သို့
ချစ်တဲ့အမေ
သားစာရေးလိုက်ပါတယ်။
အမေနေကောင်းလား။
ကျနော့်အလုပ်က တစ်ပတ်မှာ နှစ်ရက်ပိတ်တယ်။
အလုပ်က ပင်ပန်းတာနဲ့အမျှ ပိတ်ရက်မှာ နားရတာ အတော် အရသာ ရှိတာပါကလား။
ဟုတ်တယ်အမေ။
ပင်ပန်းတယ်ဆိုတာက လုပ်နေကျ မဟုတ်လို့ပါ။
ကျနော်တို့ငယ်ငယ်က အမေပြောခဲ့ဖူးတယ်လေ။
“ပညာတတ်အောင်သင်ပါ သားတို့။
ပညာတတ်တော့ သက်သက်သာသာ လုပ်စားခွင့်ရတာပေါ့။
ပညာမတတ်ရင် ပင်ပင်ပန်းပန်း လုပ်စားနေရလိမ့်မယ်နော်” တဲ့။
အမေပြောသလိုပါပဲ။
မြန်မာနိုင်ငံမှာတော့ ကျနော်က ပညာတတ်ပဲ။
လက်ကြောမတင်းပဲ ထမင်းစားခွင့်ရခဲ့တယ်။
နှစ်ပေါင်းများစွာ။
အမေရိကန်ရောက်လာတော့ ပညာတတ်မဟုတ်တော့ဘူး။
ဒီတော့ လက်ကြောတင်းမှ ထမင်း… အဲလေ...ပေါင်မုန့်စားခွင့်ရတော့တယ်။
ကျနော်တို့အလုပ်က မောလ်(Mall) ထဲမှာဆိုတော့
မောလ်စဖွင့်တဲ့ နံက် ၁၀း၀၀က စလိုက်တာ မောလ်ပိတ်ချိန် ည
၉း၀၀အထိပါပဲ။
ရောင်းကောင်းတဲ့စားသောက်ဆိုင်ဆိုတော့ နားရတယ်မရှိပါဘူး။
ဆိုင်ရှင်က "မလောပါနဲ့"လို့တော့ ပြောပါရဲ့။
စားသုံးသူက လောနေတော့ နားနားနေနေ လုပ်ဖို့ဆိုတာ
မဖြစ်နိုင်တော့ဘူး။
အမေရေ…ကျနော်အခုဆိုရင် အိုးကြီးချက် စားဖိုးမှူးတစ်ယောက်တော့
ဖြစ်နေပြီ အမေ။
ပထမတော့ မှန်အောင်လုပ်ရတယ်။
နောက်တော့ မြန်အောင်လုပ်ရတယ်။
အမေပြောဖူးတယ်လေ။
“သားတို့ရဲ့အဖေက အလုပ်ပိတ်တဲ့စနေ၊တနင်္ဂနွေနေ့မျိုးမှာ
ကိုယ်တိုင် မီးဖိုချောင်ဝင်ပြီး မိသားစုကိုချက်ကျွေးတတ်တယ်။
အဖေက အချက်အပြုတ်ကိုဝါသနာပါတယ်။
မွေးလာတဲ့ သားသုံးယောက်ဆိုရင်
တစ်ယောက်မှ အချက်အပြုတ်ဝါသနာမပါကြဘူး။
နင့်တို့အဖေနဲ့ဝါသနာ တူသူ တစ်ယောက်မှ မပါဘူး။
အချက်အပြုတ်ဝါသနာပါတာဟာ ကောင်းလားလို့မေးရင်
ကောင်းတယ်လို့ဖြေရမယ်။
ဘာကြောင့်ဆိုတော့ မိန်းမအဖို့
ကိုယ့်ကို ညှာတာတတ်တဲ့၊စာနာစိတ်ရှိတဲ့ယောကျာ်းကို ပိုချစ်တာ
သဘာဝပဲလေ။
နင့်အဖေ မီးဖိုချောင်ဝင်ရင် အမေ နားရတယ်။
မီးဖိုချောင်အလုပ်ကို အဲဒီနေ့မှာ ဘာမှမလုပ်ရဘူး။
အမေကို နားခိုင်းတယ်။
အိမ်ရှင်မအလုပ်ဆိုတာကလည်း ပိတ်ရက်မရှိလုပ်ရတဲ့အလုပ်ဆိုတော့
နားခွင့်ရတဲ့နေ့ဆိုရင် ဝမ်းသာရတယ်။
နားလည်မှုရှိတဲ့ယောကျာ်းကိုလည်း လေးစားမိတယ်။
နင်တို့အဖေက အချက်အပြုတ်လည်း ကောင်းတယ်။
နင်တို့အဖေ ချက်ပြုတ်တဲ့နေ့မှာ ဖွယ်ဖွယ်ရာရာနဲ့မို့
ထမင်းစားမြိန်တယ်” တဲ့။
အခု ကျနော်လည်း အချက်အပြုတ်ကောင်းသူ တစ်ယောက်ဖြစ်နေပါပြီအမေ။
အမေရိကန်မှာ နာမည်ကြီးတဲ့စားသောက်ဆိုင်မှာကို
ချက်ပြုတ်နေရတာလေ။
ဘာဘဲပြောပြော အဖေ့လိုတော့ အချက်အပြုတ်ကောင်းသူတစ်ယောက် ဖြစ်မှာ
မဟုတ်ပါဘူး။
အဖေက အချက်အပြုတ်ကို ဝါသနာပါခဲ့တဲ့သူ။
ပြီးတော့ ချစ်တဲ့မိသားစုကို စားကောင်းအောင် ချက်ကျွေးတတ်သူ။
ပြီးတော့ မိန်းမဖြစ်တဲ့အမေကို နားရပါစေတော့လို့ စာနာစိတ်နဲ့
ချက်ပြုတ်တတ်သူ။
ကျနော်က အချက်အပြုတ်ကို ဝါသနာ ပါသူမဟုတ်ဘူး။
ဝမ်းရေးအတွက် မလုပ်မဖြစ်လုပ်နေရသူ။
ချစ်တဲ့မိသားစုကို စာနာစိတ်နဲ့ဒီနေ့အထိ မချက်ကျွေးဖူးသေးဘူး။
ကျနော်ပိတ်တဲ့ရက်မှာ သူမ အလုပ်ဆင်းရတယ်။ မနားရဘူး။
ပိတ်ရက်တူပြန်တော့ အပြင်မှာထွက်ဝယ်စားကြတယ်။
ရွေ့ပြောင်းနေထိုင်နေရတော့ အိမ်ရှိပေမယ့် အိုးမရှိဘူး။
သီးသန့်အိပ်ခန်းရှိပေမယ့် သီးသန့်မီးဖိုချောင်မရှိဘူး။
ဒါကြောင့်ဖွယ်ဖွယ်ရာရာ ချက်ပြုတ်စားဖို့ဆိုတာ လောလောဆယ်မှာ
မဖြစ်နိုင်သေးဘူးအမေ။
ဘာဘဲဖြစ်ဖြစ် တစ်နေ့တော့ အမေပြောသလို
ချစ်တဲ့မိသားစုကို နားပါစေတော့ဆိုတဲ့စိတ်နဲ့
တစ်ပတ်နှစ်ရက်တော့ဖြစ် မီးဖိုချောင်ဝင်ပြီးမိန်းမကို
ကူလိုက်မယ်လို့
စဉ်းစားထားပါတယ်။
ဒါနဲ့ပြောရဦးမယ်။
ဒီရောက်ပြီး သောကြာနေ့တစ်နေ့မှာပေါ့။
အဲဒီနေ့မှာ ကျနော်တို့လင်မယားနှစ်ယောက်စလုံး
နေ့ဝက်ဆင်းရတဲ့နေ့ပေါ့။
ညနေ ၄း၀၀နာရီမှာ အလုပ်ဆင်းရမှာပါ။
အလုပ်ဆင်းခါနီးမှာ ရာသီဥတုက မဲမှောင်လာတယ်။
အချက်ပေးဥသြသံကြားရတယ်။
ဘာကြောင့်အချက်ပေးမှန်းမသိဘူး။
T.V ဖွင့်တော့ တိုနေတိုး
မုန်တိုင်းအထူးသတင်းကြောငြာချက်ကိုကြားရတယ်။
သတင်းဆိုတာ သိအောင်ပြောနေတာပဲလို့ထင်နေတယ်။
ကိုယ့်အနားမှာ ဖြစ်မယ်လို့ မထင်ဘူး။
လင်မယားနှစ်ယောက် အေးအေးဆေးဆေးပဲ စာဖတ်နေတယ်။
မကြာပါဘူး။ ဖုန်းမြည်သံကြားတယ်။
ကားရိုလိုင်းနားမှာ နေတဲ့သူငယ်ချင်းက ဆက်တာ။
အင်ဒီယားနားနဲ့ဆိုရင် မိုင်ပေါင်းများစွာဝေးတာပေါ့။
သူပြောတော့မှ တိုနေတိုးမုန်တိုင်းက ကိုယ့်အနားမှာဆိုတာ
သိရတော့တယ်။
“အိမ်ပေါ်ထပ်မှာ မနေနဲ့၊ အိမ်အောက်ထပ်ကို ဆင်းနေ၊
လိုအပ်တယ်ဆိုရင် အိမ်သာထဲမှာ နေသင့်ရင်နေ၊
အလုပ်ကိုလည်း မသွားနဲ့” တဲ့။
ကိုယ်က မကြုံဖူးတော့ ကြောက်ရကောင်းမှန်း မသိဘူး။
တကယ့်ကို အေးအေးဆေးဆေးပဲ။
ငယ်သူငယ်ချင်းကတော့ အဝေးက လှမ်းပူပြီး ဖုန်းဆက်တယ်။သတိပေးတယ်။
သူငယ်ချင်းကောင်းဆိုတာ ဘယ်လောက်နည်းနည်း လုံလောက်ပါတယ်အမေ။
အဲဒီနေ့က တိုနေတိုးမုန်တိုင်းကြောင့်
အိမ်ခြေအမြောက်အများပျက်စီးဆုံးရှုံးမှုရှိသလို
လူအသေအပျောက်လည်း အများအပြား ရှိတယ်ဆိုတာကို
နောက်တစ်နေ့ တီဗွီသတင်းမှာ ကြားသိရပါတယ်။
ကျနော်တို့ဟာ အမေတို့မြန်မာနိုင်ငံနဲ့မိုင်ပေါင်းများစွာဝေးတဲ့
အမေရိကန်နိုင်ငံရောက်နေပေမယ့်
"သူငယ်ချင်းကောင်း
တစ်ယောက်ရှိနေပါလား"ဆိုတဲ့အသိကြောင့်
လုံခြုံနေပါတယ်။
ကျနော်တို့အတွက် စိတ်မပူပါနဲ့အမေ။
ဒါပါပဲ။
အမေ ကျန်းမာရေးကို ဂရုစိုက်ပါလို့သာ သားထပ်မှာချင်ပါတယ်။
ချစ်တဲ့သား
အောင်ဝင်းဟိန်း
ကလပ်ဗေးလ်မြို့(Clarksville)
အင်ဒီယားနားပြည်နယ် (Indiana)
အမေရိကန်ပြည်ထောင်စု (USA)
၃-၂၈-၂၀၁၂
