" လှတဲ့စိတ်နဲ့ ကြည့်..."

၁။

“ အပျော်ဆုံးလူ…”

(ဆရာတော် ဦးဇောတိက )

++++++++++++++++++++++++++++++++

သတိရတိုင်း ပစ္စုပ္ပန်တည့်တည့်လေးသိပြီး

သတိကပ်ပြီး နေပါ့မယ်လို့

အဓိဋ္ဌာန်ပါ။

++++++++++++++++++++++++++++++++

ဘာဘဲလုပ်လုပ်၊

ဘာဘဲတွေးတွေး၊

အချိန်မရွေး၊ အခါမရွေး၊ သတိနဲ့နေရတာ

အကောင်းဆုံးပါပဲ။

++++++++++++++++++++++++++++++++

ဆရာဝန်တစ်ဦးအနေနဲ့ ဆေးခန်းရောက်လို့

လူနာတွေ စမ်းသပ်ကြည့်ရှုရတဲ့အခါ

မှာလည်း တတ်နိုင်သလောက် သတိလေးကပ်ပြီး၊

သိပြီး တော့ လုပ်ပါတယ်။

++++++++++++++++++++++++++++++++

၂။

ဘုရားကို ကြည်ညိုရင်

တရားနဲ့ပူဇော်ပါ။

( ရသလောက် သတိပဋ္ဌာန်တရားလေးနဲ့နေပါ )

++++++++++++++++++++++++++++++++

အပျော်ဆုံးလူဆိုတာ ကိုယ့်မှာရှိတဲ့ကောင်းတဲ့

အရည်အချင်းတွေကို အမြင့်မားဆုံး၊ အကောင်းဆုံး

ဖြစ်အောင် ထုတ်ဖော်လိုက်တဲ့ လူပဲ။

++++++++++++++++++++++++++++++++

ဆရာဝန်ဆိုရင် လူနာကို ရောဂါပျောက်ကင်းအောင် ဆိုပြီးတော့

မေတ္တာ၊ စေတနာ၊အပြည့်နဲ့ကုသပေးလိုက်တယ် ဆိုရင်

သူ့မှာ မေတ္တာ၊စေတနာအပြည့်ပါတဲ့စိတ်ထား

ဖြစ်နေတဲ့အတွက်ကြောင့်

မြင့်မြတ်မှု သဘောရှိပါတယ်။

++++++++++++++++++++++++++++++++

၃။

စိတ်အေးချမ်းမှု၊ မြင့်မြတ်မှုရဖို့က တော့

ဝိပဿနာတရားကို

တကယ်ကြိုးကြိုးစားစား အားထုတ်မှ

ဖြစ်မှာပါ။

++++++++++++++++++++++++++++++++

၎။

“ သတိဆိုတဲ့နေအိမ်…”

တရားအားထုတ်လို့ ပိုပြီးသတိ၊ သမာဓိ ၊တွေ

ရင့်ကျက်ပြီး ပိုသိမ်မွေ့တဲ့အာရုံတွေကိုသိနိုင်တဲ့

အဆင့်ရောက်ရင်တောင်မှ

အာနာပါနနဲ့ ထိသိကို

အခြေခံအနေနဲ့ ဘယ်တော့မှ

လက်မလွှတ်သင့်ဘူး။

++++++++++++++++++++++++++++++++

တကယ် အဓိကအကျဆုံးအလုပ်က

အသိဉာဏ် ပါ။

ဘဝဖြစ်လာတာဟာ အသိဉာဏ်ရဖို့ဆိုရင်

စိတ်ဓာတ်မြင့်မားမှ၊

စိတ်ဓာတ်မြင့်မြတ်မှုရှိမှ၊

ဖြစ်နိုင်မယ်။

++++++++++++++++++++++++++++++++

တရားဆိုတာ သစ္စာတရား၊

အမှန်တရား။

အမှန်တရားကို တကယ်သိချင်ရင်

သစ္စာရှိမှပဲ ဖြစ်တယ်။

ရိုးသားမှုအပြည့်အဝ ရှိမှပဲ ဖြစ်တယ်။

++++++++++++++++++++++++++++++++

၅။

ဘဝရဲ့အရည်အသွေးကိုကောင်းစေတာ

အသိဉာဏ်ပါ။

အသိဉာဏ်ရှိဖို့ဆိုတာ အသိရှိမှ ဖြစ်မယ်။

++++++++++++++++++++++++++++++++

၆။

“ စိတ်ချမ်းသာမှု၏လျှို့ဝှက်ချက်…”

ဘာဘဲဖြစ်ဖြစ်

ချစ်တယ်ဆိုရင် သူ့ကို ဘယ်သူနဲ့မှ

မနှိုင်းတာ အကောင်းဆုံးပဲ။

++++++++++++++++++++++++++++++++

ကျွန်စံနစ်မရှိတော့ဘူးဆိုပေမယ့် ကျွန်စိတ်တော့

ရှိနေကြတယ်။

++++++++++++++++++++++++++++++++

လူအတော်များများဟာ

အခွင့်အရေးတစ်ခုရမယ်ဆိုရင်

ဒူးထောက်ဖို့ဝန်မလေးကြဘူး။

ကိုယ့်ကိုယ်ကို ကိုယ်မလေးစားဘူး။

ကိုယ့်ဂုဏ်သိက္ခာကို ကိုယ်တန်ဖိုးမထားဘူး။

ကိုယ့်ကိုယ်ကို ကိုယ်ရောင်းစားနေကြတယ်။

ကိုယ့်ကိုယ်ကို ကိုယ်ရောင်းကုန်တစ်ခုလို

သဘောထားကြတယ်။

++++++++++++++++++++++++++++++++

ကိုယ်ကျိုးအတွက် အသုံးချဖို့ မရည်ရွယ်ပဲ

ခင်မင်မှုကိုအဓိကထားတဲ့ဆက်ဆံရေးဟာ

စိတ်ကျေနပ်မှုကို အများဆုံးပေးတဲ့

ဆက်ဆံရေးဖြစ်တယ်။

++++++++++++++++++++++++++++++++

၇။

အတ္တရဲ့သဘာဝကို သေသေချာချာစဉ်းစားပါ။

အတ္တမှာ လုံခြုံမှုဆိုတာ မရှိဘူး။

အမြဲတန်းစိုးရိမ်နေတယ်။

အမြဲတန်းကြောက်နေတယ်။

အကြောက်ပြေဖို့ ကို နည်းမျိုးစုံ

ကြိုးစားရတယ်။

++++++++++++++++++++++++++++++++

လှတဲ့စိတ်နဲ့

ကြည့်မှ

လှတာကို မြင်တယ်။

++++++++++++++++++++++++++++++++

ပိုက်ဆံရချင်လို့ အလုပ်လုပ်တဲ့နေရာမှာတောင်မှ

တကယ့်မေတ္တာ၊စေတနာလေးနဲ့

ဖြည့်ပေးလိုက်ပါ။

++++++++++++++++++++++++++++++++

လောကကြီးကို တကယ်အလှဆင်ချင်တယ်ဆိုရင်

လောကကြီးရဲ့အလှကိုလည်း တကယ်မြင်ချင်တယ်ဆိုရင်

သတိနဲ့နေတဲ့ အလေ့အကျင့်ကို

များများလုပ်ပါ။

++++++++++++++++++++++++++++++++

ကိုယ့်လောက လှချင်ရင် သူတစ်ပါးအတွက်လည်း

ပဲ သူတို့လောကကို လှအောင်

လုပ်ပေးပါ။

++++++++++++++++++++++++++++++++

“ စားချင်တဲ့လူတိုင်းကို ဖိတ်ပါတယ်…”

ကင်းဆပ်ဒေသမှာ သီးနှံရိတ်သိမ်းတဲ့ရာသီဖြစ်ပါတယ်။

သီးနှံခြွေစက်ဟာ လယ်တစ်ကွက်ကနောက်တစ်ကွက်ကို

ပြောင်းပြီးအလုပ်လုပ်နေရပါတယ်။

ဂျုံတွေကိုခြွေနေတဲ့ စက်သံဟာ မနားတော့ပါ။

ဂျုံတွေကိုခြွေတဲ့လုပ်ငန်းမှာ လယ်ပိုင်ရှင်တစ်ဦးဟာ

နီဂရိုးလူမျိုး နှစ်ယောက်ကို ခန့်ထားခဲ့ပါတယ်။

အဲဒီလယ်ပိုင်ရှင်ဟာ လူတစ်ယောက်ကို သုံးသပ်ရာမှာ

အဲဒီလူရဲ့အသားအရောင်ကို အခြေမခံပါ။

အလုပ်လုပ်ကိုင်ပုံကိုသာ အခြေခံပါတယ်။

အခြားမျက်နှာဖြူအလုပ်သမားတွေဟာ နီဂရိုးတွေနဲ့တော့

အတူတူတော့ အလုပ်လုပ်ကြပါတယ်။

ဒါပေမယ့် စားသောက်တဲ့အခါမှာတော့ အတူတူမစားသောက်ကြပါ။

ဂျုံခြွေအလုပ်သမားဖြစ်ကြတဲ့မျက်နှာဖြူတွေဟာ

နီဂရိုးလူမျိုးတွေနဲ့နေ့လည်စာ၊ ညစာ အတူတူမစားဆိုတဲ့စကားသံကို

လယ်ပိုင်ရှင်ကကြားသွားပါတယ်။

လယ်ပိုင်ရှင်ရဲ့ဇနီးက ကြက်၈-ကောင်ကို ချက်ပြုတ်ဖို့စီစဉ်ပါတယ်။

အသုံးပြုတဲ့ဟင်းခတ်အမွှေးအကြိုင်ကလေထဲမှာ ပျံ့လွင့်နေပါတယ်။

ဆာလောင်ချိန်မှာ စားချင်စဖွယ်အနံ့အရသာမျိုးဖြစ်နေပါတယ်။

နေ့လည်စာ စားဖို့အချိန်ကျရောက်တဲ့အခါ ထမင်းစားပွဲမှာ

မွှေးကြိုင်ကောင်းမွန်တဲ့အစားအစာများနဲ့ပြည့်နေပါတယ်။

အလုပ်သမားတွေဟာ လက်တွေကိုဆေးကြောပြီး ထမင်းစားဖို့အခေါ်စောင့်နေပါတယ်။

ခဏအကြာတွင် လယ်ပိုင်ရှင်ရဲ့ဇနီးက တံခါးပေါက်မှ ထွက်လာပါတယ်။

သူမဟာ နီဂရိုးနှစ်ယောက်ဆီသွားပြီး ထမင်းစားပွဲကို ခေါ်လာခဲ့ပါတယ်။

ပြီးတော့ ထိပ်ဆုံးထိုင်ခုံမှာ နေရာချပေးလိုက်ပါတယ်။

အဲဒီနောက်ခွဲခြား၊ခွဲခြားလုပ်ချင်တဲ့ မျက်နှာဖြူအလုပ်သမားတွေဘက်လှည့်ပြီး

ပြောလိုက်တာက…

“ ကဲ…အားလုံးပဲ၊

စားချင်တဲ့လူတိုင်းကို ဖိတ်ပါတယ်…”

" ဘုရားရှိ-မရှိ..."

တစ်ခါတုန်းက
ဘုရားကို လုံးဝမယုံကြည်သူတစ်ဦးရှိပါတယ်။
သူက သူ့ရဲ့အိမ်မှာနေတဲ့အိမ်ဖော်မလေးကို
ညတိုင်း အိပ်ရာမဝင်ခင်ပြောရမယ့်စကားတွေ
ကို သင်ကြားပေးပါတယ်။
သူသင်ကြားပေးတဲ့စကားမှာ
" ဘုရားဟာ ဘယ်မှာမှ မရှိ "
ဆိုတဲ့စကားဖြစ်ပါတယ်။
အင်္ဂလိပ်လိုကတော့
" God is nowhere."ဖြစ်ပါတယ်။

အိမ်ဖော်မလေးက အဲဒီစာကို အလွတ်ကျက်ပါတယ်။
စကားလုံးတွေကိုလည်း ပေါင်းပြီးကျက်ပါတယ်။
ပေါင်းကျက်ရာမှာ...

' G-o-d......God
i-s.....is
n-o-w.....now
h-e-r-e.....here '

လို့ပေါင်းဖတ်ပါတယ်။
အဲဒီလိုပေါင်းဖတ်ရတာလွယ်တယ်လို့လည်းပြောပါတယ်။

God is now here.
လို့ဖတ်ပါတယ်။
အဓိပ္ပာယ်မှာ
" ဘုရားသခင်ဟာ အခု ဒီမှာ ရှိ်ပါတယ်..."
ဆိုပြီးထွက်လာပါတော့တယ်။

" အမျိူးသမီးတွေကို ဦးစားပေးပါတယ်..."

အင်္ဂလိပ်လူမျိုးတစ်ဦးက ပြောပြတဲ့ဇာတ်လမ်းဖြစ်ပါတယ်။
မြောက်အမေရိကတိုက်ကို စစ်မဖြစ်မီကာလက အလည်အပတ်ရောက်သွားခဲ့ပါတယ်။
လင်နဲ့မယား အတူလမ်းလျှောက်ရာမှာ အမျိုးသမီးက အမျိုးသားကို လေးစားတဲ့အသွင်နဲ့
လင်ရဲ့နောက်က လေးလေးစားစားလိုက်တာကို အဲဒီအင်္ဂလိပ်လူမျိုးက မြင်ခဲ့ပါတယ်။
မှတ်မှတ်ရရ သတိထားမိပါတယ်။
စစ်ပြီးတဲ့ကာလနောက်ပိုင်းမှာလည်း အဲဒီအင်္ဂလိပ်လူမျိုးက
သူရောက်ခဲ့တဲ့အမေရိကတိုက်ကို နောက်တစ်ကြိမ် ထပ်ရောက်ပြန်ပါတယ်။

ဒုတိယအကြိမ် ပြန်ရောက်တဲ့အခါမှာ
အမျိုးသားများက အမျိုးသမီးများရဲ့နောက်ဘက်က
လမ်းလျှောက်နေတာကို ထူးထူးဆန်းဆန်းတွေ့ရတော့
တော်တော်အံသြနေမိပါတယ်။
ဒါနဲ့ပဲ မနေနိုင်တဲ့အတွက် အဲဒီအင်္ဂလိပ်လူမျိုးက
အုပ်ချုပ်ရေးအဖွဲ့ရဲ့လူကြီးကို
ဒီဒေသက အမျိုးသမီးတွေရဲ့အခြေအနေကို တိုးတက်လာအောင်
ဆောင်ရွက်ပေးတဲ့အတွက်
ချီးကျူးစကားပြောပြီး အကြောင်းရင်းကိုမေးကြည့်မိပါတယ်။

အုပ်ချုပ်ရေးအဖွဲ့ရဲ့လူကြီးက
" ချီးကျူးတဲ့အတွက် ကျေးဇူးတင်ပါတယ်။
ဒီအပြုအမူကလည်း သိပ်ကောင်းပါတယ်။
ကျနော်တို့ရဲ့တိုင်းပြည်မှာ မရှာရသေးတဲ့မြေမြှုပ်မိုင်းတွေရှိတဲ့နေရာတွေက
အများကြီး ကျန်သေးလို့ ဒီယဉ်ကျေးမှုပေါ်ပေါက်လာတာပါ "တဲ့။

" အလိုအပ်ဆုံးအရာ..."

ကိုယ်တတ်နိုင်သလောက် အကောင်းဆုံးစိတ်ထားနဲ့

အကောင်းဆုံးကို လုပ်မှပဲဖြစ်မယ်။

အဲဒါ စိတ်ချမ်းသာဖို့ အသေချာဆုံးလမ်းပဲ။

(ဆရာတော် ဦးဇောတိက)

+++++++++++++++++++++++++++++++++++++++++++++++++++++

ငါရတာတွေ အားလုံးကို ထားခဲ့ရမှာ သေချာတယ်။

တကယ်တော့ ပေးလေလေ၊

တိုးလာလေလေပါပဲ။

+++++++++++++++++++++++++++++++++++++++++++++++++++++

ဘယ်လိုအခြေအနေမှာဖြစ်စေ၊

ကိုယ့်သဘောထားကို မှန်အောင်ထားနိုင်တဲ့သူဟာ

လွတ်လပ်တဲ့သူ ဖြစ်တယ်။

+++++++++++++++++++++++++++++++++++++++++++++++++++++

လောကရဲ့သဘာဝကိုက အဆင်မပြေတာ အမြဲတမ်းရှိနေတာပဲ။

လောကကြီးဟာ ကိုယ့်စိတ်တိုင်းကျ ဘယ်တော့မှ ဖြစ်လာမှာ

မဟုတ်ဘူး။

+++++++++++++++++++++++++++++++++++++++++++++++++++++

မကောင်းတဲ့အကျင့်ကို သတိလေးနဲ့ ကပ်ပြီးတော့

သိလိုက်ဖို့သာ ပထမအဆင့်ဖြစ်တယ်။

သတိနဲ့သိပြီးတော့မှပဲ သူ့က်ိုဖျောက်လိုက်ပါ။

တစ်ခုခုလုပ်နေတဲ့ အခါမှာလည်း

ဘာဘဲလုပ်လုပ် အဲဒီအလုပ်ကို သိပြီးတော့လုပ်နေဖို့ပဲ။

+++++++++++++++++++++++++++++++++++++++++++++++++++++

ပင်ပန်းတဲ့အခါ ၊

အလုပ်များတဲ့အခါ၊

အဲဒီအခါမျိုးမှာ တရားထိုင်ဖို့

အလိုအပ်ဆုံးပဲ။

+++++++++++++++++++++++++++++++++++++++++++++++++++++

အိပ်ရာထဲရောက်ပြီဆိုရင်

အိပ်ရာထဲမှာအိပ်နေရင်းနဲ့

အားထုတ်ပါ။

+++++++++++++++++++++++++++++++++++++++++++++++++++++

အိပ်နေရင်းနဲ့ပဲ

အသက်ရှုတာလေးကို

သိပြီးတော့ နေလိုက်ပါ။

တွေးလိုက်ရင် တွေးတယ်ဆိုတာလေးကို စိတ်က

သိလိုက်ပါ။

+++++++++++++++++++++++++++++++++++++++++++++++++++++

လောကကြီးကို တိုးတက်စေချင်ရင်

ကောင်းစေချင်ရင်၊

ကြီးတာပဲ ဖြစ်ဖြစ်၊

ငယ်တာပဲဖြစ်ဖြစ်၊

တစ်ဦးကို တစ်ဦး

လေးလေးစားစား ဆက်ဆံပါ။

+++++++++++++++++++++++++++++++++++++++++++++++++++++

သတိရှိနေတဲ့အချိန်မှာ

သိမ်ငယ်စိတ်၊

အားငယ်စိတ်၊

ကြောက်စိတ်ဆိုတာ မရှိ်ဘူး။

သူတစ်ပါးရဲ့အရှိန်အဝါက ကိုယ့်ကို

မလွှမ်းမိုးနိုင်ဘူး။

+++++++++++++++++++++++++++++++++++++++++++++++++++++

အင်္ဂလိပ်စာဟာ ဘဝထဲကို ရောက်လာမှ

ကျွမ်းကျင်လာတာပါ။

ဘယ်ကိစ္စပဲဖြစ်ဖြစ် ဘဝထဲကို ရောက်မှ

တကယ်ထိရောက်မှုရှိတယ်။

တကယ်လေးနက်မှုရှိတယ်။

+++++++++++++++++++++++++++++++++++++++++++++++++++++

တရားအားထုတ်တာလည်း ဘဝထဲကို ရောက်မှပဲ

တကယ်ထိရောက်မှုရှိတယ်။

တရားအားထုတ်လို့ရှိရင်

လောဘနည်းသွားမယ်၊

ဒေါသ၊မောဟ လည်း နည်းလာမယ်။

မာန၊ဏ္ဍဿ၊

မစ္စရိယ၊

ကုက္ကုစ္စ၊

ဥဒ္ဓစ္စတို့၊

ဝီစိကိစ္ဆာ၊

ထိနမိဒ္ဓ(ထိုင်းမှိုင်မှု)

နည်းသွားမယ်။

ကင်းသွားမယ်။

(မြတ်စွာဘုရား)

+++++++++++++++++++++++++++++++++++++++++++++++++++++

စားတုန်း၊သောက်တုန်း၊

ဝါးတုန်း၊မျိုတုန်း၊

လျက်တုန်း၊မှာ

သတိလေးနဲ့

ဉာဏ်လေးနဲ့

သိပြီးတော့မှ ပြုပါ။

(မြတ်စွာဘုရား)

+++++++++++++++++++++++++++++++++++++++++++++++++++++

ဘဝထဲကို သတိပဋ္ဌာန်တရား

တကယ်ရောက်ဖို့ပါပဲ။

+++++++++++++++++++++++++++++++++++++++++++++++++++++

ဆရာတော်ဦးဇောတိက

+++++++++++++++++++++++++++++++++++++++++++++

ရုတ်တရက် မမျှော်လင့်ပဲ
အမေရိကားကို သွားဖို့ဖြစ်လာတော့
သွားဖို့စီစဉ်ရပါတယ်။
အဲဒီအထဲမှာ မှတ်စုစာအုပ်တွေကို ဘယ်လိုလုပ်ရမလဲ
ဆိုတာ စဉ်းစားရပါတယ်။
နှစ်ရှည်လများရေးသားခဲ့တဲ့မှတ်စုစာအုပ်ကို မထားခဲ့ချင်ဘူး။
ယူသွားဖို့ကလည်း များလွန်းလို့မလွယ်ကူပါဘူး။
အဲဒီတော့ အကောင်းဆုံးလို့ထင်တဲ့အလုပ်တစ်ခုက
အဲဒီမှတ်စုစာအုပ်တွေထဲက ကောင်းနိုးရာရာတွေကို
ကွန်ပျူတာစာမျက်နှာထဲရေးထည့်ထားဖို့ကို စဉ်းစားမိတယ်။
ရေးရမယ့်စာတွေကများပြီး ရတဲ့အချိန်တွေကနည်းနေတယ်။
ဆေးခန်းအားတဲ့အချိန်တိုင်းကို စာရေးနေဖြစ်ပါတယ်။
ဒါပေမယ့် စံနစ်မကျခဲ့ပါဘူး။
အဲဒါကြောင့် ရေးပြီးသားမှတ်စုတွေဟာ ဘလော့ဂ်စာမျက်နှာပေါ်တင်တဲ့အခါ
အကြိမ်ကြိမ်ပါလာမျိုးရှိ်ခဲ့မယ်ဆိုရင်
ခွင့်လွှတ်နားလည်ပေးဖို့ကြိုတင်တောင်းပန်ထားချင်ပါတယ်။
အကြိမ်ကြိမ်ပြန်ဖတ်ဖြစ်တော့
ပိုပြီးသဘောပေါက်နားလည်တယ်ဆိုတဲ့စိတ်နဲ့
ပြန်ဖတ်ကြည့်ပါ။
တစ်ကြိမ်နဲ့တစ်ကြိမ် နားလည်သဘောပေါက်တာ မတူတာကိုတွေ့ရပါလိမ့်မယ်။

အခုမှတ်စုစာမျက်နှာတွေဟာ
ရေးခြားမြေခြားရောက်တဲ့အခါ စိတ်ဓာတ်ခွန်းအားတွေဖြစ်လာတာမို့
လုပ်ခဲ့တဲ့အလုပ်တွေထဲမှာ
မှန်တဲ့လုပ်ရပ်ဖြစ်သွားတာကို ကျေနပ်မိပါတယ်။

ဒေါက်တာအောင်ဝင်းဟိန်း