စိတ်ချမ်းသာအောင်
လုပ်နည်းအကျဉ်းချုပ်…မှအဆက်…
၁၅။ စိတ်ချမ်းသာမှုဟာ အရာရာတိုင်းထက် ပိုကောင်းပါတယ်။
ရာထူးထက်
ပိုကောင်းတယ်။
အာဏာထက် ပိုကောင်းတယ်။
ရွှေငွေရတနာတွေထက်
ပိုကောင်းတယ်။
ကျော်ကြားမှုထက်
ပိုကောင်းတယ်။
တခြား ဘာတွေရှိရှိ
စိတ်ချမ်းသာမှုမှ မရှိရင် ရှိတာတွေဟာ အဓိပ္ပာယ်မရှိတော့ဘူး။
တစ်ခုပဲ သတိထားရမှာက
ကိုယ် စိတ်ချမ်းသာဖို့ သူများကို စိတ်မဆင်းရဲစေရဘူး။
+++++++++++++++++++++++++++
၁၆။ ကိုယ့်မိသားစုနဲ့ ကိုယ့်မိတ်ဆွေတွေဟာ
ကိုယ့်အတွက်
စိတ်ချမ်းသာစရာအကောင်းဆုံးပဲ။
ဒါကြောင့်
မိသားစုနဲ့ မိတ်ဆွေတွေအတွက် အချိန်ပေးပါ။
+++++++++++++++++++++++++++
၁၇။ အသိအမြင် မှန်အောင်၊ သဘာဝကျအောင်၊ စိတ်ချမ်းသာအောင်
ဆွေးနွေးပေးရင်
စိတ်ပိုချမ်းသာလာတယ်။
အဲဒါကို
Well-being therapy လို့ခေါ်တယ်။
ဒါလုပ်ဖို့လိုတယ်။
တစ်ခါတစ်လေ
နေကောင်းပါတယ်။ ဘာရောဂါမှ မရှိဘူး။
ဒါပေမယ့်
နည်းနည်း အားနည်းနေတယ်။ နုံးနေတယ်။
အဲဒီအခါမှာ
အားဆေးစားရတယ်။
အဲဒီလိုပဲ
ဘာမှ ကြီးမားတဲ့ပြဿနာ မရှိဘူး။
ဒါပေမယ့်
နည်းနည်း စိတ်မှာ အားနည်းနေတယ်။
စိတ်ဆင်းရဲတာလည်း
မဟုတ်ဘူး။ အဲဒီအခါမှာ Well-being therapy လုပ်ဖို့လိုတယ်။
စိတ်ချမ်းသာအောင်
ဘယ်လိုမြင်သင့်တယ်။
ဘယ်လို သဘောထားသင့်တယ်
ဆိုတာ ပညာသင်သလို သင်ယူ သင့်တယ်။
ငယ်ငယ်ကတည်းက
သင်ထားရင် ပိုကောင်းတယ်။
စိတ်ချမ်းသာအောင်
နေနည်းကို ရသလောက် လေ့လာပါ။
စိတ်ချမ်းသာမှုနဲ့ပတ်သက်တဲ့စာအုပ်တွေကို
ရသလောက် ရှာဖွေစုဆောင်းပါ။
အမြဲ ဖတ်ပါ။
+++++++++++++++++++++++++
၁၈။ ကျေးဇူးတင်တတ်တဲ့သူဟာ စိတ်ပိုချမ်းသာတယ်။
ကိုယ့်မှာ
ရှိနေတာတွေကို တွေးပြီး ဝမ်းသာတတ်တဲ့သူဟာ စိတ်ပိုချမ်းသာတယ်။
ကိုယ့်မှာ
ဘာတွေရှိသလဲ ဆိုတာ သေသေချာချာ စဉ်းစားပါ။ မကြာမကြာ စဉ်းစားပါ။
ကိုယ့်မှာ
မရှိတာ သူများမှာ ရှိတာကို သိပ်မတွေးပါနဲ့။
၁၉။ ကိုယ် လုပ်ချင်တဲ့ ကောင်းတဲ့အလုပ်တွေကို တွေးပါ။
စေတနာကောင်းကောင်းနဲ့
အကူအညီပေးဖို့ စဉ်းစားပါ။
ကိုယ်ချင်းစာပြီးပြောမယ်လို့
တွေးပါ။
ဒုက္ခနဲ့တွေ့ခဲ့တာကို
ပြန်တွေးပြီး အဲဒီအတွေ့အကြုံကြောင့် ဘယ်လို အသိဥာဏ် တိုးလာတယ်။
စိတ်ထားမြင့်လာတယ်။
စိတ်ထားတတ်လာတယ် ဆိုတာကို ပြောပါ။
အဆင်ပြေခဲ့တာတွေကို
ပြန်တွေးပြီး ဘာကြောင့် အဆင်ပြေခဲ့တယ်ဆိုတာ ပြောပါ။
နောင်လည်း
ပိုပြီးအဆင်ပြေအောင် ဘယ်လိုလုပ်မယ်ဆိုတာကို စိတ်ကူးထားပါ။
++++++++++++++++++++++++++++
၂၀။ ခွင့်လွှတ်နိုင်တဲ့သူဟာ စိတ်ပိုချမ်းသာတယ်။
+++++++++++++++++++++++++++
၂၁။ ကောင်းတာတွေ ဖြစ်မယ်လို့မျှော်လင့်ပါ။
အဆိုးတွေ
ဖြစ်မယ်လို့ မျှော်လင့်နေရင် ဘယ်မှာ စိတ်ချမ်းသာနိုင်မလဲ။
ကောင်းတာကို
လုပ်လည်း လုပ်မယ်။
ကောင်းတာ ဖြစ်မယ်လို့လည်း မျှော်လင့်တယ်ဆိုရင် စိတ်ချမ်းသာမယ်။
++++++++++++++++++++++++++++
၂၂။ လူမှုရေး အကူအညီပေးတဲ့အလုပ်ကို တတ်နိုင်သလောက်လုပ်ပါ။
စိတ်ချမ်းသာတဲ့သူ
တော်တော်များများဟာ လူမှုရေးကူညီတာကို စိတ်ပါတယ်။
လုပ်တယ်လို့
သုတေသနပြုချက်တွေမှာ တွေ့ရတယ်။
စိတ်ချမ်းသာလို့
လူမှုရေးကူညီတာကိုလုပ်တာ ဖြစ်နိုင်တယ်။
ကူညီတတ်လို့
စိတ်ချမ်းသာတာလည်း ဖြစ်နိုင်တယ်။
ဘာဘဲဖြစ်ဖြစ်
ကောင်းတာလုပ်ရင်၊ စေတနာမှန်ရင် စိတ်ချမ်းသာမယ်။
ကိုယ့်ကြောင့်
သူတစ်ပါးမှာ အဆင်ပြေသွားတာဟာ ဝမ်းသာစရာ ကောင်းပါတယ်။
++++++++++++++++++++++++
၂၃။ ကိုယ့်ကိုယ်ကို ကိုယ် သူများနဲ့နှိုင်းပြီး စိတ်ပျက်တဲ့အတွေးမျိုးကို
မတွေးပါနဲ့။
လူတော်များများ
စိတ်ဆင်းရဲရခြင်းအကြောင်းက ကိုယ့်ကိုယ်ကို ကိုယ် သူများနဲ့ နှိုင်းပြီး
ကိုယ်က ညံ့တယ်လို့
တွေးတာပဲ။
ကိုယ်နဲ့ပြိုင်ဖက်လို့
သဘောထားတဲ့သူက ကိုယ့်ထက်သာသွားရင် စိတ်ဆင်းရဲတယ်။
ဂုဏ်သိက္ခာကျတယ်လို့
ထင်တယ်။
ရှုံးတယ်လို့
တွေးတယ်။ ဒါကြောင့် စိတ်ဆင်းရဲတယ်။
*****-----*****-----*****-----*****-----*****
သူများတွေ
အဆင်ပြေနေတာကို ဝမ်းသာနိုင်ရင် စိတ်ချမ်းသာတယ်။
မုဒိတာ ပွားနိုင်တဲ့သူက
စိတ်ချမ်းသာတယ်။
မုဒိတာလို့ခေါ်တဲ့
သူများအဆင်ပြေတာကို ဝမ်းသာတဲ့စိတ်ဟာ စိတ်ချမ်းသာမှုအတွက်
အင်မတန် အရေးကြီးပါတယ်။
+++++++++++++++++++++++++++++
၂၄။ ဘယ်ကိစ္စကိုဖြစ်ဖြစ် စိတ်ချမ်းသာအောင် အဓိပ္ပာယ်ကောက်ပါ။
အဆိုးထဲက
အကောင်းကို ရအောင် ထုတ်ယူပါ။
+++++++++++++++++++++++++++++
စိတ်ချမ်းသာဖို့
လိုရင်းပါ (ဆရာတော်ဦးဇောတိက) စာအုပ်မှ ကောက်နှုတ်ဖော်ပြပါတယ်။
+++++++++++++++++++++++++++++
ကိုယ်ကိုယ်တိုင်
ဖတ်ဖို့-၂၅…
No comments:
Post a Comment