ဘာအကြောင်းပဲ
ပြောပြော စိတ်ချမ်းသာစရာဖက်က်ို ဆွဲယူပါ။
တတ်နိုင်သလောက်
အပြုသဘောဖက်ကို ရောက်အောင် ပြောပါ။
စာဖတ်တဲ့အခါမှာလည်း
စိတ်ချမ်းသာစရာကို ရွေးဖတ်ပါ။
ကြုံရာစာကို
မဖတ်ပါနဲ့။
ကိုယ့်အချိန်တွေဟာ
အကန့်အသတ်ရှိတယ်။
ဒါကြောင့်
အချိန်ကုန်ရကျိုးနပ်အောင် စဉ်းစားပါ။
ပညာလည်းရ
စိတ်လည်းချမ်းသာမယ့် စာကို ဖတ်ပါ။
++++++++++++++++++++++++++++++++++++
တွေးတဲ့အခါမှာလည်း
ကြုံရာအတွေးတွေကို တွေးမယ့်အစား စိတ်ချမ်းသာစရာကို တွေးပါ။
များသောအားဖြင့်
ဘာကိုတွေးမယ်လို့ အစီအစဉ် မရှိဘူး။
စိတ်ကူးတည့်ရာ
ကြုံရာကို တွေးတယ်။
အတွေးက စိတ်ကို
အများဆုံး လွှမ်းမိုးတယ်။
အတွေးကြောင့် စိတ်ချမ်းသာတယ်။
အတွေးကြောင့်ပဲ
စိတ်ဆင်းရဲတယ်။
ဒါကြောင့်
စိတ်ချမ်းသာချင်ရင် အတွေးတွေကို စည်းကမ်းရှိအောင် လုပ်ရမယ်။
ကိုယ်ကြိုက်ရာကို
ရွေးပြီး တွေးနိုင်မှ စိတ်ချမ်းသာမယ်။
ပတ်ဝန်းကျင်က
အခြေအနေတွေနဲ့ လူတွေက ကိုယ့်အတွေးတွေကို လွှမ်းမိုးတာ
များလေ ကိုယ့်စိတ်ကြည်လင်မှု
နည်းလေ ဖြစ်မယ်။
++++++++++++++++++++++++++++++++++++
လေတိုက်ပြီးလွင့်လာတဲ့
အမှိုက်တွေက ကိုယ့်ခေါင်းပေါ်လာစုသလို ဖြစ်နေရင် မကောင်းဘူး။
အမှိုက်တွေ
ခေါင်းပေါ်လာမစုအောင် ဘယ်လိုလုပ်မလဲ ဆိုတာ စီစဉ်ပါ။
ကိုယ်က အစီအစဉ်လုပ်မထားရင်
အခြေအနေက ဖန်တီးတာ ခံရမယ်။
အခြေအနေက
ဖန်တီးတာ ခံရရင် ကိုယ့်မှာ လွတ်လပ်မှု မရှိဘူး။
စိတ်ချမ်းသာမှုလည်း
မရနိုင်ဘူး။
ကိုယ့်စိတ်ကိုမှ
ကိုယ်မကာကွယ်နိုင်ရင် တခြားဘာကို ကာကွယ်နိုင်မလဲ။
ကိုယ့်စိတ်ဟာ
လွတ်လပ်တဲ့နယ်မြေ ဖြစ်ရမယ်။
အေးချမ်းတဲ့နယ်မြေ
ဖြစ်ရမယ်။
++++++++++++++++++++++++++++++++++++
စိတ်ချမ်းသာမှုအများဆုံးရမယ့်
အတွေ့အကြုံတွေကို ရွေးပါ။
ကိုယ်တွေ့ရကြုံရတာတွေ
အားလုံးဟာ အတွေ့အကြုံ (experience) တွေ ချည်းပဲ။
တစ်နေ့တာ
ကြုံတွေ့ရတာတွေဟာ များသောအားဖြင့်တော့
ဘာမှ မထူးခြားတဲ့အတွေ့အကြုံတွေပဲ
များပါတယ်။
တစ်ခါတလေ
ကိုယ်က သေသေချာချာ စီစဉ်ပြီး
ထူးခြားအောင် လုပ်မှ ထူးခြားတဲ့အတွေ့အကြုံ ဖြစ်လာတယ်။
နေ့စဉ် ထူးခြားတဲ့အတွေ့အကြုံတစ်ခုခု
ဖြစ်လာအောင် စီစဉ်တတ်ရင် ရပါတယ်။
သွားစရာ ရှိလို့သွားတဲ့အခါ
သွားနေကျလမ်းအတိုင်း မသွားပဲ ပိုပြီးသာယာတဲ့လမ်းကနေ သွားပါ။
စကားပြောလို့
ကောင်းတဲ့ စိတ်ဝင်စားစရာကောင်းတဲ့ လူတွေနဲ့ တွေ့ပါ။
ဟောပြောပွဲတွေ
ဆွေးနွေးပွဲတွေကို သွားပါ။
အချိန်ရရင်
သီးသန့် အစီအစဉ်လုပ်ပြီး picnic ပျော်ပွဲစား သွားပါ။
++++++++++++++++++++++++++++++++++++
ရေရှည်မှာ
စိတ်ချမ်းသာမှုကို လျော့နည်းသွားစေမယ့် အပျော်အပါးမျိုးကို မလုပ်မိအောင်
ချင့်ချိန်ဖို့၊
စီစစ်ဖို့ လိုတယ်။
အခုခဏ ပျော်ပြီးတော့
ရေရှည်စိတ်ဆင်းရဲမယ့်ကိစ္စကို ရှောင်ဖို့ပဲ။
ကုန်ကျစရိတ်များတဲ့
အပျော်အပါးကို ရှောင်ပါ။
ပညာရေးအတွက်
သုံးရမယ့်ငွေကို ခဏပျော်ရတဲ့နေရာမှာ မသုံးသင့်ဘူး။
ကျန်းမာရေးအတွက်
သုံးရမယ့်ငွေကို လောင်းကစားလုပ်ပစ်လို့ ဆေးမကုနိုင်ပဲ
သေရတာ ကြားဖူးတယ်။
++++++++++++++++++++++++++++++++++++
လူ့ဘဝမှာ
လုပ်ချင်တာချည်းပဲ လုပ်ဖို့ အခွင့်အရေးမရပါဘူး။
လူများစုဟာ
စားဝတ်နေရေးအတွက် အလုပ်လုပ်ရတယ်။
ဝင်ငွေကလည်း
အကန့်အသတ် ရှိတယ်။
အချိန်ဆိုတာလည်း
အကန့်အသတ်ရှိတယ်။
အလုပ်နားရက်မှာ
ငွေကုန်မများတဲ့ပျော်စရာလေးတွေကို ဖန်တီးခွင့် လုပ်ခွင့်ရနိုင်ပါတယ်။
++++++++++++++++++++++++++++++++++++
ကိုယ့်အတွက်ပျော်စရာဆိုတာ
ကိုယ့်စရိုက်နဲ့လည်း ပတ်သက်တယ်။
ကိုယ့်အခြေအနေ၊
ကိုယ့်ဝင်ငွေ၊ အချိန်ပို၊ အသက်အရွယ်၊ ကျန်းမာရေး၊
ကိုယ်နဲ့တွဲလို့ရမယ့်
အပေါင်းအဖော် စတဲ့ အချက်တွေပေါ်မှာ မူတည်ပါတယ်။
++++++++++++++++++++++++++++++++++++
ကိုယ်လုပ်ချင်တာကို
စိတ်ကြိုက်ရွေးပြီး လုပ်နိုင်တဲ့အခြေအနေရရင်
သိပ်ပျော်စရာ
ကောင်းပါတယ်။
ကိုယ်လုပ်ချင်တာကို
စိတ်ကြိုက်ရွေးပြီး လုပ်ခွင့်မရတဲ့အခါ ဖြစ်လာတဲ့အခြေအနေကို
ကိုယ့်အတွက်
ပိုပြီးပျော်စရာဖြစ်အောင် ဖန်တီးနိုင်ဖို့လိုတယ်။
အချို့လူတွေဟာ
ဘယ်လိုအခြေအနေမှာပဲဖြစ်ဖြစ် ပျော်တတ်တယ်။
အဲဒီလူတွေဆီက
နည်းယူပါ။
ဒီပညာဟာလည်း
သင်မှ တတ်တယ်။
++++++++++++++++++++++++++++++++++++
အခြေအနေတိုင်းကို
ပိုပြီး စိတ်ဝင်စားစရာကောင်းအောင် ပျော်စရာကောင်းအောင်
လုပ်နိုင်မှသာ
ဘဝတစ်ခုလုံး ပိုပြီးစိတ်ဝင်စားစရာ၊ ပျော်စရာကောင်းလာမယ်။
ဒီအရည်အချင်းဟာ
သေသေချာချာ လေ့လာသင့်တဲ့ လေ့ကျင့်သင့်တဲ့ အရည်အချင်းဖြစ်ပါတယ်။
စိတ်ချမ်းသာမှု၊
ပျော်ရွှင်မှုကို တန်ဖိုးထားတဲ့သူတိုင်း အထူးအလေးထားပြီး လေ့လာရမယ်။
သို့မဟုတ်ရင်
စိတ်ချမ်းသာစရာအချိန် ပျော်စရာအချိန် နည်းနေမယ်။
စိတ်ချမ်းသာစရာ
ပျော်စရာ နည်းနေရင် ဘဝတစ်ခုလုံး မှုံမှိုင်းနေသလို ဖြစ်နေမယ်။
++++++++++++++++++++++++++++++++++++
ဘယ်လိုအခြေအနေမှာဖြစ်ဖြစ်
စိတ်ဝင်စားစရာကောင်းအောင် ပျော်စရာကောင်းအောင်
ရသလောက် လုပ်မယ်လို့
ဆုံးဖြတ်ထားပါ။
ကားနဲ့ခရီးသွားရင်း
ကားပျက်ရင် စိတ်မပျက်အောင် ဘာလုပ်မလဲ။
စဉ်းစားထားပါ။
သူငယ်ချင်းတစ်ယောက်ကို
ချိန်းထားတာ သူ နောက်ကျနေရင် ဘာလုပ်မလဲ။
စိတ်တိုနေမလား။
စိတ်တိုနေရင် အဲဒီအချိန်ဟာ စိတ်မချမ်းသာတဲ့အချိန်ဖြစ်သွားမယ်။
စာအုပ်တစ်အုပ်ဖတ်နေလိုက်ရင်
စိတ်ဝင်စားနေလို့ အချိန်ကုန်မှန်း မသိလိုက်ဘူး။
++++++++++++++++++++++++++++++++++++
ည အိပ်မပျော်ရင်
ဘာလုပ်မလဲ။
စဉ်းစားထားပါ။
အသက်ကြီးလာရင်
အိပ်မပျော်တာ ဖြစ်တတ်တယ်။
စိတ်ညစ်နေမယ့်အစား
တစ်ခုခုထလုပ်တာ ကောင်းတယ်။
အစီအစဉ် လုပ်ထားဖို့
လိုတယ်။
++++++++++++++++++++++++++++++++++++
ဘဝအတွေ့အကြုံတော်တော်များများဟာ
ကိုယ်စိတ်ကြိုက်ရွေးယူထားတာ မဟုတ်လို့
ရောက်နေတဲ့အခြေအနေကို
ကိုယ့်အတွက် ပျော်စရာဖြစ်အောင် ဖန်တီးနိုင်တာဟာ
စိတ်ချမ်းသာမှုအတွက်
အထူးအားထားရတဲ့လုပ်နည်း ဖြစ်ပါတယ်။
++++++++++++++++++++++++++++++++++++
လူတွေရဲ့စိတ်ချမ်းသာမှုကို
သုတေသန လုပ်ကြည့်တဲ့အခါမှာ အခြေအနေတိုင်းကို
စိတ်ဝင်စားစရာကောင်းအောင်
ပျော်စရာကောင်းအောင် လုပ်နိုင်တဲ့သူက
စိတ်ပိုချမ်းသာတာကို
တွေ့ရတယ်။
ကိုယ်က ကျွမ်းကျင်ရင်
ကျွမ်းကျင်သလောက် ကိုယ်ရလာတဲ့ အခြေအနေက စိတ်ချမ်းသာစရာ
ပျော်စရာ
ဖြစ်မယ်။
ကိုယ့်အပေါ်မှာပဲ
မူတည်တယ်။
++++++++++++++++++++++++++++++++++++
စိတ်ချမ်းသာဖို့
လိုရင်းပါ (ဆရာတော်ဦးဇောတိက) စာအုပ်မှ ကောက်နှုတ်ဖော်ပြပါတယ်။
++++++++++++++++++++++++++++++++++++
ကိုယ်ကိုယ်တိုင်
ဖတ်ဖို့-၃၀…
