သို့
ချစ်တဲ့အမေ
သားသတိရစွာဖြင့်စာရေးလိုက်ပါတယ်။
သားအမေရိကန်နိုင်ငံကိုသွားဖို့အကြောင်းပေါ်လာတယ်။
ဒါဟာ သားအတွက် အဝေးဆုံးကို ရက်ကြာကြာနေရဖို့ပေါ်လာတဲ့ပထမဦးဆုံးခရီးစဉ်ပါပဲ။
အမေ လေဆိပ်ကို လိုက်ပို့မလားလို့သားမေးတော့ အမေက
“ ကျန်းမာရေးကောင်းရင်လိုက်ပို့မှာပေါ့”လို့ဖြေတယ်။
အော်…အမေရဲ့အသက်က ၈၈-နှစ်ရှိပြီဆိုတော့
ကျန်းမာရေးဟာအရာရာထက်အရေးကြီးနေပါလားလို့သတိထားမိပါတယ်။
ဒါပေမယ့်
ကျနော်ချစ်ခင်လေးစားတဲ့ အမေကို လိုက်ပို့စေချင်တယ်။
ကျနော်မှာလုံလောက်တဲ့အကြောင်းရှိတယ်အမေ၊
ဒီမမြဲတဲ့လောကကြီးမှာ ကမ္ဘာ့အရှေ့နဲ့အနောက်လိုဝေးတဲ့နိုင်ငံနှစ်ခုမှာ
တစ်ဦးနဲ့တစ်ဦးပြန်ဆုံဖို့ဆိုတာ မသေချာတဲ့အကြောင်းဖြစ်နေတယ်အမေ။
ဒါကြောင့်အမေကို လေဆိပ်ကနူတ်ဆက်ချင်မိတယ်။
တကယ်လို့အမေ လိုက်မပို့နိုင်လောက်အောင် မကျန်းမမာဖြစ်ရင်လည်း
သားအတင်းအကြတ်မတောင်းဆိုပါဘူး။
ဒါပေမယ့်
အမေကကျန်းမာနေတဲ့အတွက် သားကိုလိုက်ပို့ဖြစ်အောင်လိုက်ပို့တယ်။
သားအရမ်းဝမ်းသာရပါတယ်။
ခွဲခွာခါနီးအချိန်မှာ အမေ မငိုတာကိုလည်း သားဝမ်းသာမိတယ်။
လေဆိပ်မှာ အမေကိုသားနူတ်ဆက်အနမ်းနမ်းလိုက်မိတာကိုလည်း သားဝမ်းသာတယ်။
ကျနော်ရဲ့ငယ်သူငယ်ချင်းတင်ဝင်းကပြောဖူးတယ်။
“ သူငယ်ချင်း အမေနဲ့ပတ်သက်ပြီး
ငါနောင်တရတဲ့အကြောင်းတစ်ခုရှိတယ်။
အမေ အသက်ရှင်တုန်းက အမေ့ကို ငါနမ်းဖို့မေ့နေခဲ့တယ်။
အမေဟာ ငါ့လက်ပေါ်မှာ ကွယ်လွန်သွားတော့ အဲဒီတော့မှ အမေ့ကို ငါနမ်းဖို့သတိရတယ်။
ငါ နမ်းလိုက်တဲ့အချိန်မှာ အမေက အသက်မရှိတော့ဘူး။
ဘာမှ သိမသွားလိုက်တာကို ငါနောင်တရမိတယ်။
မင်းလည်း ငါ့လိုမဖြစ်စေချင်ဘူးကွာ၊
အမေအသက်ရှင်တုန်း နမ်းဖြစ်အောင် နမ်းလိုက်စမ်းပါ”တဲ့။
ဒီကောင့်စကားက ကျနော်အမေ့ကိုနမ်းဖြစ်ဖို့တွန်းအားဖြစ်စေခဲ့ပါတယ်။
အမေ့ကိုနမ်းနေကျ မဟုတ်တော့အမေက အံ့သြသွားတယ်။
ပြီးတော့ အမေက ပြုံးတယ်။
အမေ့ကိုလက်ပြပြီးလေဆိပ်ထဲဝင်သွားဖြစ်တယ်။
အမေက လေယာဉ်ပေါ်တက်တဲ့အထိ လက်ပြချင်မှန်းသိပေမယ့်
ရန်ကုန်လေဆိပ်ဆိုတော့ အဲဒီအခွင့်အရေး အမေမရနိုင်ဘူးဖြစ်နေတယ်။
ကျနော်ထွက်ခွာသွားတာကို အမေ မတွေ့လိုက်ပေမယ့်
အမေထွက်ခွာသွားတာကို ကျနော်တွေ့နေတယ်။
နောက်ဆုံးအချိန်ထိတိုင် အမေလက်ပြခဲ့တယ်ဆိုတာ ကျနော်သိနေပါတယ်။
ကျနော် ငိုချင်မိတယ်။
သတ္တိရှိတဲ့အမေက မငိုတော့ ကျနော်မျက်ရည်ကျဖို့ခက်နေတယ်။
ရန်ကုန်လေဆိပ်မှာ စစ်ဆေးမှုအဆင့်ဆင့်ကိုကျော်ဖြတ်ရတယ်။
ရင်ခုန်နှုန်းအရမ်းမြန်တဲ့အချိန်ပေါ့။
ဘာမှမသေချာဘူးလေ။
သူတို့စိတ်ထဲအခန့်မသင့်တာနဲ့ကိုယ်ကျန်ခဲ့ဖို့က
သေချာသလောက်ဖြစ်တတ်တာမို့ စိုးရိမ်မိတာလည်းအမှန်ပါပဲ။
တာဝန်ရှိမိတ်ဆွေအချို့ရဲ့ကူညီမှုကြောင့်အစစအရာရာအစဉ်ပြေသွားတယ်။
အခက်အခဲဆုံးအဆင့်ကို ကျော်ဖြတ်နိုင်တာမို့ဝမ်းသာရပါတယ်။
ရန်ကုန်လေဆိပ်က ည ၇နာရီ၄၀မိနစ်မှာ လေယာဉ်ထွက်ဖြစ်တယ်။
အဲဒီ မှတ်မှတ်ရရ နေ့ကတော့ ဖေဖေါ်ဝါရီလ-၁၈နေ့(သောကြာနေ့)ဖြစ်ပါတယ်။
လေယာဉ်က အလွန်ကြီးမားလှပါတယ်။
အပြောင်းအလဲကို စတင်ခံစားမိပါတယ်။
အမှောင်ရပ်ဝန်းကနေ
ထိန်ထိန်လင်းနေတဲ့အလင်းရောင်အောက်ကို
ရောက်လာတဲ့အတွက်ကြောင့်ဖြစ်ပါတယ်။
ထိုင်းလေဆိပ်ကတော့ လင်းထိန်ပြီး ခေတ်မီလိုက်တာမပြောပါနဲ့တော့။ပျော်စရာကြီးပါ။
အဲဒီညမှာ ထိုင်းလေဆိပ်မှာ တစ်ညအိပ်လိုက်ရတယ်။
ဒယ်တာလေကြောင်းလိုင်းက နောက်တစ်နေ့နံက်မှရှိမှာဖြစ်တယ်အမေ။
ထိုင်းလေဆိပ်ထဲ လိုက်လည်ရင်တောင် တစ်ညလုံး လည်လို့မကုန်နိုင်ပါဘူး။
နနနီနိုင်ငံခြားသားတွေလည်း များလိုက်တာ။
တစ်ခါမှ ဒီလောက်များတာ မတွေ့ဘူးတော့ အံသြမိတယ်။
အမေရေ...စာလည်းရှည်သွားပြီ။
အမေမျက်မှန်ထူထူနဲ့စာဖတ်တာကို အားနာလို့ပါ။
ကျန်းမာရေးကို ဂရုစိုက်နော်။
အမေကျန်းမာပါစေလို့ဆုတောင်းပေးနေပါတယ်။
အမေကို ဦးတင်ကတော့လိုက်ပါတယ်။
ချစ်တဲ့သား
အောင်ဝင်းဟိန်း
ဆန်ဟိုဆေး ( San Jose )
ကာလီဖိုးနီးယား ( California )
အမေရိကန်နိုင်ငံ ( U.S.A )
မေလ ၈-ရက်နေ့၂၀၁၁
( အမေများနေ့ကို ဂုဏ်ပြုပါတယ်။)
