သို့
ချစ်တဲ့အမေ
သားသတိရစွာဖြင့်စာရေးလိုက်ပါတယ်။
ဒီနိုင်ငံမှာတော့ လျှပ်စစ်မီးတွေထိန်ထိန်လင်းနေတယ်အမေ။
ရောက်လာကထဲက မီးပျက်တာလည်းတစ်ခါမှ မရှိပါဘူး။
“မီးပျက်ဖူးလား” လို့မေးကြည့်တော့ သူတို့တွေအံသြနေကြတယ်။
“ဘာကိုမေးတာလဲ” တဲ့။
သူတို့တွေနားမလည်တဲ့ဝေါဟာရဖြစ်နေပုံရတယ်။
အမေတို့ဆီမှာရော မီးမှန်မှန်လာနေပြီလား။
အမေက ကိုးရီးယားကားတွေဆို ကြိုက်တတ်တော့
မီးမပျက်တော့ဘူးဆိုရင် အမေစိတ်ချမ်းသာမှာ
အမှန်ပဲလို့တွေးနေမိတယ်။
ဒီမှာတော့ နေ့နေ့ညည မီးတွေထိန်ထိန်လင်းနေတာပါပဲ။
နေ့နဲ့ညဟာ အတူတူလိုဖြစ်နေပါတယ်။
ကျနော်အလုပ်စရတုန်းက အကြောင်းကိုပြောရအုန်းမယ်။
အလုပ်ကရပြီ၊ ဘယ်နေရာမှာ အလုပ်ဆင်းရမှန်းမသိဘူး။
အိမ်ရှင်အမျိုးသားက လိပ်စာနဲ့
GPS လို့ခေါ်တဲ့ ကားမှာပါတဲ့မြေပုံလမ်းညွှန်ကိုသာပေးလိုက်တယ်။
လိုက်မပို့ဘူး။သူကလည်းအလုပ်ကိုဖျက်ပြီးလိုက်မပို့နိုင်ဘူးလေ။
အလုပ်ကို ဘယ်လိုသွားရမယ်ဆိုတာ မသိတာကြောင့်
အလုပ်ရတဲ့အတွက် ဝမ်းမသာနိုင်ဘူး။ စိတ်ရှုတ်နေရတယ်။
ကားမောင်းရင် နာရီဝက်ကျော်ကျော်လောက်မောင်းရမယ်ဆိုတော့
၁၅-မိုင်ကျော်ကျော်လောက်ရှိမယ်ထင်တယ်။
ကျနော်သွားမယ့်လမ်းကြောင်းမှာ ကာပူးလိမ်း(Carpool
lane)ရှိတယ်တဲ့။
အဲဒီလမ်းကြောင်းကို မှားမောင်းမိရင်
ဒဏ်ငွေက ဒေါ်လာတစ်ထောင်ကျော်ဆောင်ရမယ်တဲ့။
ပိုလန့်သွားတာပေါ့။
မြန်မာငွေနဲ့တွက်ရင် ဆယ်သိန်းကျော်ပေးရမယ့်အလုပ်ကတော့
လန့်စရာပါအမေ။
အလုပ်ကရမယ့်လခက တစ်ထောင်ရဖို့မသေချာသေးချိန်မှာ
ဒဏ်ဆောင်ရမယ့်ကိစ္စက သေချာပေါက်ပေးရမယ့်ကိစ္စဆိုတော့
လန့်တာပေါ့။
စားစရာမရှိ၊လျှော်စရာရှိဆိုသလိုဖြစ်နေမှာစိုးမိပါတယ်။
အမှန်ပြောရရင် ကားလိုင်စင်စာမေးပွဲသာ အောင်ပြီးလိုင်စင်သာရလာတာ
ကာပူးလိမ်း(Carpool lane)ကို မသိခဲ့ဘူး။
အိမ်ရှင်လင်မယားက ခြောက်လန့်စကားကိုပြောပြီး
အလုပ်ကိုသွားကြလေရဲ့။
ကျနော့်မှာ ဘာဆက်လုပ်ရမှန်းမသိဘူး။
ကံကောင်းချင်တော့ အဲဒီနေ့က မိန်းမက
တစ်ပတ်တစ်ရက်ရတဲ့နားရက်ဖြစ်နေတယ်။
မိန်းမကို ပြောပြရတာပေါ့။
မ်ိန်းမက အိမ်မှာ ကျန်ခဲ့တဲ့အဖိုးအဖွားတွေကို
အကူအညီထပ်တောင်းတယ်။
သူတို့က လိုလိုလားလား လိုက်ပို့ပေးပါတယ်။
သူတို့ကို ကျေးဇူးတင်လိုက်တာမပြောပါနဲ့တော့။
လက်တွေ့မောင်းကြည့်တော့မှ ကာပူလိမ်း(Carpool
lane)ဆိုတာကိုသိရတော့တယ်။
ကာပူလိမ်း(Carpool lane)ဆိုတာက
အမေရိကန်မှာက လူတစ်ယောက်ကားတစ်စီးနှုန်း
မောင်းနေကြတယ်။
ရုံးချိန်ဆိုရင် ကားတွေအရမ်းကြတ်တယ်။
အဲဒါကို ကာကွယ်တဲ့အနေနဲ့လမ်းတစ်လမ်းကို ကားမောင်းသူအပါအဝင်
နှစ်ယောက်နဲ့အထက်
ပါမှ မောင်းခွင့်ရတဲ့ကားလမ်းကိုခေါ်တာပါ။
အမြန်လမ်း(Express Way)လို့ခေါ်တဲ့ကားလမ်းတွေမှာတော့
ကာပူလိမ်း(Carpool lane)က
ကားလမ်းရဲ့ညာဖက်မှာရှိနေတာကိုတွေ့ရတယ်။
ဖရီးဝေး (Free Way)တွေမှာတော့
ကားလမ်းရဲ့ဘယ်ဖက်မှာရှိတာကိုတွေ့ရတယ်။
အမြန်လမ်း(Express Way)နဲ့ ဖရီးဝေး (Free Way)…….
ဘာကွာသလဲလို့မေးကြည့်တော့
အမြန်လမ်း(Express Way)က တစ်နာရီမိုင်
(၄၅-၅၀)အတွင်းမောင်းနှင်ရတဲ့လမ်းတွေဖြစ်တယ်။
မီးပွိုင့်တွေလည်းရှိတယ်။မီးပွိုင့်တိုင်းမှာ
ကွန်ပျူတာကင်မရာတွေတပ်ဆင်ထားတယ်။
ဖရီးဝေး (Free Way)ကတော့ တစ်နာရီမိုင်
၆၅မိုင်အထက်မောင်းနှင်နိုင်တဲ့လမ်းတွေဖြစ်တယ်။
ဖရီးဝေး (Free Way)မှာ မီးပွိုင့်တွေမရှိဘူး။
Exit ဆိုတဲ့ထွက်ပေါက်တွေကတော့လမ်းရဲ့ညာဖက်မှာရှိတယ်။
အဝေးပြေးလမ်းမကြီးတွေပေါ့။
အချိန်တိုင်းလိုလို ကားတွေကလည်းပြည့်နေတာပဲ။
အမေရေ…
နေ့တိုင်း တစ်နေ့ကို တစ်နာရီကျော်ကျော်လောက်မောင်းနေတဲ့အတွက်
ကျနော်ကားမောင်းကျွမ်းကျင်နေပြီ။
မြန်မာပြည်ပြန်လာရင် ကားတစ်စီးကို ကိုယ်တိုင်မောင်းပြီး
မြန်မာပြည်အနှံဘုရားဖူးသွားကြရအောင်နော်။
မိန်းမရဲ့အမျိုးအိမ်မှာ နေရတာ ရောက်စမှာတော့
ကောင်းသလိုလိုပါပဲ။
လင်မယားနှစ်ယောက်စလုံးအလုပ်ရလာတော့
ဝင်ငွေလည်းအထိုက်အလျှောက်ရလာချိန်မှာ
ဘယ်လိုသဘောထားတွေပြောင်းသွားသလဲမသိပါဘူး။
သူတို့ရဲ့အတိတ်ကရွှေထီးဆောင်းခဲ့ရတဲ့အကြောင်းတွေကိုပြောတာများလာတယ်။
ပြီးတော့ ကျနော်တို့ဝင်ငွေက်ို
သူတို့စီမံခန့်ခွဲဖို့နည်းမျိုးစုံလုပ်လာတယ်။
ကျနော်တို့ကို အ်ိမ်မှာရုပ်သေးရုပ်လေးတွေလိုနေစေချင်ပုံရတယ်။
လွှမ်းမိုးဖို့ကြိုးစားလာတယ်။ ချုပ်ချယ်လာတယ်။
စားချင်တိုင်းလည်းမစားရ၊
အိပ်ချင်တိုင်းလည်း မအိပ်ရ၊
နေချင်တိုင်းလည်းမနေရတဲ့ဒုက္ခကိုခါးစည်းပြီးခံစားရတာနေ့စဉ်နဲ့အမျှပါပဲ။
ကျနော်က တစ်နေ့ကို တစ်နပ်သာ စားတတ်တဲ့သူပါ။
အလုပ်သွားလို့ထမင်းဟင်းထည့်ပြန်ရင်လည်း
များလို့၊နောက်လူအတွက်မကျန်လို့၊ဆိုတဲ့အသံကို
နောက်ပြန်ကြားရတော့
စိတ်မကောင်းဖြစ်မိတယ်။
အစားနဲ့ပတ်သက်ပြီးအပြောခံရတာကို ခံစားရတယ်။
နောက်ပိုင်းကျနော် လုံးဝကို မစားပဲ
အပြင်မှာပဲဝယ်စားတဲ့အချိန်ရောက်လာတယ်။
ဆွေမျိုးတွေလို သဘောထားသလားဆိုတော့လည်း မဟုတ်ဘူး။
ဒီတော့ အိမ်ရှင်၊အိမ်ငှားတွေလို သဘောထားတာပဲနေမှာပဲဆိုပြီး
ရှင်းရှင်းလင်းလင်းနေပြန်တော့ မဟုတ်ပြန်ဘူး။
တစ်ခါတစ်လေအိမ်ပြန်နောက်ကျရင်ပြောလို့မပြီးဘူး။
ပူညံပူညံနဲ့နားညီးအောင်ကြားနေရတယ်။
လွတ်လပ်ချင်လို့မြန်မာပြည်ကထွက်လာပါတယ်။
ဒီရောက်တော့ ဟိုလောက်တောင်
မလွတ်လပ်တဲ့နေရာကိုရောက်နေသလိုခံစားရတယ်။
ရုပ်သေးရုပ်တွေနေမှကြိုက်မတဲ့လား
ဘယ်လိုနေရလဲဆိုတာ မသိပါဘူး။
အဝင်လွယ်ပြီးအထွက်ခက်နေတယ်အမေရေ…
တင်းကြပ်တဲ့စည်းကမ်းတွေထုတ်လာတယ်။
ည(၉-နာရီ)ထက်နောက်မကျအောင်ပြန်လာရမယ်တဲ့။
လူသတ်သမားတွေကပ်ပါလာရင်ဘဲနဲ့လုပ်မလဲတဲ့။
သူတို့တွေ ဘာကိုကြောက်နေသလဲမသိပါဘူး။
သူတို့ရဲ့အတိတ်ကိုလည်း မမေးဖြစ်ပါဘူး။
စိတ်လည်း မဝင်စားပါဘူး။
သူ့တို့အတိတ်က သူတို့နဲ့ပဲဆိုင်တယ်။
ကြောက်အောင်လုပ်ခဲ့ရင်တော့
ကြောက်နေရမှာပဲ။
ည (၉-နာရီ)ဆိုတာ ရောက်စတုန်းက
မိုးတောင်မချုပ်သေးဘူး။
နေရောင်ခြည်ကို မြင်နေရတုန်းပဲ။
အခုဆိုရင် မိုးချုပ်ကာစပဲရှိသေးတယ်။
ဆွေမျိုးလိုလည်းနေလို့မရ၊
အိမ်ရှင်အိမ်ငှားလိုလည်းနေမရဆိုတော့
ဘယ်လိုနေရမှာလဲ။
နောက်ဆုံးနေလို့မဖြစ်တော့မှန်းသိတော့
အပြင်မှာ
အိမ်ငှားဖို့ကြိုးစားရတော့တယ်။
ဒါကိုသိသွားတော့ မကြိုက်ပြန်ဘူး။
နည်းမျိုးစုံတားမြစ်တယ်။
အော်…လွယ်လွယ်ကူကူ
တစ်လရှစ်သိန်းရနေတော့လည်း
ဘယ်လက်လွှတ်ချင်မလဲဆိုတာကို နားလည်လိုက်မိပါတယ်။
ဆက်နေရင်
အကျယ်ကျယ်မငြိမ်းဖွယ်ဖြစ်လာနိုင်တာမို့
လင်မယားနှစ်ယောက်တိုင်ပင်ပြီး
အိမ်ခန်းတစ်ခန်းကို
တစ်လဆယ်သိန်းကျော်နဲ့ငှားလိုက်တယ်။
အဲဒီအခန်းကိုမပြောင်းခင်တစ်ပတ်အလိုမှာတော့
အမေရေ..
ရုပ်ရှင်ထဲက
ဒုတိယကမ္ဘာစစ်ကြီးဖြစ်နေတဲ့အတိုင်းပါပဲ။
လေကြောင်း တိုက်ပွဲကပြင်းထန်လွန်းလှတယ်။
တစ်ဖက်သတ်ပါအမေရာ..
ကျနော်တို့က ဗုံးကျဲခံရသူတွေပါ။
အမေသိအောင်ပြောပြတာပါ။
စိတ်မကောင်းမဖြစ်ပါနဲ့။
ရွှေမရှိရင် မျိုးမတော်ပါဘူး။
ဒါကိုဆွေမျိုးလို့ခေါ်ပါတယ်။
ငယ်စဉ်တုန်းက မရခဲ့ဖူးတဲ့အတွေ့အကြုံတွေကို အခုမှ
မဆန့်ရင်ကာ ရနေပါလား။
အခုရတဲ့အတွေ့အကြုံတွေက ခါးသီးလွန်းလှပါတယ်။
အမေကိုမလိမ်၊မညာပြောပြတာပါ။
အဲဒါက အမေရိကန်ရောက်မြန်မာတစ်ယောက်ရဲ့အတွေ့အကြုံလို့
သဘောထားလိုက်ပေါ့။
ကဲ...အမေလည်း ကျန်းမာရေးကိုဂရုစိုက်ပါဦး။
ကျနော်ကတော့ လူကတော့ ကျန်းမာတယ်။
စိတ်မကျန်းမာတော့ပေါင်ချိန်(၂၀)ကျော်လောက်ကျသွားတယ်။
ကိုယ်ရည်စစ်သွားတာပေါ့လေ။
ဒါပါပဲ
အမေကိုချစ်တဲ့သား
အောင်ဝင်းဟိန်း
ဆန်ဟိုဆေးမြို့(San Jose)
ကယ်လီဖိုးနီးယားပြည်နယ်(California)
အမေရိကန်ပြည်ထောင်စု(USA)
၁၁-၂၁-၂၀၁၁
