သို့
အမေ
သားသတိရစွာဖြင့် စာရေးလိုက်ပါတယ်။
အမေနေကောင်းလား။
တစ်နေ့တုန်းက အမေ နှလုံးရောဂါပြန်ဖြစ်လို့
သုခကမ္ဘာဆေးခန်းကို ပြန်ပြရတယ်လို့
အီးမေးလ်ကဖတ်လိုက်ရတော့ စိတ်ပူလိုက်တာအမေရယ်။
ကျနော် လေးနှစ်ကျော် ငါးနှစ်သားအရွယ်က
အဖေကွယ်လွန်သွားခဲ့တယ်။
အဲဒီကတည်းက အမေဟာ ကျနော့်အတွက် အဖေဖြစ်ခဲ့သလို
အမေဟာ အမေလည်းဖြစ်နေခဲ့ပါတယ်။
အမေရဲ့ပြုစုပျိုးထောင်မှုကြောင့်
ကျနော်တို့ညီအစ်ကိုတွေ ကြီးပြင်းခဲ့ကြတယ်။
လူလူသူသူဖြစ်ခဲ့ကြတယ်။
အဲဒါကြောင့် အမေဟာ ကျနော်တို့အတွက်
အလွန်အရေးကြီးခဲ့ပါတယ်။
ကျနော်တို့အတွက် အားကိုးအားထားရာ
ရွှေတောင်ကြီးဆိုလည်းဟုတ်သလို
ကုသိုလ်ပြုရာ စိန်တောင်ကြီးဆိုလည်း ဟုတ်တယ်။
အမေရဲ့အသက်က ၈၉-နှစ်ရှိပြီဆိုတော့
အသက်ကြီးမှန်းသိပါတယ်။
ဒါပေမယ့် အမေ့ကို အသက်ရှည်စေချင်သေးတယ်။
တရားမရှိလို့မဟုတ်ပါဘူး။
ကျေးဇူးဆပ်ခွင့်ရချင်တယ်။
အဖေကွယ်လွန်တော့ ကျနော်က
အသက်ငါးနှစ်ပဲရှိသေးတော့ အဖေရဲ့ကျေးဇူးကို
သိခွင့်လည်း မရခဲ့ဘူး။
ဆပ်ခွင့်လည်း မရခဲ့ဘူး။
ဟော အခုအမေကျန်းကျန်းမာမာရှိနေသေးတယ်ဆိုတာကိုက
ကျနော်တို့အတွက် ကံကောင်းတယ်လို့ပြောနိုင်တယ်။
ကျနော်တို့ကျွေးတာကို အမေစားနိုင်တယ်။
ကျနော်တို့ပေးတာကို အမေလှူနိုင်တယ်။
မြန်မာပြည်တုန်းက
ဆရာဝန်ဘဝနဲ့အမေကိုလုပ်ကျွေးခွင့်ရတာက
ကုသိုလ်တစ်မျိုးပါအမေ။
သက်သက်သာသာနဲ့အမေကိုကျွေးခွင့်၊ပေးခွင့်ရခဲ့တယ်။
ဟော အခု အမေရိကားကိုရောက်လာတော့ အဲဒီလောက်
သက်သက်သာသာမရှိလှဘူး။
ဆရာဝန်စာမေးပွဲကို ပြန်ဖြေဖို့က
ငွေတွေအများကြီးလိုတယ်။
အချိန်တွေလည်းလိုတာပါပဲ။
ရောက်စဆိုတော့ အဲဒီလို ငွေတွေအများကြီးကို
မသုံးနိုင်ဘူး။
လောလောဆယ်တော့ အချိန်ယူပြီးဆရာဝန်စာမေးပွဲကို
မဖြေနိုင်သေးဘူး။
ရရာအလုပ်ကိုလုပ်နေရတယ်။
ပညာနဲ့လုပ်ဖို့ဆိုတာ Certificate တစ်ခုရမှ
ဖြစ်မှာမို့ လပိုင်းပဲရှိသေးချိန်မှာ
ဘယ်မှာ Certificate ရနိုင်အုန်းမှာလဲ။
အမေကိုလုပ်ကျွေးချင်တာကြောင့်
ရတဲ့အလုပ်ကိုလုပ်ရတာပေါ့။
ပင်ပန်းတာ မပြောပါနဲ့တော့။
မငြီးငြူချင်ပါဘူး။
အမေရိကန်မှာ အလုပ်ရှိတဲ့ဒုက္ခထက်
အလုပ်မရှိတဲ့ဒုက္ခကပိုဆိုးလို့လေ။
အမေ့ကိုလုပ်ကျွေးမယ်ဆိုတဲ့စိတ်နဲ့အလုပ်လုပ်တော့လည်း
ပင်ပန်းတာ ပေါ့ပါးသွားသလိုပါပဲ။
အလုပ်က နေပူတယ်။
နေပူဒဏ်ကြောင့် ဖြူသယောင်ရှိတဲ့အသားအရေတွေလည်း
မည်းကုန်ပြီ။
မပြောတော့ပါဘူး။
အားလုံးကို အမေသိသွားရင်
ကျနော်ကျွေးတဲ့အစားတွေ နင်ကုန်မှာစိုးပါတယ်။
တစ်ခုပြောနိုင်တာက
ကျနော့်အလုပ်က သမ္မာအာဇီဝတော့ကျပါတယ်အမေ။
အခြားအကြောင်းတွေပြောကြရအောင်။
ကျနော် အမေရိကားရောက်တော့ အရင်ဆုံး
ငယ်သူငယ်ချင်းလှမင်းဆီကိုသွားတယ်။
သူက ကာရိုလိုင်းနား (မြောက်)မှာနေတယ်။
ကာရိုလိုင်းနား (မြောက်)က ရာသီဥတုအေးတယ်။
မေမြို့နဲ့တူတယ်။
အအေးကတော့ မေမြို့ထက်ပိုတယ်။
အအေးဒဏ်ကြောင့် သစ်ပင်တွေတောင် အရွက်တွေမရှိဘူး။
အရိုးပြိုင်းပြိုင်းနဲ့။
ဆီးနှင်းတွေအရမ်းကျနေတဲ့အချိန်မဟုတ်သေးဘူး။
ကျနော်တို့ရောက်တာ
ဖေဖေါ်ဝါရီလတတိယပတ်လောက်ဆိုတော့
နှင်းတွေကိုလမ်းမတွေပေါ်မှာ မမြင်ရတော့ဘူး။
ဒါပေမယ့် အေးနေတုန်းပဲ။ အနွေးထည်တွေ
သုံးလေးထပ်ဝတ်ရတုန်းပါပဲ။
တော်သေးတာပေါ့။ သူငယ်ချင်းရဲ့အိမ်မှာ
Heater(အပူပေးစက်) တွေရှိပေလို့ပေါ့။
အိမ်တွေကတော့ အများကြီး၊
အိမ်အပြင်ဘက်တွေမှာ ဘယ်သူမှလည်း
မရှိဘူးလို့ထင်ခဲ့တယ်။
ဘယ်ရှိမလဲ၊ အေးတော့ ဘယ်သူမှ အပြင်မထွက်ကြဘူးလေ။
အပြင်သွားရင်ကားတွေနဲ့သွားတယ်။ ကားမှာလည်း
အပူပေးစက်ရှိတယ်။
အိမ်ရောက်ရင် အိမ်ထဲကိုဝင်၊ အပူပေးစက်ဖွင့်၊
အဲဒီလိုနဲ့တစ်လကျော်ကျော်လောက်နေရတယ်။
နောက်မှ အအေးပေါ့သွားပြီး
နေလို့ထိုင်လို့ကောင်းလာတယ်။
အအေးပေါ့သွားတာနဲ့သစ်ပင်တွေလည်း
စိမ်စိုလန်းဆန်းလာတယ်။
ပန်းတွေလည်း တစ်မျိုးပြီးတစ်မျိုးပွင့်လာတယ်။
အရောင်ကမျိုးစုံပါပဲ။
တကယ်လှပတဲ့မြို့လေးဖြစ်လာတယ်။
အိမ်တိုင်းမှာ ပန်းပင်ရှိတယ်။
အပွင့်တွေကလည်း ရောင်စုံပါပဲ။
အိမ်တွေက စားပင်တွေစိုက်တာနည်းတယ်။
ရောင်စုံလှပတဲ့ပန်းပင်တွေကို အလှကြည့်ဖို့စိုက်ကြတာများတယ်။
အိမ်တိုင်းမှာ ပန်းခြံရှိနေတယ်လို့ပြောရင်ရတယ်။
အမေရိကန်ပြည်သူတွေက အလှကြိုက်တာလည်းပါမယ်ထင်တယ်။
ပြီးတော့ လူတိုင်းကအလုပ်လုပ်ကြတယ်။
ပင်ပင်ပန်းပန်းနဲ့အိမ်ပြန်လာတဲ့အခါ
ပန်းပင်တွေရဲ့ရောင်စုံအလှတွေကြည့်ပြီး
အပန်းပြေတာလည်း ပါမယ်ထင်ပါရဲ့။
သူငယ်ချင်းကတော့ နံနက်ဆိုရင်
၅နာရီခွဲဆိုရင်ထပြီ။
၆-နာရီလောက်ဆိုရင် အလုပ်သွားတယ်။
နေ့လည်၂-နာရီဝန်ကျင်လောက်မှ
နေ့လည်စားပြန်စားတယ်။
နောက်တစ်ခါထပ်သွားရပြန်တယ်။
၅-နာရီလောက်မှပြန်လာပြီး ပန်းခြံထဲဆင်းတော့တာပဲ။
ပန်းပင်တွေကိုရေလောင်းတယ်။
လိုအပ်တဲ့အခါ မြက်တွေကို ရိတ်တယ်။
တစ်ပတ်တစ်ကြိမ်လောက်တော့
မြက်ရိတ်ရတယ်။
သူ့ရဲ့ခြံကကျယ်တော့
သီးပင်တွေရောစိုက်ထားတယ်။
မြန်မာလူမျိုးက အမေရိကန်ဖြစ်လာသူဆိုတော့
စိုက်တဲ့အထဲမှာ
ဘူးပင်တွေလည်းပါရဲ့။
စပြစ်ပင်တွေလည်းပါရဲ့။
ပန်းသီးပင်၊လိမ္မော်ပင်လည်းပါရဲ့။
အို…စုံနေတာပါပဲ။
သူတို့နိုင်ငံမှာက မျိုးစေ့ကိုစိုက်တာထက်
အဆင်သင့် ပျိုးပင်ကိုစိုက်တာများတယ်။
ဘာမဆိုဝယ်လို့ရတယ်။
အမေရေ…စာလည်းရှည်သွားပြီ။
နောက်များမှ
ရေးပါအုန်းမယ်။
အမေ ကျန်းမာရေးကို
ဂရုစိုက်ပါနော်။
အမေကို လုပ်ကျွေးခွင့်ပြုပါအမေ။
အမေအသက်ရှည်ပြီးကျန်းမာမှဖြစ်မှာလေ။
အမေကိုချစ်တဲ့သား
အောင်ဝင်းဟိန်း
ဘာလင်တန်မြို့ ၊(Burlington)
ကာရိုလိုင်းနား(မြောက်)ပြည်နယ်၊(North Carolina)
အမေရိကန်ပြည်ထောင်စု၊(USA)
