“ လွန်တာပေါ့ကွာ…”

ကျနော်တို့ငယ်စဉ်က

လမ်းဘေး မျက်လှည့်ဝိုင်းများကို မကြာခဏတွေ့ရတတ်ပါတယ်။

ကျောင်းကပြန်လာရင် မျက်လှည့်ဝိုင်းနဲ့တွေ့ပါက

အိမ်ကိုတော်တော်နဲ့ပြန်မရောက်တော့ပါ။

ငယ်စဉ်ကတော့ မျက်လှည့်ဝိုင်းကိုတွေ့ရင်

အလွန်စိတ်ဝင်စားမိတဲ့အတွက် မကြည့်ဘဲ မနေနိုင်ပါ။

တစ်နေ့မှာတော့

ကျောင်းကအပြန်မှာ နယ်လှည့်မျက်လှည့်အဖွဲ့တစ်ဖွဲ့ကိုတွေ့ရပါတယ်။

လူတွေအမြောက်အများကလည်း ဝိုင်းအုံကြည့်နေကြပါတယ်။

မျက်လှည့်ဆရာက လူအုပ်ကို တိုင်တည်ပြီးပြောနေပါတယ်။

“ လေးစားအပ်တဲ့ ပရိသတ်များခင်ဗျား၊

အခုလူကြီးမင်းတို့ရဲ့ရှေ့မှောက်မှာ

ဟောဒီ ကျောက်မီးသွေးခဲ၊

ဟောဒီ ကျောက်ခဲတုံး၊ နဲ့

ဟောဒီ အိမ်ရိုက်သံတွေကို

ကျနော် ဝါးစားပြပါ့မယ်၊

အဲဒီနောက်မှာ ဒီလို ခက်ခဲတဲ့ပညာနဲ့ ဝမ်းစာရှာနေကြတဲ့

ကျနော်တို့မျက်လှည့်ပညာသည်တွေကို သနားတဲ့အနေနဲ့

ထမင်းဖိုး မ,စကြမယ်လို့ မျှော်လင့်ပါတယ်ခင်ဗျား ”

အဲဒီနောက်မှာတော့ ပရိသတ်ထဲက

အသံတစ်သံ ပေါ်ထွက်လာပါတယ်။

“ ဒါတွေစားပြီးတာတောင်

ထမင်းစားချင်သေးတယ်ဆိုတော့ လွန်တာပေါ့ ”