သို့
ချစ်တဲ့အမေ
သားသတိရစွာဖြင့်စာရေးလိုက်ပါတယ်။
အမေနေကောင်းလား၊
ကျနော်အတွက်စိတ်မပူပါနဲ့။
ကျနော်အစစအရာရာ အစဉ်ပြေပါတယ်။
အခုထိတော့ အလုပ်ရှာတုန်းပါပဲ။
အမေပို့သတဲ့မေတ္တာကြောင့် ကျနော့်ကို ကူညီသူတွေနဲ့ချည်းတွေ့နေရပါတယ်။
အလုပ်မရသေးဘူးဆိုပေမယ့် စားရေး၊ နေရေးကတော့ အခုထိအစဉ်ပြေနေဆဲပါပဲအမေ။
ဒါနဲ့ပြောရအုန်းမယ်။
ကျနော့်ရဲ့နိုင်ငံခြားခရီးစဉ်အကြောင်းပေါ့။
သုဝဏ္ဏဘုမ္မိ(Suvanabhumi intl Arpt (BKK)ထိုင်းလေဆိပ်မှာ တစ်ညတာအိပ်ရတယ်။
လေဆိပ်ထဲမှာပဲ အိပ်လိုက်ရတာပါ။
နံနက်စောစော သတင်းပို့ရမှာမို့ ဘန်ကောက်မြို့ထဲလည်း သွားမလည်ရဲဘူးလေ။
ထွက်သွားတာက မခက်ပေမယ့် ပြန်လာတဲ့အခါမှ အချိန်မီမရောက်ရင် ခက်လိမ့်မယ်။
လိုရာမရောက်ပဲ ဘေးရောက်တဲ့အဖြစ်မျိုးမကြုံချင်တာနဲ့တစ်ညလုံးလေဆိပ်မှာပဲ
ညအိပ်လိုက်ရပါတယ်။အစဉ်ပြေပါတယ်။
ကျနော်တို့လိုမျိုးပဲ အိပ်နေကြတဲ့ နိုင်ငံခြားသားတွေကလည်းအများကြီးပါပဲ။
မီးတွေကထိန်ထိန်လင်းနေတာမို့ နေ့နဲ့ညတောင် ခွဲခြားမသိနိုင်အောင်ပါပဲ။
အော်...ဒါနဲ့သတိရတုန်းပြောရအုန်းမယ်။
ထိုင်းနိုင်ငံရောက်ရင် ထိုင်းစံတော်ချိန်နာရီကို ရွေ့ဖို့လိုပါတယ်။
တစ်နိုင်ငံနဲ့တစ်နိုင်ငံစံတော်ချိန်မတူကြပါဘူး။
နာရီကို မတိုက်ထားမိရင်အချိန်လွဲချော်မှုရှိနိုင်တဲ့အတွက်
အခန့်မသင့်ရင် လေယာဉ်နောက်ကျတာမျိုးဖြစ်နိုင်ပါတယ်။
မြန်မာစံတော်ချိန်နဲ့ထိုင်းစံတော်ချိန်ဟာ နာရီဝက် (မိနစ်၃၀) ကွာခြားနေပါတယ်။
နံနက်၃း၀၀နာရီမှာ check in လုပ်ရပါတယ်။
စီးရမယ့်ဒယ်တာ(Delta ) လေကြောင်းလိုင်းမှာ သတင်းပို့ရပါတယ်။
ထိုင်းလေဆိပ်ကနံက် ၅း၄၅ မှာ ဒယ်တာလေကြောင်းလိုင်းကစတင်ထွက်ခွာပါတယ်။
Delta airline ကလေယာဉ်ကြီးကကောင်းလိုက်တာ။
ဝန်ဆောင်မှုလည်း ကောင်းလိုက်တာ။
လေယာဉ်ကအတော်ကြီးမားပါတယ်။
ခရီးသည်စုစုပေါင်း ( ၃၀၀ )ဝန်းကျင်ရှိလ်ိမ့်မယ်လို့ခန့်မှန်းပါတယ်။
ထိုင်ခုံတိုင်းမှာ သီချင်းနားထောင်ဖို့၊တီဗွီကြည့်ဖို့၊သတင်းနားထောင်ဖို့ T.V
တစ်ယောက်တစ်လုံးစီထားပေးပါတယ်။
လေယာဉ်ရဲ့ခရီးစဉ်က ဖေါ်ပြတဲ့G.P.Sကိုလည်းတွေ့မြင်နေရပါတယ်။
အစားအသောက်လည်းအလွန်ကောင်းလှပါတယ်။
နေ့လည် ၁း၄၀ နာရီမှာ ' နာရိတာ 'လို့ခေါ်တဲ့တိုကျိုလေဆိပ်ကို ဆိုက်ရောက်လာပါတယ်။
ဂျပန်နိုင်ငံကို ခြေချဖူးတယ်ဆိုရုံသာအချိန်ရပါတယ်။
ဂျပန်ကိုရောက်တော့ အချိန်က နည်းနည်းပဲရတယ်။
မိနစ်၅၀သာအချိန်ရပါတယ်။
လေယာဉ်ထွက်ရာနေရာကိုအပြေးအလွှားသွားရပါတယ်။
လမ်းလျှောက်စက်လှေကားအတော်များများကိုစီးရပါတယ်။
အမှတ်တရဓာတ်ပုံကိုလည်း အပြေးအလွှားရိုက်ခဲ့ရပါတယ်။
ဂျပန်နိုင်ငံကလည်း တိုးတက်သလောက် အရမ်းလှပတဲ့နိုင်ငံတစ်ခုဖြစ်ကြောင်းကို
လေယာဉ်ပေါ်က လက်တွေ့သိလိုက်ရတယ်အမေ။
နေ့လည် ၂း၃၀ နာရီမှာ ဂျပန်လေဆိပ်ကနေ
လေယာဉ်စတင်ထွက်ခွာသွားပါတော့တယ်။
(အဲဒီအချိန်တုန်းက ဆူနာမီငလျင် မဖြစ်သေးပါ)
နေ့နဲ့ည ရောထွေးနေပါတယ်။
အရှေ့တိုင်းပြည်ကနေ အနောက်တိုင်းပြည်သို့ပျံသန်းနေတာကြောင့်
အကြာကြီးစီးရသလို အကြိမ်ကြိမ်လည်းအိပ်ပျော်သွားပါတယ်။
ရက်တစ်ရက်ပျောက်ဆုံးသွားသလိုဖြစ်နေပါတယ်။
ခရီးသည်အများစုက အိပ်နေကြပြီး အချို့ခရီးသည်က စာဖတ်နေကြပါတယ်။
အချို့ကစာအုပ်၊အချို့ကကွန်ပျူတာစာအုပ်ကိုဖတ်နေကြပါတယ်။
လူအတော်များများမှာ ခရီးဆောင်ကွန်ပျူတာတွေပါလာကြပြီး ကွန်ပျူတာနဲ့အလုပ်လုပ်နေပါတယ်။
ကျနော့်မှာ ကွန်ပျူတာကလည်းမပါ။( ရှိတဲ့ကွန်ပျူတာကို တာချီလိတ်မှာပြန်ရောင်းခဲ့ပြီး)။
စာအုပ်ကလည်းအဆင်သင့်မရှိ၊ ဘာလုပ်ရမှန်းမသိ၊
လူတွေရဲ့မျက်နှာကိုလိုက်ဖတ်၊ဟိုကြည့်ဒီကြည့်လုပ်ပြီးလိုက်ပါလာရပါတယ်။
နောက်ဆုံးတော့ သတိပဌာန်တရားကိုအဖေါ်ပြုပြီးလိုက်လာခဲ့ပါတယ်။
နေ့လည် ၁၂း၁၅ နာရီမှာတော့
အမေရိကန်နိုင်ငံ၊ဒယ်ဒရွိုက်(Detroit Metro Wayne County) (D.T.W)လေဆိပ်ကိုဆိုက်ရောက်လာပါတယ်။
လေဆိပ်မှာတော့ ပါလာတဲ့စာရွက်၊စာတမ်းများကို ဖေါက်ပြီး စစ်ဆေးမှုလုပ်ပါတယ်။
ငယ်ငယ်ကထဲက ဝန်ထမ်းတွေကိုတွေ့ရင်ကြောက်တတ်လာတာမို့
ဒီကဝန်ထမ်းတွေကို တွေ့တော့ စိုးကြောက်မှုဖြစ်ရပါတယ်။
ဒီအမေရိကန်က ဝန်ထမ်းတွေက လိုအပ်တာကိုစစ်ဆေးပေမယ့် ကူညီပေးပါတယ်။
ထိုင်းလေဆိပ်ကတင်ဆောင်လာတဲ့ခရီးဆောင်အိတ်(Baggage)တွေကို
ဒီရောက်မှပြန်ထုတ်ပြီးစစ်ဆေးမှုပြန်လုပ်ပါတယ်။
အဲဒီလေဆိပ်မှာ ငါးနာရီကျော်ကျော်စောင့်ရပါတယ်။
အမေရိကန်နိုင်ငံရောက်ပြီမို့ပျော်လာမိပါတယ်။
ညနေ ၅း၂၉ နာရီမှာတော့ဒယ်ဒရွိုက်လေဆိပ်မှ
RDU(Raleigh Durham intl Arpt)သို့ဦးတည်ပျံသန်းလာပါတော့တယ်။
ည ၇း၁၆နာရီမှာတော့ RDUလေဆိပ်ကို
ချောချောမောမောဆိုက်ရောက်လာပါတော့တယ်။
အဲဒီနေ့ကတော့ ဖေဖေါ်ဝါရီလ-၁၉ရက်၂၀၁၁ စနေနေ့ဖြစ်ပါတယ်။
သူငယ်ချင်းလင်မယားနှစ်ယောက်လာကြိုဆိုနေတာကိုတွေ့တော့
ဝမ်းမြောက်ဝမ်းသာဖြစ်ရပါတယ်။
ဒီအမေရိကန်နိုင်ငံရောက်တော့
လူငယ်တွေ တက်တက်ကြွကြွနဲ့ပညာတွေသင်နေတာကိုတွေ့တော့
အမေပြောတဲ့စကားအတိုင်းပြောရရင် ပြန်ငယ်ချင်လိုက်တာ။
မရနိုင်မှန်းသိပေမယ့် တောင့်တမိတာအမှန်ပါပဲ။
ကဲ...အမေ စာလည်းရှည်သွားပြီ။
အမေလည်းပင်ပန်းနေရော့မယ်။
ကျန်းမာရေးကို ဂရုစိုက်ပေးပါ။
ကျနော်အမေရိကားကိုလာတာဟာ အမေလှူချင်တာလှူနိုင်ဖို့အတွက်
ငွေလာရှာတဲ့အကြောင်းလည်းတစ်ခုအပါအဝင်ပေါ့အမေရယ်။
အမေကျန်းမာနေမှ ဖြစ်မှာနော်။
အမေကို အဝေးကနေ ဦးတင်ကတော့ပါတယ်။
ချစ်တဲ့သား
အောင်ဝင်းဟိန်း
ဆန်ဟိုဆေး ( San Jose )
ကာလီဖိုးနီးယား ( California )
အမေရိကန်နိုင်ငံ ( U.S.A )
မေလ ၈-ရက်နေ့၂၀၁၁(တနင်္ဂနွေနေ့)
( အမေများနေ့ကို ဂုဏ်ပြုပါတယ် )
