သို့
ချစ်တဲ့အမေ
သတိရတယ်အမေ၊
အမေကိုလည်း လွမ်းသလို
အမေချက်ကျွေးတဲ့မုန့်ဟင်းခါးကိုလည်း လွမ်းတယ်။
မြန်မာပြည်ကိုလည်း လွမ်းတယ်။
ရွှေတိဂုံဘုရားကိုလည်း လွမ်းတယ်။
မြန်မာစာအုပ်တွေကိုလည်းလွမ်းတယ်။
မြန်မာနိုင်ငံနဲ့ပတ်သက်ပြီး အရာရာဟာလွမ်းစရာဖြစ်နေတယ်အမေ။
ကျနော်ကအင်္ဂလိပ်ဘာသာစကားနဲ့ပတ်သက်ရင် အားနည်းတယ်။
ဒါကြောင့်စာကြည့်တိုက်မှာဖွင့်တဲ့
ESL(English Second Language)ဆိုတဲ့သင်တန်းကိုတက်ဖြစ်တယ်။
တစ်ပတ်မှာတစ်ရက်၊ တစ်ရက်မှာ တစ်နာရီ၊ သင်တယ်။
ကြာသပတေးနေ့၊နေ့လည်တစ်နာရီကနှစ်နာရီမှာသင်တယ်။
အလုပ်ရှိတဲ့ကြားက အဲဒီနေ့ကို
စနေ၊တနင်္ဂနွေနေ့နဲ့အစားထိုးပြီးအလုပ်ဆင်းပေးပြီး
သင်ဖြစ်အောင်သင်ပါတယ်။
လာတက်တဲ့လူတွေက နိုင်ငံတကာကလာတဲ့လူတွေပါပဲ။
သင်တဲ့ဆရာက အမေရိကန်လူမျိုးပါ။
စတက်တော့ ကိုယ့်ကိုယ်ကိုယ်မိတ်ဆက်ကြရတယ်။
သင်တန်းသားအားလုံးကမိတ်ဆက်ကြပါတယ်။
လာတဲ့နိုင်ငံတွေကတော့ တရုပ်၊ တောင်ကိုးရီးယား၊ ဂျပန်၊
ထိုင်ဝမ်၊ အိန္ဒိယ၊ စင်ကာပူက
လူတွေအပြင် ဥရောပနိုင်ငံ၊ အာရတ်နိုင်ငံကလူတွေလည်းပါတယ်။
သူ့တို့ကိုယ်သူတို့မိတ်ဆက်ပေးကြတော့
သူ့တို့နိုင်ငံတွေကို အားလုံးကသိနေကြတယ်။
ကျနော့်အလှည့်ရောက်တော့
"ကျနော့်နာမည်က အောင်ဝင်းဟိန်း၊
လာတဲ့နိုင်ငံက မြန်မာနိုင်ငံ၊
(D.V) ပေါက်ပြီးရောက်လာတာ လပိုင်းပဲရှိသေးတယ်။
ကျနော့်ရဲ့မြန်မာနိုင်ငံနဲ့လူမျိုးကိုကျနော်ချစ်တယ်"
ပေါ့။
ကျနော်ပြောပြီးတော့ သူတို့တွေကမေးတယ်။
မြန်မာနိုင်ငံဆိုတာ ဘယ်နေရာမှာလဲတဲ့အမေ။
မကြားဖူးဖူးတဲ့။
ကျနော်ကပြောရတာပေါ့။
တရုပ်နိုင်ငံရယ်။အိန္ဒိယနိုင်ငံနဲ့ထိုင်းနိုင်ငံတွေကဝိုင်းရံနေတဲ့နိုင်ငံလို့
ပြောလည်းသူတို့က နားမလည်တာကြောင့်
ကမ္ဘာ့လုံးပုံကိုထယူရတယ်။
ပြီးတော့မြန်မာပြည်ကို
လက်ညှိုးထိုးပြမှ အော်…ဒါလားတဲ့။
တရုပ်နိုင်ငံ၊အိန္ဒိယနိုင်ငံလို
နိုင်ငံကြီးတွေကို သူတို့သိတာသဘာဝကျပါတယ်။
လက်ခံနိုင်ပါတယ်။
စင်ကာပူလိုနိုင်ငံသေးသေးလေးကိုတော့
သူတို့တွေသိပြီး
စင်ကာပူထက်အဆပေါင်းများစွာကြီးမားတဲ့ကျနော်တို့မြန်မာနိုင်ငံကို
သူတို့မသိတာတော့ ခံစားရတယ်အမေ။
အိမ်နီးချင်းဖြစ်တဲ့ထိုင်းနိုင်ငံကိုလည်းသူတို့သိကြတယ်။
ထိုင်းနိုင်ငံနဲ့ကျနော်တို့မြန်မာနိုင်ငံက
ဘာများထူးထူးခြားခြားကွာခြားနေလို့လဲ။
ခံစားမှုနဲ့အတူ
တွေးစရာတွေကအများကြီးပါပဲအမေ။
Who?(ဘယ်သူ့အပေါ်မှာတာဝန်ရှိသလဲ။)
Why?(ဘာကြောင့်ဒီလိုဖြစ်ရတာလဲ။)
How?(ဘယ်လိုကြောင့်ဒီလိုဖြစ်ရတာလဲ)
When?(ဘယ်အချိန်ကထည်းကစပြီးဖြစ်နေသလဲ)
What?(ဘာကစပြီးပြောင်းလဲရမှာလဲ)
မေးခွန်းတွေအများကြီးနဲ့အလုပ်ရှုတ်သွားမိတယ်။
ပြီးတော့ခေါင်းရှုတ်သွားတယ်။
အဲဒီညက အိပ်မပျော်ဘူးအမေ။
ဒီရောက်နေတဲ့မြန်မာအများစုကို
လက်လှမ်းမီသလောက်လေ့လာကြည့်တော့
တွေ့ရတာတော့အမျိုးမျိုးပါပဲ။
ညီညွတ်တဲ့ပုံသဏ္ဍန်ကိုမတွေ့ရဘူး။
ဒီကိုစောစောရောက်တဲ့လူက
နောက်ကျမှရောက်လာသူကို
ပညာမျိုးစုံပြတယ်။
အထင်သေးတယ်။ နှိပ်ချတယ်။
အများစုကအဲဒီလိုဖြစ်နေတယ်။
ဒါပေမယ့်အနည်းစုကတော့ အံသြစရာကောင်းအောင်ကူညီတာလည်းတွေ့ရပါတယ်။
ဘာကြောင့်တစ်ဦးနဲ့တစ်ဦးမကူညီနိုင်တဲ့အကြောင်းကလည်းရှိနေတယ်လေ။
ဒီမှာက ငွေကတန်ဖိုးရှိတယ်။
ငွေရှိရင် ဘာမဆိုဝယ်လို့ရနေတာမို့ငွေကိုမက်မော၊
တွယ်တာလွန်းတဲ့စိတ်ကြောင့်
ဒီကလူတွေ အတ္တကြီးသွားသလားမသိပါဘူး။
နောက်တစ်ခုက လူတွေက ကားတစ်စီးကနေနှစ်စီးလိုချင်တယ်။
နှစ်စီးရှိသူကလည်း သုံးစီးလိုချင်တယ်။
မော်ဒယ်အသစ်ပေါ်တိုင်းလိုချင်စိတ်မထိန်းကြတော့ ဝယ်ဖြစ်ကြတယ်။
ရှိလို့ဝယ်တာမဟုတ်ဘူး။ အကြွေးနဲ့ရလို့ဝယ်တာ။
ဘဏ်ကလည်းအတိုးရတော့ ငွေချီးပေးတာပဲ။
လူတွေကဝယ်ရင်းဝယ်ရင်း
အကြွေးတွေဆိုတဲ့နွံထဲမှာနစ်နေပါလေရော။
ရုန်းလေ မြုပ်လေဖြစ်နေကြတယ်။
လူတွေဟာ
စိတ်အလိုကိုလိုက်ရင်းလိုက်ရင်းနဲ့ စက်ရုပ်ဖြစ်မှန်းမသိဖြစ်လာတယ်။
အလုပ်ပြီးအလုပ်ဖြစ်နေတယ်။
ငွေပြီးငွေဖြစ်နေတယ်။
စက်ရုပ်နဲ့မတူတဲ့အချက်တစ်ချက်ကတော့
စက်ရုပ်မှာလောဘမရှိဘူး။မာနမရှိဘူး။
လူတွေမှာက လောဘတွေ၊မာနတွေက
ကြီးမားသည်ထက်ကြီးမားနေတာပါပဲ။
ရုပ်ဝတ္ထုတွေအပေါ်မှာ လောဘတွေတက်နေတော့
တစ်ခုပြီးတစ်ခုလိုချင်နေတော့တာပဲ။
ပိုင်ဆိုင်လာပြန်တော့
မာနတွေတက်သထက်တက်နေတာပါပဲ။
မြန်မာနိုင်ငံက ငါ့အဖေထက်သာသွားပြီ။
ငါ့အဖိုးထက်သာသွားပြီ။
မြန်မာနိုင်ငံကချမ်းသာတဲ့လူတွေတောင်
ငါ့လောက်မချမ်းသာဘူးဆိုတဲ့အတွေးတွေဖြစ်လာတယ်။
အပြောတွေဖြစ်လာတယ်။
ကျနော်တွေ့ဖူးတဲ့မြန်မာတွေတော်တော်များများဟာ
ဘာသာမဲ့ကို နှစ်သက်သူတွေဖြစ်နေကြတယ်။
ဖြစ်ခြင်းသဘောရဲ့နောက်ကွယ်မှာ
ပျက်ခြင်းသဘောတွေရှိနေတယ်ဆိုတာကို
လက်မခံကြဘူး။
ဖြစ်အောင်လုပ်ရင်
အမြဲတမ်းဖြစ်နေတာပဲလို့ပြောနေကြပါလား။
နောက်ဘဝတွေကို မယုံကြည်ကြတော့ဘူး။
ဒီတစ်ဘဝကောင်းစားဖို့အတွက်
ဘာဘဲဖြစ်ဖြစ်လုပ်မယ်ဆိုသူတွေကိုလည်းတွေ့ရတယ်။
ကံ၊ကံရဲ့အကျိုးကို
နားမလည်ကြတော့ပါလား။
ကျနော်ရွေးချယ်လိုက်တဲ့နေရာ
မှားနေပြီလား။
ကျနော်နေတဲ့အိမ်ကလူရွယ်တစ်ယောက်ဖြစ်တဲ့အိမ်ထောင်ဦးစီးကပြောတယ်။
“ အမေရိကန်နိုင်ငံမှာ
ဆွေမျိုးဆိုတာမရှိဘူး။မိတ်ဆွေဆိုတာလည်းမရှိဘူး။ငွေပဲရှိတယ်။
ငွေမရှိရင်
ဘာမှမရှိတော့ဘူး။စားစရာမရှိ၊ဝတ်စရာမရှိ၊နေစရာမရှိဘူး” တဲ့အမေ။
အဲဒီစကားပြောပြီးတစ်ဆက်တည်းမှာ
အိမ်လခနဲ့စားစရိတ်တောင်းပါလေရော။
ကျနော်တို့မိန်းမရဲ့အမျိုးအဆွေအိမ်ပေါ်မှာ
တစ်လရှစ်သိန်းပေးပြီးနေခဲ့ရပါတယ်။
ဟော်တယ်ခန်းလောက်တောင်မကျယ်တဲ့။အခန်းကျဉ်းကျဉ်းလေးထဲမှာတစ်လငါးသိန်းတဲ့။
စားစရိတ်နှစ်ယောက်အတွက် သုံးသိန်းတဲ့။
ဒီမှာရှိတဲ့၊ခင်မင်တဲ့မိတ်ဆွေတွေကိုပြောပြမိတော့
သူတို့တွေအံသြကြတယ်။
ကျနော်ကလက်ခံပါတယ်။
တန်ရာတန်ကြေးပေးပြီးနေတော့
အကြွေးမတင်ဘူးပေါ့။
အမေပြောခဲ့ဖူးတယ်လေ။
“ဘာကိုမှ တန်ရာတန်ကြေးမပေးပဲ
မယူမိပါစေနဲ့” ဆိုတဲ့စကား။
ဒါနဲ့အဖြစ်အပျက်တစ်ခုကိုသတိရမိတယ်။
လုပ်ငန်းရှင်တစ်ယောက်က
အမှုတစ်ခုဖြစ်တော့ရှေ့နေငှားရပါတယ်
အဲဒီရှေ့နေကြောင့် အမှုနိုင်သွားပါတယ်။
ဒီတော့ အဲဒီလုပ်ငန်းရှင်ကရှေ့နေကို
သရေအိတ်အကောင်းစားတစ်လုံးကို
လက်ဆောင်ပေးပါတယ်။
အဲဒီရှေ့နေက စိတ်ဆိုးတယ်။
“ငါဟာသရေအိတ်လောက်ပဲတန်တဲ့ရှေ့နေလား”
ပေါ့။
အဲဒီတော့ လုပ်ငန်းရှင်က မေးတာပေါ့။
“ဒါဆိုရင် ဘယ်လောက်တန်သလဲ”
“ဒေါ်လာငါးရာတန်တယ်”လို့ပြောတော့လုပ်ငန်းရှင်က
အဲဒီအကောင်းစားအိတ်ထဲကငွေတွေကိုဆွဲထုတ်လိုက်ပြီး
စားပွဲပေါ်တင်လိုက်တယ်။
အဲဒီငွေတွေထဲက
ဒေါ်လာငါးရာကိုရေတွက်ပြီးရှေ့နေကိုပေးလိုက်တယ်။
ပြီးတော့ အကောင်းစားသရေအိတ်ထဲကို
ကျန်တဲ့ငွေတွေပြန်ထည့်ပြီးပြန်ယူသွားပါတယ်။
လူဆိုတာ တန်သလောက်ပဲရတတ်တာမျိုးပါ။
ကိုယ့်တန်ဖိုးကိုကိုယ်ဖြတ်နေကြတာပါ။
ခုလည်းဒီလိုပဲနားလည်လိုက်ပါတယ်အမေ။
အိမ်လခပေးရတဲ့အတွက်
တန်ရာတန်ကြေးပေးလိုက်ရတယ်လို့ခံစားမိပါတယ်။
စိတ်ထဲမှာလည်းလွတ်လပ်တဲ့စိတ်ဖြစ်ပေါ်လာပါတယ်။
အမေရေ….
ကျနော်တို့နေတဲ့နေရာက
လေယာဉ်ကွင်းနဲ့မနီးပါဘူး။
ဒါပေမယ့် ကောင်းကင်ပေါ်ကို မော့ကြည့်လိုက်တဲ့အခါ
ဘယ်အချိန်ပဲကြည့်ကြည့်လေယာဉ်တစ်စီးတော့
အနည်းဆုံးတွေ့ရတတ်တယ်။
အမေရိကန်နိုင်ငံမှာ
လေယာဉ်ကွင်းပေါင်းတစ်သောင်းလေးထောင်(၁၄၀၀၀)ကျော်ရှိတယ်လို့
စာစောင်တွေထဲမှာဖတ်ရဖူးတယ်။
မြန်မာနိုင်ငံမှာတော့
လေယာဉ်ကွင်းပေါင်းတစ်ရာတောင်မပြည့်ဘူးအမေ။
နှိုင်းယှဉ်ကြည့်ရင်
အရမ်းကွာခြားနေတာကိုတွေ့ရတယ်။
သူတို့ရဲ့တိုးတက်မှုကိုမုဒိတာပွားမိပါတယ်။
ကိုယ့်မြန်မာနိုင်ငံကဆင်းရဲလို့၊
မတိုးတက်ပေမယ့်လို့
နိုင်ငံနဲ့လူမျိုးကိုချစ်တဲ့စိတ်ကတော့
တစ်ပြားမှလျှော့ပါးမသွားပါဘူး။
ဘယ်သူမေးမေး၊ကျနော်ကတော့မြန်မာနိုင်ငံသားလို့ဂုဏ်ယူဝင့်ကြွားစွာ
ဖြေနေပါတယ်။
အမေရိကန်မှာနေလို့အမေရိကန်ဖြစ်သွားတာမှမဟုတ်တာ။
မြန်မာဟာမြန်မာပဲပေါ့။
ကဲ…စာရှည်သွားလို့အမေမျက်စိညောင်းနေပြီလား။
နားလိုက်ဦးမယ်နော်။
အမေ့ရဲ့ချစ်တဲ့သား
အောင်ဝင်းဟိန်း
ဆန်ဟိုဆေးမြို့(San Jose)
ကယ်လီဖိုးနီးယားပြည်နယ်(California)
အမေရိကန်ပြည်ထောင်စု(USA)
၁၁-၁၄-၂၀၁၁
