"အမေ့ထံသို့ ပေးစာများ-၁၀၉..."

သို့

ချစ်တဲ့ အမေ

သတိရစွာဖြင့်စာရေးလိုက်ပါတယ်။

ရာသီတွေပြောင်းနေပြီအမေ။

သိသိသာသာ အေးလာတယ်။

သစ်ပင်တွေရဲ့ပြောင်းလဲမှုက ထင်သာမြင်သာရှိလှတယ်။

အစိမ်းရောင်သစ်ရွက်တွေက အချို့ဆိုရင် အနီရောင်ကိုပြောင်းသွားတယ်။

အချို့ဆိုရင် အဝါရောင်ကိုပြောင်းသွားတယ်။

အချို့ဆိုရင် ခရမ်းရောင်၊ သစ်ရွက်တွေက အရောင်စုံတော့ ပန်းပွင့်နေသလိုဖြစ်နေတယ်။

ပတ်ဝန်ကျင်တစ်ခုလုံး လှပတယ်လို့ခံစားမိတယ်။

နိုဝင်ဘာလအတွင်းမှာတော့ ပိတ်ရက်တစ်ရက်ရတယ်။

ကျေးဇူးတော်နေ့(Thanksgiving Day)။ခရစ်တော်ရဲ့ကျေးဇူးတော်ကိုအောင်မေ့တဲ့နေ့။

ပိတ်ရက်ရတဲ့အတွက် ခရစ်တော်ကိုကျေးဇူးတင်မိပါတယ်။

ပြီးခဲ့တဲ့နှစ်ကတော့ ပင်ပန်းလွန်းတာကြောင့် ဘယ်မှကို မသွားဖြစ်ဘူး။

အိပ်ရေးဝအောင်အိပ်လိုက်မယ်။ အိပ်ရေးဝတော့မှ ဝါရှင်တန်ဒီစီမြို့တော်ကို သွားလည်မယ်ပေါ့။

အားရအောင်အိပ်လိုက်တာ နေ့လည်တစ်နာရီကျော်မှ နိုးတယ်။

အိပ်ရေးဝတော့ အချိန်ကနည်းနေပြီမို့ သွားဖို့ပျင်းသွားတယ်။

မိန်းမကခေါင်းလျှော်တယ်။ ကျနော်က စက်နဲ့အဝတ်လျှော်တယ်။

စာဖတ်တယ်။ စာရေးတယ်။ အိမ်သန့်ရှင်းရေးလုပ်ဖြစ်တယ်။

ဘယ်မှမသွားဖြစ်ခဲ့ဘူး။

ပြန်စဉ်းစားကြည့်တော့ နေရာတစ်ခုကိုရောက်တုန်းရောက်ခိုက်မှာ တစ်နေရာရာကိုသွားလည်သင့်တယ်။ခရီးသွားတယ်ဆိုတာ စာဖတ်တာမျိုးနဲ့တူတယ်။

အသိတစ်ခုခုတော့ အမြဲရနိုင်တယ်။နောက်တစ်ခုက ခရီးသွားတာဟာ အမြင်သစ်နဲ့ထိတွေ့ရတာမို့

စိတ်ကို လန်းဆန်းစေတယ်။

ဒါကြောင့် ဒီနှစ်တော့ခရီးသွားဖို့ စီစဉ်လိုက်တယ်။

မေရီလန်းပြည်နယ်က Gaylord Hotel တစ်ခုမှာကြိုတင်စာရင်းသွင်းလိုက်တယ်။

ဒါဆိုရင် မသွားဖြစ်ရင် ဟော်တယ်ခ ဆုံးရှုံးတော့မှာမို့ မဖြစ်မနေ အပြင်ထွက်ဖြစ်တယ်။

ကျေးဇူးတော်နေ့မတိုင်မီတစ်ရက်၊ ညနေပိုင်းမှာ အလုပ်က စောစောထွက်ခဲ့တယ်။

တစ်နာရီပတ်ဝန်ကျင်တော့ ကားမောင်းရတယ်။

ဒီမှာက ကြိုတင်အခန်းယူထားတဲ့အတွက် အခက်အခဲမရှိပါ။

ကြိုတင်အခန်းမယူထားရင် အခန်းရဖို့မလွယ်တာကို အကြိမ်ပေါင်းများစွာ ကြုံခဲ့ဖူးပြီ။

ဒီဟော်တယ်ရဲ့ထူးခြားချက်က မိသားစုအများစုဟာ ကလေးတွေ ပါနေခြင်းဖြစ်တယ်။

နောက်တော့မှ သိရတယ်။ ဒီဟော်တယ်မှာ ICE SHOW ရှိနေတဲ့အတွက်ဖြစ်တယ်။

ICE SHOW အတွက်ပါ ကြိုတင်လက်မှတ်လုပ်ထားဖြစ်တယ်။

ထင်ထားတာက ICE SHOW ဆိုတာ ရေခဲပြင်လျှောစီးတဲ့အတွက်က အကမျိုးစုံနဲ့ဖြေဖျော်တယ်လို့

တောသားအတွေးမျိုးတွေးထင်မိခဲ့တယ်။

တကယ်တန်းအထဲဝင်ကြည့်တော့ မဟုတ်ပါလေ။

ရေခဲတုံးကြီးကို အရုပ်မျိုးစုံ ပန်းပုထုထားတဲ့ပြပွဲဆိုတာကို သိရပါတယ်။

အဲဒီအခန်းထဲဝင်ဖို့အတွက် ရေခဲပြင်မှာဝတ်တဲ့ဝတ်စုံကို ဝတ်ရတယ်။

အဲဒီဝတ်စုံအပြာရောင်ကိုဝတ်ထားတာတောင် တော်တော်အေးနေတယ်။

မြောက်ဝင်ရိုးစွန်းကိုရောက်နေသလားအောက်မေ့ရတယ်။ အေးလိုက်တာ မပြောပါနဲ့တော့။

ရေခဲရုပ်ကလည်း မျိုးစုံနေတာကြောင့် ကလေးငယ်များစွာကို တွေ့ရတယ်။

သူတို့ကတော့ ပျော်နေကြလေရဲ့။အထူးသဖြင့် အရုပ်တွေက ဝေါ ဒစ်စနေ(Walt Disney အရုပ်တွေကိုတွေ့ရတယ်။

နောက်တစ်မျိုးကတော့ ဘုရားသခင်နဲ့ပတ်သက်တဲ့အရုပ်တွေဖြစ်တယ်။

ရေခဲတုံးကြီးနဲ့ထုလုပ်ထားတာတော့ အံသြစရာကောင်းပါတယ်။

ဟော်တယ်ရဲ့အခန်းတွင်းအခြေအနေက ပေးထားတဲ့ငွေကြေးလောက်မကောင်းတာကို သတိပြုမိတယ်။

အဓိကကတော့ မိသားစုနဲ့အတူပါလာတဲ့ကလေးနဲ့လူငယ်လေးတွေကို ဆွဲဆောင်ဖို့ကိုသာ

အလေးထားတာကို တွေ့ရတယ်။

တစ်ညတာဆိုပေမယ့် အမှတ်တရတော့ အများကြီးဖြစ်ပါတယ်။

နေ့လည်စာကို ဘူဖေးမှာ ဂဏန်းလက်မကြီးကို စိတ်တိုင်းကျစားပစ်လိုက်တယ်။

ပိတ်ရက်တစ်ရက်မှာ လူကတော့ မနားလိုက်ရပါဘူး။

ဒါပေမယ့် စိတ်ကတော့ လုပ်ချင်တာကိုလုပ်ခွင့်ရလိုက်တဲ့အတွက် 

စိတ်အနားရတယ်လို့ပြောမယ်ဆိုရင်

ပြောနိုင်ပါတယ်။

ဒါပါပဲအမေ။

အမေကိုချစ်တဲ့သား

အောင်ဝင်းဟိန်း

အက်ရ်ှဗန်းမြို့၊

ဗာဂျီးနီးယားပြည်နယ်၊

အမေရိကန်ပြည်ထောင်စု။