သို့
ချစ်တဲ့အမေ
သား သတိတရစာရေးလိုက်ပါတယ်။
ကျနော် ရင်ကြတ်နေတယ်။
ရင်ကြတ်လာတဲ့အခါ
ပြောပြရမယ့်လူမရှိသလို ခံစားရတယ်။
ကိုယ့်အပေါ်နားလည်တတ်တဲ့သူကိုပြောပြမှ
ရင်ကြတ်သက်သာတာမျိုးလေ။
ဒါကြောင့် အမေ့ကို ရင်ဖွင့်ပါတယ်။
ဆရာဝန်ဆိုတာ
လူနာတွေနဲ့အလုပ်လုပ်ရတဲ့လူမျိုးဖြစ်တယ်။
လူနာတစ်ယောက်လာပြီးဆိုရင်
အဲဒီလူနာရဲ့ရောဂါဖြစ်စဉ်ကိုသိအောင်
လူနာနဲ့စကားပြောရတယ်။
ကိုယ်က နည်းနည်းပြောပြီး
များများနားထောင်ရပါတယ်။
ကိုယ်ပြောတယ်ဆိုတာက လူနာကိုမေးရတာပါ။
ရောဂါဖြစ်စဉ်ကို လူနာက ဆရာဝန်ထက်
ပိုသိတယ်။
လူနာနဲ့စကားများများပြောလေ
ရောဂါဖြစ်စဉ်ကို ပိုသိလေပဲ။
သိလာတဲ့အကြောင်းအရာပေါ်မူတည်ပြီးမှ
ဘာရောဂါဖြစ်နိုင်သလဲဆိုတာ
ချိန်ဆရတယ်။
လူနာနဲ့စကားပြောနေတုန်းလည်း
ဆရာဝန်ဆိုတာ
စဉ်းစားနေရတယ်။
ဘာဖြစ်နေသလဲ။
ဘာဖြစ်နိုင်သလဲ။
လူနာပြောတဲ့အကြောင်းအရာပေါ်မူတည်ပြီး
နောက်တစ်ဆင့်က စမ်းသပ်စစ်ဆေးရတယ်။
စမ်းသပ်စစ်ဆေးနေတုန်းလည်း
စဉ်းစားနေရတယ်။
ဖြစ်နိုင်ချေတွေကို မလွတ်သွားအောင်
ချိန်ဆရတယ်။
ဖြစ်နိုင်ချေကိုအမိအရ
ဆုပ်ကိုင်နိုင်ပြီးဆိုရင်
နောက်တစ်ဆင့်က
ကုသတဲ့အပိုင်းရောက်လာတယ်။
ကုသတဲ့အခါမှာလည်း
ကိုးလုံးကျည်နဲ့ပစ်လိုက်သလိုမျိုး
ထိချင်တဲ့အလုံးနဲ့ထိစေဆိုတဲ့သဘောမျိုးနဲ့မဖြစ်ရအောင်
ချိန်ဆရပြန်တယ်။
ကိုးလုံးကျည်နဲ့ပစ်တာမျိုးက
လူနာအတွက်
ကောင်းကျိုးထက် ဆိုးကျိုး
ပိုများစေတယ်။
ဆေးတိုင်းမှာ
ဘေးထွက်ဆိုးကျိုးရှိနေလေတော့
အဲဒီလိုမျိုးကုသမှုက လောလောဆယ်
ခံစားနေရတဲ့ဝေဒနာ သက်သာသွားနိုင်တာ
မှန်ပေမယ့်
နောက်ဆက်တွဲဘေးထွက်ဆိုးကျိုးတွေက
လူနာကို ထိခိုက်စေတယ်။
ငွေကြေးနဲ့တွက်ရင်လည်း လူနာက
ဆေးဖိုးရော၊ဆရာဝန်ဝါးခပါ
ပေးရလေတော့
ကုန်ကျစရိတ်ပိုများသွားတတ်တယ်။
အောင်မြင်တဲ့ဆရာဝန်ဆိုတာ လူနာအတွက်
အစစအရာရာ စဉ်းစားချိန်ဆတတ်တဲ့
ဆရာဝန်ကိုခေါ်တာပါအမေ။
ရောဂါလည်း
မြန်မြန်ပျောက်ကင်းကျန်းမာမှ၊
ဆေးဖိုးဝါးခလည်း သက်သက်သာသာ ရှိမှ၊
ဘေးထွက်ဆိုးကျိုးလည်း နည်းနိုင်သမျှ
နည်းမှ။
အဲဒီလိုအကြောင်းတရားတွေနဲ့အတတ်နိုင်ဆုံးပြည့်စုံအောင်
ကြိုးစားပါသားရယ်လို့
အမေဆိုဆုံးမခဲ့သလို
သားကြိုးစားခဲ့ပါတယ်။
လူ့ဘဝရဲ့သက်တမ်းနဲ့တွက်ရင်
သက်တမ်းတစ်ဝက်ကျော်ကျော်ကို
အဲဒီလို စဉ်းစားချိန်ဆမှုတွေနဲ့
အချိန်ကုန်ခဲ့တာပါ။
ဒီရောက်တော့ ဒီမှာလုပ်တဲ့အလုပ်တွေက
ဆန့်ကျင်ဖက်တွေလို့ပြောရမယ်ထင်တယ်။
ဘာမှ စဉ်းစားချိန်ဆစရာမလိုဘူး။
ပြောတဲ့အတိုင်း လုပ်။
မြန်မြန်လုပ်။
ပြေးဆိုရင် ပြေး။
တစ်ခါတစ်ရံ ဘယ်ကိုပြေးရမှန်း
မသိပြေးရတာမျိုးလည်း ကြုံရပါတယ်။
မြန်မာပြည်လို လုပ်နေရင်လည်း အလုပ်က
ပြုတ်ဖို့သာ ရှိတော့တယ်။
အလုပ်မရှိလို့မဖြစ်တဲ့နိုင်ငံမှာ
အလုပ်အပြုတ်မခံနိုင်တော့ လျှာထွက်အောင် ပြေးနေရတာပေါ့အမေ။
ငယ်ရွယ်သူတွေကိုတော့
ဒီကိုလာဖို့တိုက်တွန်းချင်ပါတယ်။
ဘာကြောင့်ဆိုတော့ ပညာရေးကို
အလေးထားတဲ့နိုင်ငံမှာ ပညာသင်ကြားရတာ အဆင်ပြေတာပေါ့။
အထက်တန်းပညာအထိကို
အခမဲ့ပညာသင်ကြားတဲ့စံနစ်ရှိနေတယ်။
လူငယ်ဆိုတာ
သူအထင်ကြီးတဲ့နေရာတစ်ခုမှာ အသားကျဖို့ဆိုတာ
ဘာမှ အခက်အခဲမရှိနိုင်ဘူးလေ။
ကျနော်တို့လို လူလတ်ပိုင်းလည်း
မဟုတ်၊
လူကြီးပိုင်းလည်း မဟုတ်တဲ့
စကောစကအရွယ်တွေက
အထင်ကြီးမှုတွေလည် နည်းလာပြီလေ။
က်ိုယ်ကြီးပြင်းခဲ့တဲ့ပတ်ဝန်ကျင်နဲ့မတူတဲ့နေရာတစ်ခုမှာ
အသားကျဖို့ဆိုတာ အတော့်ကို
ခက်ခဲလှပါတယ်။
ဒီမှာက ရုပ်ဝတ္ထုတွေ အလျှံပယ်ပါပဲ။
မိုးထိအောင် လျှံနေတာ အမေ။
ဒါပေမယ့် စိတ်ပိုင်းဆိုင်ရာမှာလည်း
အဲဒီလို လျှံနေရင် သိပ်ကောင်းမှာပဲလို့
မကြာခဏတွေးနေမိပါတယ်။
လောကရဲ့ထုံးစံအတိုင်း
အားလုံးပြည့်စုံတာ မရှိတတ်ပါဘူး။
ဒီတော့ ဆီးဆော (see-saw) များလိုပဲ
တစ်ဖက်က မြင့်သွားချိန်မှာ
အခြားတစ်ဖက်က
အလိုလို နိမ့်ကျသွားတာ သဘာဝပဲလေ။
ဒီမှာက အရာရာဟာ ငွေဖြစ်နေတယ်။
ငွေက အဓိကဖြစ်နေတော့ ငွေရအောင်
အလုပ်လုပ်ရတယ်။
ဒီတော့
အလုပ်ပြီးအလုပ်ဖြစ်နေတယ်။
အလုပ်ကလည်း အတိတ်ကလုပ်ခဲ့တဲ့အလုပ်နဲ့
သဘာဝချင်းလုံးဝနီးပါးမတူတဲ့အလုပ်။
ဒီတော့ စိတ်ပိုပင်ပန်းနေတာပေါ့အမေ။
ရွေးချယ်စရာလမ်းကလည်း မရှိတော့
ရတဲ့အလုပ်ကိုပဲ
အဆင်ပြေအောင် ကိုယ့်ကိုယ်ကို
ညှိနေရတယ်။
အလွယ်တကူ အသားမကျဘူးဆိုတာကိုတော့
ဝန်ခံပါတယ်။
ငှက်တွေလို တောင်ပံသာ ပါရင်
မြန်မာပြည်ကို ပျံလာမိမလားပဲ။
လူက မပျံနိုင်ပေမယ့် စိတ်က ပြန်လာတာ
အကြိမ်ကြိမ်။
အားလပ်တဲ့နေ့တစ်နေ့မှာ
ကျနော်အလုပ်လုပ်တဲ့မောလ်ထဲမှာပဲ
လျှောက်လည်ရင်းနဲ့
စာအုပ်ဆိုင်တစ်ဆိုင်ကိုရောက်သွားတယ်။
စာအုပ်ဆိုင်က အကြီးကြီးပါပဲလား။
အဓိကကတော့ စာအုပ်ရောင်းတာပါ။
ကွန်ပျူတာတွေကို လူတိုင်း
သုံးစွဲနေတဲ့နိုင်ငံ၊
လုပ်ငန်းခွင်တိုင်းမှာ ကွန်ပျူတာ
ရှိနေတဲ့နိုင်ငံမှာ
စာအုပ်တွေရဲ့အခန်းဂဏ္ဏဟာ
မှေးမှိန်နေမှာပဲလို့ ထင်ခဲ့မိတယ်။
ဘယ်ဟုတ်လိမ့်မလဲ။
စာအုပ်ဆိုင်က ကြီးမားသလောက်
လူတွေကလည်း စည်းကားနေလိုက်တာ
အံ့သြစရာတောင် ကောင်းသေးတယ်။
စာအုပ်တွေကလည်း အမျိုးကိုစုံလို့။
ခန်းမကြီးရဲ့နေရာအတော်များများမှာ
သက်တောင့်သက်သာ ထိုင်ဖတ်လို့
ရအောင် ဆက်တီတွေ ချထားတယ်။
ကိုယ့်အိမ်ရဲ့ဧည့်ခန်းမှာ
စာထိုင်ဖတ်ရသလိုမျိုး ခံစားရပါတယ်။
ပြီးတော့ ဂီတသံ သဲ့သဲ့လေး
ဖွင့်ပေးထားတယ်။
ကြိုက်တဲ့စာအုပ်ကို ကြိုက်သလောက်
ထိုင်ဖတ်လို့ရတယ်။
စာအုပ်ဆိုင် ပိတ်တဲ့အချိန်အထိပေါ့။
အဲဒီဆိုင်မှာ လူကြီးတွေအတွက်
အမှတ်တရပစ္စည်းတွေလည်း
တွဲရောင်းတယ်။
ကလေးတွေအတွက် ကစားစရာ
အရုပ်တွေလည်းရောင်းတယ်။
ကလေးတွေအများကြီးတွေ့ရတယ်။
ကလေးတွေလည်း ပျော်လို့၊ ရွှင်လို့။
စာအုပ်ဆိုင်ထဲမှာပဲ
စားသောက်ဆိုင်လည်း တွဲဖွင့်ထားတယ်။
တော်တော် စိတ်ချမ်းသာစရာ
ကောင်းတဲ့နေရာလေးပေါ့အမေ။
ကျနော်
အားလပ်တိုင်းသွားရမယ့်နေရာလေးတစ်ခုတိုးလာတယ်။
ငွေတွေစုဆောင်းနေရတဲ့အချိန်မို့
စာအုပ်တွေတော့ မဝယ်နိုင်သေးပါဘူး။
စာအုပ်တွေတော့ အားလပ်တိုင်း
ထိုင်ဖတ်ဖြစ်တယ်။
ငွေမကုန်တဲ့အလုပ်ပဲ အဓိက
လုပ်ဖြစ်နေသေးတယ်။
ဒါပေမယ့် ဝယ်နိုင်တဲ့အခါမှာတော့
ဘယ်စာအုပ်တော့ဖြင့်
ဝယ်မယ်ဆိုတဲ့စာအုပ်စာရင်းကိုတော့
စိတ်ကူးနဲ့ပြုစုထားပါတယ်။
အမေ့အတွက် ငွေတွေပို့လိုက်တာ
ရပြီထင်ပါတယ်။
အဲဒီငွေတွေဟာ အမေ လှူချင်တာ လှူဖို့၊
စားချင်တာ စားဖို့၊
ဝယ်ချင်တာ ဝယ်ဖို့ပါ။
သုံးချင်သလို အသုံးပြုနိုင်ပါတယ်။
ကျနော် အမေ့ကို လှူတာပါ။
အမေ့ကို အဝေးက ကတော့လိုက်ပါတယ်။
အမေ ကျန်းမာရေးကို ဂရုစိုက်ပါနော်။
အမေ့ကို ချစ်တဲ့သား
အောင်ဝင်းဟိန်း
လန်ဆင်းမြို့(Lansing)
မစ်ချီဂန်ပြည်နယ်(Michigan)
အမေရိကန်ပြည်ထောင်စု(USA)။
၇-၇-၂၀၁၂
