" အမေ့ထံသို့ပေးစာများ-၂၆..."

သို့

ချစ်တဲ့အမေ

သားသတိရစွာဖြင့်စာရေးလိုက်ပါတယ်။

ပြီးခဲ့တဲ့နှစ်၊ဇူလိုင်လက အမေရေးပေးလိုက်တဲ့စာဟာ

နှစ်ဆန်းတစ်ရက်နေ့ကျမှ အိမ်ရောက်လာတယ်။

လူကြုံနဲ့ပေးလိုက်တယ်ဆိုတော့ လူကြုံကလည်း အလုပ်တွေများနေလို့ လာမပေးအားဘူး။

ကျနော်ကလည်း ခရီးဝေးတာကြောင့် သွားမယူနိုင်ဘူး။

ဒါနဲ့ပဲ ငါးလလောက်ကြာသွားတယ်။

တကယ်လို့ အဲဒီစာကို အီးမေးလ်နဲ့ပို့လိုက်ရင် ငါးစက္ကန့်တောင်မကြာဘူးအမေ။

အမေ့ရဲ့ဓာတ်ပုံကိုလည်း ရရှိတယ်။

အမေတရားထိုင်နေတဲ့ပုံက ကျက်သရေရှိလိုက်တာ။

အမေပုံက သိပ်မပြောင်းလဲပါဘူး။

အမေ့ရဲ့မွေးနေ့ပွဲကို ဘုန်းကြီးကျောင်းမှာ

စည်စည်ကားကားကျင်းပဖြစ်တာကို သိရတော့ ဝမ်းသာမိပါတယ်။

သာဓုလည်းခေါ်ပါတယ်အမေ။

မွေးနေ့ပွဲမှာ အမေ လူရော၊စိတ်ရော ပင်ပန်းသွားတယ်ထင်တယ်။

ဆေးရုံတောင်တက်လိုက်ရတယ်ဆိုတော့ တော်တော်ဖြစ်သွားတာပဲ။

နောက်ဆိုရင် လူကြုံနဲ့စာပို့တာမလုပ်ပဲ အမေ့ရဲ့မြေးတစ်ယောက်ယောက်နဲ့

အီးမေးလ်ရေးပို့လိုက်ပါ။ ကျနော်အချိန်မီသိရတာပေါ့။

အမေနေမကောင်းတော့ ကျနော့်ကို သတိရသလိုပါပဲ

ကျနော်ကလည်းအမေ့ကိုသတိရနေတယ်။

မြန်မာပြည်ကိုလည်းလွမ်းတယ်။

မြန်မာပြည်မှာဆိုရင် ကျနော်က တန်ဖိုးရှိတဲ့လူတစ်ယောက်အဖြစ်နေထိုင်ခွင့်ရခဲ့တယ်။

ဒီမှာတော့ အခုထိ တန်ဖိုးရှိတဲ့လူတစ်ယောက်အဖြစ်နေထိုင်ခွင့်မရသေးဘူးအမေ။

တန်ဖိုးရှိတဲ့ဆရာဝန်ပညာနဲ့အသက်မွေးခွင့်မရဘူး။

သူတို့နိုင်ငံမှာက သတ်မှတ်ထားတဲ့ဥပဒေကရှိနေတယ်။

ဘယ်နိုင်ငံက လာလာ၊ ဘာဘွဲ့ပဲရရ၊

ဒီနိုင်ငံကိုရောက်ရင် သက်ဆိုင်တဲ့ဘာသာရပ်ဆိုင်ရာ စာမေးပွဲကိုပြန်ဖြေရတယ်။

အောင်မြင်ပြီး အသိအမှတ်ပြုအောင်လက်မှတ် (Certificate )ရမှ

အလုပ်လုပ်ခွင့်ရှိတယ်တဲ့။

အဓိက အခက်အခဲကတော့ ငွေကြေးပါပဲ။

ငွေကြေးမရှိပဲနဲ့ ဘယ်ကျောင်းမှတက်လို့မရဘူး။ဘာစာမေးပွဲလည်းဖြေလို့မရဘူး။

ရရာအလုပ်ကိုလုပ်ပြီးစာမေးပွဲဖြေမယ်ဆိုပြန်တော့လည်း အလုပ်ကရှာရခက်လိုက်တာ

မပြောပါနဲ့တော့။

အလုပ်လက်မဲ့ပြဿာနာ အကြီးထွားဆုံးအချိန်ရောက်မှ ကျနော်ကလည်း ဒီရောက်လာမိတယ်။

မုန့်ဝေချိန်မှာ ကိုယ်ကရှိမနေဘူး။

ဒုတ်ဝေချိန်ရောက်မှ ကိုယ်က ရှေ့ဆုံးကိုရောက်နေသလိုဖြစ်နေတယ်။

ပြန်ချင်စိတ်ကတော့ ခဏခဏဖြစ်တာပေါ့အမေရယ်။

လက်ချည်းပြန်လာရင် ကျနော့်အတွက်ဆုံးရှုံးမှုလို့မှတ်ယူပါတယ်။

ငွေကြေးတွေအများကြီးပါလာရမယ်လို့ကျနော်ဆိုလိုတာမဟုတ်ပါဘူး။

ငွေကြေးဆိုတာ သုံးစွဲလိုက်ရင် ကုန်သွားမယ့်အရာပဲ။

အဲဒီငွေကြေးထက် ကျနော် တန်ဖိုးထားတဲ့အရာက ပညာနဲ့အတွေ့အကြုံတွေပဲအမေ။

အဲဒါတွေရလာတော့မှ ပြန်လာပါတော့မယ်။

ကျနော်တို့လင်မယားနှစ်ယောက် အိမ်ပြောင်းပြီးနေကြတယ်။

အိမ်ခန်းလေးက တော်တော်ကောင်းတယ်လို့ဆိုရမယ်။

ခြောက်လအတွင်းမှာ ကိုယ့်ခြေထောက်ပေါ် ကိုယ်ရပ်တည်နိုင်အောင်

ကြိုးစားနိုင်တယ်လို့ပြောရမယ်။

လွတ်လပ်တဲ့အရသာကတော့ ဘာနဲ့မှမတူပါဘူး။

အရိပ်အောက်မှာနေတာ ကြာလာတော့ လောင်းရိပ်မိတယ်။

ရှင်သန်ကြီးထွားခွင့်တွေ ဆုံးရှုံးသလိုခံစားရတယ်။

ဒါကြောင့်ရုန်းထွက်ခဲ့တာပါပဲ။

ဒီမှာ တယ်လီဖုန်းကလည်း မရှိရင် မဖြစ်တဲ့အရာဖြစ်နေတယ်။

ဘာလုပ်လုပ်၊ ဘယ်သွားသွားဖုန်းရှိရင် ပိုပြီးမြန်ဆန်၊အစဉ်ပြေတယ်။

ကျနော့်မိန်းမကို သူ့အလုပ်ရှင်က ဖုန်းအမြန်ဆုံးလုပ်ဖို့တိုက်တွန်းတယ်။

ဒါကြောင့်ဖုန်းလုပ်ရတော့တယ်။

ဒီမှာ နာမည်ကြီးတဲ့ကုမ္ပဏီဖြစ်တဲ့ AT&T မှာဖုန်းသွားလုပ်တယ်။

ဖုန်းနှစ်လုံးရတယ်။လိုင်းနှစ်လိုင်းရတယ်။

နှစ်နှစ်စာချုပ်ချုပ်ရတယ်။

ဒီမှာက ကုမ္ပဏီတွေကများတော့ နှစ်ချုပ်နဲ့ထိန်းထားတဲ့သဘောပါပဲ။

ပေးရတဲ့ငွေက ဒေါ်လာ (၁၁၀)ပဲပေးရတယ်။

တစ်နေ့ထဲနဲ့ရတယ်။ ဘာလျှောက်လွှာမှတင်စရာမလိုဘူး။

ဘယ်သူ့ကိုမှလည်းမျက်နှာချိုသွေးစရာမလိုဘူး။

ဖုန်းတစ်လုံးနဲ့လိုင်းတစ်လိုင်းရဲ့တန်ဖိုးဟာ (၅၅)ဒေါ်လာပဲကျသင့်တဲ့သဘောဖြစ်တယ်။

ဒီမှာအနိမ့်ဆုံးဝန်ထမ်းတစ်ဦးရဲ့တစ်နာရီ လုပ်ခက (၈)ဒေါ်လာရတယ်။

တစ်နေ့ (၈)နာရီရတယ်ဆိုရင် သူ့ရဲ့တစ်နေ့လုပ်ခက (၆၄)ဒေါ်လာဖြစ်နေပြီ။

သဘောက ဖုန်းတစ်လုံးကို

အနိမ့်ဆုံးအလုပ်သမားတစ်ယောက်ရဲ့တစ်နေ့ဝင်ငွေနဲ့ဝယ်လို့ရတဲ့သဘောဖြစ်နေတယ်။

အဲဒီဖုန်းကလည်း အကောင်းစားဖုန်းတစ်လုံးဖြစ်တယ်။

ကျနော်က ဆမ်ဆောင်းဖုန်းကိုကြိုက်တော့ အဲဒီဖုန်းကိုရွေးချယ်တယ်။

ဒီမှာက ကုမ္ပဏီတွေအများကြီးဆိုတော့ အပြိုင်အဆိုင်ဖြစ်နေတယ်။

ကြိုက်ရာဖုန်းကိုရွေးချယ်နိုင်သလို ကြိုက်ရာလိုင်းကိုရွေးချယ်ခွင့်ရှိတယ်။

ဖုန်းလိုင်းတွေကလည်းအရမ်းကောင်းတယ်။

အိပ်ခန်းထဲကပြောပြော၊

အိမ်သာထဲကပြောပြော၊

ကားထဲကပြောပြော၊

တိုးတိုးပဲပြောပြော၊

ကြိုက်သလိုပြောနိုင်တယ်။

အသံကကြည်နေတယ်။

မြန်မာနိုင်ငံကအကျင့်ကပါနေတော့ တိုးတိုးပြောရရင် အားမရပါဘူး။

ဖုန်းလာသံကြားရရင် အဲဒီဖုန်းကိုင်ပြီ အိမ်ရှေ့ကိုထွက်ရတာအလုပ်တစ်ခု။

အဲဒီအကျင့်ကိုပျောက်အောင်အနည်းလုပ်ရဦးမယ်။

မြန်မာပြည်မှာနေတုန်းက ရန်ကုန်မှာ ဖုန်းတစ်လုံးဝယ်ခဲ့ဖူးတယ်။

(၂၅)သိန်းကျော်ပေးရတယ်။

ဒီရောက်မှ စဉ်းစားမိတယ်။ဘာကြောင့်ဒီလောက်ဈေးကွာခြားနေရသလဲ။

ဈေးများများပေးရတော့ လိုင်းကောင်းသလားဆိုတော့လည်း မကောင်းဘူး။

အိမ်ပြင်ထွက်ပြောနေရတယ်။အော်ပြောနေရတယ်။

ဘယ်လက်နဲ့ကိုင်ထားတဲ့ဖုန်းကို ညာလက်ကဖုန်းနဲ့ခေါ်တာကို

“လူကြီးမင်းခေါ်ဆိုတဲ့နံပါတ်ဟာ ဧရိယာပြင်ပရောက်နေပါတယ်”လို့ပြောလားပြောရဲ့။

"ကြားလား၊ကြားလား" အော်နေတာနဲ့ကိုယ်ပြောတဲ့ကိုယ်ရေးကိုယ်တာကိစ္စဟာ ပြောချင်တဲ့လူ

ကြားမကြားမသေချာပေမယ့် အိမ်နီးနားချင်းတွေအားလုံးတော့ မကြားချင်တစ်ဆုံးပါပဲ။

ပြောပြန်ရင်လည်း အောင်ဝင်းလွန်ရာကျလိမ့်မယ်အမေ၊

ဒါကြောင့်မပြောချင်တော့ပါဘူး။

အဖေ့ရဲ့ရှားပါးတဲ့ဓာတ်ပုံကိုပေးလိုက်တဲ့အတွက် ကျေးဇူးတင်ပါတယ်။

အမေ ကျန်းမာရေးကိုဂရုစိုက်နော်။

အမေကျန်းကျန်းမာမာရှိနေဖို့ ကျနော်ဆုတောင်းမေတ္တာပို့သလိုက်ပါတယ်။

အမေ့ကိုချစ်တဲ့သား

အောင်ဝင်းဟိန်း

ဆန်ဟိုဆေးမြို့(San Jose)၊

ကယ်လီဖိုးနီးယားပြည်နယ်(California)၊

အမေရိကန်ပြည်ထောင်စု (USA)၊

၁-၈-၂၀၁၂