတယ်။

အထဲကိုဝင်လုပ်နိုင်အောင် ယူနီဖောင်းကို ထုတ်ပေးတယ်။

ယူနီဖောင်းမပါပဲနဲ့ လုပ်ငန်းခွင်ထဲကို ဝင်လုပ်လို့မရဘူးလေ။

ကာလီဖိုးနီးယားမှာ နေတုန်းက အလုပ်ရှာမရတာနဲ့

အားတဲ့အချိန်မှာ မိန်းမကို ဝင်ကူညီဖို့ ပိုင်ရှင်ကိုပြောဖူးတယ်။

ဒါပေမယ့် ပိုင်ရှင်က ခွင့်မပြုဘူး။

ဒါနဲ့ပဲ မိန်းမကိုလည်း ကူညီခွင့်မရခဲ့ဘူး။

သင်ယူလေ့လာခွင့်လည်း မရခဲ့ဘူး။

အဲဒီတုန်းက ပိုင်ရှင်က မြန်မာအမျိုးသမီးတစ်ဦးပါ။

လင်မယားနှစ်ယောက်စလုံး တတ်မြောက်သွားပြီး သူ့မဆီက

အလုပ်ထွက်သွားခဲ့ဖူးတာရှိတော့ ဒီလိုအဖြစ်မျိုးထပ်ကြုံမှာ စိုးရိမ်ပုံရပါတယ်။

အဲဒီပိုင်ရှင်ပြောတဲ့စကားတစ်ခွန်းက မှတ်သားစရာ ကောင်းပါတယ်။

“ဆူရှီးအလုပ်ဟာ တတ်မြောက်သွားရင် အမေရိကန်မှာ အလုပ်မရှားဘူး။

အခြားဝန်ထမ်းတွေလို အချိန်ပိုင်းသာလုပ်ခွင့်ရတာမျိုးမဟုတ်ပဲ

အချိန်ပြည့်လုပ်ခွင့်ရတဲ့အလုပ်ဖြစ်တယ်။ ပြီးတော့ ကြိုးစားပြီးလုပ်ရင် အလုပ်ပြုတ်ဖို့မရှိဘူး။

ဒါကြောင့် တတ်မြောက်ထားသင့်တဲ့အလုပ်ဖြစ်တယ်” တဲ့။

ဒီလိုကောင်းမွန်လှတဲ့ အကြံပေးစကားကို နီးစပ်တဲ့မိတ်ဆွေတွေက မပြောပဲ

တစိမ်းမိန်းမတစ်ယောက်ဆီကကြားရတော့ ဘာဘဲဖြစ်ဖြစ် သူမကို ကျေးဇူးတင်မိပါတယ်။

တတ်မြောက်ချင်ပြန်တော့ သင်ပေးမယ့်လူမရှိဘူး။

အလုပ်ရှာသူတွေကလည်း သင်ပေးရမယ့် အလုပ်သမားကို မလိုချင်ဘူး။

ဒါနဲ့ပဲ အခြားအလုပ်တွေကို ရှာလိုက်၊ရလိုက်၊ ပြုတ်လိုက်နဲ့သံသရာလည်နေခဲ့တယ်။

အခုကျတော့ သဘောကောင်းလှတဲ့ပိုင်ရှင်နဲ့တွေ့ပြီး သင်ယူလေ့လာခွင့်ရခဲ့တယ်။

အခွင့်အရေးရတုန်းကောင်းကောင်းမွန်မွန်သင်ယူလေ့လာခဲ့ပါတယ်။

ကျနော့်ရဲ့ဆရာမကတော့ ကျနော့်မိန်းမဖြစ်နေတယ်။

အိမ်မှာတော့ သူမက အိမ်ရှင်မကောင်းတစ်ယောက်ပဲ။

အိမ်အလုပ်တွေကို အားလုံးသိမ်းကြုံးလုပ်တယ်။

ဘာမှကျနော့်ကို မခိုင်းဘူး။

အလုပ်မှာတော့ သူမက ဆရာမကြီး။

ဆိုဒ်ဂျော့(side job) လို့ခေါ်တဲ့နောက်ပိုင်းအလုပ်တွေအားလုံးကို သိမ်းကြုံးခိုင်းတော့တာပဲ။

ကျနော်ကလည်း အလုပ်သင်ဆိုတော့ အားလုံးကို လုပ်ပေးရတယ်။

ပြန်မပြောရဲဘူး။

အလုပ်နဲ့အိမ်ကို လုံးဝခွဲခြားပစ်လိုက်တယ်။

အဲဒါလည်းကောင်းပါတယ်။

ပညာဆိုတာ ကိုယ့်ကိုယ်ကို ကိုယ်နှိမ့်ချပြီးသင်မှ တတ်မြောက်တဲ့သဘောရှိတယ်လို့

အမေ ဆုံးမခဲ့ဖူးတယ်လေ။

အတွေ့အကြုံတွေကြောင့်လည်း မာနချပြီးသင်ကြားဖို့ ပိုပြီးသဘောပေါက်လာခဲ့ပါတယ်။

နှစ်ပတ်အတွင်းမှာ တော်တော်တတ်မြောက်လာတယ်လို့ဆရာမက ပြောတယ်။

အဓိက ကတော့ စိတ်ပါပဲ။

တတ်မြောက်ချင်စိတ်ရှိလာတဲ့အခါ တတ်မြောက်လာတာ သဘာဝပါပဲ။

ဖြစ်ချင်စိတ်ရှိလာရင် ဖြစ်တတ်တာဟာလည်း သဘာဝပဲမဟုတ်လား။

ဆူရှီးနဲ့ပတ်သက်ပြီး တတ်မြောက်ချင်စိတ် ဖြစ်လာတဲ့အကြောင်းက နှစ်ခုရှိတယ်။

တစ်ကြောင်းက အလုပ်လက်မဲ့များလှတဲ့အချိန်မှာ အလုပ်ရှာရတဲ့ဒုက္ခက ကြီးမားလှတယ်။

ရလာပြန်တော့လည်း အချိန်ပြည့်မဟုတ်ပဲ အချိန်ပိုင်းသာ ရတယ်။

ဆရာဇော်ဂျီကဗျာထဲကလို ဘဲအုပ်က တစ်ရာ နှစ်ရာ

မဗေဒါက တစ်ပင်ထဲလိုဖြစ်နေတယ်။

အလုပ်တစ်ခုထဲကို လုပ်ချင်သူတွေက တစ်ရာနှစ်ရာ မကဖြစ်နေတယ်။

ကြာလာတော့အလုပ်ရှာရ၊စောင့်ရတဲ့ဒုက္ခကို ငြီးငွေ့လာတယ်။

ဒီတော့ အချိန်ပြည့်အလုပ်ရနိုင်တယ်ဆိုတဲ့ဆူရှီးအလုပ်ကို စိတ်ဝင်စားလာတယ်။

နောက်တစ်ကြောင်းက သူငယ်ချင်းကြောင့်လို့ပြောနိုင်တယ်။

သူငယ်ချင်းရဲ့တွန်းအားကြောင့်တော့ မဟုတ်ဘူး။

သူ့ရဲ့ဖိအားကြောင့် ဆူရှီးကို စိတ်ဝင်စားလာတယ်။

သူက ဆူရှီးလုပ်နေတာ ဆယ်နှစ်ကျော်ပါပြီ။

ဒါနဲ့ပဲ အိမ်တွေ၊ကားတွေ၊ နဲ့တော်တော်ကြီးပွားလာတယ်လို့ပြောနိုင်တယ်။

သူကပြောတယ်။ “မင်း ဆူရှီးကို မလုပ်နိုင်ပါဘူး” တဲ့။

“ဘာကြောင့်လဲ” လို့မေးတော့လည်း သူမဖြေဘူး။

ကျနော်က ထပ်မေးလိုက်တာက “မင်းအလုပ်က ဆရာဝန်ထက်တောင် ခက်နေလို့လားကွာ” ပေါ့။

ဒီတော့သူကဖြေတယ်။ “ဆရာဝန်အလုပ်က ဘာခက်လို့လဲ။

ဆယ်တန်းမအောင်တဲ့သူငယ်ချင်းတစ်ယောက်တောင်

သူ့နယ်မှာသူ ဆရာဝန်လုပ်နေတယ်လေ” တဲ့။

ဒီမှာက မြန်မာပြည်က ဆရာဝန်တွေလို ပေါ့ပေါ့လေးလုပ်လို့မရဘူး” တဲ့။

ကျနော်က နောက်နေတယ်ထင်လို့ သူ့မျက်နှာကို လှမ်းကြည့်လိုက်တယ်။

သူအတည်ပြောနေတာတွေ့တော့ အံသြသွားမိတယ်။

လုပ်ငန်းတိုင်းမှာ အောင်မြင်ဖို့အတွက် လုပ်ငန်းဆိုင်ရာ အသိပညာနဲ့ကျွမ်းကျင်မှု 

လိုအပ်တယ်ဆိုတာ လက်ခံပါတယ်။

ဒါပေမယ့် ဒီအလုပ်ဟာ ဆရာဝန်ပညာရပ်ထက်ခက်ခဲတယ်ဆိုတဲ့စကားကို

လက်ခံဖို့ခက်ခဲနေတယ်။

“လုပ်ကြည့်မှပဲ သိနိုင်မှာမို့ ငါးနှစ်လောက်တော့ ကြိုးစားဖို့ 

အချိန်ယူချင်တယ်” လို့ပြန်ပြောလိုက်တယ်။

ဒါနဲ့ပဲ ဒီအလုပ်ကို လုပ်ဖို့ ဆုံးဖြတ်ချက်ချမိသွားတယ်အမေ။

ကျနော့်ကို ကျနော် ယုံကြည်ပါတယ်။

ဒီလုပ်ငန်းမှာ အောင်မြင်ခဲ့ရင် အရင်ဆုံးကျေးဇူးတင်ရမယ့်သူက သူငယ်ချင်းဖြစ်လိမ့်မယ်။

ဘာကြောင့်ဆိုတော့ အမေပြောခဲ့ဖူးသလို ကျေးဇူးရှင် နှစ်မျိုးရှိတယ်မဟုတ်လား။

ဘာဘဲဖြစ်ဖြစ် သူသည်လည်း ကျေးဇူးရှင်တစ်မျိုးထဲမှာ ပါပါလိမ့်မယ်။

ဒါပဲနော် အမေ။

အမေ ကျန်းမာရေးကို ဂရုစိုက်ပါနော်။

ချစ်တဲ့သား

အောင်ဝင်းဟိန်း

ကာရီမြို့၊

မြောက်ပိုင်းကာရိုးလိုင်းနား၊

အမေရိကန်ပြည်ထောင်စု။
၃-၂၉-၂၀၁၃