တစ်ခါတုန်းက အလုပ်သမားဖြစ်တဲ့မောင်အေးက
စက်ရုံမှူးဖြစ်တဲ့ကိုရွှေကို မေးပါတယ်။
“ဆရာ…အောက်ကိုဝေဖန်ခြင်းနဲ့ အထက်ကိုဝေဖန်ခြင်း
ဘာကွာခြားသလဲဟင်…”
ကိုရွှေက…
“ မင်းနားလည်အောင် ငါ လက်တွေ့ပြမယ်”
ဒီလိုပြောပြီး စက်ရုံမှူးကိုရွှေဟာ
အနီးမှာရှိတဲ့ပြတင်းပေါက်ပေါင်ပေါ်တက်ရပ်လိုက်ပါတယ်။
အလုပ်သမားမောင်အေးကိုတော့
ပြတင်းပေါက်အောက်တည့်တည့်တွင်ရပ်ဖို့ပြောလိုက်ပါတယ်။
မောင်အေးက အောက်တည့်တည့်ကိုဆင်းလိုက်ပါတယ်။
အဲဒီနောက် ကိုရွှေက အပေါ်ကနေပြီး အောက်ကို တံထွေးထွေးချလိုက်ပါတယ်။
မောင်အေးရဲ့ခေါင်းပေါ်တည့်တည့်ကို ကျသွားပါတယ်။
မောင်အေးက အံ့သြသွားပါတယ်။
“ကိုရွှေက အဲဒါ အောက်ကိုဝေဖန်ခြင်းပဲ။
ကိုင်း အခု မင်းငါ့ကို တံထွေးနဲ့ပြန်ထွေးစမ်း”
မောင်အေးက ကိုရွှေပြောတဲ့အတိုင်း အောက်ကနေ တံထွေးနဲ့ထွေးလိုက်ပါတယ်။
တံထွေးက မောင်အေးရဲ့ခေါင်းပေါ်ကိုပင် ပြန်ကျပါတယ်။
ကိုရွှေက
“ မောင်အေး၊ အဲဒါ အထက်ကိုဝေဖန်ခြင်းပဲ”
လို့ပြောလိုက်ပါတယ်။
No comments:
Post a Comment