တစ်ခါတုန်းက
လေယာဉ်တစ်စီးဟာ စက်ချွတ်ယွင်းသွားတဲ့အတွက်
သဲကန္တာရထဲမှာ ပျက်ကျသွားခဲ့တယ်။
အချို့ကသေတယ်။
အချို့ကမသေဘူး။
မသေတဲ့လူတွေက ဒီအတိုင်းနေလို့မဖြစ်နိုင်မှန်းသိတော့
ထွက်ပေါက်ဖြစ်နိုင်တဲ့လမ်းကို ရှာကြတယ်။
အဆုံးအစမမြင်ရတဲ့သဲကန္တာရမှာ အချို့က လမ်းရှာရင်း
ရေငတ်ပြီးသေကြပြန်တယ်။
လူနည်းနည်းသာကျန်တော့တယ်။
အဲဒီလူစုကလည်း ရေငတ်လွန်းလို့ အသက်ယဲ့ယဲ့သာကျန်တော့တဲ့အချိန်မှာ
လူတွေနေသွားပုံရတဲ့အဆောက်အဦးပျက်ထဲကို ရောက်လာကြတယ်။
ရေငတ်လွန်းလို့ ရေရှာတော့
တစ်နေရာမှာ စာတစ်စောင်နဲ့ ရေခရားတစ်ခုကိုတွေ့ရတယ်။
" ပိုက်ထဲကို ရေးထည့်ချုမှ ရေငင်လို့ရတယ်။
ပြီးတော့ ကရားအိုးထဲ ရေပြန်ဖြည့်ခဲ့ပါ..."
ရေငတ်လွန်းတဲ့အချိန်မှာ ညွှန်းကြားချက်တွေကို လိုက်နာချင်စိတ်မရှိလှပါဘူး။
အချို့ကသောက်မယ်။
အချို့ကမသောက်သင့်ဘူး။
အငြင်းပွားကြတယ်။
ညွှန်းကြားချက်အတိုင်းလိုက်နာသင့်သူနဲ့မသင့်သူကြားအငြင်းပွားစရာဖြစ်နေတယ်။
ရေကရားကတစ်ခုထဲရှိတာ၊
ရေထည့်ပြီး ရေပြန်မထွက်လာရင်
ဘဲနဲ့လုပ်မလဲဆိုတဲ့အတွေးကလည်း လူအချို့မှာရှိနေကြတယ်။
ဒီအချိန်မှာ ခေါင်းဆောင်လုပ်သူရဲ့အဆုံးအဖြတ်ကို နားထောင်ဖို့ပိုက်လော့ကို အားလုံးက လှမ်းကြည့်ကြတယ်။
ပိုက်လော့က ဘာမှမပြောဘဲ ရေခရားထဲက ရေတွေကို
ရေပိုက်ထဲကို လောင်းထည့်လိုက်တယ်။
ရေရဖို့ ရေချူတဲ့သဘောဖြစ်တယ်။
ရေတွေအားလုံးကို လောင်းထည့်ပြီး ရေငင်လိုက်တော့မှ
ရေတွေတလဟောထွက်လာတယ်။
လူတွေအားလုံးဟာ ရေတွေကို
ပျော်ပျော်ရွှင်ရွှင်နဲ့အဝသောက်နိုင်ကြတယ်။
အချို့ကတော့ရေပါချိုးလိုက်သေးတယ်။
ခရီးမဆက်ခင်မှာတော့ နောက်လူတွေအတွက်
ရေကရားအိုးထဲကို အပြည့်ရေဖြည့်လိုက်တဲ့အပြင်
စာပါရေးခဲ့ပါတယ်။
" ပိုက်ထဲကို ရေးထည့်ချူမှ ရေငင်လို့ရပါတယ်။
ပြီးတော့ နောက်လူတွေအတွက် ကရားအိုးထဲ ရေပြန်ဖြည့်ခဲ့ပါ..."
