" သဘောထား၊ မှတ်ချက်..."

တစ်ခါတုန်းက
အမေရိကန်နိုင်ငံမှာ နီဂရိုးမိသားစုတစ်စုရှိခဲ့ပါတယ်။
အမေဖြစ်တဲ့နီဂရိုးမကြီးမှာ သားနှစ်ယောက်ရှိပါတယ်။
သားတွေဟာ အဖေမရှိပါဘူး။
(အမေရိကန်မှာ အဖေမရှိဘဲမွေးတဲ့ကလေးတွေအမြောက်အများရှိပါတယ်။)
နီဂရိုးမကြီးတို့မိသားစုဟာ ဆင်းရဲလွန်းတာကြောင့်
နီဂရိုးမကြီးဟာ သူများအိမ်တွေမှာ အဝတ်လျှော်တဲ့အလုပ်ကို
တစ်နေကုန်အောင်လုပ်ရပါတယ်။
အမေက မိုးလင်းက မိုးချုပ်အလုပ်လုပ်ရတော့
သားတွေဟာ ဖြစ်ချင်တိုင်းဖြစ်နေတော့တာပေါ့။
အမေမသိအောင်
ကျောင်းပြေးတယ်။
ဆေးလိပ်သောက်တယ်။
မူးယစ်ဆေးဝါးဆိုလည်း လုပ်ဖြစ်တယ်။
အရက်သောက်တယ်။
ရန်ဖြစ်တယ်။
မိဘရဲ့ဆိုဆုံးမမှုမခံရတဲ့ ကလေးတွေရဲ့သဘာဝအတိုင်း
ဆိုးပေတဲ့လူဆိုးလေးတွေ ဖြစ်မှန်းမသိဖြစ်နေကြတယ်။

အမေ နီဂရိုးမကြီးက အိမ်တကာလည်ပြီးအဝတ်လျှော်တော့
သတိထားမိတာတစ်ခုရှိတယ်။
သူတို့မှာတော့ ဆင်းရဲလိုက်တာ၊
ဒါပေမယ့် အဝတ်လျှော်ရတဲ့အိမ်တွေကတော့ အချို့ဆိုရင်
အရမ်းချမ်းသာတာကိုတွေ့ရတယ်။
ဘာကြောင့်ချမ်းသာတာလည်းပေါ့။
စဉ်းစားတယ်။
သတိထားပြီးလေ့လာကြည့်မိတယ်။
" သူတို့အိမ်မှာ ရှိတဲ့အရာတွေ အားလုံးလိုလို ငါ့အိမ်လည်းရှိတာပဲ။
ဒါပေမယ့် တစ်ခုသတိထားမိတာက
ချမ်းသာတဲ့အိမ်တိုင်းလိုလိုမှာ စာအုပ်တွေအများကြီးရှိတယ်။
အဲဒါတော့ ငါ့အိမ်မှာ မရှိဘူး။
စာအုပ်တွေဟာ ချမ်းသာခြင်း၊ ဆင်းရဲခြင်းခွဲခြားဖြစ်စေတဲ့အကြောင်းလား၊
ဟုတ်နိုင်တယ်"
လို့သူမတွေးမိတယ်။
ဒါနဲ့အိမ်ရောက်တာနဲ့သားတွေကို ခေါ်လိုက်တယ်။
"သားတို့၊ ချမ်းသာတဲ့အကြောင်းပြောမလို့၊
အမေ့စကားကိုနားထောင်မလား"
"သားတွေက နားထောင်မယ်"
ဆိုတော့
"လာလိုက်ခဲ့"
ဆိုပြီးသားနှစ်ယောက်ကိုစာကြည့်တိုက်ခေါ်သွားတယ်။
စာကြည့်တိုက်ရောက်တော့သားတွေကို စာကြည့်တိုက်ဝန်ထမ်းတွေနဲ့
မိတ်ဆက်ပေးတယ်။
ပြီးတော့ သေသေချာချာမှာတယ်။
"သားတို့နေ့တိုင်း စာကြည့်တိုက်မှာ
အနည်းဆုံးစာအုပ်တစ်အုပ်ဖတ်ရမယ်။
ဖတ်ပြီးတဲ့စာအုပ်ပါအကြောင်းအရာကိုလည်း
စာတစ်မျက်နှာလောက်ရေးပြီး
အမေ့ကိုပေးရမယ်။
ဒါမှ သားတို့ ဘာစာအုပ်တွေဖတ်တယ်ဆိုတာကို အမေကသိမယ်"
လို့မှာတယ်။
ဒါနဲ့ကလေးတွေဟာ အပြင်မှာ အချိန်ဖြုန်းမယ့်အစား
စာကြည့်တိုက်မှာ အချိန်တွေကုန်လာခဲ့တယ်။
အချိန်တွေကြာလာတာနဲ့အမျှ ဖတ်ပြီးတဲ့စာအုပ်တွေလည်း
များသထက်များလာတယ်။
အစပိုင်းမှာတော့ တွေ့သမျှစာအုပ်တွေကို အကုန်ဖတ်တာပေါ့။
နောက်ပိုင်းရောက်လာတော့ ဝါသနာနဲ့နီးစပ်တဲ့စာအုပ်တွေကို ပိုဖတ်ဖြစ်လာတယ်။
စာအဖတ်များတော့ အတန်းထဲမှာလည်း စာတော်သူတွေဖြစ်လာတယ်။
ဒီလိုနဲ့ကြာလာတော့ သားကြီးဟာ ရှေ့နေချုပ်ဖြစ်လာတယ်။
သားငယ်က ဆရာဝန်ကြီးဖြစ်လာခဲ့တယ်။
အမေများနေ့တစ်နေ့မှာ အမေကို တွေ့ဖို့
သားနှစ်ယောက်စလုံး အမေ့အိမ်ကိုပြန်လာကြတယ်။
အမေ့ကို ဖက်တယ်၊နမ်းတယ်။ ကျေးဇူးတင်စကားပြောတယ်။
သားကြီးရှေ့နေချုပ်က
" အမေသာ ကျနော်တို့ကို စာကြည့်တိုက်နဲ့မိတ်ဆက်မပေးရင်
အခုလောက်ဆိုရင် ကျနော်တို့တွေဟာ အရက်သမားလည်းဖြစ်နိုင်တယ်။
မူးယစ်ဆေးဝါးသုံးစွဲသူလည်း ဖြစ်နိုင်တယ်။
ထောင်ကျသူတွေလည်း ဖြစ်နိုင်တယ်။
ဒါတွေမဖြစ်တာဟာ အမေ့ကြောင့်ပါ။
အခုလို အောင်မြင်တဲ့ပညာရှင်တွေဖြစ်အောင်
လုပ်ပေးတဲ့ အမေ့ကိုကျေးဇူးတင်ပါတယ်။
သိချင်တာတစ်ခုတော့မေးပါရစေ။
ကျနော်တို့ကို စာအုပ်တွေအမြောက်အများဖတ်ခိုင်းတယ်။
ဖတ်ပြီးတဲ့စာအုပ်တိုင်းကို သဘောထားမှတ်ချက်တွေရေးခိုင်းတယ်။
အဲဒါတွေနဲ့ပတ်သက်ပြီး အမေ့ရဲ့သဘောထားမှတ်ချက်တစ်ခုမှလည်း
ကျနော်တို့မသိခဲ့ရဘူး။
သိချင်တာက အမေ့ရဲ့သဘောထားမှတ်ချက်ကို
ကျနော်တို့ သိချင်ပါတယ်"

အမေနီဂရိုးမကြီးဟာထိုင်ရာက လေးလေးပင်ပင်ထတယ်။
ပြီးတော့ အခန်းထဲဝင်သွားတယ်။
သေတ္တာလေးတစ်လုံးကိုယူလာတယ်။
အဲဒီသေတ္တာထဲက လက်ကိုင်ပုဝါနဲ့ထုပ်ထားတဲ့အထုပ်လေးနှစ်ခုကိုဆွဲထုပ်တယ်။
သားတွေရေးပေးခဲ့တဲ့စာရွက်တွေဟာ ထွက်လာတယ်။

အမေနီဂရိုးမကြီးပြန်ပြောလိုက်တာက...
" အမေက သဘောထားမှတ်ချက်မပေးတတ်ပါဘူးသားတို့ရယ်။
အမေမှ စာမတတ်တာ"တဲ့။

+++++++++++++++++++++++

ဒါဟာ အမေရိကန်နိုင်ငံမှာ တကယ်ဖြစ်ခဲ့တဲ့ဖြစ်ရပ်တစ်ခုပါ။
စာဖတ်သူနဲ့မဖတ်သူဟာ ကြာလာနဲ့အမျှ
အတွေးအမြင်တွေ၊အသိဥာဏ်တွေ
ကွာချင်တိုင်းကွာခြားသွားတတ်ပါတယ်။

"စာဖတ်သူတိုင်း သန်းကြွယ်သူဌေးမဖြစ်နိုင်ပေမယ့်
သန်းကြွယ်သူဌေးတိုင်းကတော့ စာဖတ်ကြတယ်"
ဆိုတာ ဆိုးရိုးတစ်ခုလိုဖြစ်လာပါပြီ။

စာအုပ်တွေဈေးကြီးတယ်လို့မညည်းလိုက်ပါနဲ့။
စာမဖတ်လိုက်တဲ့အတွက်
ဘဝမှာ တန်ဖိုးကြီးကြီးပေးလိုက်ရတာတွေအများကြီးပါ။
သတိထားမိရင် သိပါလိမ့်မယ်။

ကျနော်တို့မြန်မာနိုင်ငံမှာ
ကျောင်း၊ကန်၊ဇရပ်တွေ ပေါများသလောက်....
စာကြည့်တိုက်တွေ ပေါများလာခဲ့မယ်ဆိုရင်......