ကိုယ့်အတွေးတွေကို
တခြားတစ်ယောက်က တွေးပေးလို့ မရဘူး။
ကိုယ့်ဟာကိုယ်
တွေးတာပဲ။
ကိုယ့်အတွေးတွေက ကိုယ့်စိတ်ကို ပျော်အောင် လုပ်နိုင်သလို
မပျော်အောင်လည်း လုပ်နိုင်တယ်။
ဒါကြောင့်
စိတ်ချမ်းသာအောင် ကိုယ်က လုပ်တာ၊
စိတ်ဆင်းရဲအောင်လည်း
ကိုယ်က လုပ်တာပဲ။
@@@@@@@@@@@@@@@@@@@@@@@@@@@@@@@@@@@@
စိတ်ချမ်းသာချင်ရင် စိတ်ဆင်းရဲစရာကို ရှာမတွေးနဲ့။
တွေးနေရင် သိပါ။
သိနေရင် အတွေးနည်းသွားမယ်။
တစ်ချိန်မှာ အတွေးရပ်သွားမယ်။ အတွေးမရှိရင် ငြိမ်းချမ်းနေတယ်။
ငြိမ်းချမ်းနေတာကို သိနေရင် စိတ်ချမ်းသာနေတယ်။
စိတ်ချမ်းသာနေတာကို သိနေရင် စိတ်ပိုချမ်းသာတယ်။
စိတ်ချမ်းသာနေတဲ့အခါ စိတ်ချမ်းသာနေတယ်လို့ သိရမယ်။
စိတ်ချမ်းသာနေတာဟာ သောမနဿဝေဒနာဖြစ်တယ်။
"သောမနဿဝေဒနာကို ခံစားနေရတဲ့အခါမှာ
သောမနဿဝေဒနာကို ခံစားနေရတယ်" လို့ သိပါ လို့
သတိပဋ္ဌာနသုတ်မှာ ဘုရားဟောပါတယ်။
@@@@@@@@@@@@@@@@@@@@@@@@@@@@@@@@@@@@
ဘဝအဓိပ္ပာယ်ဆိုတာကို စိတ်ချမ်းသာအောင် နေတတ်တဲ့သူပဲ သိတယ်။
ဘဝတန်ဖိုးကို စိတ်ချမ်းသာနေတဲ့သူပဲ သိတယ်။
စိတ်ဆင်းရဲနေတဲ့သူဟာ
သူ့ဘဝကို နေပျော်တယ်လို့ မခံစားရဘူး။
မပျော်ပဲ
နေရတဲ့ဘဝကို တန်ဖိုးရှိတယ်လို့ မခံစားရဘူး။
@@@@@@@@@@@@@@@@@@@@@@@@@@@@@@@@@@@@
ကိုယ့်စိတ်ကိုကိုယ် တည်ငြိမ်အောင်ထားနိုင်တဲ့သူဟာ ကိုယ့်ဘဝကို ကိုယ့်လက်ထဲမှာ
ထားနိုင်တဲ့သူပဲ။
ကိုယ့်စိတ်ကို
သူများက ယောက်ယက်ခတ်အောင် လုပ်နိုင်ရင်
ကိုယ့်ဘဝဟာ
သူများလက်ထဲမှာ ရောက်နေပြီပေါ့။ အဲဒါ ကြိုက်သလား။
မကြိုက်ဘူး။
မကြိုက်ဘူးဆိုရင် သူများက ကိုယ့်စိတ်ကို ယောက်ယက်ခတ်သွားအောင်
လုပ်ခွင့်မပေးနဲ့။
@@@@@@@@@@@@@@@@@@@@@@@@@@@@@@@@@@@@
ကိုယ့်စိတ်ကိုကိုယ် သိပြီး တည်ငြိမ်အောင် ထားနိုင်ဖို့ လေ့ကျင့်ပါ။
သူများရဲ့ထင်မြင်ချက်တွေ
ဝေဖန်ချက်တွေက ကိုယ့်စိတ်ကို ယောက်ယက်ခတ်အောင်
မလုပ်နိုင်တော့ရင်
ကိုယ့်စိတ်အင်အား ကြီးလာတာကို ခံစားရမယ်။
အားရှိလာတာကို
ခံစားရမယ်။
အဲဒါမှ
ကိုယ့်ရည်မှန်းချက်ကို ကိုယ် ဖြောင့်ဖြောင့် သွားနိုင်မယ်။
သို့မဟုတ်ရင်
ကိုယ့်ဘဝဟာ လမ်းဖြောင့်မှာ မဟုတ်ဘူး။
ကွေ့ကောက်နေမယ်။
@@@@@@@@@@@@@@@@@@@@@@@@@@@@@@@@@@@@
သတိရတိုင်း သတိနဲ့နေပါ။
သတိနဲ့နေတဲ့ အချိန်ဟာ ကိုယ့်ဘဝဆိုတဲ့ကားကို ကိုယ်တိုင်မောင်းနေတဲ့အချိန်ပဲ။
သတိလွတ်သွားတာနဲ့
တစ်ယောက်ယောက်က တက်မောင်းတော့မယ်။
အခြေအနေက
မောင်းတော့မယ်။
ဒါကို
လက်ခံနိုင်သလား။ လက်မခံနိုင်ရင် သတိနဲ့နေပါ။
@@@@@@@@@@@@@@@@@@@@@@@@@@@@@@@@@@@@
ငါဟာ လွတ်လပ်တဲ့သူလို့
ပြောချင်ရင် ငါ့စိတ်ချမ်းသာမှုဟာ ငါ့လက်ထဲမှာ ရှိတယ် လို့
ပြောနိုင်မှ ရမယ်။
စိတ်မချမ်းသာသေးဘူးဆိုရင်
မလွတ်လပ်သေးဘူး။
@@@@@@@@@@@@@@@@@@@@@@@@@@@@@@@@@@@@
ကိုယ့်ဘဝကို ကိုယ် တာဝန်ယူလိုက်ရင်
ဘာဖြစ်လာမလဲ။
လူတော်တော်များများအတွက် ကြောက်တာ ဖြစ်လာမယ်။
အဲဒါ ဘာလဲ။
ကိုယ်အဆင်မပြေတာကို ဘယ်သူ့ကိုမှ အပြစ်တင်လို့
မရတော့ဘူး။
@@@@@@@@@@@@@@@@@@@@@@@@@@@@@@@@@@@@
ကိုယ်အဆင်မပြေရင် ကံ မကောင်းလို့၊
သူတို့ မကောင်းလို့၊
သူတို့ လုပ်မပေးလို့ ဆိုတဲ့ အကြောင်းပြချက်တွေ
ပြတယ်။
အဲဒီလို အကြောင်းပြလို့ရရင် နေသာထိုင်သာ
ရှိသွားတယ်။
အပြစ်တင်ရမယ့်သူ မရှိရင် အားလုံးဟာ
ကိုယ့်တာဝန်ချည်းပဲ။
အဲဒါကို သိပ်ကြောက်တယ်။
အပြစ်တင်လို့ရမယ့်သူကို ရှာနေတာနဲ့
ကိုယ်လုပ်သင့်တာကို မလုပ်ဖြစ်တော့ဘူး။
@@@@@@@@@@@@@@@@@@@@@@@@@@@@@@@@@@@@
ဘယ်သူ့ကိုမှ အပြစ်မတင်တော့ဘူးလို့ဆိုလိုက်တာနဲ့
ငါ့တာဝန်ပဲဆိုတာ ထင်ရှားလာတယ်။
ငါ့ဘဝတစ်ခုလုံးဟာ ငါ့တာဝန်ပဲ။
ငါ့ဘဝမှာ ဖြစ်သမျှ ငါ့တာဝန်ပဲ။
မဖြစ်တာလဲ ငါ့တာဝန်ပဲ။
@@@@@@@@@@@@@@@@@@@@@@@@@@@@@@@@@@@@
ကိုယ့်ဘဝမှာ ကောင်းတာတွေ
ဖြစ်လာဖို့ ကိုယ့်တာဝန်ပဲ။
ကိုယ်လုပ်တာ မှားသွားရင်
ကိုယ်ပဲ တာဝန်ယူရမယ်။
@@@@@@@@@@@@@@@@@@@@@@@@@@@@@@@@@@@@
အဲဒီလို ကိုယ့်ဘဝကိုကိုယ်
တာဝန်ယူလိုက်တာနဲ့ ကိုယ်အသိဥာဏ် ပြောင်းသွားတယ်။
သေသေချာချာ ကြည့်တယ်။
ပိုမြင်တယ်။
သေသေချာချာ လေ့လာတယ်။
မှတ်သားတယ်။ ပိုစဉ်းစားတယ်။
အမှတ်တမဲ့ မနေတော့ဘူး။
သတိ၊ ဝီရိယ ပိုကောင်းလာတယ်။
လောကကြီးကို ပိုနားလည်လာတယ်။
လူတွေကို ပိုနားလည်လာတယ်။
ကိုယ့်ကိုယ်ကို ကိုယ်
ပိုနားလည်လာတယ်။
အရေးကြီးတာကို အရေးကြီးမှန်းသိလာတယ်။
မှန်ဘီလူးတစ်လက်နဲ့ အဝေးကြည့်
မှန်ပြောင်းတစ်လက် ရလိုက်သလိုပဲ။
အနီးရှိတာကို မှန်ဘီလူးနဲ့
သေသေချာချာ ကြည့်တယ်။
အဝေးမှာ ရှိတာကို အဝေးကြည့်မှန်ပြောင်းနဲ့
ကြည့်တယ်။
အနီးရော အဝေးပါ ပိုမြင်လာတယ်။
@@@@@@@@@@@@@@@@@@@@@@@@@@@@@@@@@@@@
စိတ်ကို စုစည်းမှုရှိအောင် လုပ်ဖို့လိုမှန်း
သိလာတယ်။
စိတ်မငြိမ်ရင် ဘာကိုမှ ကောင်းကောင်း
လုပ်လို့မရဘူး။
ဘာကိုမှ ခံစားလို့ မရဘူး။
အလုပ်တစ်ခုကို ကောင်းကောင်းလုပ်ချင်ရင်
စိတ်ကို တည်ငြိမ်အောင်လုပ်ရတယ်။
@@@@@@@@@@@@@@@@@@@@@@@@@@@@@@@@@@@@
ကိုယ့်ဘဝကို ကိုယ်အပြည့်အဝ
တာဝန်ယူလိုက်ပါ။
လူသစ် စိတ်သစ် ဖြစ်သွားမယ်။
ကိုယ့်စိတ်ချမ်းသာမှုကို
ကိုယ်အပြည့်အဝ တာဝန်ယူလိုက်ပါ။
စိတ်ချမ်းသာမှုဆိုတာ ဘာလဲဆိုတာကို
သိရမယ်။
@@@@@@@@@@@@@@@@@@@@@@@@@@@@@@@@@@@@
ပစ္စုပ္ပန်မှာ စိတ်ကို
ထားတဲ့အလေ့အကျင့်ကို လုပ်ပါ။
ပြင်ပ အခြေအနေပေါ်မှာ မူမတည်တဲ့ စိတ်ချမ်းသာမှုကို
ရအောင်လုပ်ပါ။
သိနေပါ။
နိုးကြားပါ။
ရှင်သန်ပါ။
@@@@@@@@@@@@@@@@@@@@@@@@@@@@@@@@@@@@
စိတ်ချမ်းသာမှုဟာ ဘဝနေနည်းပါ
(ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။
@@@@@@@@@@@@@@@@@@@@@@@@@@@@@@@@@@@@
ကိုယ်ကိုယ်တိုင် ဖတ်ဖို့-၁၁၈…
No comments:
Post a Comment