ကမ္ဘာပေါ်တွင် ထူးထူးခြားခြား အသက်ရှည်သူတွေများလှတဲ့နေရာ
သုံးခုရှိပါတယ်။
ဘိုးသက်ရှည်၊ ဘွားသက်ရှည်တွေများလှတဲ့နေရာသုံးခုမှာ
အီကွေဒေါနိုင်ငံရှိ ဗီလ်ဘမ်ဘာဒေသ၊
ရုရှားပြည် ကော့ကေးဆပ်ဒေသ နှင့်
ပါကစ္စတန်ပြည် ဟန်ဇားဒေသ
တို့ဖြစ်ပါတယ်။
အဲဒီဒေသသုံးခုလုံးပင် တောင်ပေါ်ဒေသများဖြစ်ကြတယ်။
စိုက်ပျိုး မွေးမြူရေးလုပ်ငန်းများဖြင့်ရပ်တည်နေကြတယ်။
ဒေသခံလူများဟာ
နေ့စဉ်ခရီးဝေးလမ်းလျှောက်ရတဲ့အလုပ်၊
တောင်တက် တောင်ဆင်းအလုပ်များကို
အမြဲလုပ်ကိုင်ကြရတယ်။
သူတို့စားတဲ့အစားအစာများကလည်း
အဆီနည်းတယ်။
အသားဟင်း နည်းတယ်။
ဒီ့ပြင် ဟင်းလျာချက်ပြုတ်စားသောက်တဲ့အခါမှာလည်း
ဟင်းခတ်အမွှေးအကြိုင် စတဲ့
အပိုပစ္စည်းများထည့်လေ့မရှိကြပါ။
အစားအသောက်များ တာရှည်ခံအောင်
ဓာတုဗေဒဆေးများနဲ့ ပြုပြင်သိုမှီးတဲ့အလေ့အထလည်း မရှိပါ။
ဒါကြောင့် အစားအစာများမှာ အဆိပ်အတောက်ကင်းစင်တယ်။
ဒါ့ပြင် သူတို့မှာ
ကလေးဘဝကစပြီး သက်ကြီးရွယ်အိုဘဝအထိ
အအားနေရတယ်မရှိပါ။
ခွန်းအားရှိသရွေ့လုပ်ကိုင်ရတယ်။
ဒါပေမယ့် သူတို့မှာ စက်ရုံအလုပ်ရုံ များ၊ ရုံးများမှာ လုပ်ကိုင်နေသူများလိုတော့
တာဝန်၊ဝတ္တရားနဲ့အလုပ်ချိန်သတ်မှတ်ချက်များရဲ့ဖိစီးမှုမျိုးတော့မရှိပါ။
သူတို့မှာ အားလပ်ရက်ဆိုလို့သီးသန့်မရှိသလို
ပင်စင်မယူချင်ဘဲယူလိုက်ရတာမျိုးလည်းမရှိပါ။
မြို့ပြမှာပင်စင်စားများမှာ အရာမဝင်တော့တဲ့အတွက်သိမ်ငယ်စိတ်ဝင်ပြီး
ကျန်းမာရေးထိခိုက်ကျဆင်းတတ်သော်လည်း
ထိုဒေသတောင်ပေါ်သားများကတော့  အသက်ကြီးတာနဲ့အမျှ
ရပ်ရွာရဲ့လေးစားရိုသေမှုကို ပိုပြီးရရှိလာတဲ့အတွက်
အားတက်ရွှင်လန်းကျန်းမာနိုင်ကြပါတယ်။
ဒီ့ပြင် တောင်ပေါ်ကျေးလက်ဘဝမှာ
စိတ်လှုပ်ရှားမှုနည်းပါးလှတဲ့ဘဝမျိုးဖြစ်တဲ့အတွက်
နှလုံးရောဂါ၊ သွေးတိုးရောဂါစတဲ့
အန္တရာယ်ပေးတဲ့ရောဂါဆိုးကြီးများကို
တားဆီးကာကွယ်ပေးထားသလို ဖြစ်နေပါတော့တယ်။
အားလုံးကို ခြုံပြောရရင်တော့
လူဟာ ပစ္စုပ္ပန်ကာလ အရှိပကတိဘဝမှာနေတတ်တာရယ်။
ကျေနပ်တင်းတိမ်စိတ်ရှိတာရယ်ကြောင့်
ကျန်းမာကာနုပျိုလန်းဆန်းနေတာလို့ပြောနိုင်မယ်ထင်ပါတယ်။
မြတ်စွာဘုရားရှင်လက်ထက်က
အရှင်သာရိပုတ္တရာမထေရ် မြတ်ဟာ ဉာဏ်ပညာအရာမှာ ဧတဒဂ်ရပါတယ်။
အရှင်သာရိပုတ္တရာမထေရ်ရဲ့ နှလုံးသားကို
ဖူးမြော်ကြည်ညိုရတာဟာ အားရကျေနပ်စရာ အလွန်ကောင်း လှပါတယ်။
အရှင်သာရိပုတ္တရာမထေရ်မြတ်ဟာ အမှတ်တမဲ့ သင်္ကန်းကိုင်တော်မူတဲ့အခါ
သင်္ကန်းအစွန်းအနားကမညီမညာဖြစ်နေပါတယ်။
အဲဒါကို ရှင်သာမဏေဖြစ်စ (၇)နှစ်အရွယ် ကိုရင်တစ်ပါးက မြင်တွေ့သွားရာ
“အရှင်ဘုရား သင်္ကန်းကို ညီညီညာညာ ဝတ်ရုံသင့်ပါတယ် အရှင်ဘုရား?”
လို့ လက်အုပ်ချီပြီး လျှောက်ထားပါတယ်။
အဲဒီအခါ အရှင်သာရိပုတ္တရာမထေရ်က မိမိသင်္ကန်းမညီညာတာကို
သင့်တော်တဲ့နေရာမှာ ကောင်းမွန်စွာ ပြင်ဝတ်ပြီး ကိုရင်ထံ ပြန်လာက
“ဒီလောက်ဆို သင့်တော်ပါပြီလား?”လို့ ဆရာအရာမှာ ထားပြီးတလေးတစား တုံပြန်တော်မူခဲ့ပါတယ်။
အဲဒီဖြစ်ရပ်ကလေးကို အခြေပြုကာ နောင်တစ်ချိန်မှာ
အရှင်သာရိပုတ္တရာမထေရ်က
“ဒီနေ့မှာပဲ သာမဏေဖြစ်စ (၇)နှစ်အရွယ် ကိုရင်ငယ်ကလေးက ဆိုဆုံးမလာသည်ပင်ဖြစ်စေ
သူတော်ကောင်းတွေရဲ့ဆိုဆုံးမမှုမှန်သမျှကို ဦးထိပ်တင်ပြီးခံယူပါတယ်။
ကိုယ့်အမှားကိုထောက်ပြပြီး ဆုံးမသွန်သင်တတ်သူဆရာကို
ရွှေအိုးကို လက်ညှိုးထိုးညွှန်ပြပေးသူလို မြတ်နိုးတန်းဖိုးထားပြီး ဆည်းကပ်ပါတယ်။”
လို့ဥဒါန်းကျူးရင့်ကာ မိန့်ကြားတော်မူခဲ့ပါတယ်။
တကယ်တော့ သူတော်ကောင်းတွေရဲ့ နှလုံးသားဆိုတာ ဝါးရုံပင်မြင့်မြင့်ကြီးတွေလိုပါပဲ။
အထက်ကိုပိုမိုမြင့်မားလေ အောက်ကို ပိုမိုညွတ်ကိုင်းလေဖြစ်ပါတယ်။
ရှေးရှေးတုန်းက ရှေးပျူးနစ်စစ်ပွဲဖြစ်ကြတယ်။
ရောမနဲ့ ကာသေ့ခ်ျတို့တိုက်တဲ့စစ်ပွဲဖြစ်တယ်။
အဲဒီစစ်ပွဲမှာ ရောမတို့ကစစ်အောင်နိုင်ပြီး ကာသေ့ခ်ျတို့ကစစ်ပွဲရှုံးနိမ့်သွားကြတယ်။
ကာသေ့ခ်ျတို့ကစစ်ရှုံးသွားတော့ ကာသေ့ခ်ျတို့ရဲ့စိတ်ထဲမှာသူတို့ဟာ
မိုလော့ခ် နတ်ဘုရားကို ကိုးကွယ် ပူဇော်ရာမှာ တိတိကျကျ မှန်မှန်ကန်ကန် မလုပ်တဲ့အတွက်
မိုလော့ခ် နတ်ဘုရားကစိတ်ဆိုးလို့စစ်ရှုံးရတယ်လို့ယူဆကြတယ်။
မိုလော့ခ် နတ်ဘုရားဟာကလေးသူငယ်တွေကို ယဇ်ပူဇော်ခြင်းကို အလိုရှိတယ်။
အထူးသဖြင့် ဆွေကြီးမျိုးကြီးထဲက ကလေးတွေကို ပိုမိုနှစ်သက်တယ်။
ဒါပေမယ့် ကာသေ့ခ်ျသူကောင်းမျိုးတို့က အမျိုးညံ့သူ သူဆင်းရဲတို့ရဲ့ သားသမီးများကို
မိမိတို့ရဲ့ သားသမီးများအဖြစ် အစားထိုးပူဇော်နေခဲ့ကြတယ်။
ဒါကြောင့် ရောမတို့နဲ့တိုက်တဲ့စစ်ပွဲမှာ စစ်ရှုံးသွားရတာဟာ
မိုလော့ခ် နတ်ဘုရားကို လိမ်ညာလို့မိုလော့ခ် နတ်ဘုရားကအပြစ်ဒဏ်ခတ်တယ်
လို့တွေးတောထိတ်လန့်ကြတယ်။
ဒါနဲ့ပဲ မိုလော့ခ် နတ်ဘုရားကျေနပ်စေဖို့ အတွက် မင်းမျိုး၊မှူးမတ်မျိုးတွေဟာ
မိမိတို့ရဲ့သားသမီးကလေးသူငယ်အမြောက်အများကို မီးရှို့ပြီး
မိုလော့ခ် နတ်ဘုရားကိုပူဇော်ခဲ့ကြတယ်။
ကြောက်စိတ်ဟာ အယူသည်းစွဲလမ်းမှုများရဲ့ပင်မရင်းမြစ်ဖြစ်သလို
ရက်စက်ကြမ်းကြုတ်မှုရဲ့အခြေခံအကြောင်းတရားတစ်ခုလည်းဖြစ်တယ်။
ကြီးမားတဲ့၊ကြောက်မက်ဖွယ်ကောင်းတဲ့ အဖြစ်အပျက်မျိုးတွေနဲ့ကြုံတဲ့အခါ
လူတစ်ဦးချင်းဖြစ်ဖြစ်၊
လူအုပ်စုတစ်စုဖြစ်ဖြစ်၊
တိုင်းပြည်တစ်ပြည်ဖြစ်ဖြစ်၊
ကျိုးကြောင်းဆင်ခြင်မှုနဲ့လုပ်ဆောင်နိုင်လိမ့်မယ်လို့ ယုံကြည်စိတ်ချလို့မရပါဘူး။
မှန်ကန်တဲ့အသိဉာဏ်ရရှိဖို့ကိုယ့်ကိုယ်တွင်းမှာရှိတဲ့ကြောက်စိတ်ကို
ကိုယ့်ဘာသာ အရင်ဆုံးဝန်ခံဖို့လိုပါတယ်။သိမှဝန်ခံလို့ရမှာနော်။
ပြီးတော့ ဖြေရှင်းနိုင်တဲ့နည်းလမ်းကို ရှာဖို့လိုတယ်။
ဒါကြောင့် ကြောက်စိတ်ကိုအောင်နိုင်ခြင်းဟာ မှန်ကန်တဲ့အသိဉာဏ်ရရှိဖို့ လမ်းစဖြစ်ပါတယ်။
{ How to Sharpen Your Judgement by Bertrand Russell }
