သို့
ချစ်တဲ့
အမေ
သတိရစွာဖြင့်စာရေးလိုက်ပါတယ်။
တစ်နေ့ထက်
တစ်နေ့ အအေးပိုလာတယ်။
အရောင်တွေပြောင်းပြီးလှနေတဲ့သစ်ရွက်တွေလည်း
တဖြုတ်ဖြုတ်ကြွေနေတယ်။
သစ်ပင်တိုင်းလိုလို
အရိုးပြိုင်းပြိုင်းနဲ့။ သစ်ကိုင်းတွေကလည်းဆောင်းရဲ့အအေးဒဏ်ကို
ကြံ့ကြံ့ခံနေရတယ်။
ဗာဂျီးနီးယားကတော့
အအေးလည်း ပြင်းထန်သလို
အပူလည်း
ပြင်းထန်တတ်တယ်။
ဘာဘဲဖြစ်ဖြစ်
စီးပွားရေးကောင်းတော့လည်း ရာသီဥတုဒဏ်ကို
ခံနိုင်အောင်
ကြိုးစားရတာပေါ့လေ။
ပြင်းထန်တဲ့ရာသီဥတုကို
မကြိုက်ပေမယ့် နိုဝင်ဘာလနဲ့ဒီဇင်ဘာလကိုတော့ ကြိုက်တယ်။
နိုဝင်ဘာလက
ဆောင်းဦးဖြစ်နေတာမို့ အအေးမပြင်းထန်ဘူး။
ပြီးတော့
ပိတ်ရက်တစ်ရက်ရတယ်။ မရောက်ဘူးတဲ့နေရာတွေကိုလည်ပတ်ခွင့်ရတယ်။
ဒါကြောင့်
နိုဝင်ဘာလကို ကြိုက်တယ်။
ဒီဇင်ဘာလရောက်တော့
အအေးကပိုလာပေမယ့် မပြင်းထန်သေးဘူး။
ခရစ်စမတ်ပွဲတော်ရက်မှာ
နေရာတကာမှာ စည်ကားနေတတ်တယ်။
ကျနော်တို့နိုင်ငံမှာ
သီတင်းကျွတ်လပြည့်နေ့နဲ့တန်ဆောင်တိုင်လပြည့်နေ့လိုပဲ
နေရာအနှံ့မှာ
စည်ကားနေသလိုမျိုးပေါ့။
လွန်ခဲ့တဲ့နှစ်က
ခရစ်စမတ်ရက်မှာတော့ လျှောက်လည်ဖြစ်တယ်။
အိမ်က
နံက်စောစောထွက်ဖြစ်တယ်။
မာရီလင်းပြည်နယ်က
Gaylord Hotel ကို စရောက်ဖြစ်တယ်။
မိတ်ဆွေတစ်ဦးက
လမ်းညွှန်လိုက်လို့ရောက်ဖြစ်တာ။
မြစ်ကြောင်းတစ်လျှောက်
အပျော်စီးသဘောင်္တွေ စီးလို့ရတယ်ဆိုလို့ သွားဖြစ်တာပါ။
တကယ်ရောက်တော့
ခရစ်စမတ်ပွဲတော်ရက်မှာ ပိတ်လို့မစီးဖြစ်ဘူး။
ဒါနဲ့ပဲ
အနီးအနားကိုလျှောက်လည်ရင်း Gaylord Hotel ဖက်ကိုရောက်သွားတယ်။
အတွင်းပိုင်းကိုလျှောက်လည်ဖြစ်ရင်းနဲ့နောက်နှစ်တော့
တစ်ညလာအိပ်ဦးမယ်လို့
ရွှေယုံလေးက
ကြုံးဝါးခဲ့တယ်။
သူမ
ရဲ့စိတ်ကူးယဉ်အိမ်မက်အတိုင်းပါပဲ။ ဒီနှစ် နိုဝင်ဘာလရဲ့
ကျေးဇူးတော်နေ့မှာ
တစ်ရက်လာတည်းဖြစ်တယ်။
ကျေနပ်တယ်။ပျော်စရာကောင်းလှတယ်။
ဒီနှစ်
ခရစ်စမတ်နေ့မှာ အမေရိကန်သမ္မတရဲ့အိမ်ဖြူတော်နဲ့အနီးဆုံးဟော်တယ်တစ်ခုကိုရှာတော့
ဝါရှင်တန်ပလာဇာဟော်တယ်(Washington
Plaza Hotel)ကိုတွေ့တယ်။
အဲဒီဟော်တယ်မှာ
တစ်ပတ်လောက်စောပြီး ကြိုတင်ဘွတ်ကင်လုပ်လိုက်တယ်။
ခရစ်စမတ်အကြိုနေ့ညနေမှာ
စောစောထွက်ခဲ့တယ်။
ညစာကိုတော့
အဲဒီဟော်တယ်မှာပဲ စားလိုက်တယ်။ ဆာနေလို့ထင်ပါရဲ့။
စားလို့ကောင်းလိုက်တာ။
အဝစားပြီး
ဟော်တယ်မှာပဲ တဝအိပ်ပစ်လိုက်တယ်။
နောက်နေ့ခရစ်စမတ်နေ့ရောက်တော့မှ
အိမ်ဖြူတော်ကိုသွားလည်ဖြစ်တယ်။
ကျနော်တ်ို့လိုပဲ
လာရောက်လည်ပတ်သူတွေ အများအပြားတွေ့ရတယ်။
ထူးထူးခြားခြား
လုံခြုံရေးလည်း အပြည့်ချထားတာကိုတွေ့ရတယ်။
သမ္မတအိုဘားမားနဲ့မိသားစုတွေကတော့
ခရစ်စမတ်ပိတ်ရက်မှာ
အိုဘားမားရဲ့မွေးဇာတိဖြစ်တဲ့ဟာဝိုင်ရီကျွန်းကိုအလည်အပတ်သွားနေတယ်လို့သိရတယ်။
Hampton
Hotel inn Washington DC မှာ နေ့လည်စာစားဖြစ်တယ်။
ဟော်တယ်မှာ
ကားကို ထားခဲ့ပြီး ဖုံးထဲက GPSနဲ့လမ်းလျှောက်ထွက်ခဲ့တယ်။
နောက်တစ်နေရာကတော့
Capital ကို သွားလည်တယ်။
Capital
ဆိုတာက ဥပဒေပြုလွှတ်တော်ပါ။
အထက်လွှတ်တော်နဲ့အောက်လွှတ်တော်နှစ်ခုရှိတယ်။
ပိတ်ရက်ဖြစ်တာကြောင့်
ကယ်ပီတယ်လည်း ပိတ်တယ်။
ဖွင့်ရက်ဆိုရင်
အထဲကို ဝင်လည်နိုင်တယ်လို့သိရတယ်။
နောက်တစ်နေရာကတော့
ဂျက်ဖါဆင်ရုပ်ထု(jefferson memorial)ဆီကို သွားလည်ဖြစ်တယ်။
ဝါရှင်တန်မှာတော့
လည်ပတ်စရာများစွာရှိတယ်။
သမိုင်းဝင်အဆောက်အဦးများစွာရှိတယ်။
လွန်ခဲ့တဲ့နှစ်ကတော့ရောက်ဖြစ်တယ်။
လွတ်လပ်ရေးကျောက်တိုင်ကိုလည်ပတ်ပြီး
လင်ကွန်းရုပ်ထုအဆောက်အဦးဆီကိုသွားလည်ဖြစ်ခဲ့တယ်။
ကားထားဖို့အခက်အခဲကြောင့်
တစ်ခုနဲ့တစ်ခု မဝေးသောလည်း
အချို့နေရာကို
မရောက်ဖြစ်ခဲ့ပါ။
ဒါကြောင့်
ဒီနေ့တော့ မနှစ်ကမရောက်ဖြစ်ခဲ့တဲ့နေရာများကိုသွားရောက်လည်ပတ်ခဲ့ခြင်းဖြစ်တယ်။
ညနေ
၆-နာရီရောက်တော့ မိုးသည်းထန်စွာရွာသွန်းတဲ့အတွက်လည်ပတ်မှုကို အဆုံးသတ်ပြီး
ဗာဂျီးနီးယားကို
ပြန်ခဲ့တယ်။
အပြန်လမ်းမှာတော့
အတွေးနဲ့ပြန်လာခဲ့တယ်။
အမေရိကန်နိုင်ငံနဲ့နိုင်ငံသားတို့ကို
အကျိုးပြုပုဂ္ဂိုလ်များစွာရဲ့အမှတ်တရ ရုပ်ထုအတော်များများကိုတွေ့မြင်ခဲ့ရတယ်။
အချို့ကိုတော့
နာမည်သိတယ်။
အချို့ကိုတော့
နာမည်မသိပါ။
သိသိ၊မသိသိ
အဲဒီပုဂ္ဂိုလ်တွေရဲ့ကောင်းတဲ့သမိုင်းကြောင်းရှိမှာ အမှန်ပဲ။
ဂျက်ဖာဆင်ဆိုရင်
အခုထိ အကျိုးရှိနေတဲ့ ဖွဲ့စည်းပုံအခြေခံဥပဒေကို ရေးဆွဲခဲ့သူဖြစ်တယ်။
သူ
ကွယ်လွန်ခဲ့တာတောင် နှစ်ပေါင်း နှစ်ရာနီးပါးရှိပြီ။(1742-1826)
သူ့ရဲ့ရုပ်ထုကိုလာရောက်ပြီး
ဂါရဝပြုသူက အမြောက်အများရှိနေဆဲ။
ကျနော်တို့နိုင်ငံရဲ့ဖွဲ့စည်းပုံအခြေခံဥပဒေ(2008)ကိုရေးဆွဲသူ၊ကာကွယ်သူတွေကို
ဘယ်သူတွေက
ရုပ်ထုထုမလဲ။ဂါရဝပြုကြမလဲတော့ မသိပါ။
ကျနော်မေးကြည့်သလောက်တော့
ရုပ်ထုတော့ မထုချင်ဘူး။
တင်းပုတ်နဲ့သာထုချင်တယ်လို့ပြောသူက
အမြောက်အများ။
တော်ပါပြီအမေ။
အမေပြောသလို
ဘယ်သူမဆို ကိုယ့်သမိုင်းကိုယ်ရေးကြတာပါ။
ကောင်းအောင်လည်း
ကိုယ်ရေးနိုင်သလို
ဆိုးအောင်လည်း
ကိုယ်ပဲရေးနိုင်ပါတယ်။
အတ္တကြီးလေ
ကိုယ့်သမိုင်းဆိုးလေပဲဆိုတာတွေးရင်း
အိမ်ပြန်ရောက်ခဲ့တယ်။
ဒါပါပဲအမေ။
အမေကိုချစ်တဲ့သား
အောင်ဝင်းဟိန်း
အက်ရ်ှဗန်းမြို့၊
ဗာဂျီးနီးယားပြည်နယ်၊
အမေရိကန်ပြည်ထောင်စု။
