ကိုယ်ကိုယ်တိုင် ဖတ်ဖို့(၁၅)
ဘယ်လိုလုပ်ရင် စိတ်ချမ်းသာမလဲ…မှအဆက်…
နောက်တစ်ယောက်ကတော့ သူနဲ့ဆန့်ကျင်ဖက် ပြောတယ်။
ကိုယ့်ဟာ ကိုယ် တစ်ယောက်ထဲ အေးအေးဆေးဆေးနေရရင် ပျော်မယ် တဲ့။
တရားအားထုတ်တာကို အလေ့အကျင့်ကောင်းကောင်း ရထားတဲ့ဟာ
တရားအားထုတ်နေတဲ့ အချိန်မှာ စိတ်အချမ်းသာဆုံးပဲ။
အဲဒါကြောင့် သူ့အတွက် တစ်ကိုယ်ထဲ တရားအားထုတ်တဲ့အချိန်ဟာ မရရင် မဖြစ်ဘူး။
တရားနဲ့ စိတ်ချမ်းသာအောင်နေတာဟာ အကောင်းဆုံး စိတ်ချမ်းသာနည်း
အဆင့်အမြင့်ဆုံး စိတ်ချမ်းသာနည်းပဲ။
ဒီနည်းကို မလုပ်နိုင်သေးတဲ့သူတွေ တခြားနည်းတွေကို လုပ်ပါ။
တရားနဲ့စိတ်ချမ်းသာအောင် နေတတ်ရင်တော့ ဒီစိတ်ချမ်းသာမှုကို
တခြား စိတ်ချမ်းသာမှုနဲ့ အစားထိုးလို့ မရဘူး ဆိုတာ သိမယ်။
+++++++++++++++++++++++++++
တစ်ကိုယ်ထဲလည်း ပျော်တတ်မှ ဖြစ်မယ်။
ဒါပေမယ့် အမြဲတမ်း တစ်ကိုယ်ထဲ နေလို့ မဖြစ်ဘူး။
ဒါကြောင့် တခြားအချိန်တွေ တခြားအခြေအနေတွေမှာလည်း
စိတ်ချမ်းသာအောင် ဘယ်လိုနေရမယ်ဆိုတာ လေ့လာပါ။
+++++++++++++++++++++++++++
ရောင့်ရဲတဲ့သူဟာ စိတ်ချမ်းသာတယ်လို့ သုတေသန ပညာရှင်တွေ တွေ့ရှိကြတယ်။
ဒါကို ရှေးပညာရှင်တွေလည်း ပြောခဲ့ကြပါတယ်။
"ရောင့်ရဲခြင်းဟာ အဆင့်အမြင့်ဆုံး ဥစ္စာဒါနဖြစ်တယ် (သန္တုဋ္ဌီ ပရမံ ဓနံ)"
လို့ ဘုရားရှင်ကဟောထားပါတယ်။
မရောင့်ရဲနိုင်တဲ့သူဟာ ဘယ်လောက်ရှိရှိ လိုသေးတယ်လို့ ထင်တတ်သေးတယ်။
ဒါကြောင့် မပြည့်စုံသေးဘူး။ မပြည့်စုံတာဟာ ချို့တဲ့နေတဲ့သဘော။
ချို့တဲ့နေတယ်ဆိုတာ ဆင်းရဲတဲ့သဘော ဖြစ်တယ်။
စဉ်းစားစရာကောင်းတာက ရောင့်ရဲရင် မတိုးတက်ဘူးလို့ပြောကြတာ ရှိပါတယ်။
အဲဒါ မှန်ပါသလား။
ရောင့်ရဲတဲ့သူဟာ တိုးတက်နိုင်သလား။
ရောင့်ရဲတဲ့သူဟာ စိတ်ချမ်းသာတယ်။ စိတ်ချမ်းချမ်းသာသာနဲ့နေပြီး
နောက်ထပ် ကိုယ်လိုချင်သေးတာကို လုပ်လို့ မဖြစ်နိုင်ဘူးလား။
ဘယ်လောက်ရှိရှိ မရောင့်ရဲနိုင်ရင် ဘယ်တော့မှ စိတ်မချမ်းသာနိုင်ဘူး။
အဲဒါကောင်းသလား။
+++++++++++++++++++++++++++
ရောင့်ရဲတဲ့သူဟာ နောက်ထပ်ရအောင် မလုပ်တော့ဘူး လို့ဆိုလိုတာလား။
ဒီမေးခွန်းကို မေးသင့်ပါတယ်။
နောက်ထပ် ရအောင်လုပ်သေးတယ်ဆိုရင် နောက်ထပ်လိုချင်သေးလို့ပေါ့။
လိုချင်သေးရင် ရောင့်ရဲတယ်လို့ ဆိုနိုင်သလား။
သန္တုဋ္ဌီ ဆိုတဲ့ ပါဋ္ဌိ စကားလုံးကို အဓိပ္ပာယ် သေသေချာချာ ဖော်ရင်
“ ကိုယ့်မှာရှိတာနဲ့ ဝမ်းသာတယ်။ စိတ်ချမ်းသာတယ်” လို့ အဓိပ္ပာယ် ပေါ်ပါတယ်။
နောက်ထပ် မလိုချင်တော့ဘူး။ နောက်ထပ်ရအောင် မလုပ်တော့ဘူး လို့ မဆိုလိုပါဘူး။
ရှိတာနဲ့ဝမ်းသာတယ်။ စိတ်ချမ်းသာတယ်။ နောက်ထပ်ရအောင်လုပ်သေးတယ်။
ဒါပေမယ့် စိတ်ချမ်းချမ်းသာသာနဲ့ပဲ လုပ်တယ်။
ဘုန်းကြီးကတော့ အဲဒီလို သဘောပေါက်တယ်။
အင်္ဂလိပ်လိုဘာသာပြန်ရရင် "သန္တုလဋ္ဌီ" ဆိုတာ
“Being happy with what you have” လို့ ဘာသာပြန်ရမယ်။
အဲဒါ ရှင်းတယ်။ ရှိတာနဲ့ ဝမ်းသာတယ် ဆိုတာ နောက်ထပ်ရအောင်
မလုပ်တော့ဘူးလို့ ဆိုလိုတာ မဟုတ်ဘူး။
လုပ်သေးတယ်။ ဒါပေမယ့် စိတ်ချမ်းချမ်းသာသာ နဲ့ပဲ လုပ်နိုင်တယ်။
နောက်ထပ်မရလည်း စိတ်ချမ်းသာတာ ပျက်မသွားဘူး။
အဲဒါ အရေးအကြီးဆုံး အချက်ပဲ။
+++++++++++++++++++++++++++
ရက်ရောတဲ့သူဟာ စိတ်ချမ်းသာတယ် လို့ဆိုတယ်။
+++++++++++++++++++++++++++
ဘယ်ဘက်ခြေထောက် တစ်ဖက်ပဲရှိတဲ့ လူတစ်ယောက်ဟာ
“ ကျနော်က ကခုန်ရတာရဲ့ပျော်ရွှင်မှုကို မသိပေမယ့် ဘယ်ဘက်ခြေထောက်နဲ့
ပန်းချီဆွဲရတဲ့အရသာကိုတော့ သိပါတယ်။”တဲ့။
သူက ဘယ်ဘက်ခြေထောက် တစ်ဖက်ပဲ ရှိတယ်။
အဲဒီခြေထောက်နဲ့ ပန်းချီဆွဲတယ်- ကဲ ။
+++++++++++++++++++++++++++
ဝင်ငွေ ဆယ်ဆတိုးရင် ဆယ်ဆပျော်မယ်လို့ ပြောနိုင်သလား။
မပြောနိုင်ဘူး။ အဲဒါ မဖြစ်နိုင်ပါဘူး။
အရေးကြီးတာက ဘယ်လိုအခြေအနေမှာပဲ ဖြစ်ဖြစ်
စိတ်ချမ်းသာအောင် ကိုယ့်စိတ်ကို ကိုယ် လေ့ကျင့်ပေးထားရမယ်။
+++++++++++++++++++++++++++
Wealth is like health;
Its utter absence breeds misery, yet having it is no
Guarantee of happiness.
ငွေဆိုတာ ကျန်းမာရေးလိုပါပဲ။
ကျန်းမာနေတုန်း ကျန်းမာလို့ ပျော်လိုက်တာလို့ တွေးမိတဲ့သူ သိပ်နည်းတယ်။
မကျန်းမာတဲ့အခါ မကျန်းမာလို့ စိတ်ဆင်းရဲလိုက်တာလို့ ပြောကြတာပဲ ကြားရတယ်။
ငွေလည်း ဒီလိုပဲ။
ငွေမရှိလို့ စိတ်ဆင်းရဲလိုက်တာလို့ ပြောကြတာ ကြားရတယ်။
ရှိတော့လည်း သိပ် သတိမရတော့ဘူး။
သုံးလိုက်ရတုန်း ခဏတော့ ပျော်မယ်ထင်တယ်။
စိတ်ချမ်းသာမှုကို ငွေနဲ့ဝယ်လို့ ရမလား။
ငွေရှိရင် ဒုက္ခတော်တော်နည်းသွားတာ အမှန်ပဲ။
ငွေမရှိလို့ စား၊ဝတ်၊နေရေး အဆင်မပြေလို့ စိတ်ဆင်းရဲ ကိုယ်ဆင်းရဲ ဖြစ်ကြရတာ များပါတယ်။
ဒါပေမယ့် ပိုက်ဆံ အချမ်းသာဆုံးလူက စိတ်အချမ်းသာဆုံးလူလို့ ပြောလို့တော့ မရဘူး။
ပိုက်ဆံချမ်းသာပြီး စိတ်ဆင်းရဲနေတဲ့သူတွေ အများကြီးရှိပါတယ်။
+++++++++++++++++++++++++++
“No happiness lasts for long.”
လောကီ စိတ်ချမ်းသာမှု ဆိုရင် ဘယ်လို စိတ်ချမ်းသာမှုမှ မမြဲပါဘူး။
+++++++++++++++++++++++++++
စိတ်ချမ်းသာဖို့ လိုရင်းပါ (ဆရာတော်ဦးဇောတိက) စာအုပ်မှ ကောက်နှုတ်ဖော်ပြပါတယ်။
