စိတ်ချမ်းသာနေတဲ့သူမှာလည်း
အခက်အခဲတွေ ရှိပါတယ်။
ဒါပေမယ့် သူတို့က
အခက်အခဲတွေကို တွေးပြီး စိတ်ညစ်မနေကြဘူး။
အခက်အခဲမရှိလို့
စိတ်ချမ်းသာနေတာ မဟုတ်ဘူး။
++++++++++++++++++++++++++++++++++++
စိတ်ချမ်းသာဖို့
အကြောင်းပြချက်ကို မရှာဘူး။
စိတ်ချမ်းသာနေပြီးမှ
ပိုပြီး စိတ်ချမ်းသာမယ့် အလုပ်တွေကို လုပ်မယ်။
ဘာရမှ ဘာလုပ်မှ
ဆိုတဲ့ အကြောင်းပြချက်တွေ မလိုဘူး။
အကြောင်းပြချက်တွေက
စိတ်ကို အကြပ်ကိုင်တယ်။ သက်သာခွင့်မပေးဘူး။
++++++++++++++++++++++++++++++++++++
စိတ်ချမ်းချမ်းသာသာနဲ့
အဖြေရှာလို့ မရတဲ့ကိစ္စကို
စိတ်ဆင်းရဲခံပြီး
အဖြေရှာလို့ ရမှာ မဟုတ်ဘူး။
အခက်အခဲတွေ၊ ပြဿနာတွေ
ရှိနေလည်း စိတ်ချမ်းသာအောင်ပဲ နေမယ်။
အတတ်နိုင်ဆုံး
ပစ္စုပ္ပန်မှာ စိတ်ကိုထားမယ်။
ကိုယ့်စိတ်ကို
ကိုယ်သိနေမယ်။
++++++++++++++++++++++++++++++++++++
အရေးအကြီးဆုံးအချက်က
စိတ်ချမ်းသာအောင် နေမယ်ဆိုတဲ့ ဆုံးဖြတ်ချက်ပဲ။
စိတ်ချမ်းသာအောင်
အသေအလဲ မကြိုးစားဘူး။
အသေအလဲ ကြိုးစားရင်
စိတ်ချမ်းသာမှာ မဟုတ်တော့ဘူး။
စိတ်ချမ်းသာအောင်နေမယ်လို့
ဆုံးဖြတ်တာဟာ ကိုယ့်စိတ်ချမ်းသာမှုကို
ကိုယ်တာဝန်ယူလိုက်တာပါပဲ။
ကိုယ့်စိတ်ချမ်းသာမှုအတွက်
ဘယ်သူ့မှာမှ တာဝန် မရှိဘူး။
++++++++++++++++++++++++++++++++++++
အနာဂတ်မှာ ဘာတွေဖြစ်မယ်ဆိုတာ
ဘယ်သူမှ တိတိကျကျ မသိနိုင်ပါဘူး။
အခု အကောင်းဆုံးကို
လုပ်ပြီး စိတ်ချမ်းသာအောင် နေတာက
အမျော်အမြင် ရှိတဲ့နေနည်း
ဖြစ်ပါတယ်။
စိတ်ချမ်းသာအောင်နေတာက
စိတ်ချမ်းသာအောင် နေနည်းကို ပေးတာပဲ။
စိတ်ချမ်းသာအောင်
တကယ်နေနိုင်ရင် ကျန်တာတွေ ပြည့်စုံပါတယ်။
စိတ်ချမ်းချမ်းသာသာနဲ့ကောင်းတာတွေကို
လုပ်မယ်။
++++++++++++++++++++++++++++++++++++
ပြဿနာရှိတာက ပြဿနာ
မဟုတ်ဘူး။
ပြဿနာရှိတာဟာ စိတ်ဆင်းရဲစရာလို့
ထင်တာကမှ ပြဿနာ။
++++++++++++++++++++++++++++++++++++
အခက်အခဲတွေ
ပြဿနာတွေက အမြဲရှိနေမယ်။
အဲဒီအခက်အခဲတွေကိုကျော်လွှားနိုင်ဖို့
ကိုယ့်အရည်အချင်းတွေကို သုံးရတယ်။
အခက်အခဲတွေကို
ကျော်လွှားနိုင်ဖို့ နည်းလမ်းရှာရတယ်။
အဲဒီလိုနဲ့ပဲ ကိုယ့်အရည်အချင်းတွေ
မြင့်လာတယ်။
အဲဒါဟာ ဘဝရဲ့သဘာဝပဲ။
စိတ်ပျက်စရာ စိတ်ညစ်စရာ
မဟုတ်ဘူး။
++++++++++++++++++++++++++++++++++++
ဓားဆိုတာ
ကျောက်ပြားပေါ်မှာ သွေးနေမှ ထက်တယ်။
အခက်အခဲကို
ရင်ဆိုင် ဖြေရှင်းနေမှ အရည်အချင်း ဥာဏ်ပညာ စိတ်ဓာတ် ရင့်ကျက်လာတယ်။
အရည်အချင်း
ဥာဏ်ပညာ စိတ်ဓာတ် ရင့်ကျက်လာမှာ စိတ်လည်း
တည်ငြိမ်ခိုင်ခန့်လာတယ်။
စိတ်မှာအားရှိလာတယ်။
စိတ်မှာ
အားရှိဖို့ သိပ်အရေးကြီးပါတယ်။
စိတ်မှာအားရှိတဲ့သူဟာ
စိတ်ဓာတ်မကျဘူး။
++++++++++++++++++++++++++++++++++++
အရည်အချင်းမရှိတဲ့သူဟာ
မကြာမကြာ စိတ်ဓာတ်ကျတတ်တယ်။
စိတ်ဓာတ်ကျတာလောက်
စိတ်ပင်ပန်းတာ မရှိတော့ဘူး။
စိတ်ဓာတ်ကျနေတဲ့သူအတွက်
လောကကြီးဟာ မလှတော့ဘူး။
ပျော်စရာ မကောင်းတော့ဘူး။
အဓိပ္ပာယ် မရှိတော့ဘူး။
++++++++++++++++++++++++++++++++++++
ကိုယ့်ဘဝမှာ ဘာအခက်အခဲ
ဘာပြဿနာမှ မရှိရင် ကောင်းမှာပဲလို့
မျှော်လင့်နေရင်
ဘယ်တော့မှ စိတ်ချမ်းသာမှာ မဟုတ်တော့ဘူး။
အရေးကြီးတာက
ပြဿနာ မရှိဖို့ မဟုတ်ဘူး။
ပြဿနာကို
အကောင်းဆုံးနည်းနဲ့ ဖြေရှင်းဖို့ပါ။
++++++++++++++++++++++++++++++++++++
ပြဿနာတစ်ခုအတွက်
အဖြေမရှာခင်မှာ ပထမလိုအပ်ချက်က
ကိုယ့်စိတ်ကို
ချမ်းသာအောင် အရင်ထားဖို့ပါ။
ချမ်းသာနေတဲ့စိတ်နဲ့
အဖြေရှာရင် အကောင်းဆုံးအဖြေကို ရမယ်။
++++++++++++++++++++++++++++++++++++
အောင်မြင်မှုဆိုတာ
အခက်အခဲကိုကျော်လွှားပြီးမှ ရပါတယ်။
ဒါကြောင့်အောင်မြင်မှုရဖို့
အခက်အခဲရှိမှ ဖြစ်မယ်။
အခက်အခဲကို ရှောင်နေရင်
အောင်မြင်မှုကို မရနိုင်ဘူး။
++++++++++++++++++++++++++++++++++++
ခက်တာကို လုပ်ရတဲ့အခါ
စိတ်ညစ်ရင် ငြီးငြူရင် အဲဒီအခက်အခဲကို မကျော်လွှားနိုင်ဘူး။
ဘာဖြစ်လို့လဲဆိုတော့
ငြီးငြူတာဟာ မတတ်နိုင်ဘူးလို့ ပြောတာနဲ့ အတူတူပဲ။
ကိုယ့်စိတ်ကို
ကိုယ်က မတတ်နိုင်ဘူးလို့ ပြောနေရင် ကိုယ့်စိတ်က ဖြစ်အောင် လုပ်မပေးဘူး။
ဖြစ်အောင်လုပ်ပေးနိုင်တာ
ကိုယ့်စိတ်ပဲ။
ငြီးငြူနေရင် ကိုယ့်စိတ်က
လုပ်မပေးတော့ဘူး။
ငြီးငြူတာဟာ ဖြစ်အောင်မလုပ်နဲ့လို့ပြောတာနဲ့
အတူတူပဲ။
ဒါဟာ စိတ်ပညာပဲ။
ဒီအချက်ကို မသိလို့
မအောင်မြင်ကြတာ များပါတယ်။
++++++++++++++++++++++++++++++++++++
ကြောက်တာဟာလည်း
ဖြစ်မယ်လို့ မယုံကြည်လို့ပါ။
ဒါကြောင့် ကြောက်နေရင်
မဖြစ်ဖို့ များတယ်။
ဖြစ်မယ်လို့ မယုံကြည်တာဟာ
ကိုယ့်အရည်အချင်းကို ကိုယ်မယုံကြည်တာနဲ့ အတူတူပဲ။
လေ့လာနေတဲ့သူ
လုပ်နေတဲ့သူဟာ အရည်အချင်း တိုးတက်နေတယ်။
အရည်အချင်း
တိုးတက်နေရင် ယုံကြည်မှု တိုးတက်နေတယ်။
++++++++++++++++++++++++++++++++++++
အရေးပါတဲ့ကိစ္စ
မှန်သမျှဟာ ရုန်းကန်မှုတွေ၊ ဆုံးရှုံးမှုတွေကို ကျော်လွှားပြီးမှ ရတယ်။
ဆုံးရှုံးမှုနဲ့တွေ့ရင်
ကိုယ့်ကိုယ်ကိုကိုယ် ယုံကြည်မှု ကျတတ်တယ်။
အဲဒီအချိန်ဟာ အရေးကြီးတဲ့အချိန်ပဲ။
ဒီအချိန်မှာ စိတဓာတ်မကျအောင်
ကိုယ့်စိတ်ကို ကိုယ် ထားနိုင်ရင် အောင်မြင်မယ်။
++++++++++++++++++++++++++++++++++++
ရုန်းကန်မှုတိုင်း၊
ဆုံးရှုံးမှုတိုင်းဟာ ကိုယ့်ရဲ့အရည်အချင်း၊ ကိုယ့်ရဲ့အင်အား၊
ကိုယ့်ရဲ့သတ္တိ၊
ကိုယ့်ခံနိုင်ရည်၊ ကိုယ့်ကိုကိုယ်ကိုယ် ယုံကြည်မှုတို့ကို အားကောင်းစေတယ်။
အခက်အခဲနဲ့တွေ့ရင်
ရှေ့တိုးပါ။
ဆုံးရှုံးမှုနဲ့တွေ့ရင်
ရှေ့တိုးပါ။
လဲကျရင်
ပြန်ထပါ။
ပြန်ထနိုင်သေးသရွေ့
ပွဲမပြီးသေးဘူး။
++++++++++++++++++++++++++++++++++++
စိတ်ချမ်းသာမှုဟာ
ဘဝနေနည်းပါ (ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။
++++++++++++++++++++++++++++++++++++
ကိုယ်ကိုယ်တိုင် ဖတ်ဖို့-၁၁၀…
