Wednesday, November 9, 2011

" စာအုပ်ရဲ့နာမည်ကြောင့်လား…"


တစ်ခါတုန်းက တာချီလိတ်မြို့ရဲ့ဗယ်လင်တိုင်းကဖီးဆိုင်တွင်

သူငယ်ချင်းများနဲ့လက်ဖက်ရည်သောက်နေကြပါတယ်။

ကျနော့်တို့ရဲ့ဘေးကပ်လျက်လက်ဖက်ရည်ဝိုင်းမှ

လူတစ်ယောက်ဟာ သူ့ဇနီးသည်မီးဖွားတဲ့အကြောင်းကို ပြောပြနေပါတယ်။

“ကျနော့်ရဲ့ဇနီးသည်ဟာ သူ မမွေးဖွားခင်မှာ

"နှစ်ယောက်ထဲနေချင်တယ်"

ဆိုတဲ့စာအုပ်ကိုဖတ်မိတယ်ဗျ။

အဲ မွေးလဲလာရော နှစ်မြွာပူး မွေးတော့တာပဲ”

အဲဒီအခါ နောက်တစ်ယောက်က ပြောပြန်တယ်။

“ ဒါ ဘာဟုတ်သေးလို့လဲဗျ၊

ကျနော့်ဇနီးကမှဗျာ၊သူကလေးမမွေးခင်

"သူရဲကောင်းသုံးယောက်"

စာအုပ်ဖတ်မိတယ်။

မွေးလည်းမွေးရော သုံးမြွာပူးမွေးတော့တာပါပဲ”



အဲဒီအခါ ကျန်တတိယတစ်ယောက်ဖြစ်တဲ့ကိုစိုင်းစိုင်းက

ထိတ်လန့်တကြားနဲ့ပြောလိုက်တာက...

“ ဟာ ဒါဆိုရင် ကျနော်တော့ ဒုက္ခတွေ့တော့မယ်ဗျို့၊

ဘာဖြစ်လို့လဲဆိုတော့ ကျနော့်မိန်းမက ကိုယ်ဝန်ကြီးနေ့စေ့၊လစေ့နဲ့

အခု သူမဟာ "အလီဘာဘာနဲ့ခိုးသားလေးဆယ်"

စာအုပ်ကိုဖတ်နေတယ်ဗျ၊

ကျနော်တော့ အိမ်အမြန်ပြန်မှ ဖြစ်တော့မယ်ဗျို့”



No comments:

လူသားတိုင်း ကျန်းမာကြပါစေ... လူသားတိုင်း ချမ်းသာကြပါစေ...
ခန္ဓာကိုယ်ကို လေ့ကျင့်ခန်းနဲ့စောင့်ရှောက်ပါ။ စိတ်ကို စာဖတ်ခြင်းနဲ့စောင့်ရှောက်ပါ။...

နူတ်ဆက်စကားလေးများ.....

မြန်မာတို့ရဲ့ ဘလော့ဂ်များ...

picoodle.com