မြန်မာနိုင်ငံက မထွက်ခွာခင်က ကျနော်က ဆရာဝန်၊
အသက်ကြီးမှ ဝက်သက်ပေါက်သလိုပါပဲ။
အခံရခက်လို့လေ။
လူတကာတွေ နိုင်ငံခြားသွားချင်တဲ့ရောဂါထတော့
ကျနော့်မ်ိန်းမလည်း ပါတယ်။
ကျနော်ကံပဲကောင်းတာလား၊
ဒါမှမဟုတ်
ကံပဲဆိုးတာလားမပြောတတ်ပါ။
နိုင်ငံခြားသွားဖို့အကြောင်းတွေပေါ်လာပါတယ်။
သွားရမယ့်နိုင်ငံက အမေရိကန်နိုင်ငံ။
ကျနော်က မသွားချင်ပါ။
အင်္ဂလိပ်စကားပြော မကျွမ်းကျင်တာလည်းပါတယ်။
အသက်အရွယ်ကြောင့်လည်းပါမယ်ထင်ပါတယ်။
အသက်ကြီးတော့ အစစအရာရာကြောက်တတ်လာပါတယ်။
အခွင့်အရေးကရလာပါတယ်။
အဲဒါကြောင့် ကျနော်ရဲ့ချစ်လှစွာတဲ့မိန်းမက
ကျနော်မလိုက်လည်း သူသွားမှာပဲလို့စိန်ခေါ်လာတာကြောင့်
ကျနော်မှာ သူ့ကိုစိတ်မချတာနဲ့
ကြောက်ကြောက်နဲ့အမေရိကန်ကိုရောက်လာခဲ့ပါတယ်။
မရောက်ဖူးတဲ့နေရာကိုရောက်လာတာမို့
အစမှာတော့ ပျော်စရာကောင်းသလိုဖြစ်လိုက်ပါသေးတယ်။
မိန်းမရဲ့အမျိုးအိမ်မှာ ယာယီတည်းခိုတော့
အရင်ဆုံးသင်ခန်းစာကတော့ ထမင်းစားပြီးရင်
ကိုယ့်ပန်းကန်ကိုယ်ဆေးရပါတယ်။
အမေအိမ်မှာနေစဉ်တုန်းက စာကျက်ရတာမို့ ဘာမှမလုပ်ရပါ။
မိန်းမရလာပြန်တော့ ဆေးကုနေတာမို့ ဘာမှ မလုပ်ရပါ။
အမေရိကန်မှာက ကိုယ့်အားကိုယ်ကိုးရတဲ့နိုင်ငံဖြစ်တာမို့
လူတိုင်းကိုယ်စီ အလုပ်ကိုယ်စီရှိကြတယ်။
ဘယ်သူမှမအားကြပါ။
ကိုယ့်အလုပ်ကိုယ်လုပ်ရတယ်ဆိုပြီး
ပထမဆုံးသင်ခန်းစာက ပန်းကန်ဆေး၊
မိန်းမက ကျမဆေးပေးနေကျမို့ ဆေးပေးပါ့မယ်ဆိုလည်း
သူ့အမျိုးတွေက လက်မခံပါ။
မဆေးဖူးတော့ မဆေးတတ်ပါ။
မဆေးတတ်တော့ မစင်ပါ။
မစင်တော့လည်း ပြောပြန်ပါတယ်။
ရေသုံးများတော့လည်း ရေတန်ဖိုးကြီးကြောင်းပညာပေးပြန်ပါတယ်။
နောက်သင်ခန်းစာကတော့ ရေချိုးခန်းဆေးကြောရပါတယ်။
ရေချိုးပြီးတိုင်းရေချိုးအတွင်း၊အပြင်ကို ဆေးကြောသန့်စင်ရပါတယ်။
ပြီးတော့ အဝတ်ခြောက်တစ်ခုနဲ့သေသေချာချာသုတ်ရပါတယ်။
နောက်သင်ခန်းစာကတော့
ဘေစင်လို့ခေါ်တဲ့မျက်နှာသစ်တဲ့အခါအသုံးပြုတဲ့နေရာကို ဆေးကြောရပါတယ်။
အသုံးပြုပြီးတိုင်း သေသေချာချာ ဆေးကြောပြီး
အဝတ်ခြောက်နဲ့သေသေချာချာသုတ်ရပါတယ်။
နောက်တစ်ခုကတော့ အဝတ်လျှော်ရပါတယ်။
မိန်းမက
မြန်မာပြည်မှာတော့ သူကိုယ်တိုင်လုပ်ပေးနေတာမို့သူလုပ်တာက
ပိုကောင်းကြောင်းပြောပေမယ့် သူ့အမျိုးတွေက လက်မခံကြပါ။
ကျနော့်ကိုပုံစံသွင်းပါတယ်။
ကျနော်မတတ်နိုင်ပါ။
အဲဒီပုံစံအတိုင်းနေရပါတယ်။
မိန်းမစိတ်ဆင်းရဲမှာစိုးတာကြောင့် မလုပ်ဖူးပေမယ့်လုပ်ရပါတယ်။
ဒါကြောင့် ကျနော်ဟာ အမေရိကန်မှာ အဆေးအကြောတွေကို
အဓိကလုပ်နေရမို့ဆေးကျောင်းတက်နေတယ်လို့ခံစားမိပါကြောင်း၊
တင်ပြအပ်ပါတယ်။
++++++++++++++++++++++++++++++++
ကျနော်တို့ညီအကိုမောင်နှမတစ်တွေ အရွယ်ရောက်လာတဲ့အခါ
တစ်နေ့မှာတော့ အမေက ထမင်းဝိုင်းမှာ လူစုံတုန်း
ညီအကို မောင်နှမတွေအားလုံးကို
အမေက စကားပြောပါတယ်။
" အိမ်ထောင်ပြုတယ်ဆိုတာက တစ်အိုးတစ်အိမ်ထူထောင်တာမို့
ကိုယ့်အားကိုယ်ကိုးနိုင်မှ ယူပါ။
တစ်ယောက်ယောက်ကို မိဘထက် ပိုပြီးချစ်လို့
အိမ်ထောင်ပြုလိုက်တာလို့နားလည်ပါတယ်။
သားတို့၊သမီးတို့ရဲ့အိမ်ထောင်ရေးကို ကိုယ့်စိတ်တိုင်းကျ ရွေးချယ်နိုင်တယ်။ ဘယ်သူပဲ အိမ်ထောင်ပြုပြု
အိမ်ထောင်ပြုပြီးတာနဲ့ အမေ့အိမ်က ထွက်သွားရလိမ့်မယ်လို့ ကြိုတင်ပြောထားလိုက်တယ်။
အိမ်ထောင်ပြုပြီးဆိုတာနဲ့ မိဘအိမ်မှာရယ်လို့မဟုတ်ပါဘူး။
ဘယ်အမျိုးအိမ်မှာမှ မနေပဲ
ကိုယ့်အိမ်ထောင်ကို ကိုယ်ပိုင်ပြုစုပျိုးထောင်တာက
အကောင်းဆုံးဖြစ်ပါလိမ့်မယ်လို့ပြောချင်ပါတယ်။
အတူတူပူးပေါင်းပြီးနေရင် အပူဆိုတာမျိုးကလည်း ကူးစက်တတ်တာမို့
သူ့အပူကိုယ့်ဆီ ကူးတတ်သလို ကိုယ့်အပူလည်း သူ့ဆီကို ကူးစက်တတ်ပါတယ်။
အဲဒီတော့ အမုန်းနဲ့လမ်းခွဲရတတ်တယ်"
အမေ့စကားကို နားမထောင်မိတာကြောင့်
ခံစားရတဲ့ဒုက္ခကကြီးမားလွန်းလှပါတယ်။
သားမှားပါတယ်အမေ။
