သို့
အမေ
သားသတိရစွာဖြင့်စာရေးလိုက်ပါတယ်။
အမေနေကောင်းလား
ကျန်းမာရေးကို ဂရုစိုက်ပါလို့ထပ်ခါတလဲလဲမှာပါရစေ။
ကျန်းမာရေးက လာဒ်ကြီးတစ်ပါးလေ။
သားတို့ ကာရိုးလိုင်းနား(မြောက်)ကိုရောက်တာနှစ်လကျော်ပြီ။
ပညာတွေတော့အများကြီးရပေမယ့် အလုပ်မရတော့ ဝင်ငွေက မရဘူးလေ။
ပါလာတဲ့ငွေလည်း လိုအပ်တဲ့နေရာမှာ သုံးစွဲရင်းနဲ့
ပရုတ်လုံးဖြစ်လာပြီ။ လုံးပါးပါးလာပြီ။
သူငယ်ချင်းကတော့ သတိပေးပါတယ်။
အမေရိကားမှာ ဘယ်သူ့ဆီမှာမှ ငွေချေးငှားလို့မရနိုင်ဘူးတဲ့။
ဒါလည်းမှန်တာပါပဲ။
ဘာကြောင့်ဆိုတော့ လူတိုင်းနီးပါး ပိုင်ဆိုင်မှုတွေ
အလျှံပယ်ရှိကြပေမယ့်
အားလုံးနီးပါးကို အကြွေးနဲ့ဝယ်ထားကြတာလေ။
အကြွေးတွေနဲ့ချမ်းသာနေကြတယ်။
အကြွေးဆိုတာကလည်း မဆပ်ဘဲနေလို့မှ မရတာ။
အဲဒီတော့ အမေရိကန်မှာရှိတဲ့လူတိုင်းဟာ
အလုပ်လုပ်၊ ရလာတဲ့ငွေအတော်များများကို အကြွေးဆပ်နဲ့
လုံးလည်ချာလည်ဖြစ်နေကြတာ လူတိုင်းနီးပါးပါပဲ။
ဒီတော့ သူတို့မှာ ငွေပိုမရှိဘူး။
ငွေပိုမရှိတော့ ဘယ်သူ့ကိုမှ ငွေမချေးနိုင်ဘူး။
အကြွေးမဆပ်ဘူးဆိုတာနဲ့ ဘဏ်တွေကလည်း ဘယ်သူ့မျက်နှာမှ
မကြည့်ပါဘူး။
အကြွေးမဆပ်တဲ့ပိုင်ဆိုင်မှုကို လာသိမ်းတော့တာပဲ။
ဒီတော့ အမေရိကန်မှာရှိတဲ့လူတိုင်းနီးပါးက ရုပ်ဝတ္ထုတွေတော့
ချမ်းသာပါရဲ့။
ဒါပေမယ့် အားလုံးနီးပါးက အကြွေးနဲ့ချမ်းသာနေတာ။
လူတိုင်းလိုလို ကိုယ်ပိုင်အိမ်တွေ၊ကိုယ်ပိုင်ကားတွေ၊
အိမ်ထောင်ပရိဘောဂတွေ၊ကွန်ပျူတာတွေ၊
ဖုံးတွေ အို…အားလုံးလိုလို အကြွေးနဲ့ဝယ်လို့ရတယ်။
မောလ်တစ်ခုထဲရောက်တော့ ခွေးတွေကို
အကြွေးနဲ့ရောင်းနေတာတွေ့ရတယ်။
အကြွေးဆိုတော့ ဘဏ်တိုးပေးရတာပေါ့။
ဒါကြောင့်ဘဏ်တွေကလူတွေက ချမ်းသာသထက်ချမ်းသာနေကြတယ်။
အကြွေးပတ်လည်ဝိုင်းရံလျက်ရှိတဲ့လူကို
အမေရိကန်နိုင်ငံသားလို့တောင်ပြောမယ်ဆိုရင်ပြောလို့ရတယ်။
သူငယ်ချင်းက အကူအညီအတော်များများကိုပေးပါတယ်။
အလုပ်ကမရှိ၊ ဝင်ငွေကမရှိတော့ ရေရှည်နေဖို့ခက်လာတယ်လေ။
ပါလာတဲ့ငွေတွေ ကုန်မှဆိုရင် ပိုပြီးဒုက္ခရောက်ဖို့ရှိတာမို့
လင်မယားနှစ်ယောက်တိုင်ပင်ရပြီ။
ကာရိုးလိုင်းနား(မြောက်)က
ဘာလင်တန်မြို့ဟာ တောမြို့လေးတစ်မြို့လိုဖြစ်နေတယ်။
အလုပ်အကိုင်မပေါများဘူးပေါ့။
အမေရိကန်မှာ တောနဲ့မြို့ဘာကွာသလဲလို့မေးရင်
သိပ်ကွာဟချက်မရှိသလိုပါပဲ။
ကားကို တစ်စီးမက အိမ်တိုင်းမှာရှိနေတော့
မကွာဘူးလို့ပြောရင်တောင်ရတယ်။
တောမှာက တစ်ထပ်တိုက်တွေများတယ်။
ကိုယ်ပိုင်အိမ်တွေပေါ့။
လူနေအိမ်ကျဲတယ်။
အိမ်ဈေးတွေပေါတယ်။
ကားလမ်းတွေကျယ်တယ်။
လမ်းလျှောက်တဲ့လူတွေကို မတွေ့ရသလောက်ပါပဲ။
ဘတ်စ်ကားတွေလည်း မတွေ့ရဘူး။
Taxi တွေရှိတယ်လို့ပြောပေမယ့် ၂-လအတွင်းမှာတော့
မတွေ့ရသလောက်ပါပဲ။
တစ်နေရာနဲ့တစ်နေရာကို အဝေးကြီးသွားရတယ်။
အဲမြို့ကတော့ တောနဲ့ပြောင်းပြန်လို့ပြောရမလိုဖြစ်နေတယ်။
မြို့က လူနေအရမ်းစိပ်လာတယ်။
အထပ်ပေါင်းများစွာရှိတဲ့တိုက်အိမ်တွေအများကြီးဖြစ်လာတယ်။
တိုက်အိမ်ဈေးတွေလည်း မြင့်တယ်။
ကားလမ်းတွေကျဉ်းလာတယ်။
လူတွေလမ်းလျှောက်တာပိုတွေ့ရတယ်။
ဘတ်စ်ကားတွေ၊Taxi တွေ၊
မြေအောက်ရထားတွေအများကြီးတွေ့ရတယ်။
ပိုညစ်ပတ်လာသလိုပါပဲ။
နယူးရောက်မြို့ဆိုရင်
ရန်ကုန်မြို့က တရုပ်တန်း၊သံဈေး၊လသာနဲ့တူသလိုလိုပါပဲ။
လူတွေရှုတ်သလောက်ညစ်ပတ်လာတယ်။
အဲ…တိုက်တွေကိုမော့ကြည့်ရင်တော့ ခေါင်းပေါင်းနဲ့သာဆိုရင်
ခေါင်းပေါင်းပြုတ်ကျလောက်အောင်ကို မြင့်လွန်းလှပါတယ်။
အီလုံတက္ကသိုလ် သုံးရက်ပိတ်တော့ သူငယ်ချင်းက
နယူးရောက်မြို့၊ ဝါရှင်တန်မြို့နဲ့ဘော်တီမိုးမြို့တွေကို
လိုက်ပို့ပေးတယ်။
ကားနဲ့သွားတာပါ။ လမ်းပိတ်ဆို့မှုမရှိရင်တော့
ဆယ်နာရီလောက်မောင်းရပါတယ်။
သူငယ်ချင်းက ကားမောင်းကျွမ်းကျင်တယ်။
ကျနော်က ကားမောင်းလိုင်စင်ရကာစဆိုတော့ မြို့ကြီးတွေမှာ
မမောင်းရဲသေးပါဘူး။
သူငယ်ချင်းတို့လင်မယားရယ်၊
ကျနော်တ်ို့လင်မယားရယ်၊စုစုပေါင်း လေးယောက်ပါပဲ။
ကာရိုးလိုင်းနား(မြောက်)၊ ဘာလင်တန်မြို့ ကနေ ဘော်တီမိုးကို
အရင်သွားတယ်။
နေ့လည်တစ်နာရီကျော်ကျော်လောက်မှာ စထွက်တယ်။
ယာဉ်ကြောပိတ်ဆို့မှုတွေကြောင့် ညဆယ့်တစ်နာရီကျော်ကျော်မှ
ဘော်တီမိုးဘုန်းကြီးကျောင်းကိုရောက်တယ်။
ဆရာတော်က လိုလိုလားလားကြိုဆိုပါတယ်။
တာချီလိတ်ကဆရာတော်က စာပေးလိုက်တာကြောင့်
ဆရာတော်နဲ့ရန်ကုန်မှာကတည်းက ကြိုတွေ့ပြီး
ကြိုသိနေတာလည်း ဖြစ်နိုင်ပါတယ်။
ဆရာတော်က ဒီမှာနေရင် သူ့တကာ
လုပ်ငန်းရှင်တွေနဲ့မိတ်ဆက်ပေးမယ်လို့ပြောပေမယ့်
ကယ်လီဖိုးနီးယားကိုသွားဖို့လေယာဉ်လက်မှတ်ဝယ်ပြီးတာမို့
မဖြစ်နိုင်တော့ဘူး။
အလည်လာကြောင်းသာပြောနိုင်ခဲ့တယ်။
ဘော်တီမိုးဘုန်းကြီးကျောင်းမှာ တစ်ညအိပ်ဖြစ်တယ်။
ရောက်တော့ ည၊ ပြန်ထွက်တော့ နံနက်ဆိုတော့ ဘော်တီမိုးကို
ရောက်တယ်ဆိုရုံပါပဲ။
ခရီးပန်းလာပေမယ့် အနာဂတ်ကို လှမ်းတွေးနေတာနဲ့ အဲဒီည
အိပ်မပျော်ပါဘူး။
နယူးရောက်ကိုနောက်မကျချင်တာနဲ့ စောစောထွက်ခဲ့တယ်။
ဝါရှင်တန်စီးတီးကိုတော့ အပြန်ကျမှ ဝင်ဖို့စီစဉ်ထားတယ်။
တကယ်တန်းကျတော့ အပြန်မှာ အချိန်မရှိတာကြောင့်
မဝင်ဖြစ်ခဲ့ပြန်ပါဘူး။
လှမ်းမျှော်ကြည့်လိုက်ရတယ်ဆိုရုံပါပဲ။
ဖြတ်သန်းသွားလာတယ်ဆိုရုံလောက်သာ အခွင့်အရေးရခဲ့တယ်။
တကယ်တန်းရောက်ပြီးလည်ပတ်ခွင့်အရဆုံးမြို့ကတော့
နယူးရောက်မြို့ပါပဲ။
ညနေဖက်ကို နယူးရောက်ကိုရောက်တော့ တရုပ်တန်းဖက်ကိုလည်ဖြစ်တယ်။
ညနေစာကို တရုပ်တန်းမှာ စားဖြစ်တယ်။ စားလို့ကောင်းလှပါတယ်။
ပြီးတော့ ဘုန်းကြီးကျောင်းတွင် တည်းခိုပါတယ်။
သူငယ်ချင်းရဲ့ဆရာတော်က
သူငယ်ချင်းနဲ့တစ်ရွာတည်းသားများဖြစ်နေတယ်။
ပြီးတော့ တာချီလိတ်ဆရာတော်နဲ့လည်း ဆရာတပည့်ဖြစ်တာကြောင့်
တည်းခိုရတာအလွန်အစဉ်ပြေလှပါတယ်။
ဆရာတော်အတွက်စာနဲ့ဓာတ်ပုံများပေးတော့
ဆရာတော်ကလည်း အမေရိကန်ရဲ့အကြောင်းကို
အတွေ့အကြုံပေါ်မူတည်ပြီးအသေးစိတ်ပြောပြပါတယ်။
တကယ့်ကို ကိုယ့်အားကိုယ့်ကိုးရတဲ့နိုင်ငံဖြစ်ကြောင်း၊
ဝင်ငွေရအောင် အလုပ်မရွေးလုပ်ရမှာဖြစ်ကြောင်း၊
ဘယ်သူ့ကိုမှ အားကိုးလို့မရနိုင်ကြောင်း၊
ဘုန်းကြီးတောင် ရပ်တည်ဖို့မလွယ်တဲ့နိုင်ငံဖြစ်ကြောင်း
စသဖြင့် အကြောင်းအရာများစွာကို ဟောပြောပါတယ်။
နောက်တစ်နေ့တွင်တော့
အမေရိကန်ရဲ့ရုပ်တုကြီးဆီကိုသွားဖို့စီစဉ်ပေးပါတယ်။
တစ်နေကုန်ပါတယ်။
နံနက်စောစော ကျောင်းကထွက်လာပြီးမြေအောက်ရထားစီးပါတယ်။
ပထမဆုံးအကြိမ်မြေအောက်ရထားစီးဖူးခြင်းဖြစ်ပါတယ်။
ရထားက အလွန်မြန်လှပါတယ်။
တစ်ဘူတာနဲ့တစ်ဘူတာ ခဏသာကြာတယ်။
မြေအောက်ထဲဝင်ဖို့တော့ ဒေါ်လာ ၂.၅၀ (2.50$) ပေးရတယ်။
ကြိုက်သလောက်စီးနိုင်တယ်။
ဘူတာမှ မထွက်မချင်းအစုန်အဆန်စီးနိုင်တယ်။
မြေပေါ်ပြန်တက်ပြီးရင်တော့ ဒေါ်လာ ၂.၅၀ ကိစ္စပြီးပြီ။
ရုပ်တုဆီမသွားရင်တော့အစုန်၊အဆန်စီးဖို့စိတ်ကူးလိုက်ပါသေးတယ်။
ရုပ်တုဆီသွားစရာရှိတဲ့အတွက် မစီးဖြစ်တော့ပါ။
ရုပ်တုဆီသွားဖို့တန်းစီရတာကိုက သုံးနာရီကျော်ကျော်ကြာတယ်။
စစ်ဆေးမှုကိုလည်း အသေအချာလုပ်ပါတယ်။
လုံခြုံရေးတင်းကြပ်တဲ့သဘောဖြစ်တယ်။
နှစ်ထပ်သဘောင်္စီးရတယ်။ ရုပ်တုရှိရာရေလယ်ကိုသွားပြီးလည်ပတ်တယ်။
မရောက်ဖူးတဲ့နေရာမို့ပျော်စရာတော့ကောင်းပါတယ်။
ညနေရောက်မှပြန်ဖြစ်တယ်။
ဟိုတုန်းက အမေရိကန်နိုင်ငံလာတဲ့အခါ လူဝင်မှုကြီးကြပ်ရေး (Immigration)
အဆောက်အဦးဟောင်းဆီကိုလည်းအပြန်မှာလည်ပတ်ဖြစ်ပါတယ်။
နောက် ပန်းခြံတစ်ခုဆီကိုလည်ဖြစ်တယ်။
ပြီးတော့
9/11အမှတ်တရအဆောက်အဦးဟောင်းကိုလည်းဝင်ကြည့်ဖြစ်သေးတယ်။
လူပေါင်းသုံးထောင်နီးပါးသေဆုံးခဲ့တဲ့အကြမ်းဖက်မှုအတွက်
တကယ့်ကိုကြေကွဲစရာအတိတ်ဖြစ်ရပ်ကိုပြန်သတိရဖွယ်အမှတ်တရဖြစ်စေပါတယ်။
မကောင်းမှုဟာ မကောင်းတဲ့အကျိုးသာဖြစ်ပေါ်လာစမြဲပါပဲ။
စာလည်းရှည်သွားပြီ။
နောက်မှထပ်ရေးလိုက်ပါအုန်းမယ်။
ဒီနေ့တော့ ဒီလောက်ပါပဲအမေရယ်။
အမေကျန်းမာရေးကိုဂရုစိုက်ပါနော်။
အမေ့ကိုချစ်တဲ့
သား အောင်ဝင်းဟိန်း
ဘာလင်တန်မြို့၊
မြောက်ကာရိုးလိုင်းနားပြည်နယ်၊
အမေရိကန်ပြည်ထောင်စု။
၈-၂၇-၂၀၁၁
