"စိတ်ကူးရုံနဲ့ အကျိုးများလှပြီ..."

အခက်အခဲတွေက အမြဲရှိနေမှာပဲ။

ဖြေရှင်းနိုင်တဲ့ အရည်အချင်းရှိဖို့ပဲ လိုတယ်။

အခက်အခဲများများ ဖြေရှင်းနိုင်တဲ့သူက တိုးတက်တယ်။ အောင်မြင်တယ်။

+++++++++++++++++++++++++++++++++++++

လူတိုင်းမှာ ရွေးချယ်နိုင်စွမ်းရှိပါတယ်။

အဲဒါ အင်မတန် အားတက်စရာကောင်းပါတယ်။

ရွေးချယ်မှုတစ်ခုကို လုပ်လိုက်တိုင်း ကိုယ့်ဘဝကို ကိုယ်ဖန်တီးလိုက်တယ်။

+++++++++++++++++++++++++++++++++++++

သဘာဝလောကကြီးမှာ နေတာပါ။

သူ့အကြောင်းနဲ့သူ့အကျိုး စည်းကမ်းရှိရှိ ဖြစ်နေတယ်။

စည်းမဲ့ကမ်းမဲ့ ဖြစ်နေတယ်ဆိုရင် တော်တော် ကြောက်စရာ အားငယ်စရာပဲ။

စည်းနဲ့ကမ်းနဲ့ ဖြစ်နေတော့ ကြောက်စရာ မလိုဘူး။

အကြောင်းကောင်းရင် အကျိုးကောင်းမယ်။

အကြောင်းကောင်းအောင် လုပ်ဖို့ပဲ လိုတယ်။

ဘယ်လိုအကြောင်းကြောင့် ဘယ်လိုအကျိုးဖြစ်တယ်ဆိုတာ သိအောင်လုပ်ဖို့ပဲလိုတယ်။

အကြောင်းကောင်းအောင် လုပ်ထားပြီဆိုရင် ပူစရာ သိပ်မရှိဘူး။

+++++++++++++++++++++++++++++++++++++

ဖြစ်သမျှ ခံနေဖို့ မလိုဘူး။

ဖြစ်အောင် လုပ်နိုင်တယ်။

ကံစီမံရာ ခံရတယ်လို့ ပြောတယ်။

ကံကို ဘယ်သူ ဖန်တီးသလဲ။

ကံရဲ့အကျိုးပေးမှုဟာ ပုံသေရှိသလား။ မရှိပါဘူး။

ကံရဲ့အကျိုးပေးမှုဟာ မီးရထားသံလမ်းပေါ်မှာ သွားနေတဲ့ မီးရထားလို မဟုတ်ဘူး။

မီးရထားဟာ သံလမ်းပေါ်မှာပဲ သွားလို့ရတယ်။

သံလမ်းပေါ်ကလွဲပြီး သွားစရာ မရှိဘူး။

ကံဆိုတာက သံလမ်းလို ပုံသေချမှတ်ထားတာ မဟုတ်ဘူး။

အခုခေတ်စကားနဲ့ပြောရရင် ဂလိုက်တာ(glider ) ကိုစီးရသလိုပါပဲ။

ကိုယ်က ထိန်းပြီး လိုရာကို သွားလို့ရပါတယ်။

+++++++++++++++++++++++++++++++++++++

ပစ္စုပ္ပန်ကံက အတိတ်ကံကို နည်းနည်းတော့ လွှမ်းမိုးနိုင်တယ်။

စိတ်တည်ငြိမ်ရင် ပိုပြီးလွှမ်းမိုးနိုင်တယ်။

တည်ငြိမ်အေးချမ်းတဲ့စိတ်ရဲ့ တန်ခိုးဟာ အံ့သြစရာ ကောင်းတယ်။

အတ္တရဲ့အလိုအတိုင်း ဖြစ်တယ်လို့တော့ မဆိုလိုပါဘူး။

ဒါပေမယ့် အေးချမ်းတဲ့ စိတ်နဲ့ အာရုံပြုတာတွေဟာ လွယ်လွယ်ကူကူ ဖြစ်လာတာ များပါတယ်။

+++++++++++++++++++++++++++++++++++++

ပစ္စုပ္ပန်က အနာဂတ်ကို လွှမ်းမိုးပါတယ်။

ဒီအချက်ကို လေးလေးနက်နက် စဉ်းစားပါ။

အနာဂတ်ကောင်းချင်ရင် ပစ္စုပ္ပန်ကို ကောင်းအောင် လုပ်ရမယ်။

+++++++++++++++++++++++++++++++++++++

အနီးဆုံး အကြောင်းတရားကို အားကိုးပါ။

အနီးဆုံး အကြောင်းတရားက ကိုယ့်စိတ်ပဲ။

အခု ကိုယ့်စိတ်ထားကို ပြောင်းနိုင်ရင် အခု ကိုယ့်လောက ပြောင်းသွားမယ်။

စိတ္တေန နီယတိလောကော 

စိတ်က လောကကို ဦဆောင်တယ် လို့ ဘုရားဟောတာကို

တကယ်သဘောပေါက်ပြီး စိတ်ကို ပြုပြင်ပါ။

+++++++++++++++++++++++++++++++++++++

အကြောင်းအကျိုး ကွင်းဆက်တွေ ဆက်ခါဆက်ခါ ဖြစ်နေတယ်။

အကြောင်းတရားတွေထဲမှာ ကိုယ်က အရေးပါတဲ့အကြောင်း ဖြစ်တယ်။

ကိုယ့်ဘဝမှာ ဖြစ်သမျှဟာ ကိုယ်ဘာမှ မတတ်နိုင်တဲ့ကံရဲ့ အကျိုးပေးမှုတွေပဲလို့

ထင်ကြတယ်။

ကိုယ်တတ်နိုင်တာတွေ အများကြီး ရှိပါတယ်။

ကိုယ်က အရေးပါတဲ့ အကြောင်းတရားဖြစ်တယ်ဆိုတာကို သဘောပေါက်ဖို့လိုတယ်။

ကောင်းတာတွေကို လုပ်ဖို့ ရွေးချယ်လိုက်တာနဲ့ ကိုယ့်ဘဝဟာ လမ်းကြောင်း ပြောင်းသွားပြီ။

+++++++++++++++++++++++++++++++++++++

စိတ္တုပ္ပာဒ မတ္တမ္ပိ ခေါ အဟံ စုန္ဒ ကုသလေသု ဓမ္မေသု ဗဟုပကာရာ ဝဒါမိ။

ကုသိုလ်ကောင်းမှုကို လုပ်မယ်လို့ စိတ်ကူးရုံနဲ့ အကျိုးများလှပြီ လို့

ဘုရားဟောပါတယ်။

စိတ်ကူးတယ်ဆိုတာ ဘယ်လောက်ခက်လို့လဲ။

+++++++++++++++++++++++++++++++++++++

ဘယ်လိုအခြေအနေမှာပဲဖြစ်ဖြစ် ကိုယ့်သဘောထားကို ကိုယ် ရွေးချယ်လို့ ရပါတယ်။

များသောအားဖြင့်တော့ အကျင့်ပါတဲ့အတိုင်း လုပ်ကြတယ်။

အကျင့်ပါနေတဲ့ သဘောထားတွေ ရှိပါတယ်။

ဒါကြောင့် ကိုယ့်သဘောထားကို ကိုယ် သတိထားပါ။

အကျင့်ပါနေတဲ့အတိုင်း လုပ်တာဟာ လွတ်လပ်မှုမရှိဘူး။

ဥာဏ်မပါဘူး။

+++++++++++++++++++++++++++++++++++++

Old habits die hard.  အသက်ရင့်နေတဲ့ အကျင့်ဟာ သေခဲတယ်။

အရိုးစွဲနေတဲ့အကျင့်ဟာ ဖျောက်ရမလွယ်ဘူးလို့ ဆိုလိုတယ်။

ဖျောက်ရမလွယ်ဘူးလို့ ဆိုပေမယ့် သတိဆိုတဲ့မီးမောင်းနဲ့ ထိုးကြည့်လိုက်ရင်

ဖျောက်ရလွယ်ပါတယ်။

မသိရင် ဖျောက်လို့ မရဘူး။

သိရင် ဖျောက်လို့ ရတယ်။

+++++++++++++++++++++++++++++++++++++

အခြေအနေတိုင်းမှာ သတိနဲ့ဥာဏ်နဲ့ သိပြီးတော့ အကောင်းဆုံးကို ရွေးချယ်ရင်

လွတ်လပ်တဲ့သူ စိတ်ချမ်းသာတဲ့သူ အားကြီးတဲ့သူ ဖြစ်မယ်။

ရွေးချယ်မှုဆိုတာ မလုပ်လို့ မရပါဘူး။

မရွေးချယ်ဘူးဆိုရင်တောင် အဲဒီ မရွေးချယ်ဘူးဆိုတာကို ရွေးချယ်တာပါပဲ။

+++++++++++++++++++++++++++++++++++++

သူများပြောတာကို နားထောင်ပြီး လိုက်လုပ်ရင် ကိုယ့်ဘဝကို သူ့လက်ထဲမှာ

အပ်ထားလိုက်သလို ဖြစ်သွားပြီ။

ကိုယ်က ရွေးချယ်ရမယ့်တာဝန်ကို မယူချင်လို့ သူ့ကို ရွေးချယ်ခိုင်းတာ။

+++++++++++++++++++++++++++++++++++++

ကိုယ် ဘာကို ရွေးချယ်တယ်ဆိုတာပေါ်မှာ မူတည်ပြီး ကိုယ့်ဘဝ အရည်အသွေး

ကောင်းတယ် မကောင်းဘူး ဆိုတာ ဖြစ်လာမယ်။

အခြေအနေကို ကိုယ်က ဘယ်လိုမှ ပြောင်းလို့မရရင်တောင် အခြေအနေက

ကိုယ့်ဘဝကို အဆုံးအဖြတ်မပေးအောင် ကိုယ့်သဘောထားကို ကိုယ် မှန်အောင်ထားရမယ်။

+++++++++++++++++++++++++++++++++++++

ကိုယ်လုပ်နိုင်သလောက် လုပ်ပြီးရင် ကျန်တာကို ဖြစ်လာသမျှ အေးအေးဆေးဆေး

လက်ခံနိုင်တဲ့သူဟာ လွတ်လပ်တဲ့သူ အင်အားကြီးတဲ့သူ ဖြစ်တယ်။

ငြီးငြူနေတဲ့သူဟာ အားနည်းတဲ့သူ မလွတ်လပ်တဲ့သူ ဖြစ်တယ်။

လက်ခံလိုက်တယ်ဆိုတာလည်း အမြဲတန်းအတွက် မဆိုလိုပါဘူး။

ခေတ္တ လက်ခံတာပါ။

စိတ်ကို တည်ငြိမ်အောင်ထားနိုင်ဖို့ လက်ခံတာ။

ကိုယ်မကြိုက်တဲ့ အခြေအနေက ကိုယ့်ကို စိတ်ဆင်းရဲအောင် လုပ်ခွင့်မရအောင်

ကိုယ့်စိတ်ကို ကိုယ် ကာကွယ်တာ။

ဘာမှ လုပ်လို့မရတဲ့အခြေအနေမှာ မှန်ကန်တဲ့သဘောထားကို ရွေးချယ်တာ။

ဘာကိုမှ ရွေးလို့မရတဲ့သူ မဖြစ်ဖို့လိုတယ်။

ပြင်ပအခြေအနေကို ရွေးလို့မရရင် ကိုယ့်သဘောထားကို ကိုယ် ရွေးတယ်။

+++++++++++++++++++++++++++++++++++++

ငါ လုပ်နိုင်တာ ရှိတယ်။

ငါ့မှာ ရွေးစရာရှိတယ် လို့ သိရတာ အားတက်စရာဖြစ်တယ်။

ဘာတွေလုပ်နိုင်သလဲ ဆိုတာ မေးပါ။

လုပ်နိုင်တာတွေ များအောင် လေ့လာပါ။

လုပ်နိုင်တာတွေ အများကြီးထဲက အကောင်းဆုံးကို ရွေးပါ။

+++++++++++++++++++++++++++++++++++++

စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ

ကောက်နှုတ်ဖော်ပြပါတယ်။

+++++++++++++++++++++++++++++++++++++

ကိုယ်ကိုယ်တိုင် ဖတ်ဖို့-၁၁၁…