သို့
ချစ်တဲ့ အမေ
သားသတိတရစာရေးလိုက်ပါတယ်။
အမေနေကောင်းလား။
ကျန်းမာရေးဂရုစိုက်နော်။
အမေရေ..အမေ့ရဲ့မြေး၊မြစ်တွေ နေကောင်းကြလား။
သူတို့တွေ အားလုံးကို သတိရကြောင်းပြောပေးပါ။
အမေရိကားမှာတော့သိစရာတွေလည်း အများကြီးပါပဲ။
ယဉ်ကျေးမှုတွေ အများကြီးကွာခြားနေတယ်။
မတူတဲ့ယဉ်ကျေးမှုတွေကြားမှာ အစဉ်ပြေအောင်နေနိုင်ဖို့အတွက်
သိအောင်ကြိုးစားရတယ်။
နောက် ဘာသာစကားကလည်း မတူဘူး။
အချိန်တွေအများကြီးပေးပြီးသိအောင်ကြိုးစားအားထုတ်ရတယ်။
သိချင်တာတွေအများကြီးပါပဲ။
သိချင်စိတ်ကြောင့် အချိန်တွေ
ဘယ်လိုကုန်သွားမှန်းတောင်မသိလိုက်ပါဘူး။
သိချင်စိတ်ရှိနေတာကိုက ကံကောင်းတယ်လို့ပြောရမယ်ထင်တယ်။
ပျင်းရိငြီးငွေ့တာတွေဖြစ်ချိန်တောင် မရှိပါဘူး။
သိချင်စိတ်သာမရှိရင်တော့
စိတ်ညစ်ပြီးနောက်ကြောင်းပြန်လှည့်ချင်စိတ်
မကြာခဏဖြစ်မှာသေချာတယ်။
ဒီမှာက အလုပ်မရှိရင်လည်း စိတ်ရှုတ်စရာပါ။
အလုပ်မရှိတော့ ဝင်ငွေမရှိဘူးလေ။
ဝင်ငွေမရှိပဲ အမေရိကန်မှာ တာရှည်နေဖို့ဆိုတာ မလွယ်ကူလှဘူး။
ဝင်ငွေသာမရှိတာ၊ ကုန်စရာက ရှိနေတယ်လေ။
ဒါကြောင့်
ကိုယ်နဲ့ကိုက်ညီတာ၊မကိုက်ညီတာကိုရွေးချယ်ချိန်ကိုမရပါဘူး။
ရတဲ့အလုပ်ကို လုပ်ရတဲ့သဘောဖြစ်နေတယ်။
အလုပ်လက်မဲ့တွေ အမြင့်ဆုံးစံချိန်ကိုရောက်မှ
ကျနော်တို့ကလည်း အမေရိကန်ကိုရောက်လာတာမ်ို့
အခက်အခဲပိုတွေ့နေသလားမသိပါဘူး။
ငယ်စဉ်တုန်းက ကြားဖူးတဲ့စကား။
မုန့်ဝေချိန်မှာ ကိုယ်က မရှိဘူး။
ဒုတ်ဝေချိန်ရောက်မှ ကိုယ်ရောက်သလိုဖြစ်နေတယ်။
ဘာဘဲဖြစ်ဖြစ် မကောင်းတာလည်း မမြဲသလို
ကောင်းတာလည်း မမြဲဘူးလို့နှလုံးသွင်းလိုက်တော့လည်း
စိတ်သက်သာရာ ရခဲ့ပါတယ်။
ခက်တာက ဒီကိုစောစောရောက်နေသူတွေက အလုပ်မရှိတာပဲ
အမြဲမရှိသလိုပြောနေကြတာက စိတ်ရှုတ်စရာကောင်းလှပါတယ်။
သူတို့နဲ့စကားပြောရတာ အရာရာကို ပုံကြီးချဲ့နေသလိုပါပဲ။
အလုပ်မရှိတာကိုပဲ ငတ်သေတော့မယ့်အတိုင်းပြောဆိုနေကြတယ်။
အမေရိကန်မှာ ထမင်းဖြစ်ဖြစ်၊ပေါင်မုန့်ဖြစ်ဖြစ်
ငတ်သေတဲ့လူမကြားမိပါဘူး။
သူတို့တွေက လိုအပ်တာထက် လိုချင်တာကို ဦးစားပေးပုံရပါတယ်။
သူတို့တွေကိုကြည့်ရတာ လိုချင်တာတွေကို မထိန်းသိမ်းနိုင်တာမို့
အကြွေးတွေနဲ့ပတ်လည်ဝိုင်းနေပုံပေါ်တယ်။
သူတို့အဖို့ အလုပ်မရှိရင် ဝင်ငွေကမရှိတော့ဘူး။
ဝင်ငွေမရှိတော့ အကြွေးမပေးနိုင်တော့ဘူး။
အကြွေးမပေးနိုင်ရင် အိမ်ပေါ်ကဆင်းပေးရတော့မယ်။
အကြွေးနဲ့ဝယ်ထားတာမှန်သမျှ ဘဏ်ကပြန်သိမ်းတော့မှာဆိုတော့
အလုပ်မရှိမှာသေမလောက်ကြောက်နေကြသလားမသိပါဘူး။
သူတို့တွေလုပ်ခဲ့ဖူးတဲ့မော်တော်ကားသန့်ရှင်းရေးအလုပ်ကို
ပြောပေးတယ်။
အဲဒီမှာ နှစ်နှစ်ဆယ်နီးပါးလုပ်ခဲ့တယ်လို့ပြောကြတယ်။
ဘဝရဲ့အချိန်နှစ်(၂၀)လောက်ကို ပေးလိုက်ရပြီး
အိမ်တစ်လုံးဝယ်နိုင်တာကို တော်တော်ဂုဏ်ယူနေပုံရတယ်။
အလုပ်တစ်ခုဟာ ငွေတစ်ခုထဲနဲ့မလုံလောက်ပါဘူး။
ငွေတစ်ခုတည်းရတယ်ဆိုရင်တော့ ကိုယ့်ကိုယ်ကို
ရောင်းစားနေသလိုဖြစ်နေမှာပဲ။
ငွေရတဲ့အပြင် ကုသိုလ်လည်းရအုန်းမှ၊
ပညာလည်းရအုန်းမှ တန်မှာလေ။
ကုသိုလ်ရဖို့ကတော့ဘာမှ မခက်ပါဘူး။
အဲဒီအလုပ်မှာ
စိတ်ကောင်းစေတနာကောင်းထားပြီးလုပ်တတ်ဖို့သာလိုပါတယ်။
အလုပ်ကနေ ငွေရလို့ကိုယ်အကျိုးရှိသလို
လုပ်ငန်းရှင်လည်းအကျိုးရှိအောင်လုပ်ပေးရမှာပဲ။
ပြီးတော့…
ငွေပေးပြီး စားသုံးသူ(Customers)တွေလည်း
အကျိုးရှိအောင်စေတနာကောင်းနဲ့လုပ်ပေးဖို့လိုတာပေါ့။
စိတ်စေတနာကောင်းထားရင် အလုပ်ကနေ ကုသိုလ်ကဖြစ်ပေါ်နေတာပါပဲ။
ပညာရဖို့ကတော့ အားထုတ်မှုလိုလာတယ်။
ကိုယ်လုပ်နေတဲ့အလုပ်က ပညာတွေ ဘယ်လောက်ရနိုင်သလဲ။
ဘယ်လိုပညာမျိုးလဲ။ ဘယ်လောက်အချိန်ပေးရမှာလဲ။
ကိုယ့်အတွက် အသက်မွေးဝမ်းကြောင်းနိုင်တဲ့ပညာမျိုးလား။
ဒါမှမဟုတ် ကိုယ့်အတွက်ရော အများအတွက်ပါ
အကျိုးပြုနိုင်တဲ့ပညာမျိုးလား။
လားပေါင်းမြောက်များစွာကိုမေးပြီးလေ့လာဖို့လိုအပ်လာတယ်။
အခုလုပ်တဲ့ကားသန့်ရှင်းရေးအလုပ်က
ရေရယ်၊လေရယ်၊နေရယ်ကိုအသုံးပြုပြီးစီးပွားရှာရတဲ့အလုပ်ဆိုတာ
အလုပ်လုပ်ရင်းနဲ့သိလာတယ်။
လေကိုအသုံးပြုတာက ရောက်လာတဲ့ကားရဲ့အတွင်းသန့်ရှင်းရေးကို
Vacuum( လေနဲ့ဖုန်စုပ်ထုတ်တဲ့အလုပ်) လုပ်ရတယ်။
အတွင်းက ဖုန်၊အမှိုက်တွေကို သန့်ရှင်းသွားပြီဆိုရင်
ရေနဲ့ဆေးကြောရတယ်။
ရေနဲ့ဆေးကြောပြီးပြီဆိုရင် နေရောင်မှာ ကားကို အရောင်တင်ရတယ်။
ကားက အသစ်အတိုင်းဖြစ်သွားအောင် ပြောင်လက်နေမှလည်း
ကားပိုင်ရှင်တွေက နှစ်သက်မှာဆိုတော့
နေရောင်ခြည်ကောင်းကောင်းရတဲ့အချိန်မျိုးဆိုရင်
ပိုပြီးအလုပ်ဖြစ်တယ်။
လေအတွက် လေစုပ်စက်ရင်းနှီးရမယ်။
ရေအတွက်အမေရိကန်မှာဘာခက်တာမှတ်လို့။
ရေကို Recycle ပြန်လုပ်တော့ ရေလည်းအထူးကုန်တာမဟုတ်ဘူး။
နေရောင်ခြည်ဆိုရင်ပိုလို့တောင် အကုန်အကျသက်သာသေးတယ်။
ဆပ်ပြာရည်တို့၊အရောင်တင်အရည်တို့ကလည်း ဈေးမကြီးပါဘူး။
ကားတစ်စီးအတွက်ယူထားတဲ့နှုန်းက
အဆပေါင်းများစွာယူထားတာကိုတွေ့ရတယ်။
အရင်းအနှီးက ဘယ်မှာသွားများသလဲဆိုတော့
နေရာတစ်ခုအတွက်ငှားရမ်းခပါပဲ။
နေရာအကျယ်အဝန်းက ကြီးမားကျယ်ဝန်းမှဖြစ်မှာဆိုတော့
အဲဒီအတွက် ငွေအမြောက်အများပေးရတယ်။
(စုံစမ်းကြည့်တာ ဒေါ်လာ သန်းဂဏန်းတောင်ရင်းနှီးရတယ်ဆိုပါလား)
နောက်တစ်ခုက အလုပ်သမားခဈေးကြီးတယ်။
အစိုးရက အခြေခံအနိမ့်ဆုံးလစာကိုသတ်မှတ်ထားတယ်။
အလုပ်ချိန်ကို သတ်မှတ်ထားတယ်။
အလုပ်သမားအခွင့်အရေးကို သတ်မှတ်ထားတယ်။
ဒီတော့ အလုပ်ရှင်တွေက အမြတ်အစွန်းများများကျန်အောင်
တော်တော်သတိထားပြီးလုပ်ရတယ်။
ဥပဒေနဲ့မညှိစွန်းအောင်သတိထားရတယ်လေ။
ဘာဘဲပြောပြော အလုပ်ရှင်က အလုပ်သမားဆီက
လုပ်ခထက် ဆယ်ဆမကရအောင် လုပ်တတ်ပါတယ်။
တွက်ခြေကိုက်အောင်
အလုပ်သမားတွေရဲ့လုပ်အားကို ကြံကြိတ်စက်ထဲက ထွက်လာတဲ့
ကြံရည်လို ညှစ်ထုတ်တတ်ပါတယ်။
အလုပ်သမားကို ကြံဖတ်တွေလိုဖြစ်အောင်လုပ်တတ်ပါတယ်။
ကားသန့်ရှင်းရေးအလုပ်ကလည်း တကယ့်လေ့လာမယ်ဆိုရင်
လပိုင်းအတွင်း တတ်မြောက်နိုင်တဲ့ပညာမျိုးပါ။
အရမ်းပညာသားပါတဲ့အလုပ်က မရှိသလောက်ပါပဲ။
ဒီအလုပ်ကို
နှစ်ပေါင်းများစွာလုပ်ပြီးပြင်ပလေ့လာအားထုတ်မှုတစ်ခုမှ
မလုပ်တော့ဘူးဆိုရင်တော့
အဲဒီလူဟာ တော်တော်ဥာဏ်တုန်းတော့မယ့်လူတစ်ယောက်ဖြစ်မှာသေချာတယ်။
ဘာကြောင့်ဆိုတော့ ဘာပညာသားမှမပါတဲ့အလုပ်ဖြစ်နေလို့ပေါ့။
အဲဒါကြောင့်ပြောပါတယ်။
ဒီအလုပ်ကို နှစ်ပေါင်းနှစ်ဆယ်၊အစိတ်လောက်လုပ်ပြီးမှ
အိမ်တွေ၊ကားတွေပိုင်ဆိုင်နေတာဟာ
ဂုဏ်ယူစရာလားလို့မေးရင်ဘယ်လိုဖြေမလဲ။
ကိုယ့်ကိုယ်ကို ငွေတစ်ခုတည်းနဲ့
ရောင်းစားနေတာနဲ့အတူတူပါပဲလို့။
ပညာက လပိုင်းအတွင်းမှာပဲဆုံးခမ်းတိုင်သွားပြီ။
ကုသိုလ်ကလည်း စေတနာကောင်းနဲ့ဆက်ဆံမှဖြစ်မှာလေ။
အလုပ်လုပ်စက ပင်ပန်းပါတယ်။
အမေကိုလုပ်ကျွေးနေတာပဲဆိုတဲ့အတွေးကိုတွေးဖြစ်တော့
ပင်ပန်းတာကို သီးခံနိုင်လာတယ်။
အချိန်နည်းနည်းကြာလာတော့ ပင်ပန်းတာကို ခံနိုင်ရည်ရှိလာပါတယ်။
ဒီတော့ အလုပ်မှာပျော်လာပါတယ်။
ကားတွေကမျိုးစုံလာတယ်။
တစ်နေ့ကို အစီးနှစ်ရာ၊သုံးရာလောက်ကိုရှိမယ်ထင်တယ်။
မြင်ဖူးတာရော၊မမြင်ဖူးတာရောစုံအောင်ကိုလာကြတယ်။
စီးဖူးတာရော၊မစီးဖူးတာရောစုံလို့ပါပဲ။
အဲဒီကားတွေကို တစ်နေရာက တစ်နေရာကို မောင်းပြီးပို့ပေးရတယ်။
ဒီတော့ ကားမျိုးစုံကိုမောင်းဖူးသွားတာကိုက
ပျော်စရာကောင်းပါတယ်။
နောက်တစ်ခုက အလုပ်သမားအများစုက မက်စီကန်တွေဖြစ်တယ်။
မြန်မာဆိုရင် ကျနော်တစ်ယောက်တည်းပါ။
မက်စီကန်တွေကြားမှာ သူတို့ရဲ့ဘာသာစကားကိုသင်ဖြစ်တယ်။
ဒါကလည်းပျော်စရာကောင်းပါတယ်။
အင်္ဂလိပ်စကားလည်းပြောဖြစ်တယ်။ မက်စီကန်စကားလည်းပြောဖြစ်တယ်။
နေ့တိုင်းတော့ အသိတစ်ခုမဟုတ်တစ်ခုတော့တိုးတက်နေတာကို
ကျနော်ပျော်ပါတယ်။
အလုပ်က အချိန်ပိုင်းလုပ်ရတဲ့အလုပ်ပါ။
အစပိုင်းမှာ တစ်ပတ်မှာ သုံးရက်သာရတာပါ။
နောက်ပိုင်းရောက်လာတော့ အလုပ်ကိုကြိုးစားတာကိုတွေ့တော့
နှစ်ရက်ထပ်တိုးပေးတယ်။
ဒီတော့ တစ်ပတ် ငါးရက်လုပ်ဖြစ်သွားတယ်။
ရတဲ့လခက နည်းပါတယ်။
ရွှေယုံလေးရတဲ့လခရဲ့တစ်ဝက်တောင်မရပါဘူး။
အလုပ်မရှိတာနဲ့စာရင် အလုပ်ရှိနေတာက
ပိုကောင်းတာမို့လုပ်ဖြစ်နေတာပါ။
“ကျနော့်ကိုယ်ကျနော်များ ရောင်းစားနေသလိုဖြစ်နေသလား”
လို့လဲ မကြာခဏတွေးမိပါတယ်။
ကျနော်ပို့လိုက်တဲ့ငွေတွေက အဲဒီကရတဲ့ငွေပဲအမေ။
အမေစားချင်တာစားပါ။
လိုချင်တာဝယ်ပါ။
လှူချင်တာလှူပါ။
ကဲ...ဒီနေ့တော့ ဒီလောက်ပဲပြောပါရစေအမေ။
အလုပ်ရှိသေးလို့သွားလိုက်ဦးမယ်။
နောက်များမှ အမေရိကန်အတွေ့အကြုံကိုပြောပြပါ့မယ်။
ချစ်တဲ့သား
အောင်ဝင်းဟိန်း
ဆန်ဟိုဆေးမြို့(San Jose)
ကယ်လီဖိုးနီးယားပြည်နယ်(California)
အမေရိကန်ပြည်ထောင်စု(USA)
၁၁-၁-၂၀၁၁
