လူတစ်ယောက် လမ်းလျှောက်လာတယ်။
ပြီးတော့ ရုတ်တရက်ရပ်လိုက်တယ်။
ခေါင်းကို အတတ်နိုင်ဆုံးမော့လိုက်ပါတယ်။
ကောင်ကင်ကို ကြည့်နေတယ်။
ဖြတ်သွားသူတစ်ယောက်က သူ့ရဲ့အနားကပ်လာပြီး
သူ့လိုပင်ကောင်းကင်ကို မော့ကြည့်လိုက်ပြန်တယ်။
အဲဒီနောက် တစ်ယောက်ပြီးတစ်ယောက်ကောင်းကင်ကို မော့ကြည့်ကြတယ်။
ဘာများပါလိမ့်?
တဖြည်းဖြည်းနဲ့လူတွေများလာတယ်။
ကောင်းကင်ကို လူတွေအားလုံးမော့ကြည့်ကြပါတယ်။
ဘာမှ ထူးထူးခြားခြား မတွေ့ရပါဘူး။
ဒါနဲ့ပဲ တစ်ယောက်က သူ့အနားကလူကို မေးလိုက်ပါတယ်။
“ခင်ဗျာ...ဘာကိုကြည့်နေတာလဲ? ဟင်”
“သူများမော့ကြည့်နေတာတွေ့လို့မော့ကြည့်နေမိတာပဲလေ။
ဘာမှတော့ မတွေ့မိဘူး။”
ဒီလိုနဲ့ လူအုပ်ထဲက တစ်ယောက်ကို တစ်ယောက် အနားမှာ ရှိတဲ့လူကို မေးကြပါတယ်။
“ကောင်းကင်ထဲမှာ ဘာတွေ့လို့လဲ? ” ပေါ့။
အဲဒီလိုအဆင့်ဆင့်မေးကြရင်းနဲ့ ပထမဆုံးမော့ကြည့်သူကိုမေးတဲ့အခါမှာတော့.....
“ကျနော်ကို မေးတာလား?
ကျနော်ဘာကိုမှ ကြည့်နေတာမဟုတ်ပါဘူး။
ကျနော်တစ်ခါတစ်လေ နှာခေါင်းသွေးလျှံတတ်တယ်လေ။
အခု လဲ လမ်းလျှောက်လာရင်းနဲ့
နှာခေါင်းသွေးလျှံတာနဲ့ တိတ်သွားအောင်ဆိုပြီးခေါင်းကိုမော့ထားတာပါ ”
သူများတွေ လုပ်တာကို ဘာမှန်းညာမှန်းမသိဘဲ လုပ်မိသူတွေထဲ ကိုယ်လဲပါမှာပါ။
အဲဒါကြောင့် ကိုယ့်အချိန်တွေ ဘယ်လောက်ကုန်ခဲ့ပြီလဲ?
အချိန်ဆိုတာ ဘဝပါပဲ။
ပညာရှာချိန်မှာ အချိန်ဟာ ပညာပါပဲ။
ငွေရှာချိန်မှာ အချိန်ဟာ ငွေပါပဲ။
တရားရှာချိန်မှာ အချိန်ဟာ တရားပါပဲ။
ဘယ်တော့မှ အစားထိုးပြန်မရတော့တဲ့ အချိန်ဖြုန်းတာလောက် နစ်နာတာမရှိတော့ဘူး။
သတိမရှိတော့အခါ ဘဝဟာ နာပြီးရင်းနာတော့တာပဲ။
ကိုယ့်ကိုကိုယ် အမြဲမေးကြည့်သင့်တာက
ကိုယ်လုပ်နေတာဟာ သူများလုပ်တာကို လုပ်နေတာလား?
“ကိုယ်လုပ်နေတာဟာ လွတ်လပ်တဲ့စိတ်နဲ့လုပ်နေတာလား?
ကိုယ်လုပ်နေတာဟာ စိတ်ကောင်း၊စေတနာကောင်းနဲ့စိတ်ပါလက်ပါလုပ်နေတာလား?
No comments:
Post a Comment