"အမေ့ထံသို့ ပေးစာများ-၈၈..."

သို့

ချစ်တဲ့အမေ

သားသတိရစွာဖြင့် စာရေးလိုက်ပါတယ်။

ဗာဂျီးနီးးယားကမ်းခြေကနေ အလုပ်လုပ်ရမယ့် အက်စ်ဘန်း(Ashburn)ကို နေ့လည်လောက်မှာ

ထွက်ခဲ့တယ်။ မိုင်နှစ်ရာကျော်ကျော်မောင်းရတယ်။

အပြန်မှာလည်း သမုဒ္ဒရာရေအောက်က  ဖြတ်ဖောက်ထားတဲ့ဥမင်လှိုင်းခေါင်းကို

 နောက်တစ်ကြိမ် ထပ်ဖြတ်ရပြန်တယ်။

 ဒီတစ်ခါတော့ နေ့ခင်းမှာ ဖြတ်ရတဲ့အတွက် စိတ်လှုပ်ရှားမှု သိပ်မဖြစ်တော့ဘူး။

ဖြတ်ရတဲ့ကားတွေက အရမ်းများတဲ့အတွက် အာရုံမများအောင် သတိထားရတယ်။

သက်သက်သာသာ အေးအေးဆေးဆေးမောင်းရင်းနဲ့

အက်ရ်ှဘန်းမြို့ကို ညနေခင်းမှာ ရောက်လာတယ်။

တိုလ်ဂိတ်တစ်ခုကိုဖြတ်တော့ ဂိတ်ကြေး ၅-ဒေါ်လာနီးပါးပေးလိုက်ရတယ်။

ဆူရှီးမိတ်ဆွေတစ်ယောက်ပြောခဲ့ဖူးတဲ့စကားကို သွားသတိရတယ်။

“သူဟာ နယူးယောက်အိမ်ကနေ အလုပ်ကို သွားတာ

နေ့တိုင်းတိုလ်ဂိတ်ကြေးဒေါ်လာ ၆၅ ပေးရတယ်” တဲ့။

မြို့ကြီးကိုရောက်လာသူတွေရဲ့ဒုက္ခတစ်ခုလို့ပြောရမလားပဲ။

တောမှာနေတုန်းက ဒီလိုတိုလ်ကြေးတွေ မပေးရဘူး။

မြို့ကြီးမှာလောက် ကားမများတဲ့အတွက် အိမ်ပြန်ချင်တဲ့အခါ 

ကားတစ်ဘီးချင်းလှိမ့်နေရတဲ့ဒုက္ခလည်း မရှိဘူး။

အခု ရောက်ရောက်ချင်းမှာပဲ ကားတွေက ကြတ်နေပြီ။

ကားကို တစ်ဘီးချင်းလှိမ့်ပြီးမောင်းနေရပြီ။

ဒါနဲ့ပဲ မိုးချုပ်သွားတဲ့အတွက် နီးစပ်တဲ့ဟော်တယ်တစ်ခုမှာပဲ တည်းဖြစ်လိုက်ပါတယ်။

ဒီတစ်ခါလည်း ဟယ်လ်တန်ဂါဒင်းအင်း(Hilton Garden Inn)မှာတည်းဖြစ်တယ်။

နံနက်စာမပါဘူး။ ဒါတောင် ကျပ်တစ်သ်ိန်းနီးပါးလောက် ရှိတယ်။

ဒါကလည် အိပ်ဖို့သက်သက်ဖြစ်နေတယ်။

သောကြာနေ့မှာ အက်စ်ဘန်းမြို့ကိုရောက်တယ်။

စနေနေ့ရောက်မှ အိမ်ခန်းကို စရှာဖြစ်တယ်။

စနေနေ့မှာ အခန်းတိုင်းကို လိုက်ကြည့်ဖြစ်တယ်။

တနင်္ဂနွေ နေ့မှာ ယူဖို့ဆုံးဖြတ်တယ်။

တနင်္လနေ့မှာ စာချုပ်ချုပ်တယ်။

အင်္ဂါနေ့ အခန်းသော့အပ်တယ်။

အဲဒီနေ့မှာပဲ ပြောင်းပြီးနေလိုက်တယ်။

မြန်မြန်ဆုံးဖြတ်၊မြန်မြန်ပြောင်းမှ၊

မပြောင်းမချင်း ဟော်တယ်မှာနေရတာ တွက်ချေမကိုက်လှဘူး။

Hilton ဟော်တယ်က အခုလုပ်မယ့် မတ်ကက်နဲ့ဝေးတယ်။

ဒါကြောင့် ကျနော်တို့အလုပ်လုပ်ရမယ့်မတ်ကက်နဲ့နီးတဲ့

နောက်ဟော်တယ်(Springhill Suites)ကိုပြောင်းနေတယ်။

အဲဒီဟော်တယ်က မတ်ကက်နဲ့တော်တော်နီးတယ်။

အဲဒီဟော်တယ်မှာ သုံးရက်နေလိုက်ရတယ်။

ဈေးနှုန်းက အတူတူလောက်ပါပဲ။

တစ်ခုကွာခြားတာက ဒီဟော်တယ်က နံနက်စာကျွေးတယ်။

နံနက်စာလည်း စားကောင်းတယ်။

အခန်းဖွဲ့စည်းပုံပိုကောင်းတယ်လို့ထင်တယ်။

ဟော်တယ်မှာ သုံးရက်နေပြီး

နောက်တော့ ကွန်ဒိုအိမ်ခန်းကို ပြောင်းနေလိုက်တယ်။

ကုမ္ပဏီက ပေးထားတဲ့လိပ်စာအတိုင်း အိမ်ခန်းတွေကို လိုက်ကြည့်ဖြစ်တယ်။

အခန်းများစွာကို ကြည့်ဖြစ်တယ်။ အဲဒီအထဲက အခန်းတစ်ခန်းကို အကြိုက်ဆုံးပဲ။

အဲဒီအခန်းကိုပဲ ရွေးချယ်လိုက်တယ်။

ဝရံတာပါတယ်။တော်တော်ကျယ်တယ်။

ဝရံတာက ကြည့်လိုက်ရင် ရေကန်ကိုတွေ့ရတယ်။

အခန်းတွင်းမှန်တံခါးက လှမ်းကြည့်ရင်လည်း ရေကန်ကိုတွေ့ရတယ်။

ရေကန်ကို မြင်နေရတာကိုက စိတ်ကြည်လင်လန်းဆန်းစေတယ်။

အဲဒီရေကန်ထဲမှာ တောဘဲငန်းတွေ လာပြီးရေကူးနေတာကို တွေ့ရတယ်။

ရေကန်ဘေးပတ်ပတ်လည်မှာ လူလျှောက်လမ်းတစ်ခုလုပ်ထားတယ်။

နံက်တိုင်းမှာ လူတွေနဲ့ကလေးလေးတွေ၊

အချို့ကတော့ ခွေးတွေနဲ့လမ်းလျှောက်နေတာကို တွေ့ရတယ်။

ပတ်ဝန်းကျင်မြင်ကွင်းက လှတယ်။

အခန်းကလည်း ကျယ်တယ်။

အေသင်မှာနေခဲ့တဲ့အခန်းထက် နှစ်ဆကျယ်တယ်။

အခန်းခကတော့ သုံးဆလောက်များတယ်။

ဒီမြို့မှာ တစ်ထောင်အောက်တန်ဘိုးရှိတဲ့အခန်းက စုံစမ်းကြည့်မိသလောက် မရှိပါဘူး။

အခုအခန်းက ကားဂိုဒေါင်လည်းပါတယ်။

ကားကိုဝယ်ပြီးကထဲက မိုးထဲရေထဲ၊နှင်းထဲ၊နေထဲမှာ အမိုးအကာမရှိ ထားခဲ့ရတယ်။

တွေးကြည့်ရင် သနားစရာတောင်ကောင်းသေးတော့။

အခုတော့ ကားလည်းအမိုးအကာနဲ့နေခွင့်ရသွားတာပေါ့။

အခန်းခက တန်ဖိုးကြီးကြီးပေးရသလို တန်အောင်လည်းလုပ်ပေးထားပါတယ်။

အခန်းထဲမှာ ရေခဲသေတ္တာပါတယ်။ တော်တော်ကြီးတယ်။

မိုက်ခရိုဝေ့မီးဖို ပါတယ်။ အေသင်မှာတုန်းက မပါဘူး။

သီးခြားဝယ်သုံးရတယ်။

အဝတ်လျှော်စက်နဲ့အခြောက်ခံစက်တွေ အခန်းထဲမှာပါလာတယ်။

အေသင်မှာတုန်းက အဝေးကြီးမှာ သွားလျှော်ရတယ်။

အလှမ်းဝေးတော့ နှစ်ပတ်မှာတစ်ကြိမ်လျှော်ရတယ်။

ပိုက်ဆံပေးရတယ်။ အချိန်ပေးရတယ်။

အခုတော့ အိမ်ခန်းထဲမှာ။

အလိုအလျှောက်ပန်းကန်ဆေးတဲ့စက်ပါလာတယ်။

နောက်တစ်ခုက အသားတွေကို ကင်တဲ့စက်ပါလာတယ်။

မီးဖိုနဲ့အသားကင်တဲ့စက်ကတော့ ဓာတ်ငွေ့(Gas)ကို အသုံးပြုထားတဲ့အတွက်

ဓာတ်ငွေ့ဌာန ရော၊ လျှပ်စစ်ဌာနရော နှစ်ခုစလုံးကို ကြိုတင်ဆက်သွယ်ထားရတယ်။

အခန်းတိုင်းမှာ အံဝှက်သေတ္တာတွေပါတယ်။

ကားတစ်စီးစာ ပစ္စည်းတွေကို အံဝှက်သေတ္တာတွေထဲ ထည့်လိုက်တာ

အကုန်နီးပါး ဝင်သွားတယ်။

မြင်ကွင်းမှာ ဘာမှမတွေ့ရသလောက်ဖြစ်သွားတယ်။

လိုအပ်တော့မှ ထုတ်သုံးရုံပါပဲ။

ဧည့်ခန်းက ကျယ်လွန်းတယ်။

တစ်ဝက်လောက်ကို ဘုရားခန်းအဖြစ် အသုံးပြုလိုက်တယ်။

စိတ်ချမ်းသာစရာအကောင်းဆုံးက ဘုရားခန်းသီးသန့်ဖြစ်သွားတယ်။

ပြီးတော့ စိတ်တိုင်းကျ ပြင်ဆင်ခွင့်ရလိုက်တဲ့အတွက်

ယုံယုံကတော့ ဒါနဲ့တောင် တန်နေပြီလို့ကြွေးကြော်နေလေရဲ့။

နောက်တစ်ခုက စာဖတ်ခန်းသီးသန့်ဖြစ်လာတာပဲ။

အသင့်လုပ် စာပွဲနဲ့စာအုပ်တွေ ဖတ်ဖို့စာအုပ်ဘီရိုတွေအများအပြားရှိနေတယ်။

ကုလားထိုင်ဝယ်လိုက်ရုံနဲ့ပြည့်စုံသွားတယ်။

ပါလာတဲ့စာအုပ်တွေလည်း သူ့နေရာနဲ့သူ အံဝင်ဂွင်ကျဖြစ်သွားတယ်။

လိုချင်ရင် လွယ်လွယ်ကူကူယူပြီးဖတ်လို့ရသွားတာပေါ့။

စိတ်ချမ်းသာစရာကောင်းတဲ့အစဉ်ပြေမှုတစ်ခုပဲ။

သောကြာနေ့မှာ အက်ရ်ှဗန်းမြို့ကိုရောက်တယ်။

နောက်တစ်နေ့မှာ အိမ်ခန်းကို ရှာဖို့လာစဉ်မှာ မီးပွိုင့်လမ်းဆုံမှာ

လတ်ဆတ်တဲ့ဈေးကြီး (The Fresh Market =TFM)ကိုတွေ့တယ်။

ဒီမတ်ကက်က အစ်ိမ်းရောင်ကို ကြိုက်ပုံရတယ်။

နာမည်နဖူးစည်းက အစိမ်းရောင်နုနုလေးသုတ်ထားတယ်။

နာမည်ကိုတော့ အစိမ်းရောင်ရင့်ရင့်နဲ့ရေးထားတယ်။

အဆောက်အဦးက တော်တော်ကြီးတယ်။

အေသင်မြို့မှာတုန်းက  (The Fresh Market )က အခြားအဆောက်အဦးတွေနဲ့တွဲထားတယ်။

ဒီမှာက သီးခြားဖြစ်နေသလိုပဲ။

ကားပတ်ကင်က အေသင်မှာတုန်းကထက် လေးဆလောက်ကျယ်နေတယ်။

ဒီနိုင်ငံမှာက ကားပတ်ကင်က အရေးကြီးလှတယ်။

လူတိုင်းမှာ ကားရှိနေတယ်။

ကားက ဖိနပ်ဖြစ်နေတယ်။ ဘယ်ကိုသွားသွား ကားနဲ့သွားတတ်ကြတယ်။

ဈေးဝယ်သွားလို့ ကားရပ်ဖို့နေရာကို အရင်ရှာတယ်။

စည်းမဲ့ကမ်းမဲ့လည်း ရပ်လို့ရတာ မဟုတ်ဘူး။

ပုလိပ်တွေက အချိန်လုံးကင်းလှည့်နေတဲ့အတွက်ကြောင့်

ဘယ်သူ့မှ ဒဏ်ကြေးဆောင်ပြီး ဈေးမဝယ်ချင်ကြဘူး။ ဒါကြောင့်

ရပ်စရာနေရာမရှိရင် နောက်တစ်နေရာကို သွားဖို့တွန်းလွှတ်လိုက်သလိုဖြစ်သွားတတ်တယ်။

ကားပတ်ကင်ကျယ်တာဟာ ဈေးဝယ်သူများများကို ဖိတ်ခေါ်နိုင်တယ်။

နောက်တစ်ခုက ဒီဈေးနဲ့မလှမ်းမကမ်းမှာ ရုပ်ရှင်ရုံတစ်ရုံကိုတွေ့ရတယ်။

အလာမိုရုပ်ရှင်ရုံလို့ခေါ်တယ်။4Kလို့ခေါ်တဲ့နောက်ဆုံပေါ်နည်းစံနစ်ကိုအသုံးပြုထားကြောင်း သိရတယ်။

မိတ်ဆွေတစ်ဦးကိုပြောပြတော့ ရုပ်ထွက်နဲ့ အသံကောင်းတယ်လို့ပြောတယ်။

4Kတော့ မကြည့်ဖူးသေးပါ။ 3Dတော့ ကယ်လီဖိုးနီးယားမှာ နေစဉ်တုန်းက တစ်ခါ

ကြည့်ခဲ့ဖူးတယ်။ မျက်မှန်နဲ့ကြည့်ရတယ်။

အာကာသက လွင့်စင်လာတဲ့ကျောက်တုန်းတစ်ခု ကိုယ့်ကိုယ်လာမှန်မှာ စိုးတဲ့အတွက်

ကြည့်ရင်းနဲ့ခေါင်းကို တိမ်းရှောင်ရတဲ့အထိ ဖြစ်ခဲ့ဖူးတယ်။

ဇာတ်လမ်းက မကောင်းသော်လည်း ကြည့်လို့အလွန်ကောင်းလှပါဘိသနဲ့။

ရုပ်ရှင်ဆိုတာ လူအများကို လာစေနိုင်တဲ့နေရာတစ်ခုဖြစ်တယ်။

ဒါကလည်း ဈေးကိုလူလာများစေမယ့်အကြောင်းတစ်ခုလို့တွေးမိတယ်။

ဘေးပတ်ပတ်လည်မှာလည်း ဆောက်လက်စအဆောက်အဦးတွေက အများအပြားတွေ့ခဲ့ရတယ်။

အချို့ကပြောတော့ မတ်ကတ်နဲ့အနီးမှာ မောလ်တစ်ခုဆောက်နေတယ်လို့ သိရပြန်တယ်။

ဒီနေရာဟာ ဒေါင်းတောင်(New Down Town)အသစ်နေရာတစ်ခုလို့ပြောတာလည်း ကြားရတယ်။

တော်တော်စည်းကားမယ့်အလားအလာကိုတွေ့တော့ ဝမ်းသာစရာပါ။

အဲဒီနေ့မှာတော့ လတ်ဆတ်တဲ့ဈေးဟာ ဆောက်လက်စမို့ အဆောက်အဦးထဲကို ဝင်ခွင့်မရခဲ့ပါ။

နောက် သတိထားမိတဲ့အချက်က ဒီပတ်ဝန်ကျင်မှာ အလွန်ကောင်းမွန်တဲ့ လူနေအိမ်အများအပြားတွေ့ရတယ်။

ရုံးခမ်းတွေလည်းအများအပြားကိုတွေ့ရတယ်။

ဒီကလူတွေဟာ ငွေကြေးပြည့်စုံတယ်လို့ပြောနိုင်တယ်။

အခြားဈေးတွေကိုရောက်လို့ သတိထားကြည့်လိုက်ရင်လည်း

တော်တော်ဝယ်နိုင်ကြတာကို တွေ့ရတယ်။

ဝယ်လိုအားကောင်းတဲ့သဘော၊

နောက်တစ်ခုက အိန္ဒိယတိုင်းရင်းသားတွေကို နေရာအနှံ့အပြားမှာတွေ့နေရခြင်းပဲ။

တစ်ရံတစ်ခါ အိန္ဒိယနိုင်ငံကိုများရောက်နေသလားလို့ ထင်မိတယ်။

ကျနော်တို့မြန်မာတိုင်းရင်းသား အများအပြားရှိတဲ့နေရာက အင်ဒီယားနားပြည်နယ်ကဖို့ဝိန်းမြို့။

အခုလည်း အဲဒီလိုမျိုးဖြစ်ပုံရပါတယ်။

ဂျပန်အစားအစာဖြစ်တဲ့ဆူရှီးကို အိန္ဒိယတိုင်းရင်းသားတွေ စားပါ့မလားဆိုတာ တွေးစရာပဲ။

ကျနော်တို့ကံကောင်းစေတဲ့အချက်က အိန္ဒိယတိုင်းရင်းသားအများစုက ဟိန်ဒူတွေဖြစ်လို့ပဲ။

ဟိန်ဒူတွေ အများစုက သက်သတ်လွတ်စားတဲ့အလေ့ရှိကြတယ်။

ဆူရှီးမှာလည်း သက်သတ်လွတ်ရှိနေတာပဲလေ။

အမေပြောခဲ့ဖူးတဲ့စကား၊

"အကောင်းနဲ့ အဆိုးဟာ အမြဲဒွန်တွဲနေတတ်တယ်။

အကောင်းတစ်ခုကိုချည်း အမြဲမျှော်လင့်ထားလို့ မရဘူး။

အကောင်းဆုံးကို မျှော်လင့်ထားပြီး အဆိုးဆုံးအတွက်လည်း 

ပြင်ဆင်ထားဖို့လိုလိမ့်မယ်နော်" ဆိုတဲ့စကား။

သားမမေ့ပါဘူးအမေ။

ဆိုင်အသစ်ဖြစ်နေတဲ့အတွက် အားလုံးအစကပြန်စရမယ်ဆိုတာလည်း 

သား သဘောပေါက်ပါတယ်။

ဘာဘဲဖြစ်ဖြစ်…

ဈေးထဲကို တစ်ယောက်ထဲလာရင် အဲဒီတစ်ယောက်ကိုရောင်းဖို့ကြိုးစားရမှာပဲ။

တစ်ဘူးဝယ်တဲ့လူကို နှစ်ဘူးရောင်းနိုင်အောင်ကြိုးစားရမှာပဲ။

အဲဒီစိတ်ဓာတ်မျိုးနဲ့အေသင်မှာ အောင်မြင်ခဲ့တယ်။

အဲဒီစိတ်ဓာတ်မျိုးနဲ့အက်ရ်ှဗန်းမှာ ဆက်ကြိုးစားဖို့ဆုံးဖြတ်ထားပါတယ်။

တော်သေးပြီ။

အမေ့ကို ချစ်တဲ့သား

အောင်ဝင်းဟိန်း

အက်ရ်ှဗန်းမြို့၊(Ashburn)

ဗာဂျီးနီးယားပြည်နယ်၊(Virginia)

အမေရိကန်ပြည်ထောင်စု။(USA)
၁-၁-၂၀၁၄