"အမေ့ထံသို့ ပေးစာများ-၄၀..."

သို့

ချစ်တဲ့အမေ

သားသတိတရ စာရေးလိုက်ပါတယ်။

အမေ နေကောင်းလားဟင်။

သားတို့မိသားစု နေကောင်းကြပါတယ်။

ကျနော်တို့ မစ်ချီဂန်ရောက်တော့ အလုပ်မှာ ပိုအဆင်ပြေတယ်လို့ပြောရမယ်ထင်ပါတယ်။

ပိတ်ရက် နည်းသွားတယ်။ အလုပ်ဆင်းရက်များလာတယ်။

အလုပ်ဆင်းရက်များလာတော့ လခလည်း များလာတာပေါ့။

ဒီမှာက အလုပ်ချိန်နဲ့ ငွေကြေးက တိုက်ရိုက်အချိုးကျတယ်လေ။

ငွေကြေးများတော့ ငွေကို အဓိကထားတဲ့နိုင်ငံမှာ အဆင်ပြေတယ်လို့ပြောနိုင်တာပေါ့။

အဆင်မပြေတာ တစ်ခုတော့ရှိတယ်။

အဲဒါကတော့ ညတိုင်း အိပ်လို့မရဘူး။

အကြောင်းကတော့ ကြမ်းပိုးကိုက်တာပဲ။

ကြမ်းပိုးအကြောင်းပြောရင် အင်ဒီယားနားကို စရောက်တဲ့အချိန်ကစပြောရလိမ့်မယ်ထင်တယ်။

အစပိုင်းတုန်းကတော့ ကြမ်းပိုးကိုက်တယ်မထင်ဘူး။

အမေရိကန်မှာက ပိုးကောင်များများစားစား ရှိမယ်လို့မထင်ခဲ့ဘူး။

မြန်မာနိုင်ငံမှာတော့ ခြင်ကပေါက ပေါပါဘိသနဲ့။

အမေရိကန်နိုင်ငံမှာ ခြင်ကို မတွေ့ဖူးဘူး။

ဒါကြောင့်လည်း ကြမ်းပိုးရှိမယ်မထင်ဘူး။

ဒါပေမယ့် ညဖက်မှာ အိပ်ပြီးရင်တော့ ကိုယ်ခန္ဓာမှာ အနီစက်တွေ ပေါ်လာတယ်။

ယားတယ်။ ပြီးတော့ အဖုတွေဖြစ်လာတယ်။

နောက်တော့ ယားလို့ကုတ်ရင်းက အနာတွေ ဖြစ်လာတယ်။

အနာတွေ ပျောက်တော့ အနာရွတ်တွေ ကျန်ခဲ့တယ်။

တစ်ခုခုနဲ့မတည့်တာလို့ အစပိုင်းက ထင်ခဲ့တယ်။

လင်မယားနှစ်ယောက်စလုံးဖြစ်တယ်။

ယားနာလိမ်းဆေးတွေ လိမ်းဖြစ်တယ်။

သက်သာသလို ဖြစ်တော့ ဓာတ်မတည့်မှုလို့ လွယ်လွယ်ယူဆလိုက်တယ်။

ဝန်ထမ်းအများစုက နေလိုက်၊ပြောင်းလိုက်ဆိုတော့

အိမ်ခန်း အပတ်မန့်(Apartments)တွေရဲ့ထုံးစံအတိုင်း

ညစ်ပတ်လို့ဖြစ်တယ်လို့ထင်ခဲ့တယ်။

ညတိုင်း အဖုတွေကများများလာတော့ မသင်္ကာဖြစ်လာတယ်။

နီးစပ်တဲ့မိတ်ဆွေတွေကိုပြောပြတော့ ကြမ်းပိုးကိုက်တာ ဖြစ်နိုင်တယ်လို့ပြောကြတယ်။

သူငယ်ချင်းကိုပြောပြတော့ ကြမ်းပိုးကိုတွေ့လားလို့မေးတယ်။

မနီးစပ်ခဲ့တော့ မရှာဖွေမိဘူး။

မတွေ့ဖူးလို့ပြောတော့ ကြမ်းပိုးမဖြစ်နိုင်ဘူး။

ဓာတ်မတည့်တာ ပိုဖြစ်နိုင်တယ်လို့ပဲ ဆိုပြန်တယ်။

နောက်တော့ အပတ်မန့်တွေကို ပိုးသတ်ဆေးဖြန်းတဲ့ အမေရိကန်တစ်ယောက်လာတယ်။

အကျိုးအကြောင်းပြောပြတော့ သူက မွေ့ယာတွေကို လှမ်းကြည့်တယ်။

သူ့ရဲ့အားကောင်းလှတဲ့ဓာတ်မီးနဲ့ထိုးကြည့်တော့မှ ကြမ်းပိုးအကြီးကြီးကို စတွေ့တယ်။

ဒီတော့မှ ယားနာဖုတွေရဲ့လက်သည်တရားခံဟာ ကြမ်းပိုးဖြစ်ကြောင်း အတည်ပြုနိုင်ခဲ့တယ်။

သူ့ကိုပြောတော့ သူရဲ့အခုပါလာတဲ့ဆေးက မနိုင်နိုင်ဘူး။

ကုမ္ပဏီကို အကြောင်းကြားသင့်တယ်လို့ ပြောပြီ ပြန်သွားလေရဲ့။

ဒီတော့ ကြမ်းပိုးသေစေနိုင်တဲ့ဆေးတွေ ဝယ်ပြီးဖြန်းတော့ တာပေါ့။

ဒါပေမယ့် ကြမ်းပိုးသေတာတော့ မတွေ့မိဘူး။

ညတိုင်း အဖုတွေ၊ အနီစက်တွေက ထွက်မြဲထွက်နေတာပါပဲ။
အနာတွေအတွက်လည်း ဆေးအမျိုးမျိုးဝယ်ပြီး လိမ်းရပြန်တယ်။

ကြမ်းပိုးစားလို့တော်တော်ကုန်ပါတယ်။

ဒါနဲ့ပဲ အင်ဒီယားနားကနေ မစ်ချီဂန်ကိုပြောင်းရွေ့ခွင့်ရတယ်။

ကြမ်းပိုးရန်ကတော့ လွတ်ပြီးလို့ထင်လိုက်တယ်။

ဝမ်းသာလို့မဆုံးလိုက်ပါဘူး။ မစ်ချီဂန်ကျတော့ ပိုဆိုးနေတယ်။

ညတိုင်းကောင်းကောင်းမအိပ်ရဘူး။

တစ်ညကို အကောင်နှစ်ဆယ်ကျော်ဖမ်းမိတဲ့ညတွေ တောင်ရှိတယ်။

ညတိုင်းလိုလို ကြမ်းပိုးထထပြီး ဖမ်းနေရတယ်။တစ်ညကို

အနည်းဆုံး လေးငါးကြိမ်ကတော့ ထရတတ်တယ်။

ဒီတော့မှ နည်းနည်းအိပ်ရတယ်။

ကြမ်းပိုးကိုက်လို့ ညဖက် အိပ်မရ၊

နေ့ဖက်ကျတော့ အလုပ်ကများတော့ မနားရဘူး။

ကြာလာတော့ စိတ်ဓာတ်တွေ ကျဆင်းလာတယ်။

အမေရိကန်ရောက်ပြီး အကြီးအကျယ် စိတ်ဓာတ်တွေကျဆင်းတဲ့ကာလလို့ပြောရမယ်ထင်တယ်။

သန့်ရှင်းရေးကို အဓိကထားပြီးလုပ်ခဲ့တယ်။

အဝတ်အစားတွေ၊စောင်တွေ အပတ်စဉ်လျှော်ရတယ်။

အခန်းသန့်ရှင်းရေးအနေနဲ့vaccum စုပ်ရတယ်။

ဆေးတွေကတော့ ညတိုင်းဖြန်းနေရတုန်းပါပဲ။

ကြမ်းပိုးနည်းသွားပေမယ့် ရှိနေတုန်းပါပဲ။

အကိုက်ခံနေရတုန်းပဲအမေ။

အမေရိကန်ကြမ်းပိုးက အသက်ပိုပြင်းလေရော့သလား။

ပိုးသတ်ဆေးတွေ အများကြီးသုံးလည်း မသေဘူး။

ပိုးသတ်ဆေး မျိုးစုံအောင်ကို သုံးဖြစ်တယ်။

Shopping တွေဆီ သွားဖြစ်ရင် အရင်ဆုံးလိုက်ရှာတာက ကြမ်းပိုးဆေးပဲ။

ပြီးတော့ အနာလိမ်းဆေးတစ်မျိုးမျိုးဝယ်ရတယ်။

ပြီးတော့မှ ကျန်တာတွေကိုလိုက်ရှာဖြစ်တယ်။

အကုသိုလ်ကတော့ နေ့တိုင်းလိုလို ဖြစ်နေတဲ့သဘောပါပဲ။

ရောက်ဖူးတဲ့နေရာ လေးနေရာမှာတော့ ကာလီးဖိုးနီးယားကတော့ရာသီဥတု

အမျှတဆုံးလို့ပြောနိုင်တယ်။ သမုဒ္ဒရာနဲ့ နီးလို့ထင်တယ်။

အပူအအေးမျှတတယ်။ နေလို့ကောင်းတယ်။

နေလို့ကောင်းလို့ထင်ပါရဲ့။ လူနေထူထပ်တယ်။

လူနေမှုစရိတ်တွေ မြင့်မားလွန်းတယ်။

ငွေကုန်ကြေးကျများပြီး အလုပ်က ရှားနေတော့

ရေရှည်နေဖို့မဖြစ်နိုင်မှန်းသိလို့ စောစောပဲ ထွက်ခဲ့တယ်။

အင်ဒီယားက အေးတယ်။ ရေခဲတဲ့နေ့ရက်တွေနဲ့လည်း ကြုံခဲ့ရပါတယ်။

အင်ဒီယားနားထက် မစ်ချီဂန်က ပိုအေးတယ်လို့ သတင်းကြီးတယ်။

ကျနော်တို့ရောက်တဲ့အချိန်က နွေဦးရာသီဆိုတော့ မစ်ချီဂန်မှာ နေလို့ကောင်းတဲ့ရာသီဖြစ်နေပါတယ်။

ဒါတောင် အနွေးထည် မဝတ်ပဲ မနေနိုင်ပါဘူး။

အပြင်ထွက်ရင် အေးတုန်းပါပဲ။

နေလို့ကောင်းတဲ့ရာသီဆိုတာတောင်

မြန်မာနိုင်ငံရဲ့အအေးဆုံးဒေသတွေထက်တောင် အေးနေတုန်းပါပဲ။

အေးတဲ့အတွက် ကောင်းတဲ့အချက်ကတော့ အအေးကိုကြိုက်တဲ့သစ်ပင်၊ပန်းပင်တွေ

ရောင်စုံဖူးပွင့်နေတာပါပဲအမေ။

ကားမောင်းသွားရင် ဘေးတစ်ဖက်တစ်ချက်မှာ ရောင်စုံသစ်ပင်၊ပန်းပင်တွေကြောင့်

စိတ်ကြည်နူးရတယ်။ တော်တော်လှပတဲ့မြင်ကွင်းပါပဲ။

ဘာဘဲဖြစ်ဖြစ် ဒီမှာနေတာကဟာ အကောင်း၊အဆိုးတွေက

ဒွန်တွဲနေတယ်ဆိုတဲ့တရားသဘောကတော့

ပိုမို မြင်သာ၊ထင်သာစေပါတယ်။

ခံယူတတ်ရင် ဘေးတစ်ဖက် တစ်ချက်မှာ တရားတွေချည်းပါပဲ။

အဲဒါကို သတိထားမိဖို့ပဲလိုပါတယ်။

အမေ ကျန်းမာရေးကို ဂရုစိုက်ပါနော်။

ဒီလကုန်ရင် အမေ့ဆီကို ငွေပို့လိုက်ပါ့မယ်။

အမေ့ကိုချစ်တဲ့သား

အောင်ဝင်းဟိန်း

လန်ဆင်းမြို့(Lansing)

မစ်ချီဂန်ပြည်နယ်(Michigan)

အမေရိကန်ပြည်ထောင်စု(USA)။

၅-၆-၂၀၁၂

"သစ္စာစကား မှန်ကန်ခဲ့မယ်ဆိုရင်..."

တစ်ခါတုန်းက

တောရွာတစ်ရွာမှာ သားအမိသုံးယောက်နေထိုင်ကြတယ်။

တစ်နေ့တော့ မိခင်ကြီးဟာ ရောဂါတစ်ခုဖြစ်ပြီး အိပ်ရာထဲလဲနေပါတယ်။

သမားတော် အတော်များများနဲ့ကုသပါတယ်။ ရောဂါက မပျောက်ပါဘူး။

ဘာဆေးဆေးနဲ့ကုကု ရောဂါက မပျောက်တော့

လူနာနဲ့မိသားစုဟာ စိတ်ဓာတ်တွေ ကျဆင်းလာပါတယ်။

အဲဒီအချိန်မှာ သမားတော်တစ်ယောက်က ယုန်သွေးလတ်လတ်ဆတ်ဆတ်

သာရှာပေးနိုင်ရင် ပျောက်အောင် ကုပေးမယ်လို့ေ ပြာပါတယ်။

ညီအကို နှစ်ယောက်ဟာ အမေရဲ့ရောဂါပျောက်ဖို့အတွက်ဖြစ်တာကြောင့်

အကိုက ညီဖြစ်သူကို ယုန်အရှင်တစ်ကောင်ကို ဖမ်းဖို့ခိုင်းလိုက်ပါတယ်။

ညီကလည်း ကျော့ကွင်းထောင်တော့ ယုန်တစ်ကောင်ကို မိပါတယ်။

မိနေတဲ့ယုန်ကို သွားဖြုတ်တော့ ယုန်က သေမှာကြောက်တဲ့အတွက်

တဆတ်ဆတ် တုန်နေပါတယ်။ ယုန်ကိုတွေ့တော့ ညီဟာ သနားသွားတယ်။

ပြီးတော့ တွေးမိတယ်။

“လူတစ်ယောက် အသက်ရှင်ဖို့ အခြားသတ္တဝါတစ်ကောင် သေရတယ်ဆိုတာ နည်းလမ်းတော့

မကျလှဘူး။ ငါ့အမေတော့ အသက်ရှင်စေ၊ ယုန်လေးရဲ့အသက်တော့ သေစေဆိုတာကတော့

မတရားဘူး။ အခြားနည်းလမ်းတစ်ခုခုတော့ ရှိရမယ်” လို့တွေးမိပြီး

မိနေတဲ့ယုန်လေးကို ပြန်လွှတ်လိုက်တယ်။

အိမ်ပြန်ရောက်တော့ အကိုကမေးတော့ ညီလေးက အမှန်အတိုင်းပြောပြလိုက်တယ်။

ဒီတော့ အကိုက ညီလေးကို ဆူပူကြိမ်းမောင်းတာပေါ့။

ညီလေးက အကိုကို ဘာမှပြန်မပြောပဲ မိခင်ရဲ့အခန်းထဲဝင်သွားတယ်။

ပြီးတော့ သောက်ရေတစ်ခွက် ခပ်လိုက်တယ်။

သစ္စာဆိုတယ်။ ဒီလိုအခက်အခဲမျိုးက သစ္စာမှတစ်ပါးအခြားဘာအရာနဲ့မှ ဖြေရှင်းမရနိုင်ဘူး။

သစ္စာသာ အားကိုးရာဖြစ်တယ်။

ညီလေးက

“ငါဟာ သိတတ်တဲ့အရွယ်ကစပြီး သူတစ်ပါးရဲ့အသက်ကို သေစေလိုတဲ့စေတနာနဲ့

တစ်ကြိမ်တစ်ခါမှ မသတ်ခဲ့ဖူးပါ။ဒီစကားဟာ မှန်ကန်ပါတယ်။ ဒီမှန်ကန်တဲ့သစ္စာစကားကြောင့်

အခု ငါ့ရဲ့အမေ ဖြစ်ပေါ်နေတဲ့ရောဂါ ဝေဒနာတွေ အမြန်ဆုံးပျောက်ကင်းပါစေသတည်း”လို့

သစ္စာစကားဆိုပါတယ်။

ပြီးတော့ အဲဒီသစ္စာရေကို ရောဂါဝေဒနာခံစားနေတဲ့ မိခင်ကို တိုက်လိုက်ပါတယ်။

သမားတော်အတော်များများနဲ့ကုသလို့မပျောက်ခဲ့တဲ့မိခင်ရဲ့ဝေဒနာဟာ

မကြာခင်မှာပဲ ပျောက်ကင်း၊ကျန်းမာလာပါတယ်။

+++++++++++++++++++++++++++

 ကြီးမားတဲ့အခက်အခဲ ဖြစ်ပေါ်လာတဲ့အခါ မှန်ကန်တဲ့သစ္စာစကားကို အားကိုးအားထား

ပြုနိုင်တဲ့ အဖြစ် အပျက်တစ်ခုဖြစ်တယ်။

လူတိုင်းလူတိုင်း တစ်ချိန်မဟုတ် တစ်ချိန်မှာတော့ ကြီးမားတဲ့အခက်အခဲဆိုတာ

ဖြစ်ပေါ်တတ်ပါတယ်။

အဲဒီအခက်အခဲကို မမှန်တဲ့နည်းလမ်းနဲ့ ဖြေရှင်းမယ့်အစား

သစ္စာပြုတိုင်တည်ပြီးဖြေရှင်းတာက ပိုမိုအဆင်ပြေနိုင်ကြောင်းကို

သတိပေးထားတဲ့အကြောင်းအရာဖြစ်ပါတယ်။

သတိထားရင် သတိရှိပါတယ်။ 

သတိရှိရင် ဖြေရှင်းမယ့်နည်းလမ်း ရှိကြောင်း သိနိုင်ပါတယ်။

"အော်...သနားပါဘိ..."

တစ်ခါတုန်းက

ကော့သောင်းမြို့ရဲ့ ခွဲစိတ်ခန်းတွင် ဖြစ်တယ်။

လူနာဖြစ်သူကိုအောင်ညိမ်းဟာ မေ့ဆေးပြယ်ပြီး သတိရလာတယ်။

“ ဒေါက်တာ၊ 

 ကျနော့်ခြေထောက်ကို

စမ်းလို့ မရပါလား ခင်ဗျား ”

ခွဲစိတ်ဆရာဝန်ဒေါက်တာခင်မောင်ဝင်းပြန်ပြောလိုက်တာက…

“ အေးဗျာ၊ 

 ခင်ဗျာရဲ့ လက်နှစ်ဘက်စလုံးကို

ကျနော်တို့ ဖြတ်လိုက်ရတယ်"

“ လုပ်အားတန်ဖိုး ချစ်မြတ်နိုး…”

တစ်ခါတုန်းက  

ကွန်ပျူတာတင်ထာတဲ့ စားပွဲရှေ့မှာ

စာရေးမနှစ်ယောက်ထိုင်နေကြတယ်။

မနှင်းဆီဆိုသူတစ်ယောက်ကပြောတယ်။

“ ယူ သိလား၊

ဒီကွန်ပျူတာကလေးဟာ ယောက်ျားဆယ်ယောက်ရဲ့

လုပ်အားကို အစားထိုးနိုင်သတဲ့ ”

မခွာညိုဆိုသူ အမျိုးသမီးပြန်ပြောလိုက်တာက...

“ ယူ ပြောတာ မှန်ကောင်းမှန်နိုင်ပါလိမ့်မယ်၊

ဒါပေမယ့် အိုင်ကတော့ ဘာဘဲပြောပြော

ယောက်ျားရဲ့လုပ်အားကိုပဲ ပိုကြိုက်တယ် ”