မွန်ပြည်နယ်ရဲ့
တောရွာတစ်ရွာတွင်
တောသားကြီးနှစ်ယောက်
ယူရို လ္ဘက်ရည်ဆိုင်မှာဆုံကြပြီး
စကားပြောနေကြတယ်။
“ အမေရိကန်က
အာကာသယာဉ်ကို လွှတ်တင်လိုက်ပြန်ပြီတဲ့ ”
“ ခဏ ခဏ လွှတ်နေကြတာပါ၊
သိပ်မထူးဆန်းတော့ပါဘူး ”
“ အင်တာနက်ထဲမှာ
ကြိုက်တာကို ရှာနိုင်တယ်လို့ကြားရတယ်။
စာအုပ်တောင် မလိုတော့ဘူးတဲ့ ”
“ သိပ္ပံပညာမှာ မကြားဖူးတာတွေ
တစ်ခုပြီးတစ်ခု တည်ထွင်နေကြတာပဲ၊
အံ့စရာတောင်ကောင်းတယ်။ ”
“ အမေရိကန်မှာ လူမည်းက သမ္မတဖြစ်သွားတယ်တဲ့ ”
“ တစ်ချိန်တုန်းက ကျွန်တွေက အခုတော့
အမြင့်ဆုံးဆိုတဲ့
သမ္မတဖြစ်တာတော့ အံသြစရာကောင်းပါတယ်။
ချီးကျူးဖို့လည်းကောင်းပါတယ် ”
“ တရုတ်ပြည်ကြီး အရှိန်အဟုန်ကြီးကြီးနဲ့
တိုးတက်နေတယ်လို့ကြားရတယ်။
ဂျပန်ကိုတောင်ကျော်တက်သွားပြီတဲ့ဗျ ”
“ ဘယ်သူမျက်နှာမှ မကြည့်ပဲ စီးပွားရေးအဓိကဆိုပြီး
လုပ်တော့လည်း တိုးတက်တာပေါ့ဗျာ ”
“ အော်…ဒါနဲ့
ဟိုဖက်ရွာက ကိုရွှေအေးရဲ့အိမ်မှာ အရက်ပုန်းတွေကို
ရှာတွေ့လို့ ဖမ်းသွားတာကြားပြီးပြီလား ”
“ ဟေ ဟုတ်လား၊
မင်းကွာ အသေးအမွှားကိစ္စတွေကို အရင်ပြောပြီး
အခုလို အရေးကြီးတာကျတော့
ဘာဖြစ်လို့ အခုမှ ပြောရတာလဲ။
ဒုက္ခပါပဲ၊
ငါ့အရက်ပုန်းတွေကို အမြန်ဆုံး သွားဝှက်လိုက်ဦးမှပဲ ”
No comments:
Post a Comment