“ ဘယ်သူက ပိုပျင်းသလဲ…”

တစ်ခါတုန်းက

လူနှစ်ယောက်အငြင်းပွားနေကြတယ်။

သူက ပိုပျင်းတယ်။

ငါကပိုပျင်းတယ်ဆိုပြီး

အငြင်းပွားနေကြခြင်းဖြစ်ပါတယ်။

တစ်ယောက်ကပြောတယ်။

“ တစ်နေ့က ငွေငါးထောင်တစ်ရွက်

လမ်းမှာကျနေတာကို ငါတွေ့တယ်။

ဒါပေမယ့် ငါမကောက်လိုက်ဘူး ပျင်းလို့ ”

ကျန်တစ်ယောက်က အားကျမခံ ပြန်ပြောတယ်။

တစ်နေ့က ငါ ရုပ်ရှင်သွားကြည့်တယ်။

နှစ်နာရီတိတိ ရုပ်ရှင်ရုံထဲမှာ ငါ အော်နေတယ် ”

“ အော်တာနဲ့ ပျင်းတာ ဘာဆိုင်လို့လဲ ”

“ သိပ်ဆိုင်တာပေါ့၊

ရုပ်ရှင်ရုံထဲကခေါက်ကုလားထိုင်ကို

ဆွဲချပြီး အထိုင်လိုက်မှာ

ငါ့ရဲ့ဖွားဖက်တော် ညပ်သွားတယ်။

ထရမှာ ပျင်းတာနဲ့ အော်ပဲ အော်နေရတာပေါ့ ”

“ ပြောတာချင်းအတူတူပါနော်…”

တစ်ခါတုန်းက လှိုင်သာယာက

အိမ်နီးချင်း အမျိုးသမီးနှစ်ယောက်

စကားများရန်ဖြစ်နေကြတယ်။

မဆွေက...

“ငါဟာ ညည်းလို

တစ်အိမ်တက် တစ်အိမ်ဆင်း သူများ အတင်းတွေ

လျှောက်ပြောနေတဲ့ မိန်းမ မဟုတ်ဘူးဟေ့ ”

မကြိုင်က...

“ ကြည့်စမ်း၊ ကြည့်စမ်း၊

ညည်းအိမ်မှာ တယ်လီဖုန်းတပ်ထားပြီဆိုတာတောင်

ငါ မသိလိုက်ပါလား။

"လမ်းပျောက်နေသော်လည်း...."

အသံထက်မြန်တဲ့ ဂျန်ဗို ဂျက်လေယာဉ်ပျံ ကြီးဟာ

လေထုထဲကို အမြန်ချင်းနင်းဝင်ရောက်ပြီးတဲ့အခါ

လေယာဉ်မှူးက လေယာဉ်စီးခရီးသည်များအတွက်

ကြေညာချက်တစ်ခုကို ကြောညာပါတယ်။

“လေယာဉ်စီးခရီးသည်များခင်ဗျား၊

ကျနော် သတင်းကောင်းရော၊

သတင်းဆိုးပါပြောစရာရှိပါတယ် ခင်ဗျား။

ပထမသတင်းဆိုးကို အရင်ပြောပြချင်ပါတယ်။

ကျနော်တို့အခုလမ်းပျောက်နေပါတယ်။

ဆက်လက်ပြီးသတင်းကောင်းကို ပြောပြချင်ပါတယ်။

အဲဒါကတော့ ကျနော်တို့ လေယာဉ်ပျံဟာ

အသံထက်မြန်တဲ့ နှုန်းနဲ့ ပျံသန်းနေပါတယ်ဆိုတာပါပဲ..”

“နာမည်ကောင်းဆိုတာ…”

တစ်နေ့မှာ လေရယ်၊ ရေရယ်၊ နာမည်ကောင်းရယ်တို့ဟာ

အတူတကွ ခရီးထွက်လာကြပါတယ်။

လေက သူ့ထုံးစံအတိုင်း ဒေါသထွက်နေတဲ့လူတစ်ယောက်လိုပဲ

ရမ်းရမ်းကားကားပြေးသွားပါတယ်။

ဟိုမှာခုန်လိုက်၊ဒီမှာတိုက်လိုက်နဲ့သွားပါတယ်။

သူသွားလေရာမှာ ဖုန်တွေကို ကန်ကျောက်သွားတဲ့အတွက်

ဖုန်တွေတထောင်းထောင်း ထပါတယ်။

ရေကတော့ အိနြေ္ဒရှိရှိ

အမျိုးသမီးတစ်ယောက်လမ်းလျှောက်သလို လမ်းလျှောက်ပါတယ်။

ရေရဲ့လက်ထဲမှာတော့ ရေပန်းခရားတစ်ခုကို ကိုင်ထားပါတယ်။

ပတ်ဝန်းကျင်ရှိ မြေကွက်လပ်များတွင် သိပ်သိပ်သည်းသည်းရှိအောင်

ရေပန်းခရားနဲ့ရေလောင်းပေးပါတယ်။

နာမည်ကောင်းကတော့ ယဉ်ကျေးသိမ်မွေ့ပြီး ခန့်ညားတဲ့

လူငယ်တစ်ယောက်အသွင်နဲ့တည်တည်ငြိမ်ငြိမ်နေပါတယ်။

သူတို့သုံးဦးတို့ဟာ တစ်ဦးနဲ့တစ်ဦး ရင်းနှီးချစ်ခင်ကြပါတယ်။

တစ်ဦးနဲ့တစ်ဦး စရိုက်အမူအကျင့်တွေ ကွာခြားကြပေမယ့်

ထူးထူးခြားခြား တစ်တွဲတွဲနေတတ်ကြပါတယ်။

တစ်နေ့မှာတော့ တစ်ယောက်နဲ့တစ်ယောက်ခွဲခွာရမယ့်ရက်ကို ရောက်လာပါတယ်။

အဲဒီအခါမှာ တစ်ယောက်နဲ့တစ်ယောက် ရင်းရင်းနှီးနှီးနှုတ်ဆက်ကြပြီး

“ နောက်ထပ် ဘယ်တော့ထပ်တွေ့ကြပြီး ခရီးအတူတူသွားကြဦးမလဲ”

လို့မေးကြပါတယ်။

လေက

“ မင်းတို့ ငါ့ကို တောင်ထိပ်ပိုင်းမှာ အမြဲတွေ့ရမယ်။

ဒါမှမဟုတ်လည်း မင်းတို့ရဲ့ခြေထောက်ပတ်လည်မှာလည်း တွေ့ရမှာပါ။

ငါသွားတဲ့ နေရာတိုင်းမှာ ဖုန်တွေတထောင်းထောင်းထအောင်

ငါက လုပ်သွားမှာဆိုတော့ ငါ့ကို မင်းတို့လွယ်လွယ်တွေ့နိုင်ပါတယ်”

လို့ပြောပါတယ်။

ရေက

“ ငါ့ကိုတော့ မင်းတို့အမြဲတွေ့ရပါတယ်။

ပင်လယ်သမုဒ္ဒရာထဲမှာ ငါအမြဲရှိပါတယ်။

မြစ်တွေ ချောင်းတွေထဲမှာ လည်းရှိတာပါပဲ။

မင်းတို့အိမ်က မီးဖိုချောင်ထဲမှာတောင် ငါက အမြဲရှိနေတတ်ပါတယ်။

ခေါ်သာ ခေါ်လိုက်ပါ။

ငါက အမြဲရှိပါတယ်”

လို့ရှင်းပြပါတယ်။

နာမည်ကောင်းကတော့

ဘာမှမပြောဘဲ ငြိမ်နေပါတယ်။

ကျန်နှစ်ဦးက

“ ကိုနာမည်ကောင်းကြီးရဲ့၊

ကျနော်တို့ ဘယ်အချိန်၊ ဘယ်နေရာမှာ ထပ်တွေ့ကြမှာလဲ”

လို့မေးကြပါတယ်။

နာမည်ကောင်းကြီးက

“ ဝမ်းနည်းပါတယ်၊

ခင်ဗျားတို့ ကျနော်ကို ဘယ်မှာမှ ပြန်တွေ့ရတော့မှာ မဟုတ်ပါဘူးဗျာ။

ဘယ်သူပဲ ဖြစ်ဖြစ် ကျနော်ကို ဆုံးရှုံးပြီဆိုရင်

နောက်ထပ်တစ်ကြိမ်ကျနော့်ကို မတွေ့နိုင်ကြပါဘူး”

လို့ပြောလိုက်ပါတော့တယ်။

“မ,အိုဆေး ဆိုတာ…”

ကျနော်တို့ရွာကလေးဟာ မီးရထားသံလမ်းဘေးမှာရှိပါတယ်။
ရွာမှာက လေးတန်းအထိသာကျောင်းရှိတယ်။
လေးတန်းအထိကျောင်းတက်ပြီးရင်တော့ အားလုံးနီးပါးဟာ
လယ်ထဲဆင်း၊ခြံစိုက်နဲ့ကျောင်းပြီးသွားကြပါတယ်။
ကျနော်တို့ဟာ မိဘရဲ့ကျေးဇူးကြောင့် မြို့ကိုရောက်ပြီး
တက္ကသိုလ်ပညာကိုဆက်သင်ကြားခွင့်ရခဲ့ပါတယ်။
တစ်နေ့တော့ ရွာကိုပြန်လာတယ်။
ငယ်သူငယ်ချင်းတွေနဲ့တွေ့တယ်။

သူတို့က
"မအိုဆေးရှိတယ်သောက်မလား"တဲ့။

" မအိုဆေးဆိုတာ ဘာလဲ"
လို့မေးကြည့်မိပါတယ်။

သူငယ်ချင်းအေးသောင်းကရှင်းပြပါတယ်။
" ငါတို့ရွာကလူငယ်တွေက ပညာမတတ်ကြဘူး၊
ငယ်ငယ်ရွယ်ရွယ်နဲ့လယ်ထဲ၊ခြံထဲဆင်းရတယ်။
အလုပ်ပင်ပန်းတော့ ချက်အရက်ကိုသောက်ကြတယ်။
ချက်အရက်ကလည်း နည်းစံနစ်ကမရှိဘူး။
မူးရင်ပြီးရောဆိုပြီးချက်တော့
ချက်အရက်သောက်တဲ့လူတွေဟာ အိုချိန်ကိုမရောက်ပါဘူး။
သောက်ပြီးငယ်ငယ်ရွယ်ရွယ်နဲ့သေဆုံးကြတယ်။
အချို့ကလည်းသေဖြတ်ပြီးသေဆုံးကြတယ်။
မအိုဘဲနဲ့စောစောစီးစီးသေကြတာကြောင့်
ဒီအရည်ကို မအိုဆေးလို့ခေါ်လိုက်တာပါကွာ"တဲ့။
အကောင်းအောင်းမေ့ပြီး နားထောင်နေမိပါတယ်။
နောက်ဆုံးရောက်တော့မှ 'မအိုဆေး'အကြောင်းကိုသိလိုက်ရတော့တယ်။

" ရိုးသားမှုဆိုတဲ့အရသာ..."

ဘတ် လန်စတာဟာ ထင်ရှားတဲ့ရုပ်ရှင်သရုပ်ဆောင်တစ်ဦးဖြစ်ပါတယ်။

ငယ်စဉ်တုံးက နယူးယောက်မြို့တွင် ဆင်းဆင်းရဲရဲနေခဲ့သူဖြစ်တယ်။

အဲဒါကြောင့် အစာငတ်တဲ့လူငယ်သဘာဝအတိုင်း

မုန့်များ၊ရေခဲမုန့်များ၊ချောကလက်များတို့ကို

စားချင်လွန်းတဲ့အတွက် တမ်းတမ်းတတရှိခဲ့ပါတယ်။

ငယ်စဉ်တုံးက သူ့အတွက်ငွေတစ်မတ်ဟာ တော်တော်များတဲ့ ပမာဏဖြစ်ခဲ့ပါတယ်။

တစ်နေ့တွင် သူဟာ ဘဏ်ဘေးလမ်ထောင့်မှာ ရပ်နေတုံး အောက်ဘက်ကိုငုံ့ကြည့်မိပါတယ်။

ရေမြောင်းထဲတွင် ဒေါ်လာ ၂၀ တန်တစ်ရွက်ကိုတွေ့ပါတယ်။

သူ့ဘဝတွင် တွေ့ဖူးသမျှထဲမှာတော့ အဲဒီငွေဟာ အများဆုံးဖြစ်ပါတယ်။

အဲဒီငွေကို ရလိုက်တဲ့အတွက် သူဟာ အလွန်ဝမ်းသာပျော်ရွှင်ခဲ့ပါတယ်။

ဝမ်းသာလွန်းလို့ သူရဲ့နှလုံးခုန်နှုန်းပင် မြန်ဆန်လာပါတယ်။

အဲဒီငွေကိုကောက်ယူပြီး သူ့အိတ်ထဲထည့်လျက်

သူ့အမေဆီပြေးသွားမယ်လို့စဉ်းစားပါတယ်။

သူ့အမေသိရင် ဘယ်လောက်ဝမ်းသာလိုက်မလဲလို့တွေးမိပြီး

ဝမ်းသာမဆုံးဖြစ်နေမိပါတယ်။

ကိုယ်စားချင်တဲ့အရာတွေကို ဝယ်စားရတော့မှာပဲလို့တွေးပြီး ပျော်နေချိန်မှာ

အဖွားအိုကြီးတစ်ယောက် သူ့ဆီကပ်လာတာကိုတွေ့ရပါတယ်။

အဲဒီအဖွားအိုဟာ ဘယ်လောက်သောကရောက်ပြီး

စိတ်ပျက်နေတာကို မြင်လိုက်တာနဲ့ပင်သိနိုင်ပါတယ်။

“ ဟေ့…သားလေး၊

ဒေါ်လာ နှစ်ဆယ်တန်တစ်ရွက် မတွေ့မိဘူးလားသားလေး”

လို့မေးပါတယ်။

သူ့မိသားစုအတွက် သိပ်လိုနေတာတွေဝယ်ဖို့ ဘဏ်က အခုပဲထုတ်လာတာ

ပျောက်သွားတဲ့အကြောင်း အဖွားအိုကရှင်းပြပါတယ်။

“ မတွေ့ရင်တော့ ဘာလုပ်မယ်ဆိုတာတောင် မသိတော့ပါဘူး သားလေးရယ်”

လို့မျက်ရည်စက်လက်နဲ့ပြောရှာပါတယ်။

“ အဖွားအထင်တော့ ဒီနားတစ်ဝိုက်မှာ ကျကျန်ခဲ့တယ်လို့ထင်တာပဲ”

လို့လည်း ဆက်ပြောပါတယ်။

ဘတ်ရဲ့လက်ချောင်းတွေဟာ ၂၀-တန်ဒေါ်လာ ကို ဖိထားမိပါတယ်။

အဲဒီငွေနဲ့ဝယ်လို့ရနိုင်တဲ့

သူ့စိတ်ကြိုက် စားစရာတွေ အစီအရီပေါ်လာပါတယ်။

သူကောက်တွေ့ထားတဲ့ငွေကို ပိုင်ရှင်တွေ့နေပါရက်ကယ်နဲ့

သူယူလိုက်ရင် မှားမှန်းသိရက်နဲ့

ယူထားချင်တဲ့စိတ်တွေကလည်း တဖွားဖွားဖြစ်ပေါ်နေပါတယ်။

“ အဖွားရယ်…ကျနော်မတွေ့မိပါဘူး၊ ဝမ်းနည်းပါတယ်”

လို့သူပြောမယ်ဆိုရင် ပြောနိုင်ပါတယ်။

ဒါပေမယ့် သူပြောမထွက်ခဲ့ပါ။

အဲဒီလိုပြောမယ့်အစား သူ့အိတ်ထဲက ၂၀-တန်ဒေါ်လာကို ဆွဲထုတ်လိုက်ပြီး

“ ဟုတ်တယ်အဖွား

ပျောက်တာ ဒီနေရာပဲ၊ ကျနော်တွေ့ထားပါတယ်”

လို့ပြောပြီး အဖွားကို သူတွေ့ထားတဲ့ဒေါ်လာ၂၀ကို ပြန်ပေးလိုက်ပါတယ်။

ပင်ပန်းပြီး သောကတွေရောက်နေတဲ့

အဖွားရဲ့မျက်နှာမှာ ပျော်ရွှင်ကြည်နူးရ်ိပ်များဖြာထွက်လာတာကို တွေ့ရတာကိုက

သူရဲ့နှလုံးသားမှာ နွေးထွေးတဲ့အရသာကိုခံစားမိခဲ့ပါတယ်။

အဖွားဟာ ကျေးဇူးတင်စကားကိုပြောပြီး

သွက်လက်တဲ့ခြေလှမ်းများလှမ်းပြီးထွက်ခွာသွားပါတော့တယ်။

အဲဒီဖြစ်ရပ်ကတော့ သူ့ဘဝမှာ တွေ့ကြုံခဲ့ရသမျှအတွေ့အကြုံတွေထဲမှာ

အပျော်ရွှင်ဆုံးအတွေ့အကြုံတစ်ခုဖြစ်ပါတယ်လို့

ကမ္ဘာကျော် ရုပ်ရှင်မင်းသားကြီး ဘတ်ကပြောပြပါတယ်။

" စားသောက်ဆိုင်တစ်ခုမှာ..."

ကိုအောင်ဟိန်းက

“ ခင်ဗျားမိန်းမ
ဒီလောက်က တတ်မှန်း
ကျနော်အစက မသိခဲ့ဘူး”


ကိုလှမြင့်ပြန်ဖြေလိုက်တာက...

“မက တတ်ပါဘူး၊
သူမ ခက်ရင်းကို တက်နင်းမိတာပါ”

"သားသမီးအနားမှာ မိဘတွေ ရှိဖို့လိုတယ်..."

ငယ်ရွယ်တဲ့ကလေးတွေဟာ အကျိုးအကြောင်းကိုကောင်းကောင်းမသိပါ။
အတုမြင်ရင် အတတ်သင်တတ်ကြတယ်။
အခုခေတ်ကလည်း အတုယူစရာ ဗီဒီယိုတွေကလည်း ပေါမှပေါ။
ကလေးတွေအတွက် လုပ်ချင်ရာ လုပ်မိတတ်ကြတယ်။
မိဘတွေအနားမှာသာ မရှိရင် ဒီကလေးတွေဟာ ဘာဖြစ်သွားနိုင်သလဲဆိုတာ
အကဲခတ်ကြည့်စေချင်ပါတယ်။
ဒါကြောင့် ကလေးတွေကိုမဖြစ်သင့်တာတွေမဖြစ်ရအောင်
မိဘတွေက
မေတ္တာနဲ့စောင့်ရှောက်သင့်ကြောင်းကို
ဓါတ်ပုံများနဲ့တင်ပြလိုက်ပါတယ်။

(လင်းလင်းနိုင်(ဆန်ဖရန်စစ္စကို)မှကျေးဇူးပြုပါတယ်။)

“အရှုံးထဲက အမြတ်…”

အင်္ဂလန်ပြည် ကျေးရွာလေးတစ်ရွာမှာ

ဘုရားရှိခိုးကျောင်းတစ်ကျောင်းရှိပါတယ်။

အဲဒီဘုရားရှိခိုးကျောင်းဟာ

လယ်ကွင်းများမှာရှိတဲ့ ကျောက်တုံးတွေနဲ့ဆောက်လုပ်ထားပါတယ်။

တစ်ချိန်တုန်းကတော့ လယ်ကွက်တွေထဲမှာ အဲဒီကျောက်တုံးတွေရှိနေတဲ့အတွက်

ထွန်ယက်ရာမှာ အခက်အခဲများစွာရှိခဲ့ပါတယ်။

လယ်သမားအများစုကတော့ အဲဒီကျောက်တုံးတွေကို ကျိန်ဆဲကြပါတယ်။

ဒါပေမယ့်

လယ်သမားတွေထဲက လယ်သမားနှစ်ဦးကတော့ အဲဒီကျောက်တုံးတွေကို

အသုံးချပြီး ဘုရားရှိခိုးကျောင်းတစ်ကျောင်းဖြစ်အောင် တည်ဆောက်ခဲ့ကြပါတယ်။

အဲဒီအကြောင်းကို တရားဟောဆရာက အားလုံးသိနေပါတယ်။

ဘုရားကျောင်းပြီးစီးတဲ့အခါမှာတော့ တရားဟောဆရာက

“ သာမန်ကျောက်တုံးတွေကို သုံးပြီး အလွန်လှပတဲ့ဘုရားကျောင်းကို

အနားမှ ဖြတ်သွားတဲ့လူတိုင်း

သိစေချင်ပါတယ်။

ဒီလိုလှပတဲ့ ဘုရားကျောင်းဟာ

လယ်ကွက်ထဲမှာ အခက်အခဲအဟန့်အတားဖြစ်နေတဲ့ ကျောက်တုံးတွေနဲ့

တည်ဆောက်ထားတယ်ဆိုတာ အမြဲတမ်းသတိရစေချင်ပါတယ်။

အဲဒီလိုပါပဲ

ဘဝမှာ ကြုံတွေ့ရတဲ့ အခက်အခဲ အဟန့်အတားတွေနဲ့

သာယာလှပတဲ့ ဘဝတစ်ခုကို တည်ဆောက်နိုင်တယ်ဆိုတာ

အမြဲတမ်းသတိရနေစေချင်ပါတယ်”

လို့ တရားထဲမှာ ထည့်သွင်းဟောကြားခဲ့ပါတယ်။