လိုချင်တာရရင် ပျော်တယ်လို့
ဆိုကြတယ်။
ဟုတ်သလား။ စဉ်းစားကြည့်ပါ။
လိုချင်တာ ရခဲ့ပါတယ်။
ပစ္စည်းရခဲ့တယ်။
ငွေရခဲ့တယ်။
အောင်လက်မှတ် ရခဲ့တယ်။
အခု ပျော်ပြီးလား။
ခဏ ပျော်ခဲ့တယ်။
နောက်တော့ အရင်အတိုင်းပဲ။
အရင်အတိုင်းပဲဆိုတာ မပျော်တော့ဘူးလို့
ဆိုတာ။
နောက်ထပ်လိုချင်တာတွေ ရလည်း
ဒီအတိုင်းပါပဲ။
ခဏ ပျော်မယ်။
ခဏပျော်ချင်ရင် အဲဒီနည်းအတိုင်းပဲ
ဆက်လုပ်ပါ။
ရေရှည်ပျော်ချင်ရင် အဲဒီနည်းနဲ့မရဘူး။
@@@@@@@@@@@@@@@@@@@@@@@@@@@@@@@@@@@@
ဒုက္ခနှစ်မျိုးရှိတယ်။
လိုချင်တာ ရတဲ့ဒုက္ခ နဲ့
လိုချင်တာ မရတဲ့ဒုက္ခ။
လိုချင်တာ ရလည်း ဒုက္ခထဲက
မလွတ်ပါဘူး။
ရလို့ပျော်တယ်ဆိုတာ ကလေးတွေရဲ့ပျော်နည်း။
@@@@@@@@@@@@@@@@@@@@@@@@@@@@@@@@@@@@
ကိုယ့်စိတ် ဘယ်လောက် ချမ်းသာတယ်ဆိုတာ
ကိုယ့်ကိုယ်ကိုကိုယ် စကားပြောတဲ့အခါ
ဘာတွေ ပြောသလဲ ဆိုတာပေါ် မူတည်ပါတယ်။
@@@@@@@@@@@@@@@@@@@@@@@@@@@@@@@@@@@@
အာဏာ လိုချင်သလား၊
စိတ်ချမ်းသာမှု လိုချင်သလား၊
တစ်ခုပဲ ရွေးပါ။
@@@@@@@@@@@@@@@@@@@@@@@@@@@@@@@@@@@@
ကျော်ကြားမှု လိုချင်သလား၊
စိတ်ချမ်းသာမှု လိုချင်သလား၊
တစ်ခုပဲ ရွေးပါ။
@@@@@@@@@@@@@@@@@@@@@@@@@@@@@@@@@@@@
အပျော်အပါး လိုချင်သလား၊
စိတ်ချမ်းသာမှု လိုချင်သလား၊
တစ်ခုပဲ ရွေးပါ။
@@@@@@@@@@@@@@@@@@@@@@@@@@@@@@@@@@@@
ငွေကြေးဥစ္စာ လိုချင်သလား၊
စိတ်ချမ်းသာမှု လိုချင်သလား၊
တစ်ခုပဲ ရွေးပါ။
@@@@@@@@@@@@@@@@@@@@@@@@@@@@@@@@@@@@
စိတ်ချမ်းသာမှုကို တကယ် ပြတ်ပြတ်သားသား
ရွေးရင်
ကျန်တာတွေလည်း ရနိုင်သလောက်
ရမှာပဲ။
စိတ်ချမ်းသာမှုကို ရပြီးမှ
တခြားဟာတွေ ရတယ်ဆိုရင် ကောင်းပါတယ်။
စိတ်ချမ်းသာမှုကို ဆုံးရှုံးပြီးမှ
တခြားဟာတွေ ရတယ်ဆိုရင် ဘာအဓိပ္ပာယ် ရှိတော့မလဲ။
@@@@@@@@@@@@@@@@@@@@@@@@@@@@@@@@@@@@
ပျော်တဲ့စိတ်နဲ့ မပျော်တဲ့စိတ်
နှစ်ခုကို ယှဉ်ကြည့်ပါ။
ပျော်တဲ့စိတ်က လွတ်လပ်မှု
ပိုရှိတယ်။
@@@@@@@@@@@@@@@@@@@@@@@@@@@@@@@@@@@@
ကျောင်းပညာရေးထဲမှာ စိတ်ချမ်းသာအောင်နေတတ်ဖို့
သင်ကြား ဆွေးနွေး ပေးတာ မရှိဘူး။
ဦးနှောက်ပညာရေး ပဲ
အရေးကြီးတယ်လို့ ယူဆကြတယ်။
စိတ်ထားပညာရေး အရေးကြီးတယ်လို့
မယူဆကြဘူး။
စိတ်ချမ်းသာအောင်နေနည်းကို
သိမှ တခြားပညာဗဟုသုတတွေက တန်ဖိုးရှိတယ်။
ဘာတွေ ဘယ်လောက်တတ်တတ်
စိတ်ချမ်းသာအောင်မှ မနေတတ်သေးရင်
ဘာမှ မထူးသေးဘူး။
@@@@@@@@@@@@@@@@@@@@@@@@@@@@@@@@@@@@
လူတစ်ယောက် ဘယ်လိုလူ ဖြစ်လာတယ်ဆိုတာ သူ့စိတ်ထဲမှာ သူဘာကို
ဆုံးဖြတ်ထားသလဲ ဆိုတာပေါ်မှာ
မူတည်ပါတယ်။
ပတ်ဝန်းကျင်က လွှမ်းမိုးတဲ့အတိုင်း
ဖြစ်ရတယ်ဆိုရင်
ဘာလွတ်လပ်မှု ရှိတော့မလဲ။
@@@@@@@@@@@@@@@@@@@@@@@@@@@@@@@@@@@@
အရေးမကြီးတာကို ဦးစားမပေးဘူး။
အရေးကြီးတာကို ဦးစားပေးပြီး
လုပ်ပါ။
စာဖတ်တဲ့အခါ ရွေးပြီး ဖတ်ပါ။
စားတဲ့အခါမှာလည်း ကျန်းမာရေးအတွက်
ဦးစားပေးပြီး စားပါ။
သူငယ်ချင်းတွေကိုလည်း ရွေးပြီးပေါင်းပါ။
တရားအားထုတ်တာကိုလည်း ရွေးပြီး
အားထုတ်ပါ။
@@@@@@@@@@@@@@@@@@@@@@@@@@@@@@@@@@@@
ခန္ဓာကိုယ်အင်အား စိတ်ဓာတ်အင်အားဆိုတာ
အကန့်အသတ်နဲ့ ရှိပါတယ်။
ကြုံရာကိုလုပ်လို့ မဖြစ်ပါဘူး။
စိတ်ရူးပေါက်တိုင်း ထလုပ်လို့
မဖြစ်ပါဘူး။
ဒါကြောင့် စိတ်ကို တည်ငြိမ်အေးချမ်းအောင်
လုပ်တယ်။
တည်ငြိမ်တဲ့စိတ်ဟာ မရူးဘူး။
မတည်ငြိမ်တဲ့စိတ်က ရူးတာ။
ရူးတဲ့စိတ်က အရေးကြီးတာနဲ့
အရေးမကြီးတာကို မခွဲခြားနိုင်ဘူး။
ရူးတဲ့စိတ်ဟာ အရေးမကြီးတာကို
အရေးကြီးတယ်လို့ ထင်တတ်တယ်။
ပတ်ဝန်းကျင်ရဲ့ဆွဲဆောင်ရာ
နောက်ကို လိုက်တယ်။
တည်ငြိမ်တဲ့စိတ်ဟာ ခိုင်မာတယ်။
ပတ်ဝန်းကျင်ဆွဲဆောင်ရာ နောက်ကို
မလိုက်ဘူး။
တည်ငြိမ်တဲ့စိတ်ဟာ အရေးကြီးတာကို
အရေးကြီးမှန်းသိတယ်။
တန်ဖိုးရှိတာကို သိတယ်။
ဒါကြောင့် ရွေးနိုင်တယ်။
အကောင်းဆုံးကို ရွေးပြီး
လုပ်နိုင်တယ်။
တည်ငြိမ်တဲ့စိတ်နဲ့ ရွေးတယ်။
တည်ငြိမ်တဲ့စိတ်နဲ့ လုပ်တယ်။
ရတာ များပါတယ်။
@@@@@@@@@@@@@@@@@@@@@@@@@@@@@@@@@@@@
ပညာလိုချင်တယ်။ ရတယ်။
ဆရာကောင်းလိုချင်တယ်။ ရတယ်။
မိတ်ဆွေကောင်း လိုချင်တယ်။
ရတယ်။
ဘာကို အလိုချင်ဆုံးလဲ။
စိတ်ချမ်းသာမှုနဲ့
လွတ်လပ်မှုကို အလိုချင်ဆုံးပဲ။
အဲဒါက စိတ်ဓာတ်
အင်အားကြီးမှ ရနိုင်တယ်။
ဒါကြောင့် တရားအားထုတ်တယ်။
တရားအားထုတ်ရင်
သတိကောင်းတယ်။ သမာဓိ ကောင်းတယ်။
ဒါကြောင့် ဥာဏ်ကောင်းတယ်။
သတိကောင်းရင်၊
သမာဓိကောင်းရင်၊ ဥာဏ်ကောင်းရင် ဘာမဆို လုပ်နိုင်တယ်။
လုပ်ရင် ဖြစ်တာများတယ်။
တချို့ကိစ္စတွေဟာ လွယ်လွန်းတယ်
လို့တောင် ထင်ပါတယ်။
@@@@@@@@@@@@@@@@@@@@@@@@@@@@@@@@@@@@
အခက်အခဲတွေ များလွန်းတဲ့သူတွေကို
ပြောပြချင်တယ်။
လွယ်ချင်ရင် သတိကောင်းအောင်
လုပ်ပါ။
သမာဓိကောင်းအောင်
လုပ်ပါ။
လိုချင်တာကို
လျှော့ပါ။
လိုချင်တာတွေ
များလွန်းရင် စိတ်ပျံ့လွင့်တယ်။
အရေးကြီးတာ နည်းနည်းလောက်ကိုပဲ အချိန်ပိုပေးပြီး လုပ်ပါ။
စိတ်ကို စုစည်းထားပါ။
@@@@@@@@@@@@@@@@@@@@@@@@@@@@@@@@@@@@
စိတ်ချမ်းသာမှုဟာ
ဘဝနေနည်းပါ (ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။
@@@@@@@@@@@@@@@@@@@@@@@@@@@@@@@@@@@@
ကိုယ်ကိုယ်တိုင်
ဖတ်ဖို့-၁၂၆…
No comments:
Post a Comment