မေးသင့်တဲ့မေးခွန်းကို မေးရဲမှ အဖြေကို
ရှာနိုင်တဲ့အဆင့်ကို ရောက်မယ်။
စာအုပ်တစ်အုပ်မှာ တန်ဖိုးအရှိဆုံးအရာဟာ
မေးသင့်တဲ့မေးခွန်းပဲ။
****************************************************************
အခုခေတ်လူတွေက ဥပမာနဲ့ပြောရရင်
ကားမောင်းရင်းနဲ့ တစ်ဖက်က ဘရိတ်ကို
နင်းထားပြီးတော့ တစ်ဖက်က လီဗာကို
နင်းထားသလို ဖြစ်နေတယ်။
သွားလည်း သွားချင်တယ်။
ရပ်လည်း ရပ်ပစ်ချင်တယ်။
အဲဒါကြောင့် ပိုပြီးတော့ ပင်ပန်းတယ်။
****************************************************************
“ ငါ ဘယ်လို ပညာမျိုးကို တတ်ချင်သလဲ ”
( မေးသင့်တဲ့ မေးခွန်း )
****************************************************************
အကယ်၍ လူတစ်ယောက်ဟာ
သူတကယ်လုပ်ချင်တာဘာလဲ…
လို့ တိတိကျကျသိပြီးတော့ ကိုယ်ဟာ ကိုယ်လည်း
နေ့စဉ်စိတ်ပါလက်ပါလုပ်နေတယ်ဆိုရင်
အခုန ပြောသလို ဘဝကြီးက အဓိပ္ပာယ်မဲ့သလိုမျိုး၊
ဘဝကြီးက Empty ဖြစ်နေသလိုမျိုး၊
ပျင်းစရာကောင်းတယ်ဆိုတာမျိုး၊ဟာ
ဘယ်တော့မှ မဖြစ်နိုင်ဘူး။
****************************************************************
နေရောင်ခြည်မှာ မှန်ဘီလူးတစ်ခုကိုထားကြည့်မယ်ဆိုရင်
အဲဒီမှန်ဘီလူးက နေရောင်ခြည်ကို စုပေးလိုက်တယ်။
တစ်နေရာထဲမှာ အလင်းရောင်တွေလာစုတဲ့အတွက်ကြောင့်
သူရဲ့အစွမ်းသတ္တိဟာ ပိုပြီးတော့
ထက်မြက်လာတယ်။
( ဆရာတော်ဦးဇောတိက )
No comments:
Post a Comment