သို့
ချစ်တဲ့အမေ
သား
သတိတရ စာရေးလိုက်ပါတယ်။
အမေ
နေကောင်းလားဟင်။
အမေတို့
မြန်မာနိုင်ငံအကြောင်း ကြားရတာ ဝမ်းသာရတာ နည်းနည်း၊
ဝမ်းနည်းရတာ
များများ ဖြစ်နေတယ်။
ဒီမှာက
လူတိုင်းလိုလို ကွန်ပျူတာ ရှိကြတယ်။
ဖုန်း
ရှိကြတယ်။
အိမ်တိုင်းလိုလို
အင်တာနက် ရှိကြတယ်။
ဆက်သွယ်ရေး
က ကောင်းလွန်းတယ်။
အလုပ်သာမရှိရင်
အင်တာနက်ကြည့်ဖြစ်တာ များတယ်။
မြန်မာနိုင်ငံအကြောင်းကတော့
မကြားချင်မှ အဆုံး။
လူလိမ်မာတွေ
အကြောင်းလည်း ကြားရတာပဲ။
လူမိုက်တွေ
အကြောင်းလည်း ကြားရတာပဲ။
ကောင်းသတင်းလည်း
ကြားရတာပဲ။
ဆိုးသတင်းလည်း
ကြားရတာပဲ။
သတင်းဆိုတဲ့သဘောကလည်း
ကောင်းသတင်းထက် ဆိုးသတင်းက ပိုများတယ်။
ဒီတော့
လူလိမ်မာတွေရဲ့သတင်းထက် လူမိုက်တွေရဲ့သတင်းက ပိုများနေတယ်။
လူမိုက်တွေ
အကြောင်းကြားရတာ ကြားရပေါင်းများလွန်းလို့ အော့နှလုံးနာလှပါတယ်။
ဘာမှ
မကြားချင်လို့ သတင်းတွေကို နားမထောင်တော့လည်း ဘာမှကို မသိရပြန်ဘူး။
သူငယ်ချင်းက
အမြဲတမ်း သတင်းနားထောင်တယ်။
ပြီးတော့
မြန်မာလူမျိုးဖြစ်တော့ မြန်မာပြည်အကြောင်းအမြဲပြောပြတတ်တယ်။
ကျနော်က
အာရုံတွေ နောက်လွန်းလို့ နားမထောင်တာကြာပြီလို့ပြောတော့
သူက
ကျနော့်ကို အပြစ်တင်တယ်။
မြန်မာပြည်အကြောင်းတော့
သိသင့်တယ်ပေါ့။
သိတာပဲ
ရှိတယ်။ လောလောဆယ် ကိုယ်ကလည်း ဘာမှမလုပ်နိုင်သေးတော့
စိတ်ရှုတ်ရတာပဲ
အဖတ်တင်တယ်။
အမေတို့
ပြည်တွင်းမှာနေသူတွေတော့ ဘယ်လောက်များ အာရုံတွေ နောက်နေမလဲ မသိဘူး။
အနေဝေးလှတဲ့
ကျနော်တို့တောင် လူမိုက်တွေ အကြောင်းကြားရတာ အာရုံနောက်လှတယ်။
မင်္ဂလာတရားတော်ထဲမှာလည်း
ထိပ်ဆုံးကနေပါပါတယ်။
လူမိုက်ကို
ဝေးဝေးက ရှောင်ပါတဲ့။
လူလိမ်မာကို
ပေါင်းသင်းပါတဲ့။
ဒါကလည်း
အမေ အမြဲတမ်း ဆုံးမနေတဲ့စကားပါလေ။
ကျနော်တို့လည်း
အသက်တွေ တဖြည်းဖြည်း ကြီးလာတယ်။
သေဖို့လည်း
တဖြည်းဖြည်း နီးလာတယ်။
နောက်နှစ်တစ်ရာ
မပြောပါနဲ့။
နောက်နှစ်ငါးဆယ်ဆိုရင်ပဲ
ကျနော်တို့နဲ့သက်တူရွယ်တူတွေ
ဘယ်သူမှ
အသက်ရှင် ကျန်ရစ်တော့မှာ မဟုတ်ဘူး။
ဆိုတာ
တွေးမိတော့ ဘဝရဲ့လက်ကျန်အချိန်တွေကို
တန်ဖိုးရှိအောင်
နေသင့်တယ်လို့တွေးမိတယ်။
မြန်မာနိုင်ငံထဲက
လူမိုက်တွေလည်း အဲဒီလိုတွေးမိရင်ကောင်းမှာပဲလို့
တွေးမိပြန်တယ်။
သေခါနီးမှာ
ရှိသမျှလူတွေ အားလုံးကို ဒုက္ခပေးမယ်လို့ ဆုံးဖြတ်ထားလေသလား
လို့တောင်
ထင်လာမိတယ်။
အဲဒီလို
ဆုံးဖြတ်ထားသူတွေကို အမေက မေးဖူးတယ်လေ။
"ကိုယ့်ရဲ့စိတ်ချမ်းသာမှုကို
အဆုံးရှုံးမခံပဲနဲ့ သူများကို စိတ်ဆင်းရဲအောင်
လုပ်လို့ရသလား" ဆိုတာကို
ပြန်သတိရမိတယ်။
ဟုတ်တယ်အမေ။
သူများ
စိတ်ဆင်းရဲအောင် လုပ်ဖို့အားထုတ်တယ်ဆိုကထဲက
ကိုယ်လည်း
စိတ်ဆင်းရဲရတာပါပဲ။
အဲဒီလို
အခြေခံသဘောတရားလေးကိုတောင် မသိတဲ့
ဗုဒ္ဓဘာသာအမည်ခံသူတွေကို
နားလည်လို့ကို မရဘူး။
အာဏာပြတယ်ဆိုတာ
ဘာများအရသာ ရှိလို့လည်းမသိဘူးနော်။
သိဒ္ဓတ္ထ
မင်းသားဟာ အာဏာမပြချင်လို့ နန်းတော်ထဲကဆင်းပြီး
တောထဲကို
ဝင်ခဲ့တယ်။
မေတ္တာပြနိုင်အောင်
ကြိုးစားခဲ့တယ်။
ကြိုးစားခဲ့တဲ့အတိုင်းအောင်မြင်တော့
အခု နှစ်ပေါင်း နှစ်ထောင် ငါးရာကျော်တဲ့အထိ
ကျနော်တို့တွေ
မေတ္တာရဲ့အရသာကို ခံစားနေရတုန်းပဲလေ။
ကဲ…ဘယ်လောက်
ကောင်းသလဲ။
လူမိုက်တွေဆိုတာ
မသေခင်ကထဲက ပုတ်ဆော်နံနေတဲ့လူတွေလို့
အမေ
ပြောခဲ့တာကိုလည်း သားမမေ့ပါဘူး။
အဲဒီအချိန်ကထဲကိုက
သားတော့ လူမိုက် မဖြစ်ချင်ဘူးလို့ အမေကို ပြောခဲ့ပါတယ်။
လူမသေသေးဘူး၊
နာမည်သေနေတဲ့လူမျိုး၊
လူမသေခင်ကထဲက
ပုတ်ဆော်နံနေတဲ့လူမျိုးတော့ မဖြစ်ချင်ဘူးအမေ။
ဘဝတိုတိုမှာ
စိတ်ချမ်းသာသူတစ်ယောက်ပဲ ဖြစ်ချင်တယ်။
အမေကပြုံးပြီး
“ပြောတဲ့အတိုင်း ဖြစ်ပါစေ” တဲ့။
ကျနော့်ရဲ့မွေးနေ့မှာ
ကျနော့်ရဲ့အမျိုးသမီးက စာအုပ်တစ်အုပ် လက်ဆောင်ပေးတယ်။
ပျော်လိုက်တာ
အမေရယ်။
စာအုပ်ဆိုင်က
ကျနော်အလုပ်လုပ်နေတဲ့နေရာနဲ့ နီးတယ်။
အချိန်ရတိုင်း
စာအုပ်ဆိုင်ကို သွားဖြစ်တယ်။
စာအုပ်တွေ
များလိုက်တာ အမေရယ်။
စာဖတ်ဖို့
နေရာတွေလည်း စီစဉ်ပေးထားတယ်။
အချိန်ရတိုင်း
စာသွားဖတ်ဖြစ်တယ်။
ကြိုက်သလောက်
ဖတ်ခွင့်ပေးထားပါတယ်။
လပေါင်းများစွာ
စာသွားဖတ်ပြီး တစ်ခါမှ မဝယ်ဖြစ်တော့
တစ်ခါတစ်ရံ
အားနာတဲ့စိတ်တောင် ဖြစ်လာမိတယ်။
ငယ်ငယ်တုန်းက
အမေက ကျနော့်ရဲ့ကျောင်းဝတ်စုံက ဟောင်းလွန်းနေလို့
အဝတ်တစ်စုံ
ဝယ်ဖို့ ပိုက်ဆံပေးလိုက်တယ်။
မြေနီကုန်း
ညဈေးကို သွားတာပေါ့။
ဟိုရောက်တော့
ညဈေးတန်းက စာအုပ်အဟောင်းဆိုင်တန်းတွေကို
လိုက်ကြည့်မိတယ်။
ကြိုက်တဲ့စာအုပ်တွေကိုတွေ့တော့
မနေနိုင်ဘူး။
လက်ထဲမှာ ရှိတဲ့ပိုက်ဆံနဲ့ဝယ်လိုက်မိတယ်။
ဖတ်ချင်တဲ့စာအုပ်တွေ
ဖြစ်နေတော့ ဝယ်ပြီးပျော်နေတယ်။
အဝတ်တန်းရောက်တော့
ပိုက်ဆံက မလောက်တော့ဘူး။
အဝတ်မဝယ်ဖြစ်ခဲ့ဘူး။
အိမ်ပြန်ရောက်ရင်
အမေ ရိုက်မှာပဲလို့ ထင်ခဲ့တယ်။
ရိုက်လည်း
မတတ်နိုင်ဘူး။ ကိုယ်လုပ်ချင်တာ လုပ်ခဲ့ပြီးပြီ။
အပြစ်ရှိတယ်ထင်လို့
အပြစ်ပေးလည်း ခံလိုက်ရုံပဲလို့ တွေးပြီး ပြန်ခဲ့တယ်။
အမေက
မရိုက်ပါဘူး။
အပြစ်တင်စကားတောင်
မပြောဘူး။
သားရဲ့စာဖတ်တဲ့ဝါသနာကို
အားပေးတဲ့အနေနဲ့
နောက်ပိုင်း
မုန့်ဖိုးပေးတဲ့အခါ စာအုပ်ဖိုးပါ အပိုပေးခဲ့တယ်။
သားက
မုန့်ဝယ်စားတာ နည်းနည်း၊
စာအုပ်ဝယ်တာက
များများ၊
ဒါကြောင့် သွားလေရာရာမှာ
အဝတ်သေတ္တာထက် စာအုပ်သေတ္တာက များလှပါတယ်။
အခု
ငွေမရှိလို့ စာအုပ်မဝယ်ဖြစ်တာ မဟုတ်ပါဘူး။
ရည်မှန်းချက်တစ်ခုကို
အကောင်အထည် ဖော်ဖို့အတွက် ငွေတွေ စုဆောင်းနေရလို့ပါ။
အမေရိကန်မှာက
ငွေမရှိရင် ဘာမှလုပ်လို့မရဘူးဆိုတာလည်း သိနေတယ်။
ရသမျှကို
သုံးနေသူလည်း မဖြစ်ချင်ဘူး။
စာအုပ်တွေကိုလည်း
စာကြည့်တိုက်မှာ ကြိုက်သလောက် အလကား ဖတ်ခွင့်ရနေတော့
စာအုပ်အတွက်
ငွေကုန်မခံချင်တော့တာလည်း ပါတယ်။
အဓိက
က စာအုပ်ကို ပိုင်ဆိုင်ဖို့ထက် စာအုပ်ပါအကြောင်းအရာကို
ပိုင်ဆိုင်ဖို့က
ပိုအရေးကြီးပါတယ်လေ။
အခု
ဇနီးသည်က စာအုပ်ကို ဝယ်ခွင့်ပေးတော့ ငယ်ဘဝကို
ပြန်သတိရမိတဲ့အတွက်
ပျော်မိတယ်။
ငယ်ငယ်တုန်းက
စာဖတ်ဝါသနာကို ပြုစုပျိုးထောင်ပေးတဲ့အမေကို
အထူးကျေးဇူးတင်မိပါတယ်။
သား
အမေ့ကို အဝေးက ဦးတင်လိုက်ပါတယ်။
အမေ့ချစ်တဲ့သား
အောင်ဝင်းဟိန်း
လင်စင်းမြို့၊
မစ်ချီဂန်ပြည်နယ်၊
အမေရိကန်နိုင်ငံ။
၁၂-၅-၂၀၁၂
၁၂-၅-၂၀၁၂
No comments:
Post a Comment