“မင်း မချစ်လည်း စိတ်ချမ်းချမ်းသာသာပဲ နေမယ်...”

တစ်ခါတစ်လေ စိတ်ချမ်းသာနေတယ်။

ဒါပေမယ့် အဲဒီအချိန်မှာ ဘာကိုမှ ခံစားနေတာ မရှိဘူး။

ဘာမှ မလုပ်ရပဲ စိတ်ချမ်းသာနေတာ။

အဲဒီအချိန်မှာ ဘာမှလည်း မလိုချင်ဘူး။

အဲဒီ ချမ်းသာနေတဲ့စိတ်ကို ကြည့်ပြီးတော့ ‘ တကယ်စိတ်ချမ်းသာနေတဲ့အချိန်မှာ

ဘာကိုမှ လိုချင်စိတ် မရှိပါလား’ ဆိုတာကို လေးလေးနက်နက် သဘောပေါက်သွားတယ်။

တရားအားထုတ်တဲ့သူတွေ အဲဒီလို ခံစားရတာ ပိုများတယ်။

+++++++++++++++++++++++++++++

အဲဒီလို ခံစားရတဲ့အခါ ကိုယ့်ကိုယ်ကို ကိုယ် သေသေချာချာပြောပါ။

ငါ တကယ် စိတ်ချမ်းသာဖို့ ဘာမှ မလိုဘူး။

စိတ်ချမ်းသာမှုအစစ်ဟာ လုပ်ယူရတာမျိုး မဟုတ်ဘူး။

ဘာမှမလုပ်ရပဲ ချမ်းသာနေတာ။

စိတ်ပင်ပန်းခံပြီးမှရတဲ့ စိတ်ချမ်းသာမှုဟာ စိတ်ချမ်းသာမှုအစစ် မဟုတ်ဘူး။

ဒါကို တော်ရုံလူ သဘောပေါက်မှာ မဟုတ်ဘူး။

ဒါပေမယ့် သဘောပေါက်တဲ့သူလည်း ရှိမယ်လို့ ယုံကြည်လို့ ပြောလိုက်တာ။

+++++++++++++++++++++++++++++

Over 90 percent of few-day-old infant smiles occur during REM sleep,suggesting that happiness is an innate, endogenous experience.

မွေးခါစ ရက်ပိုင်းလောက်ပဲရှိသေးတဲ့ ကလေး ၉၀%ကျော်ကျော် အိပ်ပျော်နေတုန်း ပြုံးတတ်တယ်လို့

စိတ်ပညာရှင်များ တွေ့ရတယ်။ အဲဒါကို ကြည့်ရင် စိတ်ချမ်းသာနေတာဟာ လူ့သဘာဝလို့ ဆိုနိုင်တယ်။

+++++++++++++++++++++++++++++

စိတ်ချမ်းသာနေတဲ့အခါ စိတ်ချမ်းသာနေတယ်လို့ သေသေချာချာ သိပြီး နေသင့်တယ်။

ဒါဟာလည်း တရားအားထုတ်တာပဲ။

သောမနဿံ ဝါ ဝေဒနံ ဝေဒယမာနော သောမနဿံ ဝေဒနံ ဝေဒယာမီတိ

ပဇာနာတိ။

စိတ်ချမ်းသာမှုလို့ခေါ်တဲ့ သောမနဿဝေဒနာကို ခံစားနေရတဲ့အချိန်မှာ

သောမနဿဝေဒနာကို ခံစားနေရတယ်လို့ သိတယ်။

တရားအားထုတ်နေတဲ့သူဟာ သိတယ်။

စိတ်ချမ်းသာနေတာကို မသိရင် ပိုပြီးအဆင့်မြင့်တဲ့ စိတ်ချမ်းသာမှုကို ရဖို့ မလွယ်ဘူး။

ပိုစိတ်ချမ်းသာချင်ရင် ဒီသတိပဋ္ဌာန်တရားကို ထိထိရောက်ရောက် လုပ်ရမယ်။

စိတ်ချမ်းသာနေတာကိုမှ မသိရင် ပိုစိတ်ချမ်းသာအောင် ဘယ်လို လုပ်မလဲ။

+++++++++++++++++++++++++++++

‘စိတ်ချမ်းသာလိုက်တာ၊ စိတ်ချမ်းသာလိုက်တာ’ လို့ ပွားတဲ့တပည့်တစ်ယောက်ရှိတယ်။

သူ စိတ်ချမ်းသာချင်ရင် သူ့စိတ်ကိုသူ ကြည့်နေလိုက်တယ်။

သူ့စိတ်မှာ ဖြစ်နေတာကို သိနေရင်း စိတ်က ငြိမ်သက်သွားပြီး စိတ်ချမ်းသာနေတာပဲ ရှိတော့တယ်။

အဲဒါကို ဆက်ပြီး သိနေလိုက်တယ်။

‘စိတ်ချမ်းသာလိုက်တယ်၊ စိတ်ချမ်းသာလိုက်တယ်’လို့ ပွားနေတယ်။

ကဲ…စမ်းကြည့်လိုက်စမ်းပါ။

အပြောနဲ့ မယုံပါနဲ့။

နည်းနည်းတော့ အချိန်ပေးရမယ်။ အကျင့်ရသွားရင် မခက်ပါဘူး။

+++++++++++++++++++++++++++++

စိတ်ချမ်းသာမှုကို တန်ဖိုးထားဖို့လိုတယ်။

စိတ်ချမ်းသာမှုကို တန်ဖိုးထားရင် ဒီအခြေအနေမှာ ငါစိတ်ချမ်းသာအောင် ဘယ်လိုနေရမလဲ၊

ဘယ်လို သဘောထားရမလဲ၊

ဘယ်လိုတွေးရမလဲ၊

ဘယ်လိုပြောရမလဲ ဆိုတာ စဉ်းစားမယ်။

အဲဒီလို တကယ်စဉ်းစားရင် စိတ်ချမ်းသာအောင် နေနည်းနဲ့ သဘောထားကို တွေ့မှာပဲ။

ကြာလေ စိတ်ချမ်းသာလေ ဖြစ်လာမယ်။

+++++++++++++++++++++++++++++

‘ဘာဘဲဖြစ်ဖြစ် စိတ်ချမ်းသာမှုကို အဆုံးရှုံးမခံဘူး’ လို့ တကယ် သဘောထားနိုင်ရင်

အခြေအနေ တော်တော်များများမှာ စိတ်ချမ်းသာအောင် နေလို့ရပါတယ်။

လူ့သဘာဝမှာ စိတ်ချမ်းသာအောင် နေတတ်တဲ့သဘာဝ ရှိပါတယ်။

အလကားနေရင်း စိတ်ဆင်းရဲအောင် မနေပါဘူး။

ဒါပေမယ့် အခုခေတ်မှာ လူတချို့ဟာ စိတ်ချမ်းသာမှုထက် တခြားကိစ္စတွေက

ပိုအရေးကြီးတယ်လို့ ထင်နေကြတယ်။

အဲဒီလို ထင်နေရင် အဲဒီ မှားနေတဲ့အထင်ကို သေသေချာချာ ကြည့်ပါ။

ဟုတ်ရဲ့လားလို့ ကိုယ့်ကိုယ်ကိုကိုယ် မေးပါ။

စိတ်ဆင်းရဲနေတာ တကယ်တွက်ခြေကိုက်ရဲ့လားဆိုတာ ကြည့်ပါ။

+++++++++++++++++++++++++++++

တခြားအရာတွေထက် စိတ်ချမ်းသာမှုကို တန်ဖိုးထားပါ။

ကလေးတွေကို လေ့လာကြည့်ပါ။

ခွေးကလေးတွေ၊ ကြောင်ကလေးတွေကို လေ့လာကြည့်ပါ။

သူတို့တွေ အမြဲတမ်းပျော်နေတတ်တယ်။

ပျော်အောင်နေတတ်ဖို့ သင်ပေးစရာ မလိုဘူး။ သူတို့သဘာဝအလျောက် ပျော်နေတယ်။

လူကြီးတွေက တဖြည်းဖြည်း အသက်ကြီးလာတော့ မှားသွားကြတယ်။

စိတ်ချမ်းသာမယ်ထင်ပြီးတော့ ငွေနောက်ကို လိုက်တယ်။

ငွေရတယ်။ ဒါပေမယ့် စိတ်ချမ်းသာမှုတော့ မရဘူး။

ရာထူးနောက်ကိုလိုက်တယ်။

ရာထူးရတယ်။ ဒါပေမယ့်

စိတ်ချမ်းသာမှုတော့ မရဘူး။

ကျော်ကြားမှုနောက်ကို လိုက်တယ်။

ကျော်ကြားတယ်။ ဒါပေမယ့် စိတ်အေးချမ်းမှုနဲက ကြာလေဝေးလေ ဖြစ်သွားတယ်။

+++++++++++++++++++++++++++++

လုပ်ချင်တာကို လုပ်ပါ။

ဒါပေမယ့် စိတ်ချမ်းသာမှုကိုတော့ ဒီနေ့ရအောင် လုပ်ပါ။

ဒီနေ့ စိတ်ချမ်းသာမှ ဖြစ်မယ်။ အခု စိတ်ချမ်းသာမှ ဖြစ်မယ်။

ဘယ်လိုအခြေအနေမျိုးကို ရောက်မှ စိတ်ချမ်းသာမယ်ဆိုတဲ့ ကန့်သတ်ချက်ပါလာရင်

စိတ်ချမ်းသာမှုကို မရတော့ဘူး။

+++++++++++++++++++++++++++++

ကိုယ်လိုချင်တာကို ရအောင် လုပ်ပါ။

ဒါပေမယ့် စိတ်ချမ်းသာမှုကိုတော့ ရွှေ့ဆိုင်းမထားပါနဲ့။

လိုချင်တာ ရတာဖြစ်ဖြစ်၊ မရတာဖြစ်ဖြစ် စိတ်တော့ ချမ်းသာနေမှ ဖြစ်မယ်။

+++++++++++++++++++++++++++++

ကိုယ့်ကို ဘယ်သူတွေက ချစ်တာဖြစ်ဖြစ်၊ မချစ်တာဖြစ်ဖြစ် စိတ်တော့ ချမ်းသာနေမှ ဖြစ်မယ်။

“မင်း မချစ်လည်း စိတ်ချမ်းချမ်းသာသာပဲ နေမယ်” လို့ ပြောရဲသလား။

+++++++++++++++++++++++++++++

စိတ်ချမ်းသာဖို့ လိုရင်းပါ (ဆရာတော်ဦးဇောတိက) စာအုပ်မှ ကောက်နှုတ်ဖော်ပြပါတယ်။

+++++++++++++++++++++++++++++

ကိုယ်ကိုယ်တိုင် ဖတ်ဖို့…(၂၇)…