“စိတ်ချမ်းသာအောင် နေတတ်သူတွေမှာရှိတဲ့ လက္ခဏာများ…”

စိတ်ချမ်းသာနေတုန်းမှာ ပိုပြီး ရက်ရောတယ်။

အကူအညီ ပိုပေးတယ်။

ကိုယ်က စိတ်ချမ်းသာနေတုန်းမှာ ကိုယ့်ဆီမှာ အကူအညီလာတောင်းရင်

ပိုပေးဖြစ်တယ်။

ဒါကြောင့် စိတ်ချမ်းသာနေတုန်းမှာ ဆက်ဆံရေး ပိုအဆင်ပြေတယ်။

@@@@@@@@@@@@@@@@@@@@@@@@@@@@@@@@@@@@

Emotions out of control impede the intellect.

ထိန်းလို့မရတဲ့ ခံစားမှုဟာ (စိတ်မတည်ငြိမ်တာဟာ) အသိဥာဏ်ကို ပိတ်ပင်တားဆီးတယ်။

ဒါကြောင့် အရေးကြီးတာကို ဆုံးဖြတ်ရမယ်ဆိုရင် သိပ်ဝမ်းသာနေတုန်းမှာ ဆုံးဖြတ်ရင်လည်း

အကောင်းဆုံး မဖြစ်ဘူး။

စိတ်ဆိုးနေတုန်း၊ စိတ်ညစ်နေတုန်းမှာ ဆုံးဖြတ်ရင်လည်း မှားမယ်။

စိတ်အေးချမ်း တည်ငြိမ်တုန်းမှာ ဆုံးဖြတ်ရင် အကောင်းဆုံးဖြစ်မယ်။

@@@@@@@@@@@@@@@@@@@@@@@@@@@@@@@@@@@@

အရေးကြီးတဲ့ ဆုံးဖြတ်ချက်ကို မချခင်မှာ စိတ်ကို တည်ငြိမ်အေးချမ်းအောင်

အရင် လုပ်ပါ။

လူတွေနဲ့ပတ်သက်တာဆိုရင် မေတ္တာပို့ပါ။

သူ့အကြောင်းကောင်းတာတွေကို တွေးပါ။

@@@@@@@@@@@@@@@@@@@@@@@@@@@@@@@@@@@@

ကြောက်စိတ်နဲ့ဆုံးဖြတ်တာတွေ ဒေါသနဲ့ဆုံးဖြတ်တာတွေဟာ မှားဖို့ သေချာတယ်။

အတည်မပြုပါနဲ့။

Fear is being out of control, and happiness is taking control of yourself.

ကြောက်တဲ့စိတ်ဟာ အခြေအနေကို မနိုင်နင်းတဲ့စိတ်ဖြစ်တယ်။

စိတ်ချမ်းသာနေတာဟာ အခြေအနေကို နိုင်နင်းတဲ့စိတ် ဖြစ်တယ်။

ကိုယ့်စိတ်ကို ကိုယ်နိုင်နင်းတဲ့သူဟာ စိတ်ချမ်းသာတယ်။

စိတ်ကို နိုင်နင်းချင်ရင် စိတ်ကို သိနေတဲ့အလေ့အကျင့် လုပ်ပါ။

ကိုယ့်စိတ်ကို ကိုယ်ထားချင်တဲ့အာရုံမှာ ထားနိုင်လာရင် စိတ်ပိုချမ်းသာလာမယ်။

အဲဒါ စိတ်စည်းကမ်းရှိလာတာ လို့ ခေါ်နိုင်တယ်။

@@@@@@@@@@@@@@@@@@@@@@@@@@@@@@@@@@@@

စည်းကမ်းမရှိတဲ့သူဟာ သွားချင်ရာ သွားတယ်။

မသွားသင့်တဲ့နေရာကို ပိုသွားတယ်။

စည်းကမ်းရှိတဲ့သူဟာ မသွားသင့်တဲ့နေရာကို မသွားဘူး။

သွားသင့်တဲ့နေရာကို သွားသင့်တဲ့အချိန်မှာ သွားတယ်။

ဒါကြောင့် ဒုက္ခမရောက်ဘူး။

@@@@@@@@@@@@@@@@@@@@@@@@@@@@@@@@@@@@

စည်းကမ်းရှိတဲ့စိတ်ဟာလည်း မသွားသင့်တဲ့အာရုံကို မသွားဘူး။

စိတ်ချမ်းသာချင်ရင် စိတ်ကို စည်းကမ်းရှိအောင် လေ့ကျင့်ရမယ်။

ကိုယ်က အတတ်နိုင်ဆုံး စိတ်ထားကောင်းတဲ့သူ၊ အရည်အချင်းရှိတဲ့သူ၊

စည်းကမ်းရှိတဲ့သူ ဖြစ်အောင် ကြိုးစားနေရင် တစ်နေ့တခြား ကိုယ့်ကိုယ်ကို

ကိုယ်ယုံကြည်လေးစားတဲ့သူ ဖြစ်ပြီး စိတ်ချမ်းသာတဲ့သူလည်း ဖြစ်လာမယ်။

@@@@@@@@@@@@@@@@@@@@@@@@@@@@@@@@@@@@

ခက်ခဲတာကို လုပ်ရတော့မယ်ဆိုရင် စိတ်ကို ချမ်းသာအောင်

ပျော်အောင် အရင် လုပ်ပါ။

ရတဲ့နည်းနဲ့ လုပ်ပါ။

ရီစရာ ပြောပါ။

စိတ်ချမ်းသာစေမယ့်စာကို ဖတ်ပါ။

တရားထိုင်ပါ။

သာယာ အေးချမ်းတဲ့နေရာကို လမ်းလျှောက်သွားပါ။

အိပ်ရေးဝအောင် အိပ်ပါ။

ပျော်နေရင် ဥာဏ်ပိုထွက်တယ်။

စိတ်တည်ငြိမ်နေရင် အတ္တစွဲကင်းတဲ့ အဖြေကို ရနိုင်တယ်။

မျှတတဲ့အဖြေကို ရနိုင်တယ်။

ဘယ်လိုအခြေအနေမှာပဲဖြစ်ဖြစ် စိတ်ကို တည်တည်ငြိမ်ငြိမ်

 အေးအေးချမ်းချမ်း ထားနိုင်တဲ့သူက တစ်ပန်းသာတယ်။

@@@@@@@@@@@@@@@@@@@@@@@@@@@@@@@@@@@@

“စိတ်ချမ်းသာအောင် နေတတ်သူတွေမှာရှိတဲ့ အချင်းအရာ လက္ခဏာများ…”

စိတ်ချမ်းသာအောင်နေတတ်သူတွေမှာ ရှိတဲ့ အချင်းအရာ လက္ခဏာတွေဟာ ဘာလဲ။

စိတ်ချမ်းသာအောင် နေတတ်တဲ့သူဟာ…

Boldness                           

သတ္တိရှိတယ်။

ဆုံးဖြတ်ရတယ်။

ပြောရတယ်။

လုပ်ရဲတယ်။

                                              

Brightness  

အသိဥာဏ်တောက်ပြောင်တယ်။

Cheerfulness

ရွှင်လန်းတယ်။

Common sense

ပင်ကိုယ်ဥာဏ် ရှိတယ်။

Confidence

ကိုယ့်ကိုယ်ကို ကိုယ် ယုံကြည်မှုရှိတယ်။

Control

မိမိကိုယ်ကို ထိန်းသိမ်းနိုင်တယ်။

အခြေအနေကို ထိန်းသိမ်းနိုင်တယ်။

Enthusiasm

စိတ်အား ထက်သန်တယ်။

တက်ကြွတယ်။

Forgiveness

ခွင့်လွှတ်နိုင်တယ်။

Friendliness

ခင်ခင်မင်မင် ဆက်ဆံတတ်တယ်။

Gratitude

ကျေးဇူးသိတတ်တယ်။

တန်ဖိုးထားတတ်တယ်။

အသိအမှတ်ပြုတယ်။

Joyousness

ကြည်လင်ရွှင်လန်းတယ်။

Kindness

ကြင်နာတတ်တယ်။

ညှာတာတတ်တယ်။

Mental fitness

စိတ်ဓာတ် ကြံ့ခိုင်တယ်။

Patience

စိတ်ရှည်တယ်။

စောင့်ထိန်းနိုင်တယ်။

Peacefulness

စိတ်ငြိမ်းချမ်းတယ်။

Positiveness

အကောင်းမြင်တယ်။

အဖြစ်ကို မြင်တယ်။

အပြုသဘောရှိတယ်။

Power

စိတ်စွမ်းအားကြီးတယ်။

Productiveness

အလုပ်များများ လုပ်နိုင်တယ်။

Wisdom

ဥာဏ်ပညာရှိတယ်။

ဒီအရည်အချင်းတွေ ဒီဂုဏ်တွေကြောင့် စိတ်ချမ်းသာနေတဲ့သူဟာ

အခက်အခဲတွေကို ရင်ဆိုင် ကျော်လွှားနိုင်တယ်။

အခက်အခဲကို ရင်ဆိုင် ဖြေရှင်းရတာကို သဘောကျတယ်။

@@@@@@@@@@@@@@@@@@@@@@@@@@@@@@@@@@@@

@@@@@@@@@@@@@@@@@@@@@@@@@@@@@@@@@@@@

စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ

ကောက်နှုတ်ဖော်ပြပါတယ်။

@@@@@@@@@@@@@@@@@@@@@@@@@@@@@@@@@@@@

ကိုယ်ကိုယ်တိုင် ဖတ်ဖို့-၁၂၂…