" အမေ့ထံသို့ပေးစာများ-၃၅..."

သို့

ချစ်တဲ့အမေ

သားစာရေးလိုက်ပါတယ်။

အမေ နေကောင်းလားဟင်။

အသက်တွေ ကြီးလာတော့ ခန္ဓာဝန်ဟာ ဝန်ထုတ်ဝန်ပိုးဖြစ်မှန်းမသိ

ဖြစ်လာတယ်ဆိုတာကို သိလာတယ်။

သိပေမယ့် ခန္ဓာဝန်ကို မထမ်းချင်လို့ မရဘူးလေ။

သက်တမ်းရှိသရွေ့ ထမ်းနေရအုန်းမှာပဲ။

အမေကို ကိုယ်ချင်းစာ မိပါတယ်။

အမေရိကန်မှာက ခန္ဓာဝန်က ပိုလေးပင်တယ်။

အလုပ်မရှိတော့ စိတ်ပိုပင်ပန်းရပါတယ်။

အလုပ်ရှိလာတော့ လူပိုပင်ပန်းပါတယ်။

ပင်ပန်းတဲ့အကြောင်းကိုမပြောချင်ဘူး။

ပြောနေရုံမျှနဲ့သက်သာသွားတာလဲမဟုတ်ဘူး။

အမေသိသွားလို့ သားဆိုတဲ့စိတ်နဲ့စိတ်မပင်ပန်းစေချင်ဘူး။

ကောင်းတာတွေပြောတာကမှ ကောင်းတဲ့စိတ်တွေ ဖြစ်ပေါ်လာဦးမယ်။

ကျနော်တို့ အင်ဒီယားနားကို ရောက်ပြီးနောက်တစ်နေ့မှာပဲ လင်မယားနှစ်ယောက်စလုံး

စားသောက်ဆိုင်တစ်ခုမှာ အလုပ်ရတယ်။

တရုတ်စားသောက်ဆိုင်မှာပါ။ ပိုင်ရှင်က တရုတ်မဟုတ်ပါဘူး။

တောင်ကြီးက ရှမ်းအမျိုးသားတစ်ယောက်ပါ။

အသက်ကတော့ ကျနော်ထက် ငယ်ပါတယ်။

အမေရိကန်ကိုရောက်နေတာ နှစ်နှစ်ဆယ်ကျော်နေပြီ။

တရုတ်ဆိုင် သုံးဆိုင်ပိုင်တယ်။

တစ်ချိန်တုန်းကတော့ နိုင်ငံခြား သင်္ဘောသားပါ။

ကြီးပွားတိုးတက်ချင်သူ ဆိုတော့ အမေရိကန်နိုင်ငံသားဖြစ်လာတယ်။

ရိုးရိုးသားသား ကြိုးစားပြီးအလုပ်လုပ်လာတော့ ဝန်ထမ်းဘဝကနေ ဆိုင်ပိုင်ရှင်ကြီး ဖြစ်လာတယ်။

ကျနော်တို့ ဆိုင်အလုပ်ဆင်းတဲ့နေ့မှာပြောတဲ့စကားက

"လောစရာ မလိုဘူး။ ဖြေးဖြေးအေးအေးသာ လုပ်ပါ။

အရေးကြီးတာက မီးဖိုချောင်မှာ လုပ်ရတယ်ဆိုတော့ ချောမလဲဖို့ ဂရုစိုက်ပါ။

နောက် ဒါးတွေနဲ့လှီးဖြတ်ရတော့ လက်ကို ဒါးမထိဖို့ ဂရုစိုက်ပါ။

နောက်တစ်ခုက အပူမလောင်ဖို့ ဂရုစိုက်ပါ။

လက်နေကျမဟုတ်တော့ ပထမ နှစ်ပတ်မှာ ကိုယ်လက်တွေ နာနိုင်တယ်။

နောက်ပိုင်းမှာ အားလုံး အစဉ်ပြေသွားလိမ့်မယ်" တဲ့။

ကျနော့်အမျိုးသမီးကတော့ Customers (စားသုံးသူတွေ)နဲ့အလုပ်လုပ်သူဆိုတော့

စားသုံးသူတွေနဲ့စကားပြောတာတို့၊ ကွန်ပျူတာနဲ့ငွေစာရင်းတို့ကိုတော့

ဝန်ထမ်းဟောင်းတွေက သင်ပေးတယ်။

ဝန်ထမ်းတွေက ရှေ့ဆိုက်မှာ သုံးယောက်။

အမျိုးသမီးက နှစ်ယောက် နဲ့ အဖိုးကြီး(၆၄-နှစ်)ကတစ်ယောက်။

နောက်ဆိုက်မှာ သုံးယောက်။

နောက်ဆိုက်က အမျိုးသားချည်း သုံးယောက်။

ရှေ့ဆိုက်က အရောင်းကို အဓိကထားတဲ့ဆိုက်။

နောက်ဆိုက်ကတော့ ရှေ့ဆိုက်က လိုအပ်ချက်ကို ဖြည့်ပေးရတဲ့ စားဖိုးမှူးတွေ။

ရောင်းအားကောင်းတာနဲ့အမျှ ဝန်ထမ်းတွေ အားလုံးအလုပ်များလှပါတယ်။

တစ်ပတ်လောက် သင်ကြားပေးပြီးနောက်ပိုင်းမှာ

စားဖိုးမှူးအလုပ်ကို ကိုယ်တိုင်လုပ်ကိုင်ရပါတော့တယ်။

အလုပ်ရဲ့လိုအပ်ချက်အရ အချိန်တိုတိုအတွင်းမှာပင် လိုအပ်တာတွေ သင်ယူပြီး

လက်တွေ့လုပ်ကိုင်ရပါတော့တယ်။

အမေရိကန်မှာတော့ သင်ကြားမှုပုံစံ နှစ်မျိုးတွေ့ရပါတယ်။

တစ်မျိုးက ငွေပေးပြီး တက္ကသိုလ်၊ကောလိပ်မှာ သင်ကြားတဲ့ပုံစံ။

တိကျတဲ့အချိန်သတ်မှတ်ချက် ရှိတယ်။

Certificate ရတယ်။

Certificate ရထားတော့ အလုပ်က ပိုပေါတယ်။

အလုပ်ရရင်လည်း ငွေပိုရတယ်။

အမေရိကန်မှာ Certificate ရမှ ဝင်ငွေကောင်းတဲ့အလုပ်ကို ရနိုင်တယ်။

နောက်တစ်မျိုးက အလုပ်ခွင်မှာ သင်ကြားတဲ့ပုံစံ။

တိကျတဲ့အချိန် သတ်မှတ်ချက် မရှိဘူး။

အလုပ်ရဲ့လိုအပ်ချက်ပေါ်မူတည်ပြီး မြန်မြန်သင်ကြားပေးတယ်။

ပြီးရင် လုပ်ပေတော့။

ငွေတော့ ရပါရဲ့။ ပိုပင်ပန်းတယ်။

သင်ကြားမှုက ပိုမြန်တယ်။ Certificate မရဘူး။

Certificate မရတော့ နောက်အလုပ်ကို ရှာဖို့ခက်ပြန်တယ်။

ဒါကြောင့် အချို့က အလုပ်လုပ်ရင်းနဲ့ ကျောင်းတွေတက်တာတွေ့ရတယ်။

ဒီလိုလုပ်ချင်ပေမယ့် လောလောဆယ်တော့ မလုပ်နိုင်သေးဘူး။

အလုပ်လုပ်ရင်း ငွေစုရဦးမယ်။

ဘာဘဲဖြစ်ဖြစ် လောလောဆယ်တော့ အိုးကြီးချက် စားဖိုးမှူးတော့ ဖြစ်နေပြီးအမေရေ…။

မြန်မာပြည်မှာ လက်ကြောမတင်းခဲ့လေသမျှ ဒီမှာတော့ လက်ကြောတင်မဟုတ်ဘူး။

ခြေကြောရော၊ ခါးကြောရော၊ တစ်ကိုယ်လုံးကို တင်းပါလေရော။

ကောင်းတာတစ်ချက်က အားကစားရုံသွားစရာ မလိုပဲ

လေ့ကျင့်ခန်းတွေ အစုံလုပ်ခွင့်ရတာပါပဲ။

အမေရိကန်ရောက် အတွေ့အကြုံကတော့ အများကြီးပါပဲ။

ပြောလို့ကုန်နိုင်ဖွယ် မရှိပါဘူး။

ဒါနဲ့ပြောရဦးမယ်။

ခန္ဓာဝန်ကိုပေါ့ပါးစေတာကတော့ တရားပါပဲ။

တရားအလုပ်ကို အချိန်များများပေးပြီး လုပ်ပါ အမေရယ်။

အမေက သားပြောတာထက် ပိုပြီးလုပ်နေမယ်လို့ ယုံကြည်ပါတယ်။

အမေ ကိုယ် စိတ် နှစ်ဖြာကျန်းမာ ရွှင်လန်းပါစေ။

ချစ်တဲ့သား

အောင်ဝင်းဟိန်း

ကလပ်ဗေးလ်မြို့(Clarksville)

အင်ဒီယားနားပြည်နယ် (Indiana)

အမေရိကန်ပြည်ထောင်စု (USA)

၃-၂၂-၂၀၁၂